Allir og ömmur þeirra í háloftunum Guðrún Ansnes skrifar 25. maí 2016 13:45 Um 1200 flugfreyjur og flugþjónar starfa hjá Icelandair í sumar. Þriðjungs aukning er á íslenskum flugliðum í ár samanborið við sama tíma í fyrra og sést það hæglega á samfélagsmiðlunum þar sem vart er þverfótað fyrir sjálfsmyndum nýbakaðra flugþjóna sem annað hvort tylla sér lauflétt í vélarhreyfilinn eða standa teinréttir í júníforminu. Margir velta eflaust fyrir sér hvað sé í gangi og hvort yfirhöfuð verði einhver eftir á jörðu niðri í sumar til að sinna öðrum störfum. Slík er fyrirferð nýútsprunginna flugliða á samfélagsmiðlunum um þessar mundir. Hvað er eiginlega málið með þessa aðsókn? Sigríður Ása, formaður Flugfreyjufélags ÍslandsMynd/Aðsend„Við finnum fyrir aukningunni. Fyrirtækin eru að stækka og ráða þar með fleira fólk. Mér sýnist félagsmenn verða rúmlega fimmtán hundruð í ár. Á sama tíma í fyrra vorum við um eitt þúsund. Þetta er met í félagafjölda,“ segir Sigríður Ása Harðardóttir formaður Flugfreyjufélags Íslands spurð um hvort félagið finni fyrir öllum þessum nýliðum sem blasa við á samfélagsmiðlunum. Ingibjörg Lárusdóttir, forstöðumaður flugfreyja og flugþjóna Icelandair, var gestur morgunþáttarins Brennslunnar á FM 957 í gærmorgun og þar var hún á sömu bylgjulengd og Sigríður. Ingibjörg sagði þar að nú í sumar teldu flugfreyjur og -þjónar innan raða fyrirtækisins rúmlega tólf hundruð hausa. Hún giskar á að fyrir áratug hafi tala þjónanna verið um þrjú til fjögur hundruð, svo fjölgunin sé gríðarleg. „Aldrei neinir tveir dagar eins, veist aldrei hvernig dagurinn verður þegar þú mætir í vinnuna, nýtt fólk og nýjar áskoranir. Það er aðalmálið,“ segir hún spurð um hvaðan aðdráttaraflið sé komið. Hún segist gera ráð fyrir að vöxtur innan stéttarinnar komi aðeins til með að halda áfram. „Aðsóknin er gríðarleg. Við sjáum ekki fram á flugfreyjuskort,“ segir hún þegar Hjörvar Hafliðason, annar þáttarstjórnenda, spyr hvort leita þurfi fanga út fyrir landsteinana. Svanhvít Friðriksdóttir, upplýsingafulltrúi WOW airSvanhvít Friðriksdóttir, upplýsingafulltrúi WOW air, tekur í sama streng og segir áhuga fólks á starfinu mjög greinilegan. „Síðast þegar við auglýstum sóttu um fimmtán hundruð manns um starf. Í þeim hópi voru til dæmis lögreglumenn, hjúkrunarfræðingar, lögfræðingar, sálfræðingar og leikarar ásamt fólki úr öðrum starfsstéttum,“ segir Svanhvít. „Hundrað og fimmtíu manns voru á launaskrá síðasta sumar, en í ár verða þrjú hundruð og fimmtíu manns.“ Hún segist gera ráð fyrir að það sem heilli umsækjendur séu ferðalögin, skemmtilegt starfsumhverfi og mannlegu samskiptin. „Við teljum að starf flugliða hafi alltaf verið eftirsóknarvert og virðist engin breyting vera þar á. Hæfir umsækjendur eru alltaf langt umfram þann fjölda af störfum sem eru í boði hverju sinni.