Arðsemi bankanna enn undir markmiði Kristinn Ingi Jónsson skrifar 8. ágúst 2017 06:00 Grunnrekstur bankanna fer batnandi að því er fram kemur í skýrslu Bankasýslu ríkisins. vísir/vilhelm Arðsemi stóru viðskiptabankanna þriggja af reglulegum rekstri batnaði lítillega í fyrra en uppfyllir þó ekki enn þá kröfu sem íslenska ríkið gerir til langtímaarðsemi eignarhlutar síns í bönkunum. Arðsemi reglulegs rekstrar Íslandsbanka og Landsbankans jókst smávegis á milli ára, og nam 8,2 og 5,9 prósentum af eigin fé bankanna, en hins vegar lækkaði arðsemi Arion banka í 5,3 prósent sem er lægsta arðsemi sem bankinn hefur skilað á síðastliðnum fimm árum. Þrátt fyrir að bókhaldslegur hagnaður bankanna þriggja hafi dregist saman um 53,8 milljarða króna á milli áranna 2015 og 2016, þá batnaði afkoman af reglulegum rekstri um 4,7 milljarða. Meginskýringin á þessari bættu afkomu liggur í aukningu á hreinum vaxtatekjum sem jukust um níu milljarða króna á milli ára, að því er fram kemur í nýrri skýrslu Bankasýslu ríkisins. Eftir að hafa dregist nokkuð saman á árunum 2012 til 2014 hefur hagnaður bankanna af reglulegum rekstri aukist á síðustu tveimur árum. Bankarnir þrír hafa skilað miklum heildarhagnaði, eða sem nemur samtals 527 milljörðum króna, á undanförnum átta árum, en hagnaðurinn hefur einkum og sér í lagi skýrst af óreglulegum liðum eins og virðisaukningu útlána og sölu eigna. Eftir sem áður eiga bankarnir enn verk fyrir höndum við að bæta afkomu sína af grunnrekstri. Þannig var arðsemi bankanna af reglulegum rekstri minni í fyrra, þegar hún var 6,4 prósent, heldur en árið 2012, en þá nam hún 7,9 prósentum. Er hún þannig enn umtalsvert undir þeirri arðsemiskröfu sem ríkið gerir til eignarhlutar síns í bönkunum. Arðsemi Landsbankans hefur lagast frá árinu 2014, að sögn Bankasýslunnar, rétt eins og arðsemi Íslandsbanka, sem hefur bætt afkomu sína af reglulegri starfsemi á hverju ári frá 2012. Hins vegar stóð arðsemi reglulegs rekstrar Arion banka nánast í stað á árunum 2013 og 2015 og lækkaði á síðasta ári. Hlutur ríkisins hvergi meiri en hér á landi Bankasýsla ríkisins bendir á í skýrslunni að fjárbinding íslenska ríkisins í eignarhlutum sínum í viðskiptabönkunum sé orðin „gríðarleg“ í samanburði við önnur Evrópuríki. Þannig hafi hlutur ríkisins í bókfærðu eigin fé stóru viðskiptabankanna þriggja aukist úr 13,8 prósentum af vergri landsframleiðslu árið 2015 í 18,7 prósent í fyrra. Til samanburðar var hlutfallið 4,6 prósent í Belgíu, 1,9 prósent í Bretlandi og 2,3 prósent í Hollandi í fyrra, að sögn Bankasýslunnar. Þess má geta að hlutfallið var 3,6 prósent hér á landi í árslok 1997, þegar ríkissjóður átti allt hlutafé í Búnaðarbankanum, Fjárfestingarbanka atvinnulífsins og Landsbankanum. Birtist í Fréttablaðinu Mest lesið „Enginn kvartað yfir því þegar ég hef skúrað“ Atvinnulíf Kormákur og Skjöldur flytja í Brynjuhúsið eftir algjöra yfirhalningu Viðskipti innlent Óljóst hvort breytingarnar bjargi rekstri Play Viðskipti innlent Play í frjálsu falli Viðskipti innlent Sölunni slegið á frest Viðskipti innlent Hagkaup hættir sölu á Sodastream í kjölfar mótmæla