Teiknimyndafroskur veldur usla Stefán Þór Hjartarson skrifar 6. október 2016 10:15 Froskurinn Pepe ber það ekki utan á sér að vera nasisti eins og hann hefur nú verið flokkaður sem í Bandaríkjunum. Froskurinn Pepe byrjaði sem saklaus karakter úr teiknimyndasögu en hefur á lygilegan hátt verið dreginn inn í sjálfar forsetakosningarnar í Bandaríkjunum. Kosningabaráttan í Bandaríkjunum hefur verið ansi litrík og sérstaklega í kringum Donald Trump, forsetaframbjóðanda Repúblikanaflokksins, sem hefur ekki verið feiminn við að láta út úr sér stórkarlalegar yfirlýsingar. Skrítnasta útspil baráttunnar hefur þó vafalaust verið það þegar Hillary Clinton og hennar teymi lýstu því yfir að internet meme-ið Pepe the frog, teikning af froski í ýmsum aðstæðum, væri haturstákn og í kjölfar yfirlýsingarinnar tóku samtökin Anti-Defamation League undir með forsetaframbjóðandanum og settu Pepe á lista með táknum eins og sjálfum hakakrossinum.Hvaðan kemur Pepe? Pepe er teiknimyndafroskur í mannsmynd sem upphaflega birtist í teiknimyndasögusyrpunni Boy‘s Club sem hóf göngu sína árið 2005. Teiknimyndasögurnar fjalla um nokkra félaga sem búa saman og eyða tíma sínum aðallega í að nota eiturlyf og láta barnalega. Frasinn „feels good man“ ásamt myndum af Pepe fóru fljótlega að verða vinsælar á spjallborðinu 4chan þar sem meðlimir þess notuðu hann til að tjá tilfinningar sínar. Alls kyns útgáfur af Pepe fóru að verða til og 4chan-notendur voru fljótlega farnir að teikna eigin útgáfur af froskinum. Tíu árum síðar var Pepe enn þá í notkun á internetinu en eins og ýmislegt sem er grínast með á 4chan var Pepe löngu sloppinn þaðan út og kominn í umferð hér og þar – Pepe var orðinn að allsherjar meme-i, meðal annars hafa Katy Perry og Nicki Minaj notað hann á Twitter – 4chan notendum til mikils ama.Donald Pepe Trump.Pepe og Alt-right hreyfingin Ef það er eitthvað sem notendur 4chan hafa gaman af þá er það að „trolla“ og fljótlega fór Pepe að skarta hakakrossinum, myndir tóku að birtast af honum í útrýmingarbúðum og hann almennt farinn að vera settur í hatursfullt samhengi. Líklega var þetta gert til að láta fræga fólkið og aðra sem voru að misnota (að mati 4hcan) Pepe líta illa út. Fljótlega var Pepe þó kominn í mikla notkun hjá stuðningsfólki Trumps og öðrum úr hinni svokölluðu „Alt-right“ hreyfingu sem notaði hann til að tjá skoðanir sínar sem oft vilja vera ansi hatursfullar. Pepe var skyndilega kominn með hár eins og Trump og básúnaði skoðanir frambjóðandans og hans stuðningsmanna. Donald Trump Jr., sonur Trumps, póstaði meme-inu meira að segja á Instagram-síðu sína og var gagnrýndur harðlega fyrir. Það má telja líklegt að stuðningsmenn Trumps og 4chan-notendur hafi orðið nokkuð ánægðir með það þegar Hillary sjálf beindi athyglinni að þeim með því að taka Pepe, af öllum hlutum, fyrir, enda er það í eðli þessara hópa að sækjast eftir því að fá frægt fólk, og þá sérstaklega fólk sem þeim líkar illa við, til að sýna viðbrögð – það er lokamarkmið þess að „trolla“. Matt Furie, sem upphaflega teiknaði Pepe, er þó ekki jafn ánægður. Hann hefur komið fram í viðtölum