Enn dregur saman á milli flokkanna í Bretlandi Stefán Rafn Sigurbjörnsson skrifar 6. júní 2017 15:15 Theresa May, forsætisráðherra og formaður Íhaldsflokksins, og Jeremy Corbyn, formaður Verkamannaflokksins. Mynd/samsett Enn dregur saman með breska Íhaldsflokknum og Verkamannaflokknum í skoðanakönnunum nú einungis tveimur dögum fyrir þingkosningar þar í landi. En þær fara fram fimmtudaginn 8. júní.Dagleg spá könnunarfyrirtækisins YouGov segir að Íhaldsflokkurinn muni vinna sér inn 304 þingsæti en 326 þarf til að mynda meirihluta. Í dag er flokkurinn með 330 þingsæti og því yrði þetta töluvert áfall fyrir flokkinn yrðu þetta niðurstöðurnar.Magnús Árni Magnússon, dósent í stjórnmálafræði, segir að þrátt fyrir að dragi saman bendir allt til sigurs Íhaldsflokksins.Hinsvegar hafa ýmsar aðrar kannanir bent til þess að Íhaldsflokkurinn muni ná meirihlutanum sem til þarf og því nokkur tvísýna um hver niðurstaða kosninga gæti orðið. Samantekt The Guardian á helstu skoðanakönnunum í Bretlandi sýnir að Íhaldsflokkurinn sé með tæplega tíu prósenta forskot á Verkamannaflokkinn. Magnús Árni Magnússon, dósent í stjórnmálafræði, við Háskólann á Bifröst, segir að þrátt fyrir að dragi saman með stóru flokkunum tveimur er afar ólíklegt að Íhaldsflokkurinn missi meirihlutann. „Þetta er auðvitað stóra spurningin núna,“ segir Magnús Árni. „Í ljósi þess að skoðanakannanir hafa ekki verið að virka sem skyldi í stórum kosningum undanfarið. Þess er skemmst að minnast auðvitað Brexit kosninganna og forsetakosninganna í Bandaríkjunum í því sambandi.“ Hann segir að þó að bilið sé að minnka á milli stóru flokkanna sé fátt sem bendi til annars en að Íhaldsflokkurinn vinni. „Það virðist þó samt vera þannig samkvæmt þessum könnunum talsverðar líkur á því að Íhaldsflokkurinn vinni þessar kosningar. Mér sýnist vera á þessum nýjustu tölum að munurinn sé um svona fimm prósent að meðaltali sem er nokkuð mikið í kosningakerfi þar sem þú ert með einmenningskjördæmi,“ segir Magnús en í kosningakerfinu í Bretlandi eiga einmenningskjördæmin til með að magna meirihluta stærsta flokksins. Þannig vann Íhaldsflokkurinn til dæmis tæp 37 prósent atkvæða árið 2015 en meira en 50 prósent þingsæta.„Bandalag glundroðans“ ólíklegt til árangurs Samkvæmt spá YouGov fengi Verkamannaflokkurinn 266 þingsæti, langt frá tilskildum meirihluta, og þyrfti því að treysta á aðra flokka á borð við Skoska Þjóðarflokkinn og Frjálslynda Demókrata auk annarra til að tryggja sér starfhæfan meirihluta. Ekki er mikil hefð fyrir slíkum meirihlutum í breskum stjórnmálum en Theresa May, forsætisráðherra og formaður Íhaldsflokksins, hefur gjarnan uppnefnt þetta mögulega bandalag stjórnarandstöðuflokkanna Bandalag glundroðans, eða „the Coalition of Chaos“.Spá YouGov um þingmannafjölda eftir kosningar.