Viðskipti innlent Ekki trompast við fólk í vinnu eða á fundum Atvinnulíf „Síðan kemur í ljós að við erum í gjörólíkum störfum“ Atvinnulíf „Opinberi geirinn er að breytast og þar þarf mikinn fjölda verkefnastjóra“ Atvinnulíf Sex milljarðar í tekjur af nikótíni á næsta ári Neytendur Fleiri fréttir Sölunni slegið á frest Kormákur og Skjöldur flytja í Brynjuhúsið eftir algjöra yfirhalningu Play í frjálsu falli Semja við flugfélög í Færeyjum og á Grænlandi Hagkaup hættir sölu á Sodastream í kjölfar mótmæla Frigus fór fýluferð í Landsrétt Óljóst hvort breytingarnar bjargi rekstri Play Úlfur Þór til Firma lögmanna Eins og AirBnb og Uber en fyrir tónlistarkennslu Tvískiptur fasteignamarkaður og hækkandi vaxtabyrði „Play verður áfram íslenskt“ Sækja um leyfi á Möltu Herdís hefði frekar viljað halda vöxtum óbreyttum Hér og nú fjölgar starfsmönnum Samið um 800 íbúðir á Ásbrú Allsherjarinnköllun á krabbameinsvaldandi leikföngum Rotovia kaupir mexíkóskt fyrirtæki Íbúðaverð lækkar í fyrsta sinn frá janúar Sannfærður um að niðurstaðan verði Lyfjavali í hag Hagkerfið nái andanum og spá um tveggja prósenta hagvexti næstu ár Bein útsending: Ný þjóðhags- og verðbólguspá Landsbankans Hefur lokið störfum hjá Viðreisn en vill vera á lista Ráðist í athugun hjá Skel vegna meintrar markaðsskiptingar Icelandair í samstarf við þjóðarflugfélag Portúgals Nýir eigendur Skagans stefna á að hefja starfsemi í nóvember Segir aðför Eflingar með ólíkindum Áfram engar loðnuveiðar Rekstrarfélag Ítalíu á Frakkastíg gjaldþrota Segja fullyrðingar borgarfulltrúa um Carbfix ekki standast Spyr hvort Ísland vilji vera miðpunktur eða eftirbátur annarra Sjá meira
Arðsemi stóru viðskiptabankanna þriggja af reglulegum rekstri batnaði lítillega í fyrra en uppfyllir þó ekki enn þá kröfu sem íslenska ríkið gerir til langtímaarðsemi eignarhlutar síns í bönkunum. Arðsemi reglulegs rekstrar Íslandsbanka og Landsbankans jókst smávegis á milli ára, og nam 8,2 og 5,9 prósentum af eigin fé bankanna, en hins vegar lækkaði arðsemi Arion banka í 5,3 prósent sem er lægsta arðsemi sem bankinn hefur skilað á síðastliðnum fimm árum. Þrátt fyrir að bókhaldslegur hagnaður bankanna þriggja hafi dregist saman um 53,8 milljarða króna á milli áranna 2015 og 2016, þá batnaði afkoman af reglulegum rekstri um 4,7 milljarða. Meginskýringin á þessari bættu afkomu liggur í aukningu á hreinum vaxtatekjum sem jukust um níu milljarða króna á milli ára, að því er fram kemur í nýrri skýrslu Bankasýslu ríkisins. Eftir að hafa dregist nokkuð saman á árunum 2012 til 2014 hefur hagnaður bankanna af reglulegum rekstri aukist á síðustu tveimur árum. Bankarnir þrír hafa skilað miklum heildarhagnaði, eða sem nemur samtals 527 milljörðum króna, á undanförnum átta árum, en hagnaðurinn hefur einkum og sér í lagi skýrst af óreglulegum liðum eins og virðisaukningu útlána og sölu eigna. Eftir sem áður eiga bankarnir enn verk fyrir höndum við að bæta afkomu sína af grunnrekstri. Þannig var arðsemi bankanna af reglulegum rekstri minni í fyrra, þegar hún var 6,4 prósent, heldur en árið 2012, en þá nam hún 7,9 prósentum. Er hún þannig enn