Byrjar aftur með látum Tómas Þór Þórðarson skrifar 14. febrúar 2017 06:00 Kveður Wenger enn eina ferðina í 16 liða úrslitum? vísir/getty Meistaradeild Evrópu í fótbolta læðist nú aftan að sparkáhugamönnum en það gerir hún með látum. Sextán liða úrslitin fara af stað í kvöld en tvær stærstu viðureignir fyrstu umferðar útsláttarkeppninnar eru báðar í þessari viku. Í kvöld eigast við Frakklandsmeistarar Paris Saint-Germain og Spánarmeistarar Barcelona en bæði lið eru í miklu stuði heima fyrir og hafa ekki tapað leik í langan tíma. Annað kvöld fær Arsenal svo Bayern München í heimsókn í fyrri leik liðanna. Enn eina ferðina þarf Arsenal að kljást við einn af risum Evrópu strax í fyrstu umferð en sex ár eru síðan liðið komst lengra en í 16 liða úrslit.Meistarar í öðru sæti Stemningin í París er mikil fyrir stórleik PSG og Barcelona en þjálfari liðsins, Unai Emery, hefur talað mikið um leikinn á síðustu blaðamannafundum. Emery gerði Sevilla að Evrópudeildarmeisturum síðustu þrjú ár en hefur sjálfur viðurkennt að viðureign eins og þessi, í 16 liða úrslitum Meistaradeildarinnar á móti einu allra stærsta liði heims, sé einmitt ástæðan fyrir því að hann tók við starfinu hjá Paris Saint-Germain. Bæði lið eru sjóðheit heima fyrir. PSG er búið að vinna ellefu af síðustu tólf leikjum og er enn á lífi í báðum bikarkeppnunum í Frakklandi. Lærisveinar Emery nálgast toppsætið óðfluga en þeir eru nú aðeins þremur stigum á eftir Monaco þegar nóg er eftir af deildinni og er liðið mjög líklegt til að vinna titilinn fimmta árið í röð. Barcelona er einnig í öðru sæti spænsku 1. deildarinnar þar sem Real Madrid er í kjörstöðu á toppnum. Börsungar eru komnir í úrslitaleik spænska Konungsbikarsins og eru búnir að vinna átta af síðustu ellefu leikjum og ekki tapa einum einasta. Þessi lið mættust síðast í útsláttarkeppninni fyrir tveimur árum, þá í átta liða úrslitum. Þar hafði Barcelona betur, nokkuð auðveldlega, 5-1, eftir 3-1 sigur í París og 2-0 sigur á heimavelli. Neymar skoraði þrjú af fimm mörkum Barcelona í einvíginu en hann hefur ekki verið með markaskóna reimaða fasta á þessari leiktíð. Thiago Silva, miðvörður og fyrirliði PSG, sneri aftur eftir meiðsli um helgina og ætti að byrja leikinn sem eru góðar fréttir fyrir PSG.Sjö ár í röð hjá Skyttunum? Það verður seint sagt að Arsenal hafi verið heppið með drátt í 16 liða úrslitum Meistaradeildarinnar undanfarin ár. Það er búið að falla úr keppni á þessu stigi keppninnar sex ár í röð en í fjögur af þessum sex skiptum hefur liðið annaðhvort mætt stórveldunum Barcelona eða Bayern München. Nú er það Bayern í þriðja sinn á síðustu sjö árum. Það þýðir þó lítið að gráta það enda þurfa allir að vinna þá bestu til að fagna sigri í Meistaradeildinni. Arsenal tapaði líka fyrir Monaco fyrir tveimur árum þegar það átti að vera stóra liðið og þá töpuðu skyttur Wengers fyrir AC Milan fyrir fimm árum. Þar tapaði Arsenal fyrri leiknum 4-0 en var ekki langt frá því að koma til baka á Emirates-vellinum þar sem það vann leikinn, 