Upplýsingatækniverðlaun Ský: Aðgerðagrunnur SAReye verðlaunaður Atli Ísleifsson skrifar 3. febrúar 2017 18:48 Arnheiður Guðmundsdóttir, framkvæmdastjóri Ský, Guðbrandur Örn Arnarson, framkvæmdastjóra SAReye og Guðni Th. Jóhannesson forseti. Ský Guðni Th. Jóhannesson forseti afhenti í dag Guðbrandi Erni Arnarsyni, framkvæmdastjóra SAReye, Upplýsingatækniverðlaun Ský fyrir árið 2017 á UTmessunni í Hörpu. Í tilkynningu frá Ský (Skýrslutæknifélagi Íslands) segir að verðlaunin séu veitt fyrir framúrskarandi framlag á sviði upplýsingatækni, sem skapað hafi verðmæti og auðgað líf Íslendinga með hagnýtingu á upplýsingatækni. Áhersla sé lögð á að framlagið hafi þegar sannað sig með afgerandi hætti. „Hugbúnaður sem hannaður er af SAReye til að halda utan um verkefnastjórnun fær UT-verðlaun Ský árið 2017. Hugbúnaðurinn sem kallast “Aðgerðagrunnur” er þungamiðjan í öllum björgunaraðgerðum Slysavarnarfélagsins Landsbjargar (SL) og aðgerðastjórnum Almannavarna um allt land. Í honum eru skráðar upplýsingar um hópa, björgunarmenn, tæki sem notuð eru í aðgerðum, samskipti, verkefni sem verða til og þarfnast úrlausnar sem og fjölbreytt skráning hvers kyns gagna sem snerta björgunaraðgerðir með einhverjum hætti. Aðgerðagrunnurinn hefur gjörbylt allri vinnslu upplýsinga í verkefnum SL og auðveldar að rýna í gögn og sjá tengingar sem áður var erfitt að koma auga á. Með myndrænni framsetningu verkefna á korti hefur yfirsýn stjórnenda aðgerða aukist verulega. Einnig hefur afkastageta aðgerðastjórnenda aukist þar sem afar vel hefur tekist að styðja við verkferla leitar og björgunar með hagnýtingu upplýsingatækninnar. Sérstaklega hefur tekist vel að útfæra hugbúnaðinn þannig að hann styðji við jafnt dagleg smáverkefni einstakra sveita sem umfangsmiklar björgunaraðgerðir sem kallar á samhæfingu margra björgunarsveita og annarra viðbragðsaðila yfir langt tímabil. Óhætt er að fullyrða að aðgerðagrunnurinn hafi þegar sannað gildi sitt, enda er um að ræða byltingu í söfnun og meðhöndlun tölfræðiupplýsinga frá aðgerðum. Björgunarmenn með á stundum takmarkaða tölvukunnáttu hafa byrjað að skrá tölfræðiupplýsingar sem hefur ekki þekkst áður í félaginu að því marki sem nú er. Fyrirtækið SAReye var stofnað 2013 og er gott dæmi um íslenskt hugvit sem þróað er af sérfræðingum tengdum björgunarsveitum til að leysa á sem bestan hátt þarfir þeirra sem vinna við erfiðar aðstæður. SAReye vann Gulleggið 2013 og tók í framhaldinu þátt í Startup Reykjavík. Saga þess frá því að hugmynd kviknar, hvernig stuðningsnet sprotaumhverfis á Íslandi styður við góðar hugmyndir sem blómstra og eru teknar í notkun, er lýsandi dæmi þess að styðja þarf vel við nýsköpunarumhverfi á Íslandi. Hugbúnaðurinn hefur sýnt sig og sannað síðustu misseri í stórum verkefnum eins og eldgosinu í Holuhrauni, björgun við strand Akrafells, leitum að týndum loftförum, aðgerðum í fárviðrum og nú síðast við eina stærstu leit á Íslandi í janúar. Réttar upplýsingar til