Þingmannafjöldi skv. nýjustu spá YouGovCreate column chartsÞá hafa stjórnarandstöðuflokkarnir ekki gefið út nein fyrirheit um samstarf og ólíklegt þykir að Skoski Þjóðarflokkurinn og Frjálslyndir verði beinir þátttakendur í stjórn Verkamannaflokksins heldur væri líklega um minnihlutastjórn að ræða. Þó þykja líkurnar á því afar tæpar. The Guardian tók saman hvaða möguleikar eru í boði eftir kosningar og flestar sviðsmyndirnar gera ráð fyrir áframhaldandi stjórn Íhaldsflokksins.„Elliglapaskattur“ og niðurskurður til lögreglu er May fjötur um fót Þegar Theresa May, forsætisráðherra, boðaði til kosninga fyrir einum og hálfum mánuði síðan bar Íhaldsflokkurinn höfuð og herðar yfir Verkamannaflokkinn og fátt virtist geta komið í veg fyrir stórsigur nú í júní. Hinsvegar hefur Íhaldsflokkurinn ekki átt sjö dagana sæla í kosningabaráttunni þrátt fyrir yfirburði í könnunum. Fylgi flokksins byrjaði að dala og fylgi Verkamannaflokksins tók kipp upp á við þegar hugmyndir íhaldsmanna um að aldraðir greiði sjálfir fyrir heimahjúkrun komst í almenna umræða. Andstæðingar Íhaldsflokksins voru fljótir að stinga upp á hugtakinu „elliglapaskattur“ eða „dementia tax“ í tengslum við hugmyndina. May átti í svo fullu fangi með að berjast við neikvæða umræðu í tengslum við gjaldið að hún varð að lokum afturreka með tillöguna. Í kjölfar hryðjuverkaárásanna í Manchester og London hefur umræða um öryggismál og löggæslu komist á flug og eru nú aðalmálefnin tveimur dögum fyrir kosningar. Nú hafa andstæðingar May sakað Íhaldsflokkinn um að grafa undan öryggi íbúa í landinu með niðurskurði til löggæslumála og vilja sumir meina að lögregluþjónum hafi fækkað um 20 þúsund frá því að Íhaldsflokkurinn tók við árið 2010. Þó er harkalega deilt um þessar niðurskurðartölur. Þá hjálpar það ekki Íhaldsflokknum að May var sjálf innanríkisráðherra þegar meintur niðurskurður átti sér stað og Jeremy Corbyn, formaður Verkamannaflokksins, hefur kallað eftir afsögn May vegna þessa. Þegar May boðaði til kosninga þann 18. Apríl sýndu skoðanakannanir að flokkur hennar væri með um 25 prósenta forskot á Verkamannaflokkinn. Í röksemdafærslu sinni fyrir því að boða til kosninga sagði hún meðal annars að hún þyrfti aukinn meirihluta og sterkara umboð þjóðarinnar til að geta náð sem bestum samningi við Evrópusambandið vegna Brexit. Ef meirihluti Íhaldsmanna minnkar er ljóst að ætlunarverk May hefur mistekist. „Það er alltaf gott fyrir leiðtoga að hafa umboð fólksins þegar þeir eru að taka veigamiklar ákvarðanir,“ segir Magnús Árni. „Og Theresa May, verði hún áfram forsætisráðherra, stendur frammi fyrir því og þessum samningaviðræðum við Evrópusambandið sem eru framundan um útgöngu Breta. Ef við gefum okkur það að hún vinni þessar kosningar gefur það henni umboð þjóðarinnar til að leiða hana í gegn um þennan tíma. En sá aukni meirihluti sem hún sá fyrir sér verður að öllum líkindum ekki að veruleika. Það yrði í það minnsta mjög skrítið ef að það yrði miðað við þær skoðanakannanir sem við sjáum í dag.