3-0. Það var ekki nóg.Alltaf með en enginn árangur Arsene Wenger hefur stýrt Arsenal í 21 ár og nú komið liðinu í Meistaradeildina 19 sinnum í röð. Hann hefur fengið mikið lof fyrir það og margir stuðningsmenn Lundúnaliðsins verja hann einmitt vegna þess að liðið er fastagestur í Meistaradeildinni sem er djúpur tekjubrunnur. Árangur Wengers í Meistaradeildinni er lítill sem enginn. Liðið hefur ekki komist upp úr 16 liða úrslitunum sex ár í röð og ekki komist í undanúrslit síðan 2009 þegar það tapaði fyrir Manchester United, 4-1 samanlagt. Það er aðeins í annað af tveimur skiptum sem Arsenal komst í undanúrslit. Í hitt skiptið unnu skytturnar og fóru alla leið í úrslitin þar sem liðið tapaði fyrir Barcelona. Arsene Wenger hefur aldrei á ferli sínum unnið Evróputitil og leiðin verður ströng að þessu sinni. Það væri bara ágætis byrjun fyrir Frakkann að koma sínum mönnum í átta liða úrslitin. Meistaradeild Evrópu Mest lesið Ljótar senur á HM í handbolta í kvöld: Hræktu á Staffan Olsson Handbolti „Þetta var allsherjar klúður þarna“ Handbolti „Þurfum að taka Dani til fyrirmyndar“ Handbolti Haaland sagður fá yfir tólf milljónir í laun á dag næsta áratuginn Enski boltinn FIFA setur forsetann í bann fyrir að kalla konu feita Fótbolti Yfir hundrað gallaðir verðlaunapeningar frá ÓL í París Sport Samingur Haaland slæmar fréttir fyrir Alan Shearer Enski boltinn Aron skráður inn á HM og löglegur á morgun Handbolti Lofar því að fá sér kengúru húðflúr Sport Dagur og Alfreð unnu báðir á HM í kvöld en mjög ólíka sigra Handbolti Fleiri fréttir FIFA setur forsetann í bann fyrir að kalla konu feita Haaland sagður fá yfir tólf milljónir í laun á dag næsta áratuginn Hákon skoraði í endurkomusigri Lille Samingur Haaland slæmar fréttir fyrir Alan Shearer Endrick tileinkaði Rüdiger mörkin sin: Hann hrósar mér aldrei Denis Law látinn Misstu niður tveggja marka forystu og bíða lengur eftir fyrsta sigri ársins Sara Björk skoraði á móti toppliðinu Arnar byrjar á því að fara á Anfield og horfa Hákon spila Hrósar Frey í erlendum miðlum: „Einn hæfileikaríkasti þjálfari Norðurlandanna“ Fer Garnacho frá Manchester United? Chelsea hefur áhuga Solskjær tekinn við Besiktas City búið að finna sinn Salah? Hetja United: „Ein besta vika lífs míns“ Neymar segir að Mbappé hafi verið afbrýðisamur út í Messi Víkingar fá mikinn liðsstyrk Haaland skrifaði undir níu og hálfs árs samning við City Úrslit breyta öllu: „Arnar gerir sér grein fyrir því“ Bitur reynsla Arnars nú skilaboð til leikmanna Íslands: „Í guðanna bænum“ Endrick reddaði Real Madrid í framlengingunni Diallo bjargaði málunum fyrir United á Old Trafford Viðræður við Solskjær langt á veg komnar Jón Daði skiptir um félag í C-deild Englands „Hluti af mér sem persónu að hafa smá skap“ Svona var fyrsti blaðamannafundur Arnars Arnar rak Sölva í beinni: „Vil ekki sjá hann hérna“ Hefði viljað fá miklu hærri upphæð fyrir Arnar frá KSÍ Foden: Við erum ekki heimskir, titillinn er farinn Fimm marka veislur hjá bæði Barcelona og Bayern Arsenal kom til baka og vann slaginn um Norður-London Sjá meira
