Birgir Hilmars stýrði hljómsveit James Bond í Abbey Road Benedikt Bóas skrifar 19. desember 2016 08:00 Birgir segir að reynslan við að vinna við aðstæður í Abbey Road með tónlistarmönnum á heimsmælikvarða hafi verið ómetanlegt. Mynd/Úr einkasafni „Þegar ég kom fyrst inn í salinn á þessu fornfræga hljóðveri þá fannst mér hann ekki merkilegur að sjá og minna einna helst á gamlan íþróttasal í grunnskóla. En þegar sinfóníuhljómsveitin byrjaði að spila verkið og við heyrðum það sem kom út úr hátölurunum, þá fékk ég gæsahúð og gerði mér grein fyrir þeim forréttindum sem ég stóð frammi fyrir,“ segir tónlistarmaðurinn Birgir Hilmarsson, sem tók nýverið upp 55 manna sinfóníuhljómsveit í hinu víðfræga Abbey Road-hljóðveri. Veigar Margeirsson stjórnaði hljómsveitinni.Birgir á tröppunum fyrir framan Abbey Road stúdíóið í London.Mynd/Úr einkasafniBirgir gerði tónlist fyrir auglýsingaherferð Thomson-ferðaskrifstofunnar en fyrsta auglýsingin er frumsýnd í dag í Bretlandi. Ferlið var töluvert langt en hann var búinn að vinna nokkrum sinnum með stofunni sem sá um verkefnið. „Ég var í raun búinn að afskrifa verkefnið eftir að hafa ekkert heyrt í nokkra mánuði, en svo komu góðu fréttirnar og þá breyttist allt aftur og ég hoppaði af kæti.“ Abbey Road er víðfrægt hljóðver en trúlega tengja flestir það við Bítlana enda tóku þeir upp mestallt sitt efni þar á árunum 1962-1970. „Ég reyndi að halda kúlinu allan daginn og það tókst ágætlega. Það var 12 manna teymi inni í stjórnherberginu með okkur allan tímann og maður varð að líta út fyrir að vera atvinnumaður, þó að það hafi verið erfitt á köflum, því mann langaði helst að hoppa, fíflast og kætast yfir þessu öllu saman,“ segir hann léttur. Sinfóníuhljómsveitin Chamber Orchestra of London hefur spilað undir í mörgum kvikmyndum eins og James Bond og Harry Potter og sjónvarpsþáttaröðunum Planet Earth og Downton Abbey. Hljómsveitin hefur unnið með mörgum tónskáldum sem Birgir lítur upp til og viðurkennir hann að hafa verið örlítið stressaður þegar hann ávarpaði sveitina í fyrsta sinn. „Það var alger draumur að vinna með þeim. Betri klassískum hljóðfæraleikurum hef ég ekki unnið með áður, maður gæti alveg vanist þessu.“ Birgir er að vinna að sinni annarri breiðskífu og er búinn að semja 11 lög. „Ég sem bæði einn og með konunni minni og vinum og án þeirra væri ég ekki kominn svona langt og hefði líklega ekki haldið þetta út. Mér finnst ég vera að kafa dýpra í sjálfan mig á þessari plötu. Eins og fyrri platan, þá er þessi einnig mjög persónuleg og fjallar um þá hluti sem ég og mínir erum að takast á við í lífinu. Þessi lög eru öll sprottin af tilfinningum, án þeirra hefðu lögin líklega ekki orðið til.“Fréttin birtist fyrst í Fréttablaðinu. Birtist í Fréttablaðinu James Bond Tónlist Mest lesið Freyja snýr sér að þáttastjórnun Lífið Garðar Gunnlaugs að verða afi Lífið „Þetta er enginn helvítis félagskvíði, það bara þolir mig enginn“ Áskorun Nostalgía og glænýr sumarsmellur Lífið Andrés og Margrét gengin í það heilaga Lífið „Ekki fylgja hverju einasta tískutrendi“ Tíska og hönnun Bankaforstjóri selur glæsihýsi í Laugardalnum Lífið Keypti lóð Gylfa og Alexöndru á 225 milljónir Lífið Framhjáhöld: Annar rannsóknarlögga en hinn í hundakofann Áskorun Hefði ekki trúað áhrifunum! Lífið samstarf Fleiri fréttir Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Maðurinn sem uppgötvaði Bieber kveður bransann Öxar við ána nú til í salsaútgáfu Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Yo-Yo Ma kemur til landsins „Pínu erfitt fyrir viðkvæman listamann“ Gervispilanir tröllríða vinsældarlista Spotify Bríet og Birnir rifu þakið af klúbbnum Samdi Höllusmellinn á tuttugu mínútum Krefjandi að semja tónlist um ofbeldi sem þolandi „Svo góð tilfinning að endurheimta sjálfa sig“ Sjá meira
