Þekktur andstæðingur bólusetninga talar hjá Gló Kjartan Kjartansson skrifar 16. júní 2017 20:45 Veitingastaðurinn Gló verður vettvangur fyrirlestrar Davids Wolfe í næstu viku. Vísir/Getty Heilsugúru með milljónir fylgjenda á samfélagsmiðlum sem hefur ítrekað talað gegn bólusetningum og ýjað að því að krabbameinsrannsóknir séu fals er væntanlegur til Íslands til að tala á heilsuveitingastaðnum Gló. Fulltrúar fyrirtækisins vilja ekki svara spurningum um Wolfe en segja fyrirlesturinn ekki á þess vegum. David „lárpera“ Wolfe er bandarískur sjálfskipaður heilsugúrú sem er með yfir tíu milljónir fylgjenda á Facebook. Í umfjöllun Forbes um hann þar sem varað er við boðskapi hans er vitnað til vefsíðu Wolfe þar sem hann lýsir sjálfum sér sem „rokkstjörnu og Indiana Jones ofurfæðis- og langlífisheimsins“. Hann ætlar að tala um heilsu og lífsstíl á svonefndri Ljósvöku sem haldin verður á veitingastað Glóar í Fákafeni í næstu viku. Viðburðurinn er auglýstur á viðburðasíðunni Enter.is.Rangar fullyrðingar um meinta skaðsemi bólusetningaFullyrðingar Wolfe um heilsutengd málefni sem önnur eru hins vegar hreinlega rangar og í besta falli afar vafasamar. Hann hefur þannig ítrekað talað gegn bólusetningum, þar á meðal með löngu hröktum fullyrðingum um að þær valdi einhverfu, og fór meðal annars í ferð um Ástralíu á vegum samtaka sem berjast gegn þeim í vor. Fjölda greina gegn bólusetningum má finna á vefsíðu Wolfe. Í grein á vefsíðu sinni heldur Wolfe því til dæmis ranglega fram að „vaxandi vísbendingar bendi til þess að bólusetningar séu ekki öruggar og að þær geti meitt, varanlega örkumlað eða jafnvel drepið þig eða ættingja þinn“. Þá hefur hann dreift efni til fjölmargra fylgjenda sinna um að krabbameinsrannsóknir séu fals auk þess að selja ýmsan varning með vafasömum fullyrðingum um virkni og meinta gagnsemi hans.Vilja ekki svara spurningum um fyrirlesturinn Markaðsfulltrúi Glóar sagðist ekki mega svara neinum spurningum um fyrirlestur Wolfe á veitingastaðnum þegar Vísir leitaði viðbragða fyrirtækisins. Þess í stað vísuðu stjórnendur hans til skriflegrar yfirlýsingar þar sem fram kemur að fyrirlestur Wolfe sé ekki á þeirra vegum. Skoðanir Wolfe séu á hans eigin ábyrgð og hann muni ekki fjalla um bólusetningar í fyrirlestrinum. Viðburðurinn er ekki auglýstur á vefsíðu eða Facebook-síðu Glóar. Ekki er hægt að sjá á Enter.is hver stendur fyrir fyrirlestrinum nú að öðru leyti en að hann verði haldinn á veitingastaðnum. Þetta er hins vegar ekki í fyrsta skipti sem Wolfe talar hjá Gló. Á Facebook-síðu staðarins má finna auglýsingu fyrir námskeið með Wolfe sem fór fram 13. nóvember í fyrra. Í lýsingu á viðburðinum er Wolfe meðal annars kallaður „snillingur“. Skráning á þann viðburð fór fram í gegnum vefsíðu Glóar samkvæmt Facebook-viðburðinum. Skráningarsíðunni hefur síðan verið lokað. Á bloggsíðu Glóar má einnig finna viðtal við Wolfe um næringarmál. Það birtist 10. nóvember í fyrra.Sólveig Eiríksdóttir, stofnandi og einn eigenda Gló, segist vera vinkona og samstarfskona Wolfe á Íslandi.Vísir/StefánÍtrekað komið og talað hjá GlóVið lauslega athugun Vísis kom einnig í ljós að Sólveig Eiríksdóttir, sem titluð er yfir matarhönnun og nýsköpun Glóar, flutti Wolfe til landsins árið 2010. Í viðtali sem birtist í Fréttablaðinu 14. nóvember er Sólveig sögð „vinkona og samstarfskona“ Wolfe á Íslandi. Sunnudagsmogginn sagði einnig frá tveimur fyrirlestrum Wolfe hjá Gló árið 2012 þar