Jóhann Berg spilaði allan leikinn í tapi Burnley

Burnley hefur verið á miklu flugi upp á síðkastið í ensku úrvalsdeildinni og sátu í 6.sæti deildarinnar fyrir leiki dagsins.

Jóhann Berg Guðmundsson var í byrjunarliði Burnley er liðið fór í heimsókn til Leicester.

Það voru heimamenn í Leicester sem voru sterkari aðilinn í fyrri hálfleiknum og náðu þeir forystunni á 6. mínútu með marki frá Demarai Gray og var staðan 1-0 í hálfleik.

Í seinni hálfleiknum reyndu Burnley hvað þeir gátu að jafna metin en allt kom fyrir ekki og hirti Leicester stigin þrjú.