allra aðila geta skipt sköpum við aðgerðir sem þessar og aðgengi björgunaraðila að kerfinu í gegnum alls kyns tækjabúnað mikilvægur. Uppruni SAReye tengist leitar- og björgunarstarfi en fyrirtækinu hefur tekist að þróa vöru sína yfir í aðra óskylda geira. Áhersla félagsins er nú á aðila sem telja má til mikilvægra innviða samfélags. Aðgerðagrunnur SAReye heldur t.d. utanum öll frávik í raforkudreifikerfi Landsnets og samstarf Landsnets og Landsvirkjunar í stýringu á uppistöðulónum. Nýjasta útgáfa hugbúnaðarins miðast við að efla samvinnu milli fyrirtækja með hnitmiðaðri upplýsingamiðlun og samvinnu í neyðaratvikum. Það má með sanni segja að kerfi sem þetta snerti líf margra enda tölvutæknin að verða samofin daglegu lífi okkar allra. Í valnefnd voru Skúli Eggert Þórðarson, Ríkisskattstjóri, Hjálmar Gíslason, QLIK, Ari Kristinn Jónsson, Háskólinn í Reykjavík, Kristinn Árni Lár Hróbjartsson, SUT, Eggert Claessen, Frumtak, Helga Dögg Björgvinsdóttir, Ský og Arnheiður Guðmundsdóttir, Ský. Verðlaunagripurinn er glerlistaverk eftir Ingu Elínu,“ segir í tilkynningunni. Mest lesið „Enginn kvartað yfir því þegar ég hef skúrað“ Atvinnulíf „Síðan kemur í ljós að við erum í gjörólíkum störfum“ Atvinnulíf „Opinberi geirinn er að breytast og þar þarf mikinn fjölda verkefnastjóra“ Atvinnulíf Ekki trompast við fólk í vinnu eða á fundum Atvinnulíf Sex milljarðar í tekjur af nikótíni á næsta ári Neytendur Play í frjálsu falli Viðskipti innlent Hagkaup hættir sölu á Sodastream í kjölfar mótmæla Viðskipti innlent Kormákur og Skjöldur flytja í Brynjuhúsið eftir algjöra yfirhalningu Viðskipti innlent Frestun sölu Íslandsbanka jákvæð fyrir markaðinn Viðskipti innlent Úlfur Þór til Firma lögmanna Viðskipti innlent Fleiri fréttir Frestun sölu Íslandsbanka jákvæð fyrir markaðinn Sölunni slegið á frest Kormákur og Skjöldur flytja í Brynjuhúsið eftir algjöra yfirhalningu Play í frjálsu falli Semja við flugfélög í Færeyjum og á Grænlandi Hagkaup hættir sölu á Sodastream í kjölfar mótmæla Frigus fór fýluferð í Landsrétt Óljóst hvort breytingarnar bjargi rekstri Play Úlfur Þór til Firma lögmanna Eins og AirBnb og Uber en fyrir tónlistarkennslu Tvískiptur fasteignamarkaður og hækkandi vaxtabyrði „Play verður áfram íslenskt“ Sækja um leyfi á Möltu Herdís hefði frekar viljað halda vöxtum óbreyttum Hér og nú fjölgar starfsmönnum Samið um 800 íbúðir á Ásbrú Allsherjarinnköllun á krabbameinsvaldandi leikföngum Rotovia kaupir mexíkóskt fyrirtæki Íbúðaverð lækkar í fyrsta sinn frá janúar Sannfærður um að niðurstaðan verði Lyfjavali í hag Hagkerfið nái andanum og spá um tveggja prósenta hagvexti næstu ár Bein útsending: Ný þjóðhags- og verðbólguspá Landsbankans Hefur lokið störfum hjá Viðreisn en vill vera á lista Ráðist í athugun hjá Skel vegna meintrar markaðsskiptingar Icelandair í samstarf við þjóðarflugfélag Portúgals Nýir eigendur Skagans stefna á að hefja starfsemi í nóvember Segir aðför Eflingar með ólíkindum Áfram engar loðnuveiðar Rekstrarfélag Ítalíu á Frakkastíg gjaldþrota Segja fullyrðingar borgarfulltrúa um Carbfix ekki standast Sjá meira