sem talað var við hann og Sólveigu. „Þrátt fyrir að fólk skilji ekki hvað hann er að segja kemst enginn ósnortinn frá David Wolfe. Hann er með einstaka útgeislun og hefur mjög sérstök áhrif á fólk,“ er haft eftir Sólveigu þar. Eftir að Wolfe kom fram í Kastljóssþætti á RÚV í nóvember árið áður skrifuðu Ólafur G. Sæmundsson, næringarfræðingur, og Ólafur Sigurðsson, matvælafræðingur, grein í Fréttablaðið þar sem þeir vefengdu boðskap Wolfe.Sterk rödd sem dreifir stórhættulegum áróðri„Mér finnst ekki rétt að gefa svona manni vettvang sem er opinberlega á móti bólusetningum,“ segir Brynjar Örn Ellertsson, lífefnafræðingur sem heldur úti Facebook-síðunni Vísindamaðurinn. Þar hafa birst færslur þar sem vakin er athygli á málflutningi Wolfe. Brynjar segir að Wolfe hafi byrjað sem nokkurs konar krúttlegur hippi sem talaði um heilsusafa. Síðan þá hafi hann hins vegar eignast sterka rödd hjá ógrynni fylgjenda á samfélagsmiðlum. „Hann er ekki lengur krúttlegur hippi heldur stór rödd sem nýtir hana til þess að dreifa stórhættulegum áróðri,“ segir Brynjar Örn.Telur sveppi geta flotið út úr sólkerfinuTorkennilegar hugmyndir Wolfe ná ekki aðeins til heilsutengdra málefna. Hann hefur meðal annars sagt að þyngdaraflið sé eiturefni og talað um að jörðin sé í raun flöt. Hann hefur einnig haldið því fram að sveppir geti svifið upp af jörðinni og skotist úr úr sólkerfinu. Brynjar segir að enginn læknir eða raunverulegur næringarfræðingur gæti staðfest það sem Wolfe heldur fram um heilsutengd mál heldur. Yfirlýsingin Glóar um fyrirlestur Wolfe í heild sinni er svohljóðandi:Að gefnu tilefni vill Gló taka fram að fyrirlestur David Wolf[e] þann 21. júní n.k. er ekki á vegum Gló, hvorki miðasala né skipulagning. Fyrirlesturinn er hluti af ferð David Wolf[e] adventures með hóp erlendra ferðamanna um Ísland. David leigir fyrirlestrarsal Gló í Fákafeni eins og fjöldi annarra fyrirlesara á ári hverju. Skoðanir fyrirlesara eru á þeirra ábyrgð en ekki ábyrgð Gló. Rétt er að taka fram að við höfum fengið staðfest að fyrirhugaður fyrirlestur David Wolf mun ekki fjalla um bólusetningar heldur um súperjurtir í íslenskri náttúru og heilbrigða bakteríuflóru. Matur Mest lesið Það sem við vitum og vitum ekki um manndrápið hrottalega Innlent „Þetta er risastór áfangi og gleðitíðindi fyrir Kópavogsbæ“ Innlent Sólrún fundin á Spáni Innlent Hætta við uppbygginguna vegna „neikvæðrar umræðu“ Innlent Sendi Dönum tóninn Erlent Mátti binda barn á höndum og fótum og kitla það Innlent Prestur sakar oddvita um ólýðræðislega hallarbyltingu í veiðifélagi Innlent Rak sex eftir fund með umdeildum samsæringi Erlent Stoppaður af vegfaranda sem spurði: „Hvað er þetta?“ Innlent Russell Brand ákærður fyrir nauðganir og kynferðisbrot Erlent Fleiri fréttir Eldrauðar kauphallir og færri hraðahindranir í borginni Björg Ásta nýr framkvæmdastjóri Sjálfstæðisflokksins Ákærður fyrir að aka stolnum bíl út af skakkur og dauðadrukkinn „Þetta er risastór áfangi og gleðitíðindi fyrir Kópavogsbæ“ Hætta við uppbygginguna vegna „neikvæðrar umræðu“ Landris hafið á ný Arndís Bára lögreglustjóri næsta árið Fyrstu samtöl við Rubio lofi góðu Innan við helmingur barna segir frá kynferðisofbeldinu Gefa út ferðaleiðbeiningar fyrir hinsegin fólk Hafi fullan stuðning til að auka útgjöld til varnarmála Mátti binda barn á höndum og fótum og kitla það SFS hafi skrópað á fund ráðuneytisins Langflestir telja afsögn Ásthildar rétta ákvörðun Ný könnun um viðhorf til veiðigjalda Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Sjá meira
