Hvert einasta ljóð gæti orðið að lagi Magnús Guðmundsson skrifar 19. janúar 2017 11:30 Ragnheiður Gröndal, Kristofer Rodriguez Svönuson og Leifur Gunnarsson ætla að djassa við ljóð Snorra Hjartarsonar á morgun og laugardag. Visir/Eyþór Frá því skömmu eftir að Leifur Gunnarsson kontrabassaleikari sneri heim að loknu námi í Kaupmannahöfn hefur hann haldið utan um tónleikaröðina Jazz í hádeginu í Gerðubergi. Leifur segir að það séu nú að verða um þrjú ár sem þau hafi haldið úti tónleikaröðinni og að almennt sé mæting með ágætum. „Við byrjuðum bara í Gerðubergi hérna í Breiðholtinu en svo átti sér stað ákveðin endurskipulagning hjá borginni sem skapaði tækifæri fyrir okkur til þess að hugsa þetta í aðeins víðara samhengi. Þá byrjuðum við að fara Spöngina í Grafarvogi og núna með okkar nýjasta verkefni verðum við líka í Menningarhúsinu í Grófinni. Við verðum þar í hádeginu á morgun og svo í Gerðubergi á laugardaginn kl. 13.15 en tónleikarnir eru rétt tæp klukkustund að lengd. Tónleikarnir sem Leifur vísar til eru undir yfirskriftinni Hauströkkrið yfir mér, en þar flytja þau Ragnheiður Gröndal, Kristofer Rodriguez Svönuson og Leifur Gunnarsson lög við ljóð Snorra Hjartarsonar. Á efnisskránni eru meðal annars ný lög eftir Leif og eitt til eftir Ragnheiði við ljóð Snorra en einnig eru á efnisskránni lög eftir Tómas R. Einarsson, Ingva Þór Kormáksson og Bubba Morthens við ljóð skáldsins. Leifur segir að upphaf þessa verkefnis megi rekja til þess að Hjörtur Hjartarson hafi verið frumkvöðull að yfirlitssýningu yfir ævistarf Snorra í Þjóðarbókhlöðunni. „Sýningin var opnuð síðar í Grófinni og við það tækifæri þá héldum við fyrstu tónleikana undir yfirskriftinni Jazz í hádeginu með þessu sérstaka þema. Af þessu tilefni skrifaði í ég nokkur lög við ljóð Snorra og við frumfluttum þau á þessum tónleikum.“ Aðspurður hvort það sé eitthvað sérstakt við skáldskap Snorra sem höfðar til hans eða djassistans í honum þá segir Leifur að það sé ekki hægt að neita því. „Ég þekkti þessi ljóð ekkert sérstaklega vel áður en ég fór að garfa í þessu. En ég fékk ágætan aðdraganda og hafði tíma til þess að kynna mér ljóðin hans. Hann er sérstaklega vandvirkur og ljóðin eru oft lýsingar á andrúmslofti, náttúru, hann tekur sér stöðu innan um hluti og talar aldrei um sjálfan sig og þessi ljóð eru einhvern veginn tímalaus fyrirbæri. Og þannig er ágætt að eiga við þetta og vegna þessa tímaleysis er alltaf gott að sækja í þetta og maður hefur alveg endalaust eitthvað til þess að taka á, þó svo eftir hann liggi aðeins fjórar ljóðabækur. En það er einhvern veginn þannig að hvert einasta ljóð gæti orðið að lagi.“ Leifur segir að hann dauðlangi til þess að gera meira með þetta verkefni. „En mér finnst líka svo gott að leyfa hlutunum að fá smá tíma til þess að gerjast og verða til. Mér finnst ég ekki þurfa að vera eitthvað feiminn við að halda tónleika og sýna fólki hvernig þetta er nákvæmlega núna þó svo að lögin muni kannski smám saman mótast og fara í aðrar áttir seinna. En það verður svo bara að koma í ljós hvernig gengur að láta það gerast.