Í hjónaband á gamlársdag: Gifta sig á afmælisdegi Sir Alex og brúðgumans Elín Albertsdóttir skrifar 30. desember 2016 10:00 Það var á Old Trafford á leik Manchester United á móti Blackburn Rovers sem þau Ágústa og Hermann innsigluðu sambandið um áramótin 2011-2012. Ágústa Gunnarsdóttir og Hermann Úlfarsson ganga í heilagt hjónaband í Dómkirkjunni kl. 14 á morgun, gamlársdag. Séra Hjálmar Jónsson gefur þau saman og síðan verður fagnað allt þar til nýtt ár gengur í garð. Brúðhjónin hlakka mikið til og undirbúningur hefur staðið sem hæst. Gamlársdagur er mikill hátíðardagur. Að gifta sig á þeim degi gerir daginn enn hátíðlegri og trúlega verður aldrei hægt að gleyma brúðkaupsafmælum. Það er ekki að ástæðulausu sem Ágústa og Hermann völdu þennan dag. „Við fórum í okkar fyrstu ferð saman til útlanda um áramót. Það var á Old Trafford á leik Manchester United á móti Blackburn Rovers. Þá vorum við búin að þekkjast í nokkra mánuði. Í þessari ferð innsigluðum við sambandið. Þetta var um áramótin 2011-2012,“ segir Ágústa þegar hún er spurð um daginn. „Í ferðinni kynntumst við mörgum Englendingum og okkur var óvænt boðið í mat með nokkrum þeirra á hótelinu þar sem við bjuggum. En það er efni í annað viðtal,“ segir Ágústa og hlær. Ágústa segist hafa boðið kærastanum í ferðina en hún starfaði á þeim tíma sem flugfreyja hjá Iceland Express. „Ástæðan var bæði einlæg aðdáun hans á Manchester United og svo á hann afmæli á gamlársdag. Þessi dagur er líka afmælisdagur Alex Ferguson, fyrrverandi knattspyrnustjóra liðsins. Dagurinn er því stór hjá okkur,“ upplýsir Ágústa og bætir við að eftir að hún kynntist Hermanni var ekki um að ræða að hún héldi með Liverpool.Rómantískt bónorð Þegar Ágústa er beðin að lýsa bónorðinu segir hún að þau hafi lengi verið ákveðin í að giftast. „Ekki trúlofast heldur ganga í heilagt hjónaband. Bónorðið kom síðastliðið vor þegar hann gaf mér gullfallegt Swarowski-armband. Við settum aldrei upp trúlofunarhringa þar sem okkur fannst það ekki skipta máli. Þetta var mjög rómantísk stund sem maður á aldrei eftir að gleyma,“ segir hún. „Okkur langaði síðan til að hafa þetta einfalt brúðkaup með nánustu fjölskyldu.“ Hermann hefur aldrei verið kvæntur en á tvö börn frá fyrra sambandi. Ágústa var gift og á eina dóttur. Á þeim tíma gifti hún sig hjá borgardómara. Þetta er því kirkjubrúðkaup hjá báðum í fyrsta skipti. Hún ætlar að vera í hvítum brúðarkjól og ganga alla leið í að gera daginn ógleymanlegan. „Við erum með þrjár brúðarmeyjar sem eru orðnar spenntar,“ bætir hún við en Ágústa og Hermann eiga eitt barn saman sem er á fjórða ári. Ágústa leggur það meira að segja á sig að fara í hárgreiðslu klukkan átta í fyrramálið.Ágústa og Hermann ganga í það heilaga á morgun og bjóða síðan í indverska veislu.Indversk veisla „Hermann á aldrei eftir að gleyma brúðkaupsafmælinu því þá myndi hann líka gleyma eigin afmæli,“ segir Ágústa glettin. „Ég á stóra fjölskyldu og hans fjölskylda kemur frá Ólafsvík, þaðan sem hann á ættir að rekja. Með börnum okkar verða um sextíu manns í veislunni. Við erum mjög þakklát fyrir að fólk gefi sér tíma á þessum degi til að fagna með okkur. Margir eru fastheldnir á hefðir á gamlársdag. Þetta verður falleg athöfn í Dómkirkjunni og síðan verður gestum boðið til veislu í litlum sal í Kópavogi. Við bjóðum upp á níu indverska rétti frá veitingastaðnum Bombey Bazaar og