Gunnar og Sunna á leið í stríð 15. júlí 2017 09:00 GLASGOW, SCOTLAND - JULY 13: Gunnar Nelson of Iceland interacts with media during the UFC Ultimate Media Day at the Crowne Plaza Glasgow on July 13, 2017 in Glasgow, Scotland. (Photo by Josh Hedges/Zuffa LLC/Zuffa LLC via Getty Images) Mjölnisfólk á eftir að naga neglurnar alla helgina því þeirra atvinnumenn á stóra sviðinu, Gunnar Nelson og Sunna Rannveig Davíðsdóttir, verða í eldlínunni. Á laugardagskvöld berst Sunna, sem kallar sig Tsunami, við hina bandarísku Kelly D’Angelo í Kansas og á sunnudeginum er komið að Gunnari er hann mætir Argentínumanninum Santiago Ponzinibbio í Glasgow. Andstæðingur Sunnu er þrítug og rétt eins og Sunna þá þekkir hún það ekki að tapa. Hún á fimm boxbardaga að baki sem hún vann alla og hefur einnig unnið alla MMA-bardagana sína sem eru orðnir fimm. Síðustu tveir eru atvinnumannabardagar. Sunna hefur unnið báða sína bardaga hjá Invicta-bardagasambandinu en þetta verður frumraun D’Angelo hjá því sambandi en ferill hennar gefur til kynna að hún sé grjóthörð og kunni ýmislegt fyrir sér. Sérstaklega í hnefaleikum. Þetta er áhugaverð kona sem starfar sem sjúkraliði og slökkviliðskona og þar kynntist hún boxinu og síðar MMA. Hún kemur frá Missouri og ætti því að vera með fjölda fólks á bak við sig á bardagakvöldinu. Sjálf sagði hún reyndar í viðtali við MMAfréttir.is að hún ætti von á vinum og ættingjum á kvöldið stóra en væri ekki að búast við neinum heimavelli þó að hún sé frá þessum slóðum. Sunna væri orðin vel þekkt í Invicta, sem og vinsæl, og því myndi Sunna klárlega fá góðan stuðning líka úr stúkunni. Sunna okkar hefur vakið mikla athygli fyrir frammistöðu sína hjá Invicta hingað til og bardagar hennar verið rosalegir. Hún vann fyrst sannfærandi sigur á stigum gegn Ashley Greenway í september í fyrra og fylgdi því eftir með sigri á Mallory Martin í maí. Það var jafn bardagi sem valinn var bardagi kvöldsins. Okkar kona sýndi þá ótrúlegt ljónshjarta sem hefur fleytt henni langt. Það er ekkert launungarmál að Sunna stefnir á að komast inn um dyrnar hjá UFC sem er stærsta bardagasamband heims. Leiðin þangað úr Invicta þarf ekkert að vera rosalega löng ef fólk stendur sig vel. Haraldur Dean Nelson hjá Mjölni er með sterk tengsl innan UFC og hefur þegar verið í sambandi við fólk þar vegna Sunnu. Fari svo að hún sýni allar sínar bestu hliðar á nýjan leik og klári D’Angelo með stæl gæti vel farið svo að UFC opni dyrnar og hleypi henni inn. Það er því til mikils að vinna fyrir Sunnu í Kansas City á laugardagskvöld. Gunnar Nelson er löngu kominn inn fyrir dyrnar hjá UFC og er í áttunda sæti á styrkleikalista veltivigtarinnar. Hann fær þann heiður að vera aðalnúmerið á bardagakvöldinu í Glasgow á sunnudag. Það segir ýmislegt um sterka stöðu Gunnars innan UFC. Þetta er í annað sinn sem Gunnar er í aðalbardaga kvölds hjá UFC en hann var það einnig er hann barðist við Rick Story í Stokkhólmi í október árið 2014. Að hann sé í aðalbardaga kvölds þýðir að bardagi hans sé fimm lotur en ekki þrjár eins og allir hinir bardagarnir. Gunnar fór í fimm lotur gegn Story á sínum tíma og varð þá að sætta sig við sitt fyrsta tap í búrinu. Hann hefur lært mikið á þeim bardaga og sneri tvíefldur til baka. Ef hann lendir aftur í því að þurfa að fara í fimm lotur mun hann ráða mun betur við það en hann gerði gegn Story. Hann er þess utan í betra formi í dag. Andstæðingur Gunnars að þessu sinni er grjótharður