Ökumaður mótorhjóls fluttur á slysadeild eftir árekstur við Höfðabakka

Einn er slasaður eftir að mótorhjól og bíll skullu saman nú á fjórða tímanum í dag sunnan við Höfðabakkabrú. Sá slasaði var ökumaður mótorhjólsins og var hann fluttur upp á slysadeild. Talið er að hann sé ekki alvarlega slasaður 

Samkvæmt Gunnlaugi Jónssyni, aðstoðarvarðstjóra hjá Slökkviliðinu á Höfuðborgarsvæðinu, urðu talsverðar skemmdir á fólksbílnum. Hann telur jafnfram að umferð við svæðið sé komin í sæmilegt horf. Ekki er vitað hvað olli slysinu annað en það að ökutækin skullu saman.