“ Leifur þarf ekki að hugsa sig lengi um þegar hann er spurður að því hvort að hann eigi sér uppáhald á meðal ljóða Snorra. „Já, það er reyndar breytilegt, en í augnablikinu þá er það ljóð sem reyndar kom ekki á bók fyrr en í kvæðasafninu en það var síðasta ljóðið sem hann setti frá sér. Þetta ljóð heitir Ferhenda og það er í miklu uppáhaldi hjá mér akkúrat núna. Ég er nýbúinn að skrifa smá lag við þetta ljóð sem ég ætla mér að frumflytja á tónleikunum og kannski er það þess vegna sem ég held svona upp á það þessa dagana. Mér finnst þetta vera rosalega fallegt ljóð og fyrir mér þá hljómar það eins og hinsta kveðja og er í senn einstaklega hvetjandi og fallegt. Manni líður vel að lesa Snorra.“ Leifur minnir á að ástæðan fyrir því að þau verða í Grófinni í hádeginu á föstudaginn er sú að í kjölfar tónleikanna verður opnuð þar myndlistarsýning undir yfirskriftinni Endurfundir. Á henni sýna þátttakendur í listasmiðju Hlutverkaseturs verk sem eru unnin fyrir ólíka miðla og undir áhrifum frá ljóðum Snorra. Einnig er rétt að minna á að aðgangur að tónleikaröðinni Jazz í hádeginu er alltaf ókeypis og allir velkomnir.Greinin birtist fyrst í Fréttablaðinu 19. janúar. Menning Mest lesið Fresta ákvörðun um þátttöku í Eurovision Lífið Lausir og liðugir í Hörpu um helgina Lífið Tólf fermetra smáhúsið innréttað og tilbúið Lífið Daniil fjarlægði topplagið af Spotify Lífið Fékk typpamyndir og áreiti þegar þeir héldu að hann væri stelpa Lífið Klípur í rassinn á Sögu tvisvar á dag Lífið Rakel María afhjúpar skotheldar leynileiðir í förðun Tíska og hönnun Nektarmyndum deilt á geysivinsæla Instagram-síðu Lífið Prinsessan er ólétt Lífið Þetta eru liðin í Kviss Lífið Fleiri fréttir Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Frá því skömmu eftir að Leifur Gunnarsson kontrabassaleikari sneri heim að loknu námi í Kaupmannahöfn hefur hann haldið utan um tónleikaröðina Jazz í hádeginu í Gerðubergi. Leifur segir að það séu nú að verða um þrjú ár sem þau hafi haldið úti tónleikaröðinni og að almennt sé mæting með ágætum. „Við byrjuðum bara í Gerðubergi hérna í Breiðholtinu en svo átti sér stað ákveðin endurskipulagning hjá borginni sem skapaði tækifæri fyrir okkur til þess að hugsa þetta í aðeins víðara samhengi. Þá byrjuðum við að fara Spöngina í Grafarvogi og núna með okkar nýjasta verkefni verðum við líka í Menningarhúsinu í Grófinni. Við verðum þar í hádeginu á morgun og svo í Gerðubergi á laugardaginn kl. 13.15 en tónleikarnir eru rétt tæp klukkustund að lengd. Tónleikarnir sem Leifur vísar til eru undir yfirskriftinni Hauströkkrið yfir mér, en þar flytja þau Ragnheiður Gröndal, Kristofer Rodriguez Svönuson og Leifur Gunnarsson lög við ljóð Snorra Hjartarsonar. Á efnisskránni eru meðal annars ný lög eftir Leif og eitt til eftir Ragnheiði við ljóð Snorra en einnig eru á efnisskránni lög eftir Tómas R. Einarsson, Ingva Þór Kormáksson og Bubba Morthens við ljóð skáldsins. Leifur segir að upphaf þessa verkefnis megi rekja til þess að Hjörtur Hjartarson hafi verið frumkvöðull að yfirlitssýningu yfir ævistarf Snorra í Þjóðarbókhlöðunni. „Sýningin var opnuð síðar í Grófinni og við það tækifæri þá héldum við fyrstu tónleikana undir yfirskriftinni Jazz í hádeginu með þessu sérstaka þema. Af þessu tilefni skrifaði í ég nokkur lög við ljóð Snorra og við frumfluttum þau á þessum tónleikum.