þriggja hæða brúðartertu frá Sætum syndum. Þetta verður ekki mannmörg veisla en mjög grand fyrir þá sem mæta. Ástæða þess að við veljum indverskan mat er sú að góðir vinir okkar reka staðinn og við treystum þeim hundrað prósent fyrir veislunni. Maturinn er svo ofboðslega góður og allir örugglega búnir að fá leið á reyktum mat,“ segir Ágústa. „Við förum svo heim til okkar eftir veisluna með nokkrum gestum og höldum áfram að fagna. Við fögnum nýju ári og einnig afmæli tengdamóður minnar sem á afmæli 1. janúar.“ Haldið verður í hefðirnar því Ágústa ætlar að gista hjá foreldrum sínum í nótt svo væntanlegur eiginmaður fær ekki að sjá hana fyrr en í kirkjunni. „Það er auðvitað svolítið stress í loftinu en jafnframt tilhlökkun,“ segir hún.Brúðkaup og jarðarfarir Þegar hún er spurð um brúðkaupsferð segir Ágústa að þau ætli að gera sér dagamun um næstu helgi og dvelja á Hótel Selfossi. Brúðkaupsferð til útlanda þarf aðeins að bíða. „Við getum því látið okkur hlakka til brúðkaupsferðar þegar þetta er allt afstaðið núna.“ Dómkirkjan hefur mikið komið við sögu í föðurfjölskyldu Ágústu enda fædd í Reykjavík og alin upp í Grindavík. Saman búa þau Hermann núna í Kópavogi. „Undanfarið hefur maður helst mætt í Dómkirkjuna í jarðarfarir en mig langaði til að fjölskyldan gæti glaðst saman í kirkjunni að þessu sinni. Við hlökkum mikið til, presturinn, séra Hjálmar, er alveg einstakur og mjög skemmtilegur. Einnig verður boðið upp á fallegan söng. Í framtíðinni getum við horft á flugelda og fagnað brúðkaupsafmælum. Það er alltaf gleði á gamlársdegi.“ Mest lesið Justin Bieber nýtur sín norður í landi Lífið Risa fataherbergi í glæsilegri íbúð Patriks sem nú er til sölu Lífið Fimmtán ára og gefur út frumsamda plötu Tónlist Gengst við kókaínfíkn sinni Lífið Getum verið gröð án þess að blotna eða fá ris Lífið „Heyri allt í einu hversu steikt þetta er orðið“ þegar hún útskýrir veikindin fyrir vinum Menning Fékk hjartaáfall og missti 50 kíló Lífið Jón Gnarr birtir sönnunargagn A um ADHD Lífið Giftu sig við persónulega athöfn í sólinni Lífið Íslendingar vekja athygli í menningarlífi Kaupmannahafnar Menning Fleiri fréttir Gengst við kókaínfíkn sinni Justin Bieber nýtur sín norður í landi Risa fataherbergi í glæsilegri íbúð Patriks sem nú er til sölu Getum verið gröð án þess að blotna eða fá ris Hélt lítill kall í stjörnustríði væri Obi-Wan Kenobi Jón Gnarr birtir sönnunargagn A um ADHD Sveppi og Auddi í fallhlífarstökki yfir Dúbaí Nýtur lífsins í viktorísku koti í London Snorri og Nadine eignuðust son Íris Svava og Arnþór selja fallega íbúð á besta stað Harry Potter stjarna tveggja barna faðir Giftu sig við persónulega athöfn í sólinni Ástfangnar í fjörutíu ár Illuminati varð táknmynd ótta við ósýnileg öfl Infocapital Íslandsmeistari eftir æsispennandi keppni Stjörnulífið: Kossaflens og Inga Lind ástfangin á Spáni Fékk hjartaáfall og missti 50 kíló Loksins, loksins unnu skáldin kvalara sína! Veittu verðlaun fyrir dónalegasta orðið á Íslandsmeistaramóti í skrafli Þórhildur og Hjalti eiga von á barni Jiggly Caliente dragdrottning látin „Prófið að plokka og sjáið árangurinn“ Björn plokkar í stað Höllu „Þetta er saga um sambandsslit tveggja vinkvenna“ Krakkatían: Pokémon, spænska og hjólreiðakeppni Halla og Biden hittust í útför páfans Á erfitt með að muna nöfnin á börnum vina sinna Fréttatía vikunnar: Frans páfi, Kaffi kjós og tónleikar Hildur Vala og Mikael Kaaber í aðalhlutverkum Moulin Rouge Vonast til að fá fullkomna sundlaug í Reykjadal Sjá meira
