Austurland skartaði sínu fegursta fyrir Guðna Th.

Það er fullt starf að vera í forsetaframboði og víða sem þarf að koma við vilji maður auka möguleika sína á kjöri.

Því fengu fylgjendur stod2frettir á Snapchat að kynnast í gær þegar forsetaframbjóðandinn Guðni Th. Jóhannesson sá um reikninginn.

Guðni lagði land undir fót og heimsótti Austfirði þar sem hann meðal annars kíkti í netagerð. Þá naut hann náttúrufegurðar Austurlands sem skartaði sínu fínasta fyrir forsetaframbjóðandann. Þá gerði hann sér lítið fyrir og varpaði kúlu í blíðviðrinu.

Sjá einnig: Fylgstu með degi í lífi forsetaframbjóðendanna á Snapchat

Myndband af ævintýrum Guðna má sjá í spilaranum hér að ofan. Fleiri forsetaframbjóðendur munu fylgja í kjölfar Guðna og geta áhugasamir fylgst með ævintýrum þeirra með því að bæta við Snapchat-reikningnum stod2frettir eins og fyrr segir. Hildur Þórðardóttir mun næst stýra snappinu á mánudag.