Slök sókn og fá hraðaupphlaup Ingvi Þór Sæmundsson skrifar 7. nóvember 2016 06:00 Kári Kristján Kristjánsson átti fínan leik gegn Úkraínu, skoraði þrjú mörk og fiskaði tvö vítaköst. vísir/ernir Íslandi tókst ekki að fylgja sigrinum á Tékklandi á miðvikudaginn eftir gegn Úkraínu á laugardaginn. Heimamenn voru heilt yfir sterkari aðilinn í leiknum í Sumy og lönduðu tveggja marka sigri, 27-25. Sama dag unnu Tékkar sjö marka sigur, 35-28, á Makedóníu og því eru öll liðin í riðli 4 í undankeppni EM 2018 með tvö stig. Jafnara getur það ekki orðið. Stefán Árnason, þjálfari Selfoss í Olís-deild karla, segir að sóknarleikur íslenska liðsins í leiknum gegn Úkraínu hafi ekki verið nógu góður. „Við vorum gífurlega lengi í gang í sókninni en það lagaðist mikið þegar Arnór Atlason kom inn á um miðjan fyrri hálfleik. Ómar Ingi [Magnússon] átti líka góða innkomu, bæði undir lok fyrri hálfleiks og í byrjun þess seinni. Mér fannst hraðinn í spilinu meiri þegar hann var inn á,“ sagði Stefán í samtali við Fréttablaðið í gær. Ísland skoraði aðeins tvö mörk síðustu níu mínútur leiksins og átti í miklum vandræðum í sókninni á lokakaflanum. „Þá lokaðist þetta aðeins. Sóknarleikurinn var tilviljanakenndur undir lokin og það voru engar svakalega góðar lausnir í boði. Undir lokin völdum við léleg skot,“ sagði Stefán en Igor Chupryna, markvörður Úkraínu, fór allt í einu að verja á lokakaflanum. Hann varði sex skot á síðustu átta mínútum leiksins en hafði aðeins varið átta skot fram að því. Varnarleikur íslenska liðsins hefur að mestu verið góður eftir að Geir Sveinsson tók við þjálfun þess. Þessi bætta vörn skilar þó ekki nógu mörgum hraðaupphlaupum en í leiknum í fyrradag skoraði Ísland t.a.m. aðeins fjögur hraðaupphlaupsmörk. „Fjögur hraðaupphlaup eru ekki nóg, það er klárt. Það er það sem vantaði í þessum tveimur leikjum. Vörnin er að standa sig ágætlega og það hafa orðið áhugaverðar breytingar á henni. Vörnin er komin aftar, þá sérstaklega þristarnir, og við erum að reyna að vera aðeins þéttari. En það vantar að vinna boltann og búa til ódýr mörk,“ sagði Stefán. „Það eru margir nýir leikmenn að koma inn í sóknina og sóknarleikurinn hefur verið stirður, núna sem og á móti Portúgal. Þá skiptir öllu að fá hraðaupphlaupsmörk og mörk í seinni bylgjunni. Það myndi taka mikinn þunga af sóknarleiknum.“ Aron Pálmarsson var markahæstur í íslenska liðinu í leiknum á laugardaginn með sex mörk. Líkt og gegn Tékkum byrjaði hann í stöðu leikstjórnanda en færði sig svo yfir í vinstri skyttustöðuna eftir að Arnór Atlason kom inn á. Stefán segir að þótt Aron geti vel leyst báðar stöðurnar nýtist hann Íslandi betur vinstra megin. „Hann virðist nýtast okkur betur vinstra megin. Í þessum tveimur leikjum spilaði hann betur þar. Ég held að hann sé betri á miðjunni þegar það eru betri skyttur í kringum hann. Eins og staðan er á landsliðshópnum í dag finnst mér hann koma betur út í skyttustöðunni. Hann er auðvitað frábær skotmaður og miðað við hópinn okkar þurfum við kannski meira á honum að halda í því hlutverki,“ sagði Stefán. Hann segir að þrátt fyrir augljósa hnökra á leik Íslands sé ýmislegt jákvætt í gangi hjá liðinu. „Mér finnst margt vera á ágætri leið í þessum síðustu leikjum, þótt það sé margt sem er ekki í toppklassa. Það eru bara ákveðnar breytingar á liðinu og þegar þjálfararnir fá lítinn tíma til undirbúnings verður þetta stundum svolítið stirt. En ég held að liðið geti bætt sig jafnt og þétt og við gert ágæta hluti í framtíðinni,“ sagði Stefán að endingu. EM 2018 í handbolta Mest lesið María hjálpaði Arnari mikið: „Þá næ ég kannski aðeins að toga hann til baka“ Fótbolti Vilja henda Rüdiger úr landsliðinu eftir æðiskastið Fótbolti Sviptir hulunni af dularfullu dollunni Fótbolti Vilja úrslitaleik snemma vegna Eurovision