Jón Arnór bestur í úrslitakeppninni

Jón Arnór Stefánsson var valinn besti leikmaður úrslitakeppni Domino's deildar karla í körfubolta.

Jón Arnór var í lykilhlutverki hjá KR sem tryggði sér í kvöld Íslandsmeistaratitilinn fjórða árið í röð með stórsigri á Grindavík, 95-56, í oddaleik í troðfullri DHL-höll.

Jón Arnór var með átta stig, 10 fráköst og átta stoðsendingar í leiknum í kvöld.

Jón Arnór spilaði 12 leiki í úrslitakeppninni og var með 17,1 stig, 5,9 fráköst og 4,8 stoðsendingar að meðaltali í þeim.

Jón Arnór varð fyrir Íslandsmeistari með KR fyrir 17 árum. Hann vann titilinn aftur 2009 og svo nú í ár. Árið 2009 var Jón Arnór sömuleiðis valinn bestur í úrslitakeppninni.