“ Þó að stéttin þyki kvenlæg í margra hugum er þó ýmislegt að breytast þó betur megi sannarlega gera. Ingibjörg segir hlut karla tíu prósent innan Icelandair og samkvæmt tölum Svanhvítar eru rúmlega sautján prósent þjóna WOW air karlar. Báðar höfðu orð á að áhugi væri á að fjölga körlum innan flugfélaganna. Burtséð frá því má sannarlega segja að flugfreyju- og þjónaáhuginn laði til sín starfsfólk þvert á starfsstéttir. Í sumar munu til að mynda tónlistarmenn, fyrirsætur, fegurðardrottningar, lögfræðingar, leikarar, uppistandarar, bloggarar og svo mætti lengi telja, skenkja kaffi í bolla og sjá um öryggi ferðalanga til og frá Íslandi. Mest lesið María Thelma og Steinar Thors héldu brúðkaup ársins Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist „Ég myndi aldrei fara í samband með einhverjum fávita“ Lífið Bar fyrir sig að hafa eitt sinn verið í strákabandi Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir Flautað á dúfurnar á Eyrarbakka og þær koma heim Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Páll Óskar kveikti í kofanum Elskar að vera á níræðisaldri og eiga ungbarn Þurfti að missa þáttinn til að átta sig á næsta skrefi Sjá meira
Þriðjungs aukning er á íslenskum flugliðum í ár samanborið við sama tíma í fyrra og sést það hæglega á samfélagsmiðlunum þar sem vart er þverfótað fyrir sjálfsmyndum nýbakaðra flugþjóna sem annað hvort tylla sér lauflétt í vélarhreyfilinn eða standa teinréttir í júníforminu. Margir velta eflaust fyrir sér hvað sé í gangi og hvort yfirhöfuð verði einhver eftir á jörðu niðri í sumar til að sinna öðrum störfum. Slík er fyrirferð nýútsprunginna flugliða á samfélagsmiðlunum um þessar mundir. Hvað er eiginlega málið með þessa aðsókn? Sigríður Ása, formaður Flugfreyjufélags ÍslandsMynd/Aðsend„Við finnum fyrir aukningunni. Fyrirtækin eru að stækka og ráða þar með fleira fólk. Mér sýnist félagsmenn verða rúmlega fimmtán hundruð í ár. Á sama tíma í fyrra vorum við um eitt þúsund. Þetta er met í félagafjölda,“ segir Sigríður Ása Harðardóttir formaður Flugfreyjufélags Íslands spurð um hvort félagið finni fyrir öllum þessum nýliðum sem blasa við á samfélagsmiðlunum. Ingibjörg Lárusdóttir, forstöðumaður flugfreyja og flugþjóna Icelandair, var gestur morgunþáttarins Brennslunnar á FM 957 í gærmorgun og þar var hún á sömu bylgjulengd og Sigríður. Ingibjörg sagði þar að nú í sumar teldu flugfreyjur og -þjónar innan raða fyrirtækisins rúmlega tólf hundruð hausa. Hún giskar á að fyrir áratug hafi tala þjónanna verið um þrjú til fjögur hundruð, svo fjölgunin sé gríðarleg. „Aldrei neinir tveir dagar eins, veist aldrei hvernig dagurinn verður þegar þú mætir í vinnuna, nýtt fólk og nýjar áskoranir. Það er aðalmálið,“ segir hún spurð um hvaðan aðdráttaraflið sé komið. Hún segist gera ráð fyrir að vöxtur innan stéttarinnar komi aðeins til með að halda áfram. „Aðsóknin er gríðarleg. Við sjáum ekki fram á flugfreyjuskort,“ segir hún þegar Hjörvar Hafliðason, annar þáttarstjórnenda, spyr hvort leita þurfi fanga út fyrir landsteinana. Svanhvít Friðriksdóttir, upplýsingafulltrúi WOW airSvanhvít Friðriksdóttir, upplýsingafulltrúi WOW air, tekur í sama streng og segir áhuga fólks á starfinu mjög greinilegan. „Síðast þegar við auglýstum sóttu um fimmtán hundruð manns um starf. Í þeim hópi voru til dæmis lögreglumenn, hjúkrunarfræðingar, lögfræðingar, sálfræðingar og leikarar ásamt fólki úr öðrum starfsstéttum,“ segir Svanhvít. „Hundrað og fimmtíu manns voru á launaskrá síðasta sumar, en í ár verða þrjú hundruð og fimmtíu manns.