Enski boltinn Í beinni: Stjarnan - ÍBV | Fara heimamenn á toppinn? Íslenski boltinn Sjáðu markaveislu KR og rothögg KA gegn FH Íslenski boltinn Fá loks að halda sigrinum sem þrjú lið mótmæltu Fótbolti Brómansinn í hæstu hæðum: Lét fólkið syngja til heiðurs Klopp Enski boltinn Lakers sprungu og eiga bara eina líflínu Körfubolti „Mamma kenndi mér að leika ekki með matinn“ Körfubolti Fleiri fréttir Í beinni: Afturelding - Valur | Sigur eða sumarfrí hjá Mosfellingum Guðjón Valur missir fyrirliðann sinn „Við ætlum að klára að Íslandsmeistaratitilinn“ Uppgjörið: Fram - FH 34-33 | Fram í úrslit eftir tvíframlengdan leik Selfoss skaust aftur upp í Olís-deildina Sandra og Daníel koma heim og semja bæði við ÍBV Ómar Ingi frábær i fimmta sigri Magdeburg í röð Blomberg-Lippe í undanúrslit og Metzingen tryggði oddaleik Sjö mörk Viggós dugðu ekki til í Íslendingaslagnum Óðinn með stórleik er Kadetten flaug í úrslit Afturelding jafnaði metin í baráttunni um sæti í Olís-deildinni Uppgjörið og viðtöl: Fram - Haukar 18-30 | Gestirnir tóku forsytuna með risasigri Valskonur komust í 13-1 í fyrsta leik sinum í úrslitakeppninni Valur einum sigri frá úrslitum Aldís Ásta og stöllur í úrslitaeinvígið Hópur Snorra fyrir síðustu leikina: Reynir að verða einn af strákunum okkar „Náðum að opna hlutina vel fyrir Ása“ „Magnús Öder hefði fengið þrjú rauð fyrir sömu brot“ Uppgjörið: FH - Fram 36-20 | FH ætlaði augljóslega ekki í snemmbúið sumarfrí Andri Már magnaður í naumu tapi Alfreð kom öllum á óvart með vali sínu „Hætti þessari fortíðarþráhyggju minni með Vestmannaeyjar“ Embla og Eva Björk í ham þegar Stjarnan komst yfir Orri rólegur þegar Sporting tapaði fyrri leiknum Aron tryggði Veszprém jafntefli í Magdeburg Óvænt tap hjá Kolstad en Dana og Óðinn með allt á hreinu „Svona er úrslitakeppnin“ ÍR í undanúrslit eftir sigur með minnsta mun Elvar Örn frábær þegar Melsungen marði sigur Uppgjörið: Afturelding - Valur 31-23 | Mosfellingar jöfnuðu metin með stæl Sjá meira
Íslandi tókst ekki að fylgja sigrinum á Tékklandi á miðvikudaginn eftir gegn Úkraínu á laugardaginn. Heimamenn voru heilt yfir sterkari aðilinn í leiknum í Sumy og lönduðu tveggja marka sigri, 27-25. Sama dag unnu Tékkar sjö marka sigur, 35-28, á Makedóníu og því eru öll liðin í riðli 4 í undankeppni EM 2018 með tvö stig. Jafnara getur það ekki orðið. Stefán Árnason, þjálfari Selfoss í Olís-deild karla, segir að sóknarleikur íslenska liðsins í leiknum gegn Úkraínu hafi ekki verið nógu góður. „Við vorum gífurlega lengi í gang í sókninni en það lagaðist mikið þegar Arnór Atlason kom inn á um miðjan fyrri hálfleik. Ómar Ingi [Magnússon] átti líka góða innkomu, bæði undir lok fyrri hálfleiks og í byrjun þess seinni. Mér fannst hraðinn í spilinu meiri þegar hann var inn á,“ sagði Stefán í samtali við Fréttablaðið í gær. Ísland skoraði aðeins tvö mörk síðustu níu mínútur leiksins og átti í miklum vandræðum í sókninni á lokakaflanum. „Þá lokaðist þetta aðeins. Sóknarleikurinn var tilviljanakenndur undir lokin og það voru engar svakalega góðar lausnir í boði. Undir lokin völdum við léleg skot,“ sagði Stefán en Igor Chupryna, markvörður Úkraínu, fór allt í einu að verja á lokakaflanum. Hann varði sex skot á síðustu átta mínútum leiksins en hafði aðeins varið átta skot fram að því. Varnarleikur íslenska liðsins hefur að mestu verið góður eftir að Geir Sveinsson tók við þjálfun þess. Þessi bætta vörn skilar þó ekki nógu mörgum hraðaupphlaupum en í leiknum í fyrradag skoraði Ísland t.a.m. aðeins fjögur hraðaupphlaupsmörk. „Fjögur hraðaupphlaup eru ekki nóg, það er klárt. Það er það sem vantaði í þessum tveimur leikjum. Vörnin er að standa sig ágætlega og það hafa orðið áhugaverðar breytingar á henni. Vörnin er komin aftar, þá sérstaklega þristarnir, og við erum að reyna að vera aðeins þéttari. En það vantar að vinna boltann og búa til ódýr mörk,“ sagði Stefán. „Það eru margir nýir leikmenn að koma inn í sóknina og sóknarleikurinn hefur verið stirður, núna sem og á móti Portúgal. Þá skiptir öllu að fá hraðaupphlaupsmörk og mörk í seinni bylgjunni. Það myndi taka mikinn þunga af sóknarleiknum.