Guðni Th. Jóhannesson forseti afhenti í dag Guðbrandi Erni Arnarsyni, framkvæmdastjóra SAReye, Upplýsingatækniverðlaun Ský fyrir árið 2017 á UTmessunni í Hörpu. Í tilkynningu frá Ský (Skýrslutæknifélagi Íslands) segir að verðlaunin séu veitt fyrir framúrskarandi framlag á sviði upplýsingatækni, sem skapað hafi verðmæti og auðgað líf Íslendinga með hagnýtingu á upplýsingatækni. Áhersla sé lögð á að framlagið hafi þegar sannað sig með afgerandi hætti. „Hugbúnaður sem hannaður er af SAReye til að halda utan um verkefnastjórnun fær UT-verðlaun Ský árið 2017. Hugbúnaðurinn sem kallast “Aðgerðagrunnur” er þungamiðjan í öllum björgunaraðgerðum Slysavarnarfélagsins Landsbjargar (SL) og aðgerðastjórnum Almannavarna um allt land. Í honum eru skráðar upplýsingar um hópa, björgunarmenn, tæki sem notuð eru í aðgerðum, samskipti, verkefni sem verða til og þarfnast úrlausnar sem og fjölbreytt skráning hvers kyns gagna sem snerta björgunaraðgerðir með einhverjum hætti. Aðgerðagrunnurinn hefur gjörbylt allri vinnslu upplýsinga í verkefnum SL og auðveldar að rýna í gögn og sjá tengingar sem áður var erfitt að koma auga á. Með myndrænni framsetningu verkefna á korti hefur yfirsýn stjórnenda aðgerða aukist verulega. Einnig hefur afkastageta aðgerðastjórnenda aukist þar sem afar vel hefur tekist að styðja við verkferla leitar og björgunar með hagnýtingu upplýsingatækninnar. Sérstaklega hefur tekist vel að útfæra hugbúnaðinn þannig að hann styðji við jafnt dagleg smáverkefni einstakra sveita sem umfangsmiklar björgunaraðgerðir sem kallar á samhæfingu margra björgunarsveita og annarra viðbragðsaðila yfir langt tímabil. Óhætt er að fullyrða að aðgerðagrunnurinn hafi þegar sannað gildi sitt, enda er um að ræða byltingu í söfnun og meðhöndlun tölfræðiupplýsinga frá aðgerðum. Björgunarmenn með á stundum takmarkaða tölvukunnáttu hafa byrjað að skrá tölfræðiupplýsingar sem hefur ekki þekkst áður í félaginu að því marki sem nú er. Fyrirtækið SAReye var stofnað 2013 og er gott dæmi um íslenskt hugvit sem þróað er af sérfræðingum tengdum björgunarsveitum til að leysa á sem bestan hátt þarfir þeirra sem vinna við erfiðar aðstæður. SAReye vann Gulleggið 2013 og tók í framhaldinu þátt í Startup Reykjavík. Saga þess frá því að hugmynd kviknar, hvernig stuðningsnet sprotaumhverfis á Íslandi styður við góðar hugmyndir sem blómstra og eru teknar í notkun, er lýsandi dæmi þess að styðja þarf vel við nýsköpunarumhverfi á Íslandi. Hugbúnaðurinn hefur sýnt sig og sannað síðustu misseri í stórum verkefnum eins og eldgosinu í Holuhrauni, björgun við strand Akrafells, leitum að týndum loftförum, aðgerðum í fárviðrum og nú síðast við eina stærstu leit á Íslandi í janúar. Réttar upplýsingar til allra aðila geta skipt sköpum við aðgerðir sem þessar og aðgengi björgunaraðila að kerfinu í gegnum alls kyns tækjabúnað