Ný lög til höfuðs Airbnb samþykkt í New York Una Sighvatsdóttir skrifar 22. október 2016 14:15 New York borg er stærsti markaður Airbnb í Bandaríkjunum en víða um heim er nú sótt að starfseminni vegna áhrifa hennar á almennan húsnæðismarkað. Ný lög til höfuðs Airbnb voru samþykkt í New York ríki í gær. Fyrirtækið hefur nú þegar kært lagasetninguna. New York borg er stærsti markaður Airbnb í Bandaríkjunum en víða um heim er nú sótt að starfseminni vegna áhrifa hennar á almennan húsnæðismarkað. Frá árinu 2010 hefur verið ólöglegt í New York að leigja út heilar íbúðir til skemmri tíma en 30 daga. Það breytir því þó ekki að Airbnb hefur blómstrað því viðurlögin eru engin þótt fjöldi íbúðareigenda leigi út til ferðamanna í mun skemmri tíma. Til að komast fyrir þetta samþykkti ríkisstjóri New York, Andew Cuomo, í gær ný lög sem innleiða háar sektargreiðslur, sem nemur allt að 860.000 krónum, fyrir að auglýsa íbúð til færri en 30 daga. Innan örfárra klukkustunda höfðu eigendur Airbnb brugðist við með því að höfða mál gegn lagasetningunni fyrir alríkisdómstól Bandaríkjanna. Verðmæti Airbnb hefur þrefaldast á aðeins tveimur árum og er fyrirtækið nú metið á 30 milljarða dala, en það starfar á gráu svæði lagalega um allan heim. Yfirvöld í vinsælum ferðamannaborgum eins og Berlín, Barcelona og Amsterdam og San Francisco hafa undanfarið gert atlögu að starfseminni með hertum lögum, til þess að sporna við því að skammtímaleiga til ferðamanna geri heimamönnum ómögulegt að finna húsnæði til langs tíma. Nýju lögin í New York eru ein þau hörðustu sem sett hafa verið til þessa til höfuðs Airbnb í Bandaríkjunum og eru högg fyrir fyrirtækið enda er New York borg stærsta markaðssvæði fyrirtækisins í landinu og velti milljarði dala í tekjum á síðasta ári. Í málsókninni sem lögð var fram gegn ríkinu í gær kemur fram að eigendur Airbnb telji nýju lögin valda fyrirtækinu óbætanlegum skaða og setja óeðlilegar kvaðir á starfsemina með því að krefjast þess að hver einasta auglýsing sem þar birtist sé vöktuð. Þingkonan Linda Rosenthal sem mælti fyrir lögunum segir hins vegar að með þeim setji New York mikilvægt fordæmi fyrir Bandaríkin öll og önnur lönd sem glími við Airbnb. Á Íslandi taka ný lög um skammtímaleigu gildi í janúar á næsta ári en samkvæmt þeim verður fasteignareigendum ekki heimilt að leigja út íbúðir sínar í fleiri en 90 nætur á ári án þess að sækja um sérstakt leyfi til gistirekstrar. Líkt og í nýju lögum New York ríkis mun brot á lögunum nema sektargreiðslu, allt að milljón krónum. Mest lesið „Enginn kvartað yfir því þegar ég hef skúrað“ Atvinnulíf Frestun sölu Íslandsbanka jákvæð fyrir markaðinn Viðskipti innlent Kormákur og Skjöldur flytja í Brynjuhúsið eftir algjöra yfirhalningu Viðskipti innlent Óljóst hvort breytingarnar bjargi rekstri Play Viðskipti innlent Play í frjálsu falli Viðskipti innlent Sölunni slegið á frest Viðskipti innlent Hagkaup hættir sölu á Sodastream í kjölfar mótmæla Viðskipti innlent Ekki trompast við fólk í vinnu eða á fundum Atvinnulíf „Síðan kemur í ljós að við erum í gjörólíkum störfum“ Atvinnulíf „Opinberi geirinn er að breytast og þar þarf mikinn fjölda verkefnastjóra“ Atvinnulíf Fleiri fréttir Bein útsending: Hver hlýtur hagfræðiverðlaun sænska seðlabankans? United Airlines hefur flug milli New York og Nuuk Viðskiptavinir gjaldþrota rafmyntakauphallar endurheimta milljarða Samþykktu allt að 45 prósent toll á kínverska rafbíla Samið um lok umfangsmikils verkfalls hafnarverkamanna Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Sjá meira