Argentínumaður. Hann hefur unnið 24 bardaga en aðeins tapað þremur. Þrettán af sigrum Ponzinibbio hafa komið með rothöggi. Hann er mikill stríðsmaður sem þarf að hafa mikið fyrir að vinna. Hann virðist eflast við hverja raun en hefur aldrei lent í eins hæfileikaríkum bardagamanni og Gunnari. Þetta verður níundi bardagi Ponzinibbio í UFC en hann hefur tapað tveimur af átta bardögunum þar hingað til. Hann er aftur á móti á mikilli siglingu og hefur unnið fjóra bardaga í röð. Argentínumaðurinn mun því mæta með sjálfstraustið í botni og kassann úti gegn Gunnari. Þessi bardagi er nefnilega risatækifæri fyrir hann að blanda sér í umræðuna um þá bestu í vigtinni. Hann er sem stendur í fjórtánda sæti á styrkleikalistanum eftir að hafa tapað síðast fyrir rúmum tveimur árum. Þó að Gunnar hafi mátt sætta sig við tvö töp hjá UFC til þessa þá hafa markmið hans alls ekkert breyst. Hann ætlar sér að verða heimsmeistari hjá UFC og hefur tekið neikvæðu reynsluna af töpunum og snúið þeim upp í jákvæða reynslu sem hjálpar honum að komast þangað sem hann ætlar sér. Leiðin á toppinn hefur verið örlítið grýttari en hann ætlaði sér en stígurinn þangað er í sjónmáli. Gunnar barðist aðeins þrisvar á árunum 2015 og 2016. Hann veit að hann þarf að berjast oftar og er að vinna í því í ár. Að öllum líkindum mun hann ná þremur bardögum á þessu ári. Því miður hafa hlutirnir ekki spilast eins vel fyrir hann og hann ætlaði sér. Í nóvember á síðasta ári varð hann að draga sig út úr bardaga gegn Kóreubúanum Dong Hyun-Kim en sigur þar hefði gefið honum enn stærri bardaga í kjölfarið. Flestir af þeim sem eru fyrir ofan hann hafa annaðhvort verið meiddir eða bókaðir í aðra bardaga á þessu ári. Gunnar þarf því að slökkva á sprækum strákum sem eru á uppleið á meðan hann bíður eftir að mæta hákörlunum. Hann afgreiddi Alan Jouban smekklega í mars og ætlar sér að senda enn sterkari skilaboð með því að klára Ponzinibbio. Auðvitað er miklu meira undir hjá Gunnari sem er eðlilega að taka talsverða áhættu með því að berjast við gaura sem eru fyrir neðan hann á styrkleikalistanum. Hann er aftur á móti að sýna að hann óttast ekki áskoranir og ef allt fer að óskum á morgun þá geta forráðamenn UFC ekki annað en gefið honum næst bardaga gegn einhverjum af þeim bestu. Þá er leiðin í heimsmeistaratitilinn sem Gunnar horfir á ekkert svo löng þó að steinarnir sem þarf að henda af stígnum séu ívið stærri en þeir sem hann hefur verið að velta við á síðustu árum. Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Svanhildur selur 500 fermetra höll í Akrahverfinu Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fimm ákærðir í tengslum við andlát Perry Lífið Hjólakeppnin Grefillinn nýtur sífellt meiri vinsælda Lífið samstarf Fleiri fréttir Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Allt í keng: „Veiðigleraugun eru okkar hjálmur“ Ungfrú Ísland í dag: „Saman geta konur sigrað heiminn“ Gunnar Nelson mætti á golfbíl „Get tekið hart á sjálfri mér þegar mér mistekst“ Sjá meira