þar sem hann segist vera stuðningsmaður Hillary Clinton og hefur töluverðar áhyggjur af uppgangi Alt-right hreyfingarinnar. Hann hefur þó ekki áhyggjur af notkun hreyfingarinnar á Pepe og telur að það sé bara tímabundið enda sé karakterinn saklaus og skemmtilegur í eðli sínu.Internetið getur verið svo undarlegt.Orðabók 4chan er spjallborð á internetinu þar sem notendur njóta nafnleyndar. Spjallborðinu er skipt upp í alls kyns svæði þar sem flest milli himins og jarðar er rætt. Spjallborðið tengist að því er virðist nánast öllu sem á sér stað á internetinu, bæði góðu og slæmu, þó að hið slæma virðist oft vera meirihlutinn – enda er ýmislegt mögulegt í skjóli nafnleyndar. Í stuttu máli er internet-meme athæfi, hugmynd, frasi eða einhvers konar mynd, texti, myndband sem dreifist um internetið og líkt er eftir og sett í alls kyns útgáfur hér og þar. Góð dæmi um þekkt meme sem náðu meðal annars dreifingu hér á landi eru að planka og Harlem Shake. Sá sem trollar er oftast að reyna að byrja rifrildi eða einhvers konar leiðindi með því að senda frá sér móðgandi fullyrðingar eða annað í þeim dúr og er markmiðið yfirleitt það að reita fólk til reiði og skemma umræðu. Donald Trump Forsetakosningar í Bandaríkjunum Mest lesið Val Kilmer er látinn Lífið „Fróunarklefinn“, versti leikstjóri heims og Teslu-skömmin Lífið Katrín Tanja minnist Theo: „Hann kenndi mér hvernig á að elska“ Lífið Þorsteinn og Hulda selja í Hlíðunum Lífið Giskaði sig í eina milljón Lífið Helgi Björns og Siggi Hall skemmtu sér konunglega Lífið „Mikilvægt að gera hluti sem hann yrði stoltur af“ Menning Innsigluðu ástina með sérhönnuðu húðflúri Lífið Fólk þurfi alltaf að sætta sig við eitthvað sem því líkar illa við í fari makans Lífið Sækir innblásturinn í rússnesku ræturnar Tónlist Fleiri fréttir Þorsteinn og Hulda selja í Hlíðunum Vilja vera einn af vorboðunum Katrín Tanja minnist Theo: „Hann kenndi mér hvernig á að elska“ Fincher leikstýrir Pitt í framhaldi á Tarantino-mynd Giskaði sig í eina milljón Fólk þurfi alltaf að sætta sig við eitthvað sem því líkar illa við í fari makans Þórdís Lóa brast í söng í pontu Innsigluðu ástina með sérhönnuðu húðflúri Helgi Björns og Siggi Hall skemmtu sér konunglega Val Kilmer er látinn „Fróunarklefinn“, versti leikstjóri heims og Teslu-skömmin Vill kynlíf en ekki samband „Var ekkert búin að reikna saman þessi laun“ Jennifer Lawrence orðin tveggja barna móðir Forsetahjónin, Elísabet Jökuls og Hugleikur létu sig ekki vanta „Ég held ég sé með niðurgang“ Rekur heimili fyrir unglingsmæður í Kenía fyrir hálfa milljón á mánuði Steldu stílnum af heimili Svönu Lovísu Hollt veisluhlaðborð sem er lygilega bragðgott og girnilegt Stjörnulífið: Eddan, rauðar blúndur og afmæli í París VÆB-bræður fyrstir á svið í Eurovision Vörur sem flugfreyjur kaupa í Bandaríkjunum Stefán Einar og Sara Lind selja parhúsið Richard Chamberlain er látinn Úr svefnherbergispoppi í drum-n-bass: „Fólkið var ógeðslega mikið að fíla þetta“ „Þarna brotnaði ég bara niður og grét og grét“ Krakkatían: Andrés Önd, Bubbi Morthens og ballett Adolescence: Börn ekki lengur örugg ein inni í herbergi Halda tíu tíma maraþontónleika Löng fangelsisvist blasir við popparanum Sjá meira