umtalsvert undir þeirri arðsemiskröfu sem ríkið gerir til eignarhlutar síns í bönkunum. Arðsemi Landsbankans hefur lagast frá árinu 2014, að sögn Bankasýslunnar, rétt eins og arðsemi Íslandsbanka, sem hefur bætt afkomu sína af reglulegri starfsemi á hverju ári frá 2012. Hins vegar stóð arðsemi reglulegs rekstrar Arion banka nánast í stað á árunum 2013 og 2015 og lækkaði á síðasta ári. Hlutur ríkisins hvergi meiri en hér á landi Bankasýsla ríkisins bendir á í skýrslunni að fjárbinding íslenska ríkisins í eignarhlutum sínum í viðskiptabönkunum sé orðin „gríðarleg“ í samanburði við önnur Evrópuríki. Þannig hafi hlutur ríkisins í bókfærðu eigin fé stóru viðskiptabankanna þriggja aukist úr 13,8 prósentum af vergri landsframleiðslu árið 2015 í 18,7 prósent í fyrra. Til samanburðar var hlutfallið 4,6 prósent í Belgíu, 1,9 prósent í Bretlandi og 2,3 prósent í Hollandi í fyrra, að sögn Bankasýslunnar. Þess má geta að hlutfallið var 3,6 prósent hér á landi í árslok 1997, þegar ríkissjóður átti allt hlutafé í Búnaðarbankanum, Fjárfestingarbanka atvinnulífsins og Landsbankanum.
Birtist í Fréttablaðinu Mest lesið „Enginn kvartað yfir því þegar ég hef skúrað“ Atvinnulíf Kormákur og Skjöldur flytja í Brynjuhúsið eftir algjöra yfirhalningu Viðskipti innlent Óljóst hvort breytingarnar bjargi rekstri Play Viðskipti innlent Play í frjálsu falli Viðskipti innlent Sölunni slegið á frest Viðskipti innlent Hagkaup hættir sölu á Sodastream í kjölfar mótmæla Viðskipti innlent Ekki trompast við fólk í vinnu eða á fundum Atvinnulíf „Síðan kemur í ljós að við erum í gjörólíkum störfum“ Atvinnulíf „Opinberi geirinn er að breytast og þar þarf mikinn fjölda verkefnastjóra“ Atvinnulíf Sex milljarðar í tekjur af nikótíni á næsta ári Neytendur Fleiri fréttir Sölunni slegið á frest Kormákur og Skjöldur flytja í Brynjuhúsið eftir algjöra yfirhalningu Play í frjálsu falli Semja við flugfélög í Færeyjum og á Grænlandi Hagkaup hættir sölu á Sodastream í kjölfar mótmæla Frigus fór fýluferð í Landsrétt Óljóst hvort breytingarnar bjargi rekstri Play Úlfur Þór til Firma lögmanna Eins og AirBnb og Uber en fyrir tónlistarkennslu Tvískiptur fasteignamarkaður og hækkandi vaxtabyrði „Play verður áfram íslenskt“ Sækja um leyfi á Möltu Herdís hefði frekar viljað halda vöxtum óbreyttum Hér og nú fjölgar starfsmönnum Samið um 800 íbúðir á Ásbrú Allsherjarinnköllun á krabbameinsvaldandi leikföngum Rotovia kaupir mexíkóskt fyrirtæki Íbúðaverð lækkar í fyrsta sinn frá janúar Sannfærður um að niðurstaðan verði Lyfjavali í hag Hagkerfið nái andanum og spá um tveggja prósenta hagvexti næstu ár Bein útsending: Ný þjóðhags- og verðbólguspá Landsbankans Hefur lokið störfum hjá Viðreisn en vill vera á lista Ráðist í athugun hjá Skel vegna meintrar markaðsskiptingar Icelandair í samstarf við þjóðarflugfélag Portúgals Nýir eigendur Skagans stefna á að hefja starfsemi í nóvember Segir aðför Eflingar með ólíkindum Áfram engar loðnuveiðar Rekstrarfélag Ítalíu á Frakkastíg gjaldþrota Segja fullyrðingar borgarfulltrúa um Carbfix ekki standast Spyr hvort Ísland vilji vera miðpunktur eða eftirbátur annarra Sjá meira