Mjölnisfólk á eftir að naga neglurnar alla helgina því þeirra atvinnumenn á stóra sviðinu, Gunnar Nelson og Sunna Rannveig Davíðsdóttir, verða í eldlínunni. Á laugardagskvöld berst Sunna, sem kallar sig Tsunami, við hina bandarísku Kelly D’Angelo í Kansas og á sunnudeginum er komið að Gunnari er hann mætir Argentínumanninum Santiago Ponzinibbio í Glasgow. Andstæðingur Sunnu er þrítug og rétt eins og Sunna þá þekkir hún það ekki að tapa. Hún á fimm boxbardaga að baki sem hún vann alla og hefur einnig unnið alla MMA-bardagana sína sem eru orðnir fimm. Síðustu tveir eru atvinnumannabardagar. Sunna hefur unnið báða sína bardaga hjá Invicta-bardagasambandinu en þetta verður frumraun D’Angelo hjá því sambandi en ferill hennar gefur til kynna að hún sé grjóthörð og kunni ýmislegt fyrir sér. Sérstaklega í hnefaleikum. Þetta er áhugaverð kona sem starfar sem sjúkraliði og slökkviliðskona og þar kynntist hún boxinu og síðar MMA. Hún kemur frá Missouri og ætti því að vera með fjölda fólks á bak við sig á bardagakvöldinu. Sjálf sagði hún reyndar í viðtali við MMAfréttir.is að hún ætti von á vinum og ættingjum á kvöldið stóra en væri ekki að búast við neinum heimavelli þó að hún sé frá þessum slóðum. Sunna væri orðin vel þekkt í Invicta, sem og vinsæl, og því myndi Sunna klárlega fá góðan stuðning líka úr stúkunni. Sunna okkar hefur vakið mikla athygli fyrir frammistöðu sína hjá Invicta hingað til og bardagar hennar verið rosalegir. Hún vann fyrst sannfærandi sigur á stigum gegn Ashley Greenway í september í fyrra og fylgdi því eftir með sigri á Mallory Martin í maí. Það var jafn bardagi sem valinn var bardagi kvöldsins. Okkar kona sýndi þá ótrúlegt ljónshjarta sem hefur fleytt henni langt. Það er ekkert launungarmál að Sunna stefnir á að komast inn um dyrnar hjá UFC sem er stærsta bardagasamband heims. Leiðin þangað úr Invicta þarf ekkert að vera rosalega löng ef fólk stendur sig vel. Haraldur Dean Nelson hjá Mjölni er með sterk tengsl innan UFC og hefur þegar verið í sambandi við fólk þar vegna Sunnu. Fari svo að hún sýni allar sínar bestu hliðar á nýjan leik og klári D’Angelo með stæl gæti vel farið svo að UFC opni dyrnar og hleypi henni inn. Það er því til mikils að vinna fyrir Sunnu í Kansas City á laugardagskvöld. Gunnar Nelson er löngu kominn inn fyrir dyrnar hjá UFC og er í áttunda sæti á styrkleikalista veltivigtarinnar. Hann fær þann heiður að vera aðalnúmerið á bardagakvöldinu í Glasgow á sunnudag. Það segir ýmislegt um sterka stöðu Gunnars innan UFC. Þetta er í annað sinn sem Gunnar er í aðalbardaga kvölds hjá UFC en hann var það einnig er hann barðist við Rick Story í Stokkhólmi í október árið 2014. Að hann sé í aðalbardaga kvölds þýðir að bardagi hans sé fimm lotur en ekki þrjár eins og allir hinir bardagarnir. Gunnar fór í fimm lotur gegn Story á sínum tíma og varð þá að sætta sig við sitt fyrsta tap í búrinu. Hann hefur lært mikið á þeim bardaga og sneri tvíefldur til baka. Ef hann lendir aftur í því að þurfa að fara í fimm lotur mun hann ráða mun betur við það en hann gerði gegn Story. Hann er þess utan í betra formi í dag. Andstæðingur Gunnars að þessu sinni er grjótharður Argentínumaður. Hann hefur unnið 24 bardaga en aðeins tapað þremur. Þrettán af sigrum Ponzinibbio hafa komið með rothöggi. Hann er mikill stríðsmaður sem þarf að hafa mikið fyrir að vinna. Hann virðist eflast við hverja raun en hefur aldrei lent í eins hæfileikaríkum bardagamanni og Gunnari. Þetta verður níundi bardagi Ponzinibbio í UFC en hann hefur tapað tveimur af átta bardögunum þar hingað til. Hann er aftur á móti á mikilli siglingu og hefur unnið fjóra bardaga í röð. Argentínumaðurinn mun því mæta með sjálfstraustið í botni og kassann úti gegn Gunnari. Þessi bardagi er nefnilega risatækifæri fyrir hann að blanda sér í umræðuna um þá bestu í vigtinni. Hann er sem stendur í fjórtánda sæti á styrkleikalistanum eftir að hafa tapað síðast fyrir