Nýtt Ísland - Skýrt plan Pírata Viktor Orri Valgarðsson skrifar 25. október 2016 14:42 Nýverið samþykktum við Píratar stefnumál sem hefur ekki flogið sérstaklega hátt í umræðunni; sennilega vegna þess að það var um sama leyti og við vorum öll upptekin við að poppa yfir mis-stöðugu streymi æðislegra æsifrétta frá flokksþingi Framsóknarflokksins. Nú þegar rykið hefur sest yfir Háskólabíó og poppið er næstum því á þrotum er vert að vekja aftur athygli á öðrum og smávægilegri málefnum, eins og t.d. framtíð lýðræðis í landinu. Stefnumálið sem við Píratar samþykktum í atkvæðagreiðslu á kosningakerfinu okkar (x.piratar.is) var nefnilega stefna um útfærslu á samþykkt nýrrar stjórnarskrár; þ.e. nánari skýring á okkar helsta áherslumáli í þessum kosningum. Í þeirri stefnu kemur fram að það er skýlaus krafa okkar að Alþingi setji nýja stjórnarskrá í forgang á næsta kjörtímabili og samþykki hana á eins skömmum tíma og fýsilegt er. Í því samhengi eru engar dagsetningar nefndar, þar sem það yrði að taka mið af viðræðum við aðra flokka og þróun málsins. Hins vegar á sú vinna ekki að taka lengri tíma en nauðsynlegt er og hún á að byggja algjörlega á tillögu Stjórnlagaráðs, sem og á því frumvarpi stjórnskipunar- og eftirlitsnefndar Alþingis sem byggði á þeirri tillögu. Þannig er ekki bundið í bókstafstrú að nýja stjórnarskráin verði samþykkt stafrétt, en á sama tíma er skýrt áréttað að öll vinna þingsins skuli byggja á grundvelli fyrirliggjandi tillagna og ekki ganga gegn anda þeirra eða markmiðum Stjórnlagaráðs. Sömuleiðis er skýrt að Píratar sætta sig ekki við afmarkaðar breytingar á núverandi stjórnarskrá heldur ætla sér að samþykkja nýja stjórnarskrá - eins og þjóðin gerði kröfu um þann 20. október 2012. Loks er það nú stefna Pírata að endanleg, ný stjórnarskrá verði borin í heild sinni undir nýja þjóðaratkvæðagreiðslu til staðfestingar eða synjunar, helst samhliða þarnæstu þingkosningum. Að sjálfsögðu verður ráðist í önnur mikilvæg mál. Það þarf að samþykkja fjárlög og við Píratar leggjum ríka áherslu á endurreisn heilbrigðiskerfisins, uppboð kvótans á markaði og svo mætti áfram telja. Það þarf líka að breyta stjórnmálunum. Við viljum efla aðkomu almennings á öllum stigum stjórnmála og efna svikin loforð um þjóðaratkvæði um ESB. Við viljum tækla spillingu, styrkja eftirlit og stórauka gagnsæi. Við viljum tala við aðra flokka, við fjölmiðla og við þjóðina af virðingu; meðvituð um það að vilji þjóðarinnar er fullvalda allan ársins hring - ekki pólitískur ómöguleiki. En grundvöllurinn að þessu öllu er nýja stjórnarskráin. Hún tryggir okkur lýðræði á milli kosninga, pólitíska ábyrgð, gagnsæi, upplýsingafrelsi, sameign auðlinda og svona mætti lengi telja. Hún tryggir þessa hluti sem réttindi borgaranna, ekki sem aukaatriði sem fara eftir geðþótta valdhafa hverju sinni. Við Píratar höfum skuldbundið okkur til að klára þetta mál. Við höfum skýra og raunhæfa áætlun um hvernig við ætlum að gera það - og við höfum boðið öðrum með okkur í þá vegferð. Vegna þess að nauðsynlegar umbætur á íslensku samfélagi mega ekki verða fórnarlömb hrossakaupa eftir kosningar. Eignarhald þjóðarinnar á auðlindum, endurreisn heilbrigðiskerfisins og ný stjórnarskrá mega ekki mega ekki renna okkur úr greipum. Við þurfum að nýta þetta tækifæri til að tryggja okkur bætt lýðræði, ábyrgari stjórnvöld og sterkari réttindi til