Ný lög til höfuðs Airbnb voru samþykkt í New York ríki í gær. Fyrirtækið hefur nú þegar kært lagasetninguna. New York borg er stærsti markaður Airbnb í Bandaríkjunum en víða um heim er nú sótt að starfseminni vegna áhrifa hennar á almennan húsnæðismarkað. Frá árinu 2010 hefur verið ólöglegt í New York að leigja út heilar íbúðir til skemmri tíma en 30 daga. Það breytir því þó ekki að Airbnb hefur blómstrað því viðurlögin eru engin þótt fjöldi íbúðareigenda leigi út til ferðamanna í mun skemmri tíma. Til að komast fyrir þetta samþykkti ríkisstjóri New York, Andew Cuomo, í gær ný lög sem innleiða háar sektargreiðslur, sem nemur allt að 860.000 krónum, fyrir að auglýsa íbúð til færri en 30 daga. Innan örfárra klukkustunda höfðu eigendur Airbnb brugðist við með því að höfða mál gegn lagasetningunni fyrir alríkisdómstól Bandaríkjanna. Verðmæti Airbnb hefur þrefaldast á aðeins tveimur árum og er fyrirtækið nú metið á 30 milljarða dala, en það starfar á gráu svæði lagalega um allan heim. Yfirvöld í vinsælum ferðamannaborgum eins og Berlín, Barcelona og Amsterdam og San Francisco hafa undanfarið gert atlögu að starfseminni með hertum lögum, til þess að sporna við því að skammtímaleiga til ferðamanna geri heimamönnum ómögulegt að finna húsnæði til langs tíma. Nýju lögin í New York eru ein þau hörðustu sem sett hafa verið til þessa til höfuðs Airbnb í Bandaríkjunum og eru högg fyrir fyrirtækið enda er New York borg stærsta markaðssvæði fyrirtækisins í landinu og velti milljarði dala í tekjum á síðasta ári. Í málsókninni sem lögð var fram gegn ríkinu í gær kemur fram að eigendur Airbnb telji nýju lögin valda fyrirtækinu óbætanlegum skaða og setja óeðlilegar kvaðir á starfsemina með því að krefjast þess að hver einasta auglýsing sem þar birtist sé vöktuð. Þingkonan Linda Rosenthal sem mælti fyrir lögunum segir hins vegar að með þeim setji New York mikilvægt fordæmi fyrir Bandaríkin öll og önnur lönd sem glími við Airbnb. Á Íslandi taka ný lög um skammtímaleigu gildi í janúar á næsta ári en samkvæmt þeim verður fasteignareigendum ekki heimilt að leigja út íbúðir sínar í fleiri en 90 nætur á ári án þess að sækja um sérstakt leyfi til gistirekstrar. Líkt og í nýju lögum New York ríkis mun brot á lögunum nema sektargreiðslu, allt að milljón krónum.
Mest lesið „Enginn kvartað yfir því þegar ég hef skúrað“ Atvinnulíf Frestun sölu Íslandsbanka jákvæð fyrir markaðinn Viðskipti innlent Kormákur og Skjöldur flytja í Brynjuhúsið eftir algjöra yfirhalningu Viðskipti innlent Óljóst hvort breytingarnar bjargi rekstri Play Viðskipti innlent Play í frjálsu falli Viðskipti innlent Sölunni slegið á frest Viðskipti innlent Hagkaup hættir sölu á Sodastream í kjölfar mótmæla Viðskipti innlent Ekki trompast við fólk í vinnu eða á fundum Atvinnulíf „Síðan kemur í ljós að við erum í gjörólíkum störfum“ Atvinnulíf „Opinberi geirinn er að breytast og þar þarf mikinn fjölda verkefnastjóra“ Atvinnulíf Fleiri fréttir Bein útsending: Hver hlýtur hagfræðiverðlaun sænska seðlabankans? United Airlines hefur flug milli New York og Nuuk Viðskiptavinir gjaldþrota rafmyntakauphallar endurheimta milljarða Samþykktu allt að 45 prósent toll á kínverska rafbíla Samið um lok umfangsmikils verkfalls hafnarverkamanna Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Sjá meira