mikilvægur. Uppruni SAReye tengist leitar- og björgunarstarfi en fyrirtækinu hefur tekist að þróa vöru sína yfir í aðra óskylda geira. Áhersla félagsins er nú á aðila sem telja má til mikilvægra innviða samfélags. Aðgerðagrunnur SAReye heldur t.d. utanum öll frávik í raforkudreifikerfi Landsnets og samstarf Landsnets og Landsvirkjunar í stýringu á uppistöðulónum. Nýjasta útgáfa hugbúnaðarins miðast við að efla samvinnu milli fyrirtækja með hnitmiðaðri upplýsingamiðlun og samvinnu í neyðaratvikum. Það má með sanni segja að kerfi sem þetta snerti líf margra enda tölvutæknin að verða samofin daglegu lífi okkar allra. Í valnefnd voru Skúli Eggert Þórðarson, Ríkisskattstjóri, Hjálmar Gíslason, QLIK, Ari Kristinn Jónsson, Háskólinn í Reykjavík, Kristinn Árni Lár Hróbjartsson, SUT, Eggert Claessen, Frumtak, Helga Dögg Björgvinsdóttir, Ský og Arnheiður Guðmundsdóttir, Ský. Verðlaunagripurinn er glerlistaverk eftir Ingu Elínu,“ segir í tilkynningunni.
Mest lesið „Enginn kvartað yfir því þegar ég hef skúrað“ Atvinnulíf „Síðan kemur í ljós að við erum í gjörólíkum störfum“ Atvinnulíf „Opinberi geirinn er að breytast og þar þarf mikinn fjölda verkefnastjóra“ Atvinnulíf Ekki trompast við fólk í vinnu eða á fundum Atvinnulíf Sex milljarðar í tekjur af nikótíni á næsta ári Neytendur Play í frjálsu falli Viðskipti innlent Hagkaup hættir sölu á Sodastream í kjölfar mótmæla Viðskipti innlent Kormákur og Skjöldur flytja í Brynjuhúsið eftir algjöra yfirhalningu Viðskipti innlent Frestun sölu Íslandsbanka jákvæð fyrir markaðinn Viðskipti innlent Úlfur Þór til Firma lögmanna Viðskipti innlent Fleiri fréttir Frestun sölu Íslandsbanka jákvæð fyrir markaðinn Sölunni slegið á frest Kormákur og Skjöldur flytja í Brynjuhúsið eftir algjöra yfirhalningu Play í frjálsu falli Semja við flugfélög í Færeyjum og á Grænlandi Hagkaup hættir sölu á Sodastream í kjölfar mótmæla Frigus fór fýluferð í Landsrétt Óljóst hvort breytingarnar bjargi rekstri Play Úlfur Þór til Firma lögmanna Eins og AirBnb og Uber en fyrir tónlistarkennslu Tvískiptur fasteignamarkaður og hækkandi vaxtabyrði „Play verður áfram íslenskt“ Sækja um leyfi á Möltu Herdís hefði frekar viljað halda vöxtum óbreyttum Hér og nú fjölgar starfsmönnum Samið um 800 íbúðir á Ásbrú Allsherjarinnköllun á krabbameinsvaldandi leikföngum Rotovia kaupir mexíkóskt fyrirtæki Íbúðaverð lækkar í fyrsta sinn frá janúar Sannfærður um að niðurstaðan verði Lyfjavali í hag Hagkerfið nái andanum og spá um tveggja prósenta hagvexti næstu ár Bein útsending: Ný þjóðhags- og verðbólguspá Landsbankans Hefur lokið störfum hjá Viðreisn en vill vera á lista Ráðist í athugun hjá Skel vegna meintrar markaðsskiptingar Icelandair í samstarf við þjóðarflugfélag Portúgals Nýir eigendur Skagans stefna á að hefja starfsemi í nóvember Segir aðför Eflingar með ólíkindum Áfram engar loðnuveiðar Rekstrarfélag Ítalíu á Frakkastíg gjaldþrota Segja fullyrðingar borgarfulltrúa um Carbfix ekki standast Sjá meira