rúmum tveimur árum. Þó að Gunnar hafi mátt sætta sig við tvö töp hjá UFC til þessa þá hafa markmið hans alls ekkert breyst. Hann ætlar sér að verða heimsmeistari hjá UFC og hefur tekið neikvæðu reynsluna af töpunum og snúið þeim upp í jákvæða reynslu sem hjálpar honum að komast þangað sem hann ætlar sér. Leiðin á toppinn hefur verið örlítið grýttari en hann ætlaði sér en stígurinn þangað er í sjónmáli. Gunnar barðist aðeins þrisvar á árunum 2015 og 2016. Hann veit að hann þarf að berjast oftar og er að vinna í því í ár. Að öllum líkindum mun hann ná þremur bardögum á þessu ári. Því miður hafa hlutirnir ekki spilast eins vel fyrir hann og hann ætlaði sér. Í nóvember á síðasta ári varð hann að draga sig út úr bardaga gegn Kóreubúanum Dong Hyun-Kim en sigur þar hefði gefið honum enn stærri bardaga í kjölfarið. Flestir af þeim sem eru fyrir ofan hann hafa annaðhvort verið meiddir eða bókaðir í aðra bardaga á þessu ári. Gunnar þarf því að slökkva á sprækum strákum sem eru á uppleið á meðan hann bíður eftir að mæta hákörlunum. Hann afgreiddi Alan Jouban smekklega í mars og ætlar sér að senda enn sterkari skilaboð með því að klára Ponzinibbio. Auðvitað er miklu meira undir hjá Gunnari sem er eðlilega að taka talsverða áhættu með því að berjast við gaura sem eru fyrir neðan hann á styrkleikalistanum. Hann er aftur á móti að sýna að hann óttast ekki áskoranir og ef allt fer að óskum á morgun þá geta forráðamenn UFC ekki annað en gefið honum næst bardaga gegn einhverjum af þeim bestu. Þá er leiðin í heimsmeistaratitilinn sem Gunnar horfir á ekkert svo löng þó að steinarnir sem þarf að henda af stígnum séu ívið stærri en þeir sem hann hefur verið að velta við á síðustu árum.
Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Svanhildur selur 500 fermetra höll í Akrahverfinu Lífið Forsetagæinn hyggst hlaupa sitt lengsta hlaup til þessa Lífið Fundu ástina á ný eftir skilnað Lífið Syntu í hverri einustu laug landsins Lífið Margverðlaunaður garður með sólskini allan daginn Lífið Sunneva og Tanja ræða lýtaaðgerðirnar sínar Lífið Fimm ákærðir í tengslum við andlát Perry Lífið Hjólakeppnin Grefillinn nýtur sífellt meiri vinsælda Lífið samstarf Fleiri fréttir Dóttir Snæfríðar og Högna komin með nafn Búið spil Margverðlaunaður garður með sólskini allan daginn Syntu í hverri einustu laug landsins Sjáðu myndirnar frá Ungfrú Ísland Svanhildur selur 500 fermetra höll í Akrahverfinu Dró Antonio grunlausan með sér í Gamla bíó Forsetagæinn hyggst hlaupa sitt lengsta hlaup til þessa Fimm ákærðir í tengslum við andlát Perry Handtekinn í tengslum við andlát Matthew Perry Sunneva og Tanja ræða lýtaaðgerðirnar sínar Fundu ástina á ný eftir skilnað Ungfrú Ísland: Svona svöruðu stúlkurnar lokaspurningunni Sóldís Vala er Ungfrú Ísland Ungfrú Ísland í beinni útsendingu Benni þjálfari fann ástina hjá Jónbjörgu Kálhaus féll ekki í kramið Molly Mae og Tommy Fury hætt saman Ástin blómstrar í fjarlægð frá sviðsljósinu Heillandi einbýli fyrir 93 milljónir Borgaði tvöfalt meira fyrir miklu minna Ungfrú Ísland: Hver er líklegust til að hunsa skilaboð? Ásdís Rán 45 ára: „Drekktu kampavín í morgunmat ef þig langar“ Fullkominn forréttur sem þið verðið að prófa Jói Fel fór á skeljarnar Ætlar að verða léttur, ljúfur og kátur afi Allt í keng: „Veiðigleraugun eru okkar hjálmur“ Ungfrú Ísland í dag: „Saman geta konur sigrað heiminn“ Gunnar Nelson mætti á golfbíl „Get tekið hart á sjálfri mér þegar mér mistekst“ Sjá meira