„Þegar ég kom fyrst inn í salinn á þessu fornfræga hljóðveri þá fannst mér hann ekki merkilegur að sjá og minna einna helst á gamlan íþróttasal í grunnskóla. En þegar sinfóníuhljómsveitin byrjaði að spila verkið og við heyrðum það sem kom út úr hátölurunum, þá fékk ég gæsahúð og gerði mér grein fyrir þeim forréttindum sem ég stóð frammi fyrir,“ segir tónlistarmaðurinn Birgir Hilmarsson, sem tók nýverið upp 55 manna sinfóníuhljómsveit í hinu víðfræga Abbey Road-hljóðveri. Veigar Margeirsson stjórnaði hljómsveitinni.Birgir á tröppunum fyrir framan Abbey Road stúdíóið í London.Mynd/Úr einkasafniBirgir gerði tónlist fyrir auglýsingaherferð Thomson-ferðaskrifstofunnar en fyrsta auglýsingin er frumsýnd í dag í Bretlandi. Ferlið var töluvert langt en hann var búinn að vinna nokkrum sinnum með stofunni sem sá um verkefnið. „Ég var í raun búinn að afskrifa verkefnið eftir að hafa ekkert heyrt í nokkra mánuði, en svo komu góðu fréttirnar og þá breyttist allt aftur og ég hoppaði af kæti.“ Abbey Road er víðfrægt hljóðver en trúlega tengja flestir það við Bítlana enda tóku þeir upp mestallt sitt efni þar á árunum 1962-1970. „Ég reyndi að halda kúlinu allan daginn og það tókst ágætlega. Það var 12 manna teymi inni í stjórnherberginu með okkur allan tímann og maður varð að líta út fyrir að vera atvinnumaður, þó að það hafi verið erfitt á köflum, því mann langaði helst að hoppa, fíflast og kætast yfir þessu öllu saman,“ segir hann léttur. Sinfóníuhljómsveitin Chamber Orchestra of London hefur spilað undir í mörgum kvikmyndum eins og James Bond og Harry Potter og sjónvarpsþáttaröðunum Planet Earth og Downton Abbey. Hljómsveitin hefur unnið með mörgum tónskáldum sem Birgir lítur upp til og viðurkennir hann að hafa verið örlítið stressaður þegar hann ávarpaði sveitina í fyrsta sinn. „Það var alger draumur að vinna með þeim. Betri klassískum hljóðfæraleikurum hef ég ekki unnið með áður, maður gæti alveg vanist þessu.“ Birgir er að vinna að sinni annarri breiðskífu og er búinn að semja 11 lög. „Ég sem bæði einn og með konunni minni og vinum og án þeirra væri ég ekki kominn svona langt og hefði líklega ekki haldið þetta út. Mér finnst ég vera að kafa dýpra í sjálfan mig á þessari plötu. Eins og fyrri platan, þá er þessi einnig mjög persónuleg og fjallar um þá hluti sem ég og mínir erum að takast á við í lífinu. Þessi lög eru öll sprottin af tilfinningum, án þeirra hefðu lögin líklega ekki orðið til.“Fréttin birtist fyrst í Fréttablaðinu.
Birtist í Fréttablaðinu James Bond Tónlist Mest lesið Freyja snýr sér að þáttastjórnun Lífið Garðar Gunnlaugs að verða afi Lífið „Þetta er enginn helvítis félagskvíði, það bara þolir mig enginn“ Áskorun Nostalgía og glænýr sumarsmellur Lífið Andrés og Margrét gengin í það heilaga Lífið „Ekki fylgja hverju einasta tískutrendi“ Tíska og hönnun Bankaforstjóri selur glæsihýsi í Laugardalnum Lífið Keypti lóð Gylfa og Alexöndru á 225 milljónir Lífið Framhjáhöld: Annar rannsóknarlögga en hinn í hundakofann Áskorun Hefði ekki trúað áhrifunum! Lífið samstarf Fleiri fréttir Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Maðurinn sem uppgötvaði Bieber kveður bransann Öxar við ána nú til í salsaútgáfu Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Yo-Yo Ma kemur til landsins „Pínu erfitt fyrir viðkvæman listamann“ Gervispilanir tröllríða vinsældarlista Spotify Bríet og Birnir rifu þakið af klúbbnum Samdi Höllusmellinn á tuttugu mínútum Krefjandi að semja tónlist um ofbeldi sem þolandi „Svo góð tilfinning að endurheimta sjálfa sig“ Sjá meira