“ Mest lesið Loftárásir á meint vopnabúr Hezbollah í Beirút Erlent Orbán ber til baka ummæli ráðgjafa um uppgjöf fyrir Rússum Erlent Draumurinn að fríbúðir skjóti upp kollinum um alla borg Innlent Nýliðar hlakka til að láta að sér kveða: „Finnst vanta fólk eins og mig“ Innlent Mennirnir tveir fundnir Innlent Líf segir söguna um stóladans Mörtu og Hildar dagsanna Innlent Tugir látnir í fjórum ríkjum af völdum Helenar Erlent Listamaðurinn Jón Gnarr hættir og pólitíkusinn tekur við Innlent Hefur þrisvar komið að 13 ára syni sínum meðvitundarlausum Innlent Ekki hægt að aldursskipta börnum á Stuðlum í miðjum stormi Innlent Fleiri fréttir Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Malbika bílastæðin í Reynisfjöru Fluttur með þyrlu eftir bílveltu á Snæfellsnesi Ríkisstjórnin sameini það versta frá bæði vinstri og hægri „Íslenska vegakerfið er líklega hættulegasti ferðamannastaður landsins“ Starfshópur skipaður vegna slysa hjá ferðamönnum Veitingastaður ber ekki ábyrgð á hnefahöggi starfsmanns Má ekki eyða myndböndum sem mátti ekki taka Laxalúsin sækir í sig veðrið fyrir vestan Grunur um að fiskar úr landeldi hafi komist í sjó Færri ánægðir með Höllu en Guðna og Ólaf Ragnar Mættur í Samfylkinguna Sagður hafa nauðgað konu fyrir níu árum Ekkert gert til að gera nikótínpúða jafn óaðlaðandi og sígarettur Matvælastofnun kærði tvo búfjáreigendur til lögreglu Einn af 103 ökumönnum reyndist yfir mörkum Segir Vinstri græn ekki styðja frekari breytingar á útlendingalögum Brynjar ákærður fyrir að brjóta á fleiri stúlkum Sjá meira
Enn dregur saman með breska Íhaldsflokknum og Verkamannaflokknum í skoðanakönnunum nú einungis tveimur dögum fyrir þingkosningar þar í landi. En þær fara fram fimmtudaginn 8. júní.Dagleg spá könnunarfyrirtækisins YouGov segir að Íhaldsflokkurinn muni vinna sér inn 304 þingsæti en 326 þarf til að mynda meirihluta. Í dag er flokkurinn með 330 þingsæti og því yrði þetta töluvert áfall fyrir flokkinn yrðu þetta niðurstöðurnar.Magnús Árni Magnússon, dósent í stjórnmálafræði, segir að þrátt fyrir að dragi saman bendir allt til sigurs Íhaldsflokksins.Hinsvegar hafa ýmsar aðrar kannanir bent til þess að Íhaldsflokkurinn muni ná meirihlutanum sem til þarf og því nokkur tvísýna um hver niðurstaða kosninga gæti orðið. Samantekt The Guardian á helstu skoðanakönnunum í Bretlandi sýnir að Íhaldsflokkurinn sé með tæplega tíu prósenta forskot á Verkamannaflokkinn. Magnús Árni Magnússon, dósent í stjórnmálafræði, við Háskólann á Bifröst, segir að þrátt fyrir að dragi saman með stóru flokkunum tveimur er afar ólíklegt að Íhaldsflokkurinn missi meirihlutann. „Þetta er auðvitað stóra spurningin núna,“ segir Magnús Árni. „Í ljósi þess að skoðanakannanir hafa ekki verið að virka sem skyldi í stórum kosningum undanfarið. Þess er skemmst að minnast auðvitað Brexit kosninganna og forsetakosninganna í Bandaríkjunum í því sambandi.“ Hann segir að þó að bilið sé að minnka á milli stóru flokkanna sé fátt sem bendi til annars en að Íhaldsflokkurinn vinni. „Það virðist þó samt vera þannig samkvæmt þessum könnunum talsverðar líkur á því að Íhaldsflokkurinn vinni þessar kosningar. Mér sýnist vera á þessum nýjustu tölum að munurinn sé um svona fimm prósent að meðaltali sem er nokkuð mikið í kosningakerfi þar sem þú ert með einmenningskjördæmi,“ segir Magnús en í kosningakerfinu í Bretlandi eiga einmenningskjördæmin til með að magna meirihluta stærsta flokksins. Þannig vann Íhaldsflokkurinn til dæmis tæp 37 prósent atkvæða árið 2015 en meira en 50 prósent þingsæta.