Ágústa Gunnarsdóttir og Hermann Úlfarsson ganga í heilagt hjónaband í Dómkirkjunni kl. 14 á morgun, gamlársdag. Séra Hjálmar Jónsson gefur þau saman og síðan verður fagnað allt þar til nýtt ár gengur í garð. Brúðhjónin hlakka mikið til og undirbúningur hefur staðið sem hæst. Gamlársdagur er mikill hátíðardagur. Að gifta sig á þeim degi gerir daginn enn hátíðlegri og trúlega verður aldrei hægt að gleyma brúðkaupsafmælum. Það er ekki að ástæðulausu sem Ágústa og Hermann völdu þennan dag. „Við fórum í okkar fyrstu ferð saman til útlanda um áramót. Það var á Old Trafford á leik Manchester United á móti Blackburn Rovers. Þá vorum við búin að þekkjast í nokkra mánuði. Í þessari ferð innsigluðum við sambandið. Þetta var um áramótin 2011-2012,“ segir Ágústa þegar hún er spurð um daginn. „Í ferðinni kynntumst við mörgum Englendingum og okkur var óvænt boðið í mat með nokkrum þeirra á hótelinu þar sem við bjuggum. En það er efni í annað viðtal,“ segir Ágústa og hlær. Ágústa segist hafa boðið kærastanum í ferðina en hún starfaði á þeim tíma sem flugfreyja hjá Iceland Express. „Ástæðan var bæði einlæg aðdáun hans á Manchester United og svo á hann afmæli á gamlársdag. Þessi dagur er líka afmælisdagur Alex Ferguson, fyrrverandi knattspyrnustjóra liðsins. Dagurinn er því stór hjá okkur,“ upplýsir Ágústa og bætir við að eftir að hún kynntist Hermanni var ekki um að ræða að hún héldi með Liverpool.Rómantískt bónorð Þegar Ágústa er beðin að lýsa bónorðinu segir hún að þau hafi lengi verið ákveðin í að giftast. „Ekki trúlofast heldur ganga í heilagt hjónaband. Bónorðið kom síðastliðið vor þegar hann gaf mér gullfallegt Swarowski-armband. Við settum aldrei upp trúlofunarhringa þar sem okkur fannst það ekki skipta máli. Þetta var mjög rómantísk stund sem maður á aldrei eftir að gleyma,“ segir hún. „Okkur langaði síðan til að hafa þetta einfalt brúðkaup með nánustu fjölskyldu.“ Hermann hefur aldrei verið kvæntur en á tvö börn frá fyrra sambandi. Ágústa var gift og á eina dóttur. Á þeim tíma gifti hún sig hjá borgardómara. Þetta er því kirkjubrúðkaup hjá báðum í fyrsta skipti. Hún ætlar að vera í hvítum brúðarkjól og ganga alla leið í að gera daginn ógleymanlegan. „Við erum með þrjár brúðarmeyjar sem eru orðnar spenntar,“ bætir hún við en Ágústa og Hermann eiga eitt barn saman sem er á fjórða ári. Ágústa leggur það meira að segja á sig að fara í hárgreiðslu klukkan átta í fyrramálið.Ágústa og Hermann ganga í það heilaga á morgun og bjóða síðan í indverska veislu.Indversk veisla „Hermann á aldrei eftir að gleyma brúðkaupsafmælinu því þá myndi hann líka gleyma eigin afmæli,“ segir Ágústa glettin. „Ég á stóra fjölskyldu og hans fjölskylda kemur frá Ólafsvík, þaðan sem hann á ættir að rekja. Með börnum okkar verða um sextíu manns í veislunni. Við erum mjög þakklát fyrir að fólk gefi sér tíma á þessum degi til að fagna með okkur. Margir eru fastheldnir á hefðir á gamlársdag. Þetta verður falleg athöfn í Dómkirkjunni og síðan verður gestum boðið til veislu í litlum sal í Kópavogi. Við bjóðum upp á níu indverska rétti frá veitingastaðnum Bombey Bazaar og þriggja hæða brúðartertu frá Sætum syndum. Þetta verður ekki mannmörg veisla en mjög grand fyrir þá sem mæta. Ástæða þess að við veljum indverskan mat er sú að góðir vinir okkar reka staðinn og við treystum þeim hundrað prósent fyrir veislunni. Maturinn er svo ofboðslega góður og allir örugglega búnir að fá leið á reyktum mat,“ segir Ágústa. „Við förum svo heim til okkar eftir veisluna með nokkrum gestum og höldum áfram að fagna. Við fögnum nýju ári og einnig afmæli tengdamóður minnar sem á afmæli 1. janúar.