framtíðar. Nýtt Ísland, sem týndist smám saman eftir hrun. Einhvers staðar innan um leiðréttinguna og poppkornið.Höfundur skipar 3. sæti á framboðslista Pírata í Reykjavík-Suður. Viltu birta grein á Vísi? Sendu okkur póst. Senda grein Mest lesið Er rúmdýnan þín hægt og rólega að murka úr þér líftóruna? Gunnar Dan Wiium Skoðun Orðræða seðlabankastjóra veldur mér áhyggjum Ágúst Bjarni Garðarsson Skoðun Skynsemi Miðflokksins Ása Lind Finnbogadóttir Skoðun Er Miðflokkurinn fyrir ungt fólk? Anton Sveinn McKee Skoðun Opið bréf til fjölmiðla Magnús Guðmundsson Skoðun Svarar ekki kostnaði að bjarga sjálfum sér Kári Helgason Skoðun Kæra sig ekki um evruna Hjörtur J. Guðmundsson Skoðun Aftur til fortíðar Birta Karen Tryggvadóttir Skoðun Er padda í vaskinum? Vilborg Gunnarsdóttir Skoðun Það er verið að hafa okkur að fíflum. Davíð Bergmann Skoðun Skoðun Skoðun Um mennsku og samfélag Bolli Pétur Bollason skrifar Skoðun Er rúmdýnan þín hægt og rólega að murka úr þér líftóruna? Gunnar Dan Wiium skrifar Skoðun Sársaukafull vaxtarmörk Berglind Ósk Guðmundsdóttir skrifar Skoðun Skynsemi Miðflokksins Ása Lind Finnbogadóttir skrifar Skoðun Tölum íslensku Kolbrún Áslaugar Baldursdóttir skrifar Skoðun Er Miðflokkurinn fyrir ungt fólk? Anton Sveinn McKee skrifar Skoðun Svarar ekki kostnaði að bjarga sjálfum sér Kári Helgason skrifar Skoðun Um orkuskort, auðlindir og endurvinnslu Guðríður Eldey Arnardóttir skrifar Skoðun Er padda í vaskinum? Vilborg Gunnarsdóttir skrifar Skoðun Neikvæð samskipti barna og ungmenna á samfélagsmiðlunum Þórarinn Torfi Finnbogason skrifar Skoðun Rannsökum og ræðum menntakerfið Kolbrún Þ. Pálsdóttir skrifar Skoðun Kæra sig ekki um evruna Hjörtur J. Guðmundsson skrifar Skoðun Opið bréf til fjölmiðla Magnús Guðmundsson skrifar Skoðun Horfið á möguleikana í samfélagslegri ábyrgð Guðmundur Ingi Þóroddsson skrifar Skoðun Aftur til fortíðar Birta Karen Tryggvadóttir skrifar Skoðun Að kjarna orku þjóðar Ísak Einar Rúnarsson skrifar Skoðun Orðræða seðlabankastjóra veldur mér áhyggjum Ágúst Bjarni Garðarsson skrifar Skoðun Flogið á milli landa á endurnýjanlegri orku: Draumsýn eða Raunveruleiki? Gnýr Guðmundsson skrifar Skoðun Það er verið að hafa okkur að fíflum. Davíð Bergmann skrifar Skoðun Útboð á Fjarðarheiðargöngum Hildur Þórisdóttir skrifar Skoðun Hvert á að fara með íslenskt þjóðfélag? Reynir Böðvarsson skrifar Skoðun Svikin loforð gagnvart börnum? Hildur Rós Guðbjargardóttir skrifar Skoðun Að búa til steind getur haft skelfilegar afleiðingar! Elínrós Erlingsdóttir skrifar Skoðun Hvar eru sálfræðingarnir? Pétur Maack Þorsteinsson skrifar Skoðun Íslenska er ekki eina málið Lilja Magnúsdóttir skrifar Skoðun Hvar er grunnskólinn? Kristján Hrafn Guðmundsson skrifar Skoðun Er lýðræðislegt að senda vopn til Úkraínu? Hildur Þórðardóttir skrifar Skoðun Það á ekki að vera dekur að geta sótt sér sálfræðiþjónustu Ólafía Sigurjónsdóttir skrifar Skoðun Um bókun 35, EES samninginn, Evrópusambandið og Bretland Jón Frímann Jónsson skrifar Skoðun Húsnæði fyrir fólk, ekki fjárfesta Gísli Rafn Ólafsson skrifar Sjá meira
