Miklar umferðartafir milli Gullfoss og Geysis vegna fjárrekstrar

Miklar umferðartafir mynduðust á leiðinni milli Gullfoss og Geysis í dag en þar mættust má segja tvær atvinnugreinar. Annars vegar farþegaflutningabílar með túrista sem þurftu að þola smá bið á meðan verið að að reka fé yfir veginn.

Lögreglan á Suðurlandi hafði áður minnt vegfarendur á að búast mætti við umferðartöfum á eftirtöldum vegum í Biskupstungum vegna fjárrekstra:

Föstudaginn 9 .sept

Biskupstungnabraut (vegur 35) , milli Gullfoss og Geysis frá kl: 11:30 til 13:30.

Skeiða- og Hrunamannavegur (vegur 30) við Gýgjarhól milli kl.: 14:00 og 15:30.

Einholtsvegur (vegur 358) frá Kjarnholtum að Tungnaréttum frá kl:16:00 fram á kvöld.

Laugardaginn 10. sept

Biskupstungnabraut (vegur 35) frá Vatnsleysu að Múla frá kl:13:00 og fram eftir degi.

Einholtsvegur (vegur 358) frá Tungnaréttum að Gýgjarhólskoti frá kl:13:00 og fram eftir degi.

Á vef Skeiða- og Gnúpverjahrepps segir:

Skaftholtsréttir verða þann 16. september og hefjast kl. 11:00. Þann dag verður vegur 32. lokaður fyrir umferð út úr sveitinni frá kl. 16:00 -20:00 frá Árnesi að Reykjaréttum.

Í Skaftárhreppi er réttardagur þann 10. september en þar er réttað í Skaftárrétt kl. 09:00 Fossrétt kl. 13:00 og Grafarrétt kl. 10:00

Lögreglan segir þetta aðeins hluta þeirra fjárrétta og rekstra sem við er að búast næstu vikurnar og mikilvægt að vegfarendur hagi akstri í samræmi við þær hættur sem þetta hefur í för með sér. Bæði gagnvart búfénaði og smölunum sjálfum. Jafnframt hvetjum við smala til að vera vel sýnilega og gjarnan í endurskinsvestum.