Froskurinn Pepe byrjaði sem saklaus karakter úr teiknimyndasögu en hefur á lygilegan hátt verið dreginn inn í sjálfar forsetakosningarnar í Bandaríkjunum. Kosningabaráttan í Bandaríkjunum hefur verið ansi litrík og sérstaklega í kringum Donald Trump, forsetaframbjóðanda Repúblikanaflokksins, sem hefur ekki verið feiminn við að láta út úr sér stórkarlalegar yfirlýsingar. Skrítnasta útspil baráttunnar hefur þó vafalaust verið það þegar Hillary Clinton og hennar teymi lýstu því yfir að internet meme-ið Pepe the frog, teikning af froski í ýmsum aðstæðum, væri haturstákn og í kjölfar yfirlýsingarinnar tóku samtökin Anti-Defamation League undir með forsetaframbjóðandanum og settu Pepe á lista með táknum eins og sjálfum hakakrossinum.Hvaðan kemur Pepe? Pepe er teiknimyndafroskur í mannsmynd sem upphaflega birtist í teiknimyndasögusyrpunni Boy‘s Club sem hóf göngu sína árið 2005. Teiknimyndasögurnar fjalla um nokkra félaga sem búa saman og eyða tíma sínum aðallega í að nota eiturlyf og láta barnalega. Frasinn „feels good man“ ásamt myndum af Pepe fóru fljótlega að verða vinsælar á spjallborðinu 4chan þar sem meðlimir þess notuðu hann til að tjá tilfinningar sínar. Alls kyns útgáfur af Pepe fóru að verða til og 4chan-notendur voru fljótlega farnir að teikna eigin útgáfur af froskinum. Tíu árum síðar var Pepe enn þá í notkun á internetinu en eins og ýmislegt sem er grínast með á 4chan var Pepe löngu sloppinn þaðan út og kominn í umferð hér og þar – Pepe var orðinn að allsherjar meme-i, meðal annars hafa Katy Perry og Nicki Minaj notað hann á Twitter – 4chan notendum til mikils ama.Donald Pepe Trump.Pepe og Alt-right hreyfingin Ef það er eitthvað sem notendur 4chan hafa gaman af þá er það að „trolla“ og fljótlega fór Pepe að skarta hakakrossinum, myndir tóku að birtast af honum í útrýmingarbúðum og hann almennt farinn að vera settur í hatursfullt samhengi. Líklega var þetta gert til að láta fræga fólkið og aðra sem voru að misnota (að mati 4hcan) Pepe líta illa út. Fljótlega var Pepe þó kominn í mikla notkun hjá stuðningsfólki Trumps og öðrum úr hinni svokölluðu „Alt-right“ hreyfingu sem notaði hann til að tjá skoðanir sínar sem oft vilja vera ansi hatursfullar. Pepe var skyndilega kominn með hár eins og Trump og básúnaði skoðanir frambjóðandans og hans stuðningsmanna. Donald Trump Jr., sonur Trumps, póstaði meme-inu meira að segja á Instagram-síðu sína og var gagnrýndur harðlega fyrir. Það má telja líklegt að stuðningsmenn Trumps og 4chan-notendur hafi orðið nokkuð ánægðir með það þegar Hillary sjálf beindi athyglinni að þeim með því að taka Pepe, af öllum hlutum, fyrir, enda er það í eðli þessara hópa að sækjast eftir því að fá frægt fólk, og þá sérstaklega fólk sem þeim líkar illa við, til að sýna viðbrögð – það er lokamarkmið þess að „trolla“. Matt Furie, sem upphaflega teiknaði Pepe, er þó ekki jafn ánægður. Hann hefur komið fram í viðtölum þar sem hann segist vera stuðningsmaður Hillary Clinton og hefur töluverðar áhyggjur af uppgangi