Spænskur karlmaður sem grunaður er um að hafa nauðgað tveimur konum eftir árshátið á hóteli á Suðurlandi var fyrir helgi dæmdur í áframhaldandi gæsluvarðhald til 8. maí næstkomandi.
Maðurinn var úrskurðaður í fjögurra vikna gæsluvarðhald 17. febrúar síðastliðinn. Héraðsdómur Suðurlands úrskurðaði manninn í áframhaldandi gæsluvarðhald á miðvikudaginn og staðfesti Hæstiréttur úrskurðinn sama dag.
Maðurinn er grunaður um að hafa nauðgað tveimur konum og káfað á þriðju konunni.
Konurnar þrjár voru sofandi hver í sínu hótelherbergi þegar hin ætluðu brot voru framin. Konurnar sem maðurinn er sakaður um að hafa nauðgað segjast báðar hafa vaknað við að maðurinn væri að hafa við þær samfarir. Tókst þeim báðum að ýta manninum af sér
Við yfirheyrslur kannaðist maðurinn við að hafa farið inn á bæði herbergin sem um ræðir og haft samræði við konurnar sem þar voru. Taldi hann að samræðið væri með samþykki kvennanna en þegar þær hafi sagt honum að hætta hafi hann strax hætt.
Komið hefur fram að lögregla telji að framburður mannins um að kynferðismökin hafi verið með samþykki kvennana og að hann hafi hætt eftir að þær báðu hann um að hætta sé afar ótrúverðugur.
Karlmaður grunaður um kynferðisbrot gagnvart þremur konum áfram í gæsluvarðhaldi
Tengdar fréttir
Grunaður um kynferðisbrot gegn þremur konum: Taldi að um misskilning væri að ræða
Í greinargerð lögreglu segir að lögregla telji að framburður mannins um að kynferðismökin hafi verið með samþykki kvennana og að hann hafi hætt eftir að þær báðu hann um að hætta sé afar ótrúverðugur.
Spánverji í gæsluvarðhald grunaður um kynferðisbrot gegn þremur konum
Maðurinn er grunaður um að hafa að morgni síðastliðins mánudags brotið kynferðislega gegn þremur konum á hóteli á Suðurlandi.
Vinur segir Spánverjann hafa viðurkennt kynferðisbrot
Maðurinn grunaður um kynferðisbrot gegn þremur konum.