“ Haldið verður í hefðirnar því Ágústa ætlar að gista hjá foreldrum sínum í nótt svo væntanlegur eiginmaður fær ekki að sjá hana fyrr en í kirkjunni. „Það er auðvitað svolítið stress í loftinu en jafnframt tilhlökkun,“ segir hún.Brúðkaup og jarðarfarir Þegar hún er spurð um brúðkaupsferð segir Ágústa að þau ætli að gera sér dagamun um næstu helgi og dvelja á Hótel Selfossi. Brúðkaupsferð til útlanda þarf aðeins að bíða. „Við getum því látið okkur hlakka til brúðkaupsferðar þegar þetta er allt afstaðið núna.“ Dómkirkjan hefur mikið komið við sögu í föðurfjölskyldu Ágústu enda fædd í Reykjavík og alin upp í Grindavík. Saman búa þau Hermann núna í Kópavogi. „Undanfarið hefur maður helst mætt í Dómkirkjuna í jarðarfarir en mig langaði til að fjölskyldan gæti glaðst saman í kirkjunni að þessu sinni. Við hlökkum mikið til, presturinn, séra Hjálmar, er alveg einstakur og mjög skemmtilegur. Einnig verður boðið upp á fallegan söng. Í framtíðinni getum við horft á flugelda og fagnað brúðkaupsafmælum. Það er alltaf gleði á gamlársdegi.“
Mest lesið Justin Bieber nýtur sín norður í landi Lífið Risa fataherbergi í glæsilegri íbúð Patriks sem nú er til sölu Lífið Fimmtán ára og gefur út frumsamda plötu Tónlist Gengst við kókaínfíkn sinni Lífið Getum verið gröð án þess að blotna eða fá ris Lífið „Heyri allt í einu hversu steikt þetta er orðið“ þegar hún útskýrir veikindin fyrir vinum Menning Fékk hjartaáfall og missti 50 kíló Lífið Jón Gnarr birtir sönnunargagn A um ADHD Lífið Giftu sig við persónulega athöfn í sólinni Lífið Íslendingar vekja athygli í menningarlífi Kaupmannahafnar Menning Fleiri fréttir Gengst við kókaínfíkn sinni Justin Bieber nýtur sín norður í landi Risa fataherbergi í glæsilegri íbúð Patriks sem nú er til sölu Getum verið gröð án þess að blotna eða fá ris Hélt lítill kall í stjörnustríði væri Obi-Wan Kenobi Jón Gnarr birtir sönnunargagn A um ADHD Sveppi og Auddi í fallhlífarstökki yfir Dúbaí Nýtur lífsins í viktorísku koti í London Snorri og Nadine eignuðust son Íris Svava og Arnþór selja fallega íbúð á besta stað Harry Potter stjarna tveggja barna faðir Giftu sig við persónulega athöfn í sólinni Ástfangnar í fjörutíu ár Illuminati varð táknmynd ótta við ósýnileg öfl Infocapital Íslandsmeistari eftir æsispennandi keppni Stjörnulífið: Kossaflens og Inga Lind ástfangin á Spáni Fékk hjartaáfall og missti 50 kíló Loksins, loksins unnu skáldin kvalara sína! Veittu verðlaun fyrir dónalegasta orðið á Íslandsmeistaramóti í skrafli Þórhildur og Hjalti eiga von á barni Jiggly Caliente dragdrottning látin „Prófið að plokka og sjáið árangurinn“ Björn plokkar í stað Höllu „Þetta er saga um sambandsslit tveggja vinkvenna“ Krakkatían: Pokémon, spænska og hjólreiðakeppni Halla og Biden hittust í útför páfans Á erfitt með að muna nöfnin á börnum vina sinna Fréttatía vikunnar: Frans páfi, Kaffi kjós og tónleikar Hildur Vala og Mikael Kaaber í aðalhlutverkum Moulin Rouge Vonast til að fá fullkomna sundlaug í Reykjadal Sjá meira