Verk um íslenska hvunndagshetju Guðrún Jóna Stefánsdóttir skrifar 11. ágúst 2016 09:00 María Reyndal leikstýrir verkinu Sóley Rós sem frumsýnt verður 10. september. Vísir/Ernir „Leikverkið Sóley Rós ræstitæknir er sannsögulegt verk og byggt á viðtölum við raunverulega íslenska hvunndagshetju sem hefur átt lygilegt lífshlaup og kynnst miklu mótlæti sem myndi láta hvern mann kikna,“ segir María Reyndal, leikstjóri og einn af höfundum verksins Sóley Rós, sem frumsýnt verður 10. september í Tjarnarbíói. „Hugmyndin kviknaði út frá vinkonu minni sem var að vinna fyrir norðan. Þar kynntist hún konu sem hefur alveg ótrúlega merkilega sögu að segja,“ segir María. María Reyndal ásamt Sólveigu Guðmundsdóttur fengu styrk frá leiklistarráði og hófu fljótlega uppsetningu verksins en í sameiningu skrifuðu þær leikverkið, eftir að hafa tekið viðtölin sem verkið byggir á. „Sóley Rós fjallar um einstaka fjörutíu og tveggja ára móður, ömmu, eiginkonu og ræstitækni. Hún er einstök persóna sem hægt er að líkja við Bjart í Sumarhúsum. Þetta er virkilega fyndið og skemmtilegt leikrit, á sama tíma og verkið er mjög átakanlegt,“ segir María en æfingar á verkinu hefjast í vikunni. Að sögn Maríu er líklegt að sagan höfði til stórs hóps þar sem verkið er fyndið en jafnframt mjög hjartnæmt, tekur á samtíma okkar og málefnum sem við öll höfum skoðanir á og varða okkur öll. Sólveig Guðmundsdóttir og Sveinn Ólafur Gunnarsson koma til með að leika aðalhlutverkin í sýningunni. En óhætt er að segja að útkoma sýningarinnar sé spennandi. „Við Sólveig unnum verkið alfarið upp úr viðtölum og einungis nöfnum er breytt. Við ætluðum fyrst að byggja verkið á viðtölum við fleiri konur en svo var þessi saga svo heilsteypt og sterkt að við ákváðum í kjölfarið að byggja leikverkið eingöngu á sögu hennar, en saga hennar er saga svo margra. Það verður því spennandi að sjá hvernig það mun ganga eftir,“ segir María bjartsýn á framhaldið. Fram undan er nóg um að vera hjá Maríu en ásamt því að skrifa leikverk hefur hún langa reynslu sem handritshöfundur á hinum ýmsu sviðum. „Það er mikið um að vera hjá mér, ég er á fullu að skrifa, bæði er ég að vinna að nýrri sjónvarpsþáttaröð og bíómynd,“ segir María.Aðstandendur sýningarinnar komnir í samlestur í Tjarnarbíói.Vísir/Ernir Menning Mest lesið Vill opna á umræðuna um átröskun Lífið Lærði að byggja sig upp og elska úr fjarlægð Tónlist Fréttatía vikunnar: Forsetaheimsókn, bílatjón og landsliðið Lífið Tvær miðaldra: Þekktust ekkert en láta nú drauminn rætast saman Lífið „Magnað ég hafi lifað 22 ár án þess að fara í aðra aðgerð“ Lífið Bað Youtube um að fjarlæga myndbandið Lífið Kalli Bjarni búinn að breyta lífi sínu Lífið „Loksins kominn til okkar“ Lífið Hittast á laun Lífið „Að koma hingað inn er eins og að fara inn í annan heim“ Lífið Fleiri fréttir Skálað fyrir skíthræddri Unni Sjóðheitir listamenn mynda sterka heild Rif eftir Önnu Júlíu sigraði og verður á Héðinsreit Gerir upp tólf ára samband við barnsmóður sína með sýningu og bók Samtal við þann fyrsta til að taka ljósmyndir á Íslandi Tilnefningar til íslensku myndlistarverðlaunanna Birgitta Björg, Ingunn og Rán Flygenring fengu Fjöruverðlaun Tjörnin trónir á toppnum Borgarstjórar og forsetar á ólgandi listasýningu Hendur sem káfa, snerta og breyta „Á fyrsta uppistandi er maður að skíta á sig“ Eiríkur og Þórdís tilnefnd til bókmenntaverðlauna Norðurlandaráðs Tvíburabræður með myndlistarsýningu „Hvenær er hægt að leita í óskilamun hjá ykkur?“ Uglumorð, auglýsingar og dauði internetsins Brynhildur hættir í Borgarleikhúsinu Mótsvar til að lifa af andlega og sökkva ekki í hyldýpið Líf og fjör meðal guða og manna Dægradvöl Benedikts meinfýsið rant biturs manns Kennir Instagram mökum að taka almennilegar myndir Úr drullumalli og nornaseiði í listnám í Bandaríkjunum Sjá meira