Meistaradeild Evrópu í fótbolta læðist nú aftan að sparkáhugamönnum en það gerir hún með látum. Sextán liða úrslitin fara af stað í kvöld en tvær stærstu viðureignir fyrstu umferðar útsláttarkeppninnar eru báðar í þessari viku. Í kvöld eigast við Frakklandsmeistarar Paris Saint-Germain og Spánarmeistarar Barcelona en bæði lið eru í miklu stuði heima fyrir og hafa ekki tapað leik í langan tíma. Annað kvöld fær Arsenal svo Bayern München í heimsókn í fyrri leik liðanna. Enn eina ferðina þarf Arsenal að kljást við einn af risum Evrópu strax í fyrstu umferð en sex ár eru síðan liðið komst lengra en í 16 liða úrslit.Meistarar í öðru sæti Stemningin í París er mikil fyrir stórleik PSG og Barcelona en þjálfari liðsins, Unai Emery, hefur talað mikið um leikinn á síðustu blaðamannafundum. Emery gerði Sevilla að Evrópudeildarmeisturum síðustu þrjú ár en hefur sjálfur viðurkennt að viðureign eins og þessi, í 16 liða úrslitum Meistaradeildarinnar á móti einu allra stærsta liði heims, sé einmitt ástæðan fyrir því að hann tók við starfinu hjá Paris Saint-Germain. Bæði lið eru sjóðheit heima fyrir. PSG er búið að vinna ellefu af síðustu tólf leikjum og er enn á lífi í báðum bikarkeppnunum í Frakklandi. Lærisveinar Emery nálgast toppsætið óðfluga en þeir eru nú aðeins þremur stigum á eftir Monaco þegar nóg er eftir af deildinni og er liðið mjög líklegt til að vinna titilinn fimmta árið í röð. Barcelona er einnig í öðru sæti spænsku 1. deildarinnar þar sem Real Madrid er í kjörstöðu á toppnum. Börsungar eru komnir í úrslitaleik spænska Konungsbikarsins og eru búnir að vinna átta af síðustu ellefu leikjum og ekki tapa einum einasta. Þessi lið mættust síðast í útsláttarkeppninni fyrir tveimur árum, þá í átta liða úrslitum. Þar hafði Barcelona betur, nokkuð auðveldlega, 5-1, eftir 3-1 sigur í París og 2-0 sigur á heimavelli. Neymar skoraði þrjú af fimm mörkum Barcelona í einvíginu en hann hefur ekki verið með markaskóna reimaða fasta á þessari leiktíð. Thiago Silva, miðvörður og fyrirliði PSG, sneri aftur eftir meiðsli um helgina og ætti að byrja leikinn sem eru góðar fréttir fyrir PSG.Sjö ár í röð hjá Skyttunum? Það verður seint sagt að Arsenal hafi verið heppið með drátt í 16 liða úrslitum Meistaradeildarinnar undanfarin ár. Það er búið að falla úr keppni á þessu stigi keppninnar sex ár í röð en í fjögur af þessum sex skiptum hefur liðið annaðhvort mætt stórveldunum Barcelona eða Bayern München. Nú er það Bayern í þriðja sinn á síðustu sjö árum. Það þýðir þó lítið að gráta það enda þurfa allir að vinna þá bestu til að fagna sigri í Meistaradeildinni. Arsenal tapaði líka fyrir Monaco fyrir tveimur árum þegar það átti að vera stóra liðið og þá töpuðu skyttur Wengers fyrir AC Milan fyrir fimm árum. Þar tapaði Arsenal fyrri leiknum 4-0 en var ekki langt frá því að koma til baka á Emirates-vellinum þar sem það vann leikinn, 3-0. Það var ekki nóg.Alltaf með en enginn árangur Arsene Wenger