“ Hún segist gera ráð fyrir að það sem heilli umsækjendur séu ferðalögin, skemmtilegt starfsumhverfi og mannlegu samskiptin. „Við teljum að starf flugliða hafi alltaf verið eftirsóknarvert og virðist engin breyting vera þar á. Hæfir umsækjendur eru alltaf langt umfram þann fjölda af störfum sem eru í boði hverju sinni.“ Þó að stéttin þyki kvenlæg í margra hugum er þó ýmislegt að breytast þó betur megi sannarlega gera. Ingibjörg segir hlut karla tíu prósent innan Icelandair og samkvæmt tölum Svanhvítar eru rúmlega sautján prósent þjóna WOW air karlar. Báðar höfðu orð á að áhugi væri á að fjölga körlum innan flugfélaganna. Burtséð frá því má sannarlega segja að flugfreyju- og þjónaáhuginn laði til sín starfsfólk þvert á starfsstéttir. Í sumar munu til að mynda tónlistarmenn, fyrirsætur, fegurðardrottningar, lögfræðingar, leikarar, uppistandarar, bloggarar og svo mætti lengi telja, skenkja kaffi í bolla og sjá um öryggi ferðalanga til og frá Íslandi.
Mest lesið María Thelma og Steinar Thors héldu brúðkaup ársins Lífið Fréttatía vikunnar: Pólitík, andlát og bíó Lífið Cheryl kvartar yfir fjölmiðlaumfjöllun um Liam Payne Lífið Faðir Payne las minningarorð og þakkaði aðdáendum Lífið „Hugleikið hver fær að stunda kynlíf og hver ekki“ Tónlist „Ég myndi aldrei fara í samband með einhverjum fávita“ Lífið Bar fyrir sig að hafa eitt sinn verið í strákabandi Lífið Haustförðunin sem hefur slegið í gegn á TikTok Lífið Þetta eru höfundar Áramótaskaupsins 2024 Lífið Rekinn af útgáfunni stuttu fyrir andlátið Lífið Fleiri fréttir Flautað á dúfurnar á Eyrarbakka og þær koma heim Faðir Payne las minningarorð og þakkaði aðdáendum Fréttatía vikunnar: Pólitík, andlát og bíó María Thelma og Steinar Thors héldu brúðkaup ársins Cheryl kvartar yfir fjölmiðlaumfjöllun um Liam Payne Bar fyrir sig að hafa eitt sinn verið í strákabandi Litfögur íbúð með mikinn karakter Haustförðunin sem hefur slegið í gegn á TikTok Þetta eru höfundar Áramótaskaupsins 2024 Níu ára og notar hestastudda sálfræðimeðferð til að komast yfir hamfarirnar Rekinn af útgáfunni stuttu fyrir andlátið Bingó í beinni á sunnudag Er alltaf hrædd One Direction sendir frá sér yfirlýsingu: „Við erum algjörlega miður okkar“ Stuðningur fjölskyldunnar ekki sjálfsagður Frumkvöðull í Detroit teknói í Gamla bíó í nóvember Þorvaldur Davíð og Hjálmar Örn í eina sæng Fjölskylda Liam Payne biður um andrými Malín Agla og Svavar eiga von á öðru barni „Ef ég á að vera hreinskilin þá var þetta bara svæsið einelti“ Símtal í neyðarlínu varpar ljósi á atburðarásina Harðlega gagnrýnd fyrir að birta myndir af líki Liam Payne Loka Sæbraut á laugardag vegna kvikmyndatöku Liljan er vinsælasta lagið á Dalvík Stjörnurnar minnast Liam Payne: „Þessar fréttir eru hrikalegar, ég er orðlaus“ „Ég myndi aldrei fara í samband með einhverjum fávita“ Liam Payne úr One Direction látinn Páll Óskar kveikti í kofanum Elskar að vera á níræðisaldri og eiga ungbarn Þurfti að missa þáttinn til að átta sig á næsta skrefi Sjá meira