“ Aron Pálmarsson var markahæstur í íslenska liðinu í leiknum á laugardaginn með sex mörk. Líkt og gegn Tékkum byrjaði hann í stöðu leikstjórnanda en færði sig svo yfir í vinstri skyttustöðuna eftir að Arnór Atlason kom inn á. Stefán segir að þótt Aron geti vel leyst báðar stöðurnar nýtist hann Íslandi betur vinstra megin. „Hann virðist nýtast okkur betur vinstra megin. Í þessum tveimur leikjum spilaði hann betur þar. Ég held að hann sé betri á miðjunni þegar það eru betri skyttur í kringum hann. Eins og staðan er á landsliðshópnum í dag finnst mér hann koma betur út í skyttustöðunni. Hann er auðvitað frábær skotmaður og miðað við hópinn okkar þurfum við kannski meira á honum að halda í því hlutverki,“ sagði Stefán. Hann segir að þrátt fyrir augljósa hnökra á leik Íslands sé ýmislegt jákvætt í gangi hjá liðinu. „Mér finnst margt vera á ágætri leið í þessum síðustu leikjum, þótt það sé margt sem er ekki í toppklassa. Það eru bara ákveðnar breytingar á liðinu og þegar þjálfararnir fá lítinn tíma til undirbúnings verður þetta stundum svolítið stirt. En ég held að liðið geti bætt sig jafnt og þétt og við gert ágæta hluti í framtíðinni,“ sagði Stefán að endingu.
EM 2018 í handbolta Mest lesið María hjálpaði Arnari mikið: „Þá næ ég kannski aðeins að toga hann til baka“ Fótbolti Vilja henda Rüdiger úr landsliðinu eftir æðiskastið Fótbolti Sviptir hulunni af dularfullu dollunni Fótbolti Vilja úrslitaleik snemma vegna Eurovision Enski boltinn Í beinni: Stjarnan - ÍBV | Fara heimamenn á toppinn? Íslenski boltinn Sjáðu markaveislu KR og rothögg KA gegn FH Íslenski boltinn Fá loks að halda sigrinum sem þrjú lið mótmæltu Fótbolti Brómansinn í hæstu hæðum: Lét fólkið syngja til heiðurs Klopp Enski boltinn Lakers sprungu og eiga bara eina líflínu Körfubolti „Mamma kenndi mér að leika ekki með matinn“ Körfubolti Fleiri fréttir Í beinni: Afturelding - Valur | Sigur eða sumarfrí hjá Mosfellingum Guðjón Valur missir fyrirliðann sinn „Við ætlum að klára að Íslandsmeistaratitilinn“ Uppgjörið: Fram - FH 34-33 | Fram í úrslit eftir tvíframlengdan leik Selfoss skaust aftur upp í Olís-deildina Sandra og Daníel koma heim og semja bæði við ÍBV Ómar Ingi frábær i fimmta sigri Magdeburg í röð Blomberg-Lippe í undanúrslit og Metzingen tryggði oddaleik Sjö mörk Viggós dugðu ekki til í Íslendingaslagnum Óðinn með stórleik er Kadetten flaug í úrslit Afturelding jafnaði metin í baráttunni um sæti í Olís-deildinni Uppgjörið og viðtöl: Fram - Haukar 18-30 | Gestirnir tóku forsytuna með risasigri Valskonur komust í 13-1 í fyrsta leik sinum í úrslitakeppninni Valur einum sigri frá úrslitum Aldís Ásta og stöllur í úrslitaeinvígið Hópur Snorra fyrir síðustu leikina: Reynir að verða einn af strákunum okkar „Náðum að opna hlutina vel fyrir Ása“ „Magnús Öder hefði fengið þrjú rauð fyrir sömu brot“ Uppgjörið: FH - Fram 36-20 | FH ætlaði augljóslega ekki í snemmbúið sumarfrí Andri Már magnaður í naumu tapi Alfreð kom öllum á óvart með vali sínu „Hætti þessari fortíðarþráhyggju minni með Vestmannaeyjar“ Embla og Eva Björk í ham þegar Stjarnan komst yfir Orri rólegur þegar Sporting tapaði fyrri leiknum Aron tryggði Veszprém jafntefli í Magdeburg Óvænt tap hjá Kolstad en Dana og Óðinn með allt á hreinu „Svona er úrslitakeppnin“ ÍR í undanúrslit eftir sigur með minnsta mun Elvar Örn frábær þegar Melsungen marði sigur Uppgjörið: Afturelding - Valur 31-23 | Mosfellingar jöfnuðu metin með stæl Sjá meira