hefur stýrt Arsenal í 21 ár og nú komið liðinu í Meistaradeildina 19 sinnum í röð. Hann hefur fengið mikið lof fyrir það og margir stuðningsmenn Lundúnaliðsins verja hann einmitt vegna þess að liðið er fastagestur í Meistaradeildinni sem er djúpur tekjubrunnur. Árangur Wengers í Meistaradeildinni er lítill sem enginn. Liðið hefur ekki komist upp úr 16 liða úrslitunum sex ár í röð og ekki komist í undanúrslit síðan 2009 þegar það tapaði fyrir Manchester United, 4-1 samanlagt. Það er aðeins í annað af tveimur skiptum sem Arsenal komst í undanúrslit. Í hitt skiptið unnu skytturnar og fóru alla leið í úrslitin þar sem liðið tapaði fyrir Barcelona. Arsene Wenger hefur aldrei á ferli sínum unnið Evróputitil og leiðin verður ströng að þessu sinni. Það væri bara ágætis byrjun fyrir Frakkann að koma sínum mönnum í átta liða úrslitin.
Meistaradeild Evrópu Mest lesið Ljótar senur á HM í handbolta í kvöld: Hræktu á Staffan Olsson Handbolti „Þetta var allsherjar klúður þarna“ Handbolti „Þurfum að taka Dani til fyrirmyndar“ Handbolti Haaland sagður fá yfir tólf milljónir í laun á dag næsta áratuginn Enski boltinn FIFA setur forsetann í bann fyrir að kalla konu feita Fótbolti Yfir hundrað gallaðir verðlaunapeningar frá ÓL í París Sport Samingur Haaland slæmar fréttir fyrir Alan Shearer Enski boltinn Aron skráður inn á HM og löglegur á morgun Handbolti Lofar því að fá sér kengúru húðflúr Sport Dagur og Alfreð unnu báðir á HM í kvöld en mjög ólíka sigra Handbolti Fleiri fréttir FIFA setur forsetann í bann fyrir að kalla konu feita Haaland sagður fá yfir tólf milljónir í laun á dag næsta áratuginn Hákon skoraði í endurkomusigri Lille Samingur Haaland slæmar fréttir fyrir Alan Shearer Endrick tileinkaði Rüdiger mörkin sin: Hann hrósar mér aldrei Denis Law látinn Misstu niður tveggja marka forystu og bíða lengur eftir fyrsta sigri ársins Sara Björk skoraði á móti toppliðinu Arnar byrjar á því að fara á Anfield og horfa Hákon spila Hrósar Frey í erlendum miðlum: „Einn hæfileikaríkasti þjálfari Norðurlandanna“ Fer Garnacho frá Manchester United? Chelsea hefur áhuga Solskjær tekinn við Besiktas City búið að finna sinn Salah? Hetja United: „Ein besta vika lífs míns“ Neymar segir að Mbappé hafi verið afbrýðisamur út í Messi Víkingar fá mikinn liðsstyrk Haaland skrifaði undir níu og hálfs árs samning við City Úrslit breyta öllu: „Arnar gerir sér grein fyrir því“ Bitur reynsla Arnars nú skilaboð til leikmanna Íslands: „Í guðanna bænum“ Endrick reddaði Real Madrid í framlengingunni Diallo bjargaði málunum fyrir United á Old Trafford Viðræður við Solskjær langt á veg komnar Jón Daði skiptir um félag í C-deild Englands „Hluti af mér sem persónu að hafa smá skap“ Svona var fyrsti blaðamannafundur Arnars Arnar rak Sölva í beinni: „Vil ekki sjá hann hérna“ Hefði viljað fá miklu hærri upphæð fyrir Arnar frá KSÍ Foden: Við erum ekki heimskir, titillinn er farinn Fimm marka veislur hjá bæði Barcelona og Bayern Arsenal kom til baka og vann slaginn um Norður-London Sjá meira