„Bandalag glundroðans“ ólíklegt til árangurs Samkvæmt spá YouGov fengi Verkamannaflokkurinn 266 þingsæti, langt frá tilskildum meirihluta, og þyrfti því að treysta á aðra flokka á borð við Skoska Þjóðarflokkinn og Frjálslynda Demókrata auk annarra til að tryggja sér starfhæfan meirihluta. Ekki er mikil hefð fyrir slíkum meirihlutum í breskum stjórnmálum en Theresa May, forsætisráðherra og formaður Íhaldsflokksins, hefur gjarnan uppnefnt þetta mögulega bandalag stjórnarandstöðuflokkanna Bandalag glundroðans, eða „the Coalition of Chaos“.Spá YouGov um þingmannafjölda eftir kosningar.Þingmannafjöldi skv. nýjustu spá YouGovCreate column chartsÞá hafa stjórnarandstöðuflokkarnir ekki gefið út nein fyrirheit um samstarf og ólíklegt þykir að Skoski Þjóðarflokkurinn og Frjálslyndir verði beinir þátttakendur í stjórn Verkamannaflokksins heldur væri líklega um minnihlutastjórn að ræða. Þó þykja líkurnar á því afar tæpar. The Guardian tók saman hvaða möguleikar eru í boði eftir kosningar og flestar sviðsmyndirnar gera ráð fyrir áframhaldandi stjórn Íhaldsflokksins.„Elliglapaskattur“ og niðurskurður til lögreglu er May fjötur um fót Þegar Theresa May, forsætisráðherra, boðaði til kosninga fyrir einum og hálfum mánuði síðan bar Íhaldsflokkurinn höfuð og herðar yfir Verkamannaflokkinn og fátt virtist geta komið í veg fyrir stórsigur nú í júní. Hinsvegar hefur Íhaldsflokkurinn ekki átt sjö dagana sæla í kosningabaráttunni þrátt fyrir yfirburði í könnunum. Fylgi flokksins byrjaði að dala og fylgi Verkamannaflokksins tók kipp upp á við þegar hugmyndir íhaldsmanna um að aldraðir greiði sjálfir fyrir heimahjúkrun komst í almenna umræða. Andstæðingar Íhaldsflokksins voru fljótir að stinga upp á hugtakinu „elliglapaskattur“ eða „dementia tax“ í tengslum við hugmyndina. May átti í svo fullu fangi með að berjast við neikvæða umræðu í tengslum við gjaldið að hún varð að lokum afturreka með tillöguna. Í kjölfar hryðjuverkaárásanna í Manchester og London hefur umræða um öryggismál og löggæslu komist á flug og eru nú aðalmálefnin tveimur dögum fyrir kosningar. Nú hafa andstæðingar May sakað Íhaldsflokkinn um að grafa undan öryggi íbúa í landinu með niðurskurði til löggæslumála og vilja sumir meina að lögregluþjónum hafi fækkað um 20 þúsund frá því að Íhaldsflokkurinn tók við árið 2010. Þó er harkalega deilt um þessar niðurskurðartölur. Þá hjálpar það ekki Íhaldsflokknum að May var sjálf innanríkisráðherra þegar meintur niðurskurður átti sér stað og Jeremy Corbyn, formaður Verkamannaflokksins, hefur kallað eftir afsögn May vegna þessa. Þegar May boðaði til kosninga þann 18. Apríl sýndu skoðanakannanir að flokkur hennar væri með um 25 prósenta forskot á Verkamannaflokkinn. Í röksemdafærslu sinni fyrir því að boða til kosninga sagði