Paloma fagnar þriggja ára afmæli

Skemmtistaðurinn Paloma fagnar þriggja ára afmæli um þessar mundir.

Af því tilefni verður blásið til afmælisveislu um helgina þar sem fjöldinn allur af listamönnum kemur fram og afmælistilboð verða í boði fyrir gesti.

Afmælisdagskráin hófst í gærkvöldi með sýningu á neðanjarðarmyndlist eftir Arnar Birgisson, Hugleik Dagsson og fleiri.

Í kvöld koma fram Robot Disco Electronix, Dolphin og Lic, auk þess sem að Vibes verða með DJ-set.

Á morgun spila RVK DNB old school tónlist auk þess sem DJ Yamaho kemur fram. Hún er á leiðinni til Berlínar að spila í einum alræmdasta klúbbi heims, Berghain, og er þetta í síðasta skipti sem hún kemur fram áður en hún heldur út.