Nýverið samþykktum við Píratar stefnumál sem hefur ekki flogið sérstaklega hátt í umræðunni; sennilega vegna þess að það var um sama leyti og við vorum öll upptekin við að poppa yfir mis-stöðugu streymi æðislegra æsifrétta frá flokksþingi Framsóknarflokksins. Nú þegar rykið hefur sest yfir Háskólabíó og poppið er næstum því á þrotum er vert að vekja aftur athygli á öðrum og smávægilegri málefnum, eins og t.d. framtíð lýðræðis í landinu. Stefnumálið sem við Píratar samþykktum í atkvæðagreiðslu á kosningakerfinu okkar (x.piratar.is) var nefnilega stefna um útfærslu á samþykkt nýrrar stjórnarskrár; þ.e. nánari skýring á okkar helsta áherslumáli í þessum kosningum. Í þeirri stefnu kemur fram að það er skýlaus krafa okkar að Alþingi setji nýja stjórnarskrá í forgang á næsta kjörtímabili og samþykki hana á eins skömmum tíma og fýsilegt er. Í því samhengi eru engar dagsetningar nefndar, þar sem það yrði að taka mið af viðræðum við aðra flokka og þróun málsins. Hins vegar á sú vinna ekki að taka lengri tíma en nauðsynlegt er og hún á að byggja algjörlega á tillögu Stjórnlagaráðs, sem og á því frumvarpi stjórnskipunar- og eftirlitsnefndar Alþingis sem byggði á þeirri tillögu. Þannig er ekki bundið í bókstafstrú að nýja stjórnarskráin verði samþykkt stafrétt, en á sama tíma er skýrt áréttað að öll vinna þingsins skuli byggja á grundvelli fyrirliggjandi tillagna og ekki ganga gegn anda þeirra eða markmiðum Stjórnlagaráðs. Sömuleiðis er skýrt að Píratar sætta sig ekki við afmarkaðar breytingar á núverandi stjórnarskrá heldur ætla sér að samþykkja nýja stjórnarskrá - eins og þjóðin gerði kröfu um þann 20. október 2012. Loks er það nú stefna Pírata að endanleg, ný stjórnarskrá verði borin í heild sinni undir nýja þjóðaratkvæðagreiðslu til staðfestingar eða synjunar, helst samhliða þarnæstu þingkosningum. Að sjálfsögðu verður ráðist í önnur mikilvæg mál. Það þarf að samþykkja fjárlög og við Píratar leggjum ríka áherslu á endurreisn heilbrigðiskerfisins, uppboð kvótans á markaði og svo mætti áfram telja. Það þarf líka að breyta stjórnmálunum. Við viljum efla aðkomu almennings á öllum stigum stjórnmála og efna svikin loforð um þjóðaratkvæði um ESB. Við viljum tækla spillingu, styrkja eftirlit og stórauka gagnsæi. Við viljum tala við aðra flokka, við fjölmiðla og við þjóðina af virðingu; meðvituð um það að vilji þjóðarinnar er fullvalda allan ársins hring - ekki pólitískur ómöguleiki. En grundvöllurinn að þessu öllu er nýja stjórnarskráin. Hún tryggir okkur lýðræði á milli kosninga, pólitíska ábyrgð, gagnsæi, upplýsingafrelsi, sameign auðlinda og svona mætti lengi telja. Hún tryggir þessa hluti sem réttindi borgaranna, ekki sem aukaatriði sem fara eftir geðþótta valdhafa hverju sinni. Við Píratar höfum skuldbundið okkur til að klára þetta mál. Við höfum skýra og raunhæfa áætlun um hvernig við ætlum að gera það - og við höfum boðið öðrum með okkur í þá vegferð. Vegna þess að nauðsynlegar umbætur á íslensku samfélagi mega ekki verða fórnarlömb hrossakaupa eftir kosningar. Eignarhald þjóðarinnar á auðlindum, endurreisn heilbrigðiskerfisins og ný stjórnarskrá mega ekki mega ekki renna okkur úr greipum. Við þurfum að nýta þetta tækifæri til að tryggja okkur bætt lýðræði, ábyrgari stjórnvöld og sterkari réttindi til framtíðar. Nýtt Ísland, sem týndist smám saman eftir hrun. Einhvers staðar innan um leiðréttinguna og poppkornið.Höfundur skipar 3. sæti á framboðslista Pírata í Reykjavík-Suður.
Skoðun Neikvæð samskipti barna og ungmenna á samfélagsmiðlunum Þórarinn Torfi Finnbogason skrifar
Skoðun Flogið á milli landa á endurnýjanlegri orku: Draumsýn eða Raunveruleiki? Gnýr Guðmundsson skrifar