Þriggja bíla árekstur á Suðurlandsvegi á móts við Hótel Rangá

Þriggja bíla árekstur varð nú um kvöldmatarleytið á Suðurlandsvegi austan við Hellu, á móts við Hótel Rangá. Talið er að um fimm til sex einstaklingar hafi verið farþegar í bílunum. Hafa þeir verið fluttir upp á slysadeild en eru ekki taldir vera alvarlega slasaðir. Einn bíllinn valt og því þurfti að loka veginum í hálfa klukkustund en hann hefur nú verið opnaður aftur.

Þorgrímur Óli Sigurðsson, aðstoðaryfirlögregluþjónn hjá Lögreglunni á Suðurlandi staðfestir þetta í samtali við Vísi.