Heilsugúru með milljónir fylgjenda á samfélagsmiðlum sem hefur ítrekað talað gegn bólusetningum og ýjað að því að krabbameinsrannsóknir séu fals er væntanlegur til Íslands til að tala á heilsuveitingastaðnum Gló. Fulltrúar fyrirtækisins vilja ekki svara spurningum um Wolfe en segja fyrirlesturinn ekki á þess vegum. David „lárpera“ Wolfe er bandarískur sjálfskipaður heilsugúrú sem er með yfir tíu milljónir fylgjenda á Facebook. Í umfjöllun Forbes um hann þar sem varað er við boðskapi hans er vitnað til vefsíðu Wolfe þar sem hann lýsir sjálfum sér sem „rokkstjörnu og Indiana Jones ofurfæðis- og langlífisheimsins“. Hann ætlar að tala um heilsu og lífsstíl á svonefndri Ljósvöku sem haldin verður á veitingastað Glóar í Fákafeni í næstu viku. Viðburðurinn er auglýstur á viðburðasíðunni Enter.is.Rangar fullyrðingar um meinta skaðsemi bólusetningaFullyrðingar Wolfe um heilsutengd málefni sem önnur eru hins vegar hreinlega rangar og í besta falli afar vafasamar. Hann hefur þannig ítrekað talað gegn bólusetningum, þar á meðal með löngu hröktum fullyrðingum um að þær valdi einhverfu, og fór meðal annars í ferð um Ástralíu á vegum samtaka sem berjast gegn þeim í vor. Fjölda greina gegn bólusetningum má finna á vefsíðu Wolfe. Í grein á vefsíðu sinni heldur Wolfe því til dæmis ranglega fram að „vaxandi vísbendingar bendi til þess að bólusetningar séu ekki öruggar og að þær geti meitt, varanlega örkumlað eða jafnvel drepið þig eða ættingja þinn“. Þá hefur hann dreift efni til fjölmargra fylgjenda sinna um að krabbameinsrannsóknir séu fals auk þess að selja ýmsan varning með vafasömum fullyrðingum um virkni og meinta gagnsemi hans.Vilja ekki svara spurningum um fyrirlesturinn Markaðsfulltrúi Glóar sagðist ekki mega svara neinum spurningum um fyrirlestur Wolfe á veitingastaðnum þegar Vísir leitaði viðbragða fyrirtækisins. Þess í stað vísuðu stjórnendur hans til skriflegrar yfirlýsingar þar sem fram kemur að fyrirlestur Wolfe sé ekki á þeirra vegum. Skoðanir Wolfe séu á hans eigin ábyrgð og hann muni ekki fjalla um bólusetningar í fyrirlestrinum. Viðburðurinn er ekki auglýstur á vefsíðu eða Facebook-síðu Glóar. Ekki er hægt að sjá á Enter.is hver stendur fyrir fyrirlestrinum nú að öðru leyti en að hann verði haldinn á veitingastaðnum. Þetta er hins vegar ekki í fyrsta skipti sem Wolfe talar hjá Gló. Á Facebook-síðu staðarins má finna auglýsingu fyrir námskeið með Wolfe sem fór fram 13. nóvember í fyrra. Í lýsingu á viðburðinum er Wolfe meðal annars kallaður „snillingur“. Skráning á þann viðburð fór fram í gegnum vefsíðu Glóar samkvæmt Facebook-viðburðinum. Skráningarsíðunni hefur síðan verið lokað. Á bloggsíðu Glóar má einnig finna viðtal við Wolfe um næringarmál. Það birtist 10. nóvember í fyrra.Sólveig Eiríksdóttir, stofnandi og einn eigenda Gló, segist vera vinkona og samstarfskona Wolfe á Íslandi.Vísir/StefánÍtrekað komið og talað hjá GlóVið lauslega athugun Vísis kom einnig í ljós að Sólveig Eiríksdóttir, sem titluð er yfir matarhönnun og nýsköpun Glóar, flutti Wolfe til landsins árið 2010. Í viðtali sem birtist í Fréttablaðinu 14. nóvember er Sólveig sögð „vinkona og samstarfskona“ Wolfe á Íslandi. Sunnudagsmogginn sagði einnig frá tveimur fyrirlestrum Wolfe hjá Gló árið 2012 þar sem talað var við hann og Sólveigu. „Þrátt fyrir að fólk skilji ekki hvað hann er að segja kemst