hún meðal annars að hún þyrfti aukinn meirihluta og sterkara umboð þjóðarinnar til að geta náð sem bestum samningi við Evrópusambandið vegna Brexit. Ef meirihluti Íhaldsmanna minnkar er ljóst að ætlunarverk May hefur mistekist. „Það er alltaf gott fyrir leiðtoga að hafa umboð fólksins þegar þeir eru að taka veigamiklar ákvarðanir,“ segir Magnús Árni. „Og Theresa May, verði hún áfram forsætisráðherra, stendur frammi fyrir því og þessum samningaviðræðum við Evrópusambandið sem eru framundan um útgöngu Breta. Ef við gefum okkur það að hún vinni þessar kosningar gefur það henni umboð þjóðarinnar til að leiða hana í gegn um þennan tíma. En sá aukni meirihluti sem hún sá fyrir sér verður að öllum líkindum ekki að veruleika. Það yrði í það minnsta mjög skrítið ef að það yrði miðað við þær skoðanakannanir sem við sjáum í dag.“
Mest lesið Loftárásir á meint vopnabúr Hezbollah í Beirút Erlent Orbán ber til baka ummæli ráðgjafa um uppgjöf fyrir Rússum Erlent Draumurinn að fríbúðir skjóti upp kollinum um alla borg Innlent Nýliðar hlakka til að láta að sér kveða: „Finnst vanta fólk eins og mig“ Innlent Mennirnir tveir fundnir Innlent Líf segir söguna um stóladans Mörtu og Hildar dagsanna Innlent Tugir látnir í fjórum ríkjum af völdum Helenar Erlent Listamaðurinn Jón Gnarr hættir og pólitíkusinn tekur við Innlent Hefur þrisvar komið að 13 ára syni sínum meðvitundarlausum Innlent Ekki hægt að aldursskipta börnum á Stuðlum í miðjum stormi Innlent Fleiri fréttir Nýliðar hlakka til að láta að sér kveða: „Finnst vanta fólk eins og mig“ Draumurinn að fríbúðir skjóti upp kollinum um alla borg Ekki hægt að aldursskipta börnum á Stuðlum í miðjum stormi „Skítastaða“ á Stuðlum, vongóðir nýliðar og búð þar sem allt er ókeypis „Það verður að láta reyna á þessar kærur“ Listamaðurinn Jón Gnarr hættir og pólitíkusinn tekur við Líf segir söguna um stóladans Mörtu og Hildar dagsanna Hlaut varanlegan skaða vegna myglu en fær ekki krónu Marta hafnar því alfarið að hafa ítrekað sest í stól Hildar Unglingar á ofsahraða reyndu að stinga lögregluna af Mennirnir tveir fundnir Hólmfríður ætlar í ritara VG Til skoðunar að beita refsisköttum á nikótínpúða Malbika bílastæðin í Reynisfjöru Fluttur með þyrlu eftir bílveltu á Snæfellsnesi Ríkisstjórnin sameini það versta frá bæði vinstri og hægri „Íslenska vegakerfið er líklega hættulegasti ferðamannastaður landsins“ Starfshópur skipaður vegna slysa hjá ferðamönnum Veitingastaður ber ekki ábyrgð á hnefahöggi starfsmanns Má ekki eyða myndböndum sem mátti ekki taka Laxalúsin sækir í sig veðrið fyrir vestan Grunur um að fiskar úr landeldi hafi komist í sjó Færri ánægðir með Höllu en Guðna og Ólaf Ragnar Mættur í Samfylkinguna Sagður hafa nauðgað konu fyrir níu árum Ekkert gert til að gera nikótínpúða jafn óaðlaðandi og sígarettur Matvælastofnun kærði tvo búfjáreigendur til lögreglu Einn af 103 ökumönnum reyndist yfir mörkum Segir Vinstri græn ekki styðja frekari breytingar á útlendingalögum Brynjar ákærður fyrir að brjóta á fleiri stúlkum Sjá meira