Alt-right hreyfingarinnar. Hann hefur þó ekki áhyggjur af notkun hreyfingarinnar á Pepe og telur að það sé bara tímabundið enda sé karakterinn saklaus og skemmtilegur í eðli sínu.Internetið getur verið svo undarlegt.Orðabók 4chan er spjallborð á internetinu þar sem notendur njóta nafnleyndar. Spjallborðinu er skipt upp í alls kyns svæði þar sem flest milli himins og jarðar er rætt. Spjallborðið tengist að því er virðist nánast öllu sem á sér stað á internetinu, bæði góðu og slæmu, þó að hið slæma virðist oft vera meirihlutinn – enda er ýmislegt mögulegt í skjóli nafnleyndar. Í stuttu máli er internet-meme athæfi, hugmynd, frasi eða einhvers konar mynd, texti, myndband sem dreifist um internetið og líkt er eftir og sett í alls kyns útgáfur hér og þar. Góð dæmi um þekkt meme sem náðu meðal annars dreifingu hér á landi eru að planka og Harlem Shake. Sá sem trollar er oftast að reyna að byrja rifrildi eða einhvers konar leiðindi með því að senda frá sér móðgandi fullyrðingar eða annað í þeim dúr og er markmiðið yfirleitt það að reita fólk til reiði og skemma umræðu.
Donald Trump Forsetakosningar í Bandaríkjunum Mest lesið Val Kilmer er látinn Lífið „Fróunarklefinn“, versti leikstjóri heims og Teslu-skömmin Lífið Katrín Tanja minnist Theo: „Hann kenndi mér hvernig á að elska“ Lífið Þorsteinn og Hulda selja í Hlíðunum Lífið Giskaði sig í eina milljón Lífið Helgi Björns og Siggi Hall skemmtu sér konunglega Lífið „Mikilvægt að gera hluti sem hann yrði stoltur af“ Menning Innsigluðu ástina með sérhönnuðu húðflúri Lífið Fólk þurfi alltaf að sætta sig við eitthvað sem því líkar illa við í fari makans Lífið Sækir innblásturinn í rússnesku ræturnar Tónlist Fleiri fréttir Þorsteinn og Hulda selja í Hlíðunum Vilja vera einn af vorboðunum Katrín Tanja minnist Theo: „Hann kenndi mér hvernig á að elska“ Fincher leikstýrir Pitt í framhaldi á Tarantino-mynd Giskaði sig í eina milljón Fólk þurfi alltaf að sætta sig við eitthvað sem því líkar illa við í fari makans Þórdís Lóa brast í söng í pontu Innsigluðu ástina með sérhönnuðu húðflúri Helgi Björns og Siggi Hall skemmtu sér konunglega Val Kilmer er látinn „Fróunarklefinn“, versti leikstjóri heims og Teslu-skömmin Vill kynlíf en ekki samband „Var ekkert búin að reikna saman þessi laun“ Jennifer Lawrence orðin tveggja barna móðir Forsetahjónin, Elísabet Jökuls og Hugleikur létu sig ekki vanta „Ég held ég sé með niðurgang“ Rekur heimili fyrir unglingsmæður í Kenía fyrir hálfa milljón á mánuði Steldu stílnum af heimili Svönu Lovísu Hollt veisluhlaðborð sem er lygilega bragðgott og girnilegt Stjörnulífið: Eddan, rauðar blúndur og afmæli í París VÆB-bræður fyrstir á svið í Eurovision Vörur sem flugfreyjur kaupa í Bandaríkjunum Stefán Einar og Sara Lind selja parhúsið Richard Chamberlain er látinn Úr svefnherbergispoppi í drum-n-bass: „Fólkið var ógeðslega mikið að fíla þetta“ „Þarna brotnaði ég bara niður og grét og grét“ Krakkatían: Andrés Önd, Bubbi Morthens og ballett Adolescence: Börn ekki lengur örugg ein inni í herbergi Halda tíu tíma maraþontónleika Löng fangelsisvist blasir við popparanum Sjá meira