enginn ósnortinn frá David Wolfe. Hann er með einstaka útgeislun og hefur mjög sérstök áhrif á fólk,“ er haft eftir Sólveigu þar. Eftir að Wolfe kom fram í Kastljóssþætti á RÚV í nóvember árið áður skrifuðu Ólafur G. Sæmundsson, næringarfræðingur, og Ólafur Sigurðsson, matvælafræðingur, grein í Fréttablaðið þar sem þeir vefengdu boðskap Wolfe.Sterk rödd sem dreifir stórhættulegum áróðri„Mér finnst ekki rétt að gefa svona manni vettvang sem er opinberlega á móti bólusetningum,“ segir Brynjar Örn Ellertsson, lífefnafræðingur sem heldur úti Facebook-síðunni Vísindamaðurinn. Þar hafa birst færslur þar sem vakin er athygli á málflutningi Wolfe. Brynjar segir að Wolfe hafi byrjað sem nokkurs konar krúttlegur hippi sem talaði um heilsusafa. Síðan þá hafi hann hins vegar eignast sterka rödd hjá ógrynni fylgjenda á samfélagsmiðlum. „Hann er ekki lengur krúttlegur hippi heldur stór rödd sem nýtir hana til þess að dreifa stórhættulegum áróðri,“ segir Brynjar Örn.Telur sveppi geta flotið út úr sólkerfinuTorkennilegar hugmyndir Wolfe ná ekki aðeins til heilsutengdra málefna. Hann hefur meðal annars sagt að þyngdaraflið sé eiturefni og talað um að jörðin sé í raun flöt. Hann hefur einnig haldið því fram að sveppir geti svifið upp af jörðinni og skotist úr úr sólkerfinu. Brynjar segir að enginn læknir eða raunverulegur næringarfræðingur gæti staðfest það sem Wolfe heldur fram um heilsutengd mál heldur. Yfirlýsingin Glóar um fyrirlestur Wolfe í heild sinni er svohljóðandi:Að gefnu tilefni vill Gló taka fram að fyrirlestur David Wolf[e] þann 21. júní n.k. er ekki á vegum Gló, hvorki miðasala né skipulagning. Fyrirlesturinn er hluti af ferð David Wolf[e] adventures með hóp erlendra ferðamanna um Ísland. David leigir fyrirlestrarsal Gló í Fákafeni eins og fjöldi annarra fyrirlesara á ári hverju. Skoðanir fyrirlesara eru á þeirra ábyrgð en ekki ábyrgð Gló. Rétt er að taka fram að við höfum fengið staðfest að fyrirhugaður fyrirlestur David Wolf mun ekki fjalla um bólusetningar heldur um súperjurtir í íslenskri náttúru og heilbrigða bakteríuflóru.
Matur Mest lesið Það sem við vitum og vitum ekki um manndrápið hrottalega Innlent „Þetta er risastór áfangi og gleðitíðindi fyrir Kópavogsbæ“ Innlent Sólrún fundin á Spáni Innlent Hætta við uppbygginguna vegna „neikvæðrar umræðu“ Innlent Sendi Dönum tóninn Erlent Mátti binda barn á höndum og fótum og kitla það Innlent Prestur sakar oddvita um ólýðræðislega hallarbyltingu í veiðifélagi Innlent Rak sex eftir fund með umdeildum samsæringi Erlent Stoppaður af vegfaranda sem spurði: „Hvað er þetta?“ Innlent Russell Brand ákærður fyrir nauðganir og kynferðisbrot Erlent Fleiri fréttir Eldrauðar kauphallir og færri hraðahindranir í borginni Björg Ásta nýr framkvæmdastjóri Sjálfstæðisflokksins Ákærður fyrir að aka stolnum bíl út af skakkur og dauðadrukkinn „Þetta er risastór áfangi og gleðitíðindi fyrir Kópavogsbæ“ Hætta við uppbygginguna vegna „neikvæðrar umræðu“ Landris hafið á ný Arndís Bára lögreglustjóri næsta árið Fyrstu samtöl við Rubio lofi góðu Innan við helmingur barna segir frá kynferðisofbeldinu Gefa út ferðaleiðbeiningar fyrir hinsegin fólk Hafi fullan stuðning til að auka útgjöld til varnarmála Mátti binda barn á höndum og fótum og kitla það SFS hafi skrópað á fund ráðuneytisins Langflestir telja afsögn Ásthildar rétta ákvörðun Ný könnun um viðhorf til veiðigjalda Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Sjá meira