„Leikverkið Sóley Rós ræstitæknir er sannsögulegt verk og byggt á viðtölum við raunverulega íslenska hvunndagshetju sem hefur átt lygilegt lífshlaup og kynnst miklu mótlæti sem myndi láta hvern mann kikna,“ segir María Reyndal, leikstjóri og einn af höfundum verksins Sóley Rós, sem frumsýnt verður 10. september í Tjarnarbíói. „Hugmyndin kviknaði út frá vinkonu minni sem var að vinna fyrir norðan. Þar kynntist hún konu sem hefur alveg ótrúlega merkilega sögu að segja,“ segir María. María Reyndal ásamt Sólveigu Guðmundsdóttur fengu styrk frá leiklistarráði og hófu fljótlega uppsetningu verksins en í sameiningu skrifuðu þær leikverkið, eftir að hafa tekið viðtölin sem verkið byggir á. „Sóley Rós fjallar um einstaka fjörutíu og tveggja ára móður, ömmu, eiginkonu og ræstitækni. Hún er einstök persóna sem hægt er að líkja við Bjart í Sumarhúsum. Þetta er virkilega fyndið og skemmtilegt leikrit, á sama tíma og verkið er mjög átakanlegt,“ segir María en æfingar á verkinu hefjast í vikunni. Að sögn Maríu er líklegt að sagan höfði til stórs hóps þar sem verkið er fyndið en jafnframt mjög hjartnæmt, tekur á samtíma okkar og málefnum sem við öll höfum skoðanir á og varða okkur öll. Sólveig Guðmundsdóttir og Sveinn Ólafur Gunnarsson koma til með að leika aðalhlutverkin í sýningunni. En óhætt er að segja að útkoma sýningarinnar sé spennandi. „Við Sólveig unnum verkið alfarið upp úr viðtölum og einungis nöfnum er breytt. Við ætluðum fyrst að byggja verkið á viðtölum við fleiri konur en svo var þessi saga svo heilsteypt og sterkt að við ákváðum í kjölfarið að byggja leikverkið eingöngu á sögu hennar, en saga hennar er saga svo margra. Það verður því spennandi að sjá hvernig það mun ganga eftir,“ segir María bjartsýn á framhaldið. Fram undan er nóg um að vera hjá Maríu en ásamt því að skrifa leikverk hefur hún langa reynslu sem handritshöfundur á hinum ýmsu sviðum. „Það er mikið um að vera hjá mér, ég er á fullu að skrifa, bæði er ég að vinna að nýrri sjónvarpsþáttaröð og bíómynd,“ segir María.Aðstandendur sýningarinnar komnir í samlestur í Tjarnarbíói.Vísir/Ernir
Menning Mest lesið Vill opna á umræðuna um átröskun Lífið Lærði að byggja sig upp og elska úr fjarlægð Tónlist Fréttatía vikunnar: Forsetaheimsókn, bílatjón og landsliðið Lífið Tvær miðaldra: Þekktust ekkert en láta nú drauminn rætast saman Lífið „Magnað ég hafi lifað 22 ár án þess að fara í aðra aðgerð“ Lífið Bað Youtube um að fjarlæga myndbandið Lífið Kalli Bjarni búinn að breyta lífi sínu Lífið „Loksins kominn til okkar“ Lífið Hittast á laun Lífið „Að koma hingað inn er eins og að fara inn í annan heim“ Lífið Fleiri fréttir Skálað fyrir skíthræddri Unni Sjóðheitir listamenn mynda sterka heild Rif eftir Önnu Júlíu sigraði og verður á Héðinsreit Gerir upp tólf ára samband við barnsmóður sína með sýningu og bók Samtal við þann fyrsta til að taka ljósmyndir á Íslandi Tilnefningar til íslensku myndlistarverðlaunanna Birgitta Björg, Ingunn og Rán Flygenring fengu Fjöruverðlaun Tjörnin trónir á toppnum Borgarstjórar og forsetar á ólgandi listasýningu Hendur sem káfa, snerta og breyta „Á fyrsta uppistandi er maður að skíta á sig“ Eiríkur og Þórdís tilnefnd til bókmenntaverðlauna Norðurlandaráðs Tvíburabræður með myndlistarsýningu „Hvenær er hægt að leita í óskilamun hjá ykkur?“ Uglumorð, auglýsingar og dauði internetsins Brynhildur hættir í Borgarleikhúsinu Mótsvar til að lifa af andlega og sökkva ekki í hyldýpið Líf og fjör meðal guða og manna Dægradvöl Benedikts meinfýsið rant biturs manns Kennir Instagram mökum að taka almennilegar myndir Úr drullumalli og nornaseiði í listnám í Bandaríkjunum Sjá meira