“ Aðspurður hvort það sé eitthvað sérstakt við skáldskap Snorra sem höfðar til hans eða djassistans í honum þá segir Leifur að það sé ekki hægt að neita því. „Ég þekkti þessi ljóð ekkert sérstaklega vel áður en ég fór að garfa í þessu. En ég fékk ágætan aðdraganda og hafði tíma til þess að kynna mér ljóðin hans. Hann er sérstaklega vandvirkur og ljóðin eru oft lýsingar á andrúmslofti, náttúru, hann tekur sér stöðu innan um hluti og talar aldrei um sjálfan sig og þessi ljóð eru einhvern veginn tímalaus fyrirbæri. Og þannig er ágætt að eiga við þetta og vegna þessa tímaleysis er alltaf gott að sækja í þetta og maður hefur alveg endalaust eitthvað til þess að taka á, þó svo eftir hann liggi aðeins fjórar ljóðabækur. En það er einhvern veginn þannig að hvert einasta ljóð gæti orðið að lagi.“ Leifur segir að hann dauðlangi til þess að gera meira með þetta verkefni. „En mér finnst líka svo gott að leyfa hlutunum að fá smá tíma til þess að gerjast og verða til. Mér finnst ég ekki þurfa að vera eitthvað feiminn við að halda tónleika og sýna fólki hvernig þetta er nákvæmlega núna þó svo að lögin muni kannski smám saman mótast og fara í aðrar áttir seinna. En það verður svo bara að koma í ljós hvernig gengur að láta það gerast.“ Leifur þarf ekki að hugsa sig lengi um þegar hann er spurður að því hvort að hann eigi sér uppáhald á meðal ljóða Snorra. „Já, það er reyndar breytilegt, en í augnablikinu þá er það ljóð sem reyndar kom ekki á bók fyrr en í kvæðasafninu en það var síðasta ljóðið sem hann setti frá sér. Þetta ljóð heitir Ferhenda og það er í miklu uppáhaldi hjá mér akkúrat núna. Ég er nýbúinn að skrifa smá lag við þetta ljóð sem ég ætla mér að frumflytja á tónleikunum og kannski er það þess vegna sem ég held svona upp á það þessa dagana. Mér finnst þetta vera rosalega fallegt ljóð og fyrir mér þá hljómar það eins og hinsta kveðja og er í senn einstaklega hvetjandi og fallegt. Manni líður vel að lesa Snorra.“ Leifur minnir á að ástæðan fyrir því að þau verða í Grófinni í hádeginu á föstudaginn er sú að í kjölfar tónleikanna verður opnuð þar myndlistarsýning undir yfirskriftinni Endurfundir. Á henni sýna þátttakendur í listasmiðju Hlutverkaseturs verk sem eru unnin fyrir ólíka miðla og undir áhrifum frá ljóðum Snorra. Einnig er rétt að minna á að aðgangur að tónleikaröðinni Jazz í hádeginu er alltaf ókeypis og allir velkomnir.Greinin birtist fyrst í Fréttablaðinu 19. janúar.
Menning Mest lesið Fresta ákvörðun um þátttöku í Eurovision Lífið Lausir og liðugir í Hörpu um helgina Lífið Tólf fermetra smáhúsið innréttað og tilbúið Lífið Daniil fjarlægði topplagið af Spotify Lífið Fékk typpamyndir og áreiti þegar þeir héldu að hann væri stelpa Lífið Klípur í rassinn á Sögu tvisvar á dag Lífið Rakel María afhjúpar skotheldar leynileiðir í förðun Tíska og hönnun Nektarmyndum deilt á geysivinsæla Instagram-síðu Lífið Prinsessan er ólétt Lífið Þetta eru liðin í Kviss Lífið Fleiri fréttir Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira