Vildi koma einhverju út frá sjálfri sér Stefán Þór Hjartarson skrifar 29. ágúst 2017 10:15 Ragga Holm ætti að vera mörgum kunn enda hefur hún verið plötusnúður lengi auk þess sem hún skemmtir hlustendum Áttunnar FM en þar er hún útvarpsmaður. Vísir/Ernir „Þetta liggur allt í því að við fengum víst ekki leyfi fyrir einum tökustað og þurftum því að taka myndbandið út af netinu. Það eru samt margir sem halda að þetta hafi verið vegna þess að allir voru á rassinum. Þær eru nú ekki einu sinni á rassinum, þær eru auðvitað í nærbuxunum. Það er eitthvert fólk að segja: „Mátulegt á þær að vera með svona klámmyndband, búast þær við að þetta verði ekki tekið af netinu?“ Það var ekki alveg vandamálið. Við erum að reyna að semja við þann sem á þessa flugvél en annars er bara hugmyndin að blörra yfir vélina og segja að flugvélin sé of flott fyrir þetta myndband – vera með svona passive aggressive leiðindi,“ segir rapparinn og plötusnúðurinn Ragga Holm sem gerði lagið Reppa heiminn ásamt Reykjavíkurdætrum. Myndbandið vakti mikla athygli en þá sérstaklega eftir að það var tekið út af YouTube og voru ýmsir með misjafnar kenningar um það – en eins og Ragga segir snerist málið um rússneska einkaþotu sem notuð var í myndbandinu. Ragga Holm ætti að vera mörgum kunn enda hefur hún verið plötusnúður lengi auk þess sem hún skemmtir hlustendum Áttunnar FM en þar er hún útvarpsmaður. Þau sem eru enn minnugri muna vafalaust eftir smellinum Það er komið sumar sem Ragga gerði ásamt Margréti og Emmsjé Gauta árið 2011. En hvernig kemur til að hún kemur aftur fram og gerir þetta lag með Reykjavíkurdætrum? „Þetta varð þannig til að ég og Katrín í Dætrunum vorum að vinna á sama vettvangi fyrir 2-3 árum þegar þær voru tiltölulega nýbyrjaðar með Reykjavíkurdætur. Ég var pínu leið að missa af partíinu, því ég vissi að það hafði verið rappkonukvöld á Ellefunni og þá var öllum boðið að koma að rappa og Reykjavíkurdætur stofnaðar út frá því. Ég var svo hógvær og svo mikið inn í mig að ég tók ekki þátt. Svo er ég að spjalla við Katrínu, hún er að fara að gefa út lag með Helga Björns og Sóleyju, og hún rappar fyrir mig – ég var alveg „það væri alveg ógeðslega gaman að gera lag með ykkur“ og hún segir „já, gerum það!“ Síðan náttúrulega líður bara ár og svo annað ár. En þá er kominn einhver rosalegur drifkraftur í mig og ég var aftur búin að ná svo vel saman við æskuvin minn, sem gerir feitustu bítana á Íslandi, og segi honum að ég sé enn með þetta verkefni með Reykjavíkurdætrum á heilanum og bið hann að senda mér einhvern geggjaðan bít sem ég svo sendi á þær – þær alveg kolféllu fyrir honum. Reyndar héldu þær fyrst að ég hefði gert hann og voru eitthvað að grennslast fyrir um hvernig þær gætu tryggt sér hann – ég sagði bara „þetta er einfaldur díll – þið bara gerið lag með mér yfir hann og hann er ykkar“. Þannig bara fórum við Katrín að hittast og skiptast á textum.“ Lagið var tekið upp af strákunum í BLCKPRTY – enda Þorbjörn úr því tvíeyki umræddur æskuvinur Röggu.Megum við eiga von á að heyra meira? „Já, það er allt á siglingu hjá mér. Eftir að við ákváðum að gera þetta lag fyrir páska þá einhvern veginn kviknaði þrá hjá mér að byrja að gera tónlist. Ég er búin að dídjeia síðan 2010 og hef því svolítið verið að lifa í gegnum tónlist annarra þannig að mér fannst tími til kominn að koma einhverju frá sjálfri mér. Ég er einmitt að fara í stúdíó núna í dag til að taka upp nýtt lag með listamanni sem verður að koma í ljós hver er – þetta er nefnilega svolítið epískt verkefni. Þeir sem fylgjast með þessum listamanni búast pottþétt ekki við að sjá hann í þessari senu,“ segir Ragga dularfull en segir þó að við getum átt von á að heyra lagið og sjá um hvaða listamann er að ræða mjög fljótlega enda vinni hún og samstarfsmenn hennar í BLCKPRTY mjög hratt og vel saman. „Við erum svo góð saman að ég hugsa að þetta verði bara ein taka. Við höfum svo mikla trú á því sem við erum að fara að gera – við erum alveg búin að stúdera þetta.“ Þeir sem vilja fylgjast með Röggu geta gert það bæði á Facebook-síðu hennar og á Snapchat þar sem hún er mjög virk undir notandanafninu rjholm. Tónlist Mest lesið Kántrígoðsögnin Kris Kristoffersson látin Lífið Elti drauminn og flutti um borð í húsbíl Lífið Mamma byrjuð að undirbúa stúdentsveislu þegar fregn barst af falli Lífið Beverly Hills Cop-stjarnan John Ashton er látin Lífið „Það er galið að sjá fimm manna fjölskyldu sitja saman en öll í símanum“ Áskorun Gaf langömmu tattú í afmælisgjöf Lífið Eva flutt inn í verðlaunahús Kára Lífið Heldur ekki vatni yfir konunni sinni Lífið „Það er einhver sjarmi yfir París sem er ekki annarsstaðar“ Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira
„Þetta liggur allt í því að við fengum víst ekki leyfi fyrir einum tökustað og þurftum því að taka myndbandið út af netinu. Það eru samt margir sem halda að þetta hafi verið vegna þess að allir voru á rassinum. Þær eru nú ekki einu sinni á rassinum, þær eru auðvitað í nærbuxunum. Það er eitthvert fólk að segja: „Mátulegt á þær að vera með svona klámmyndband, búast þær við að þetta verði ekki tekið af netinu?“ Það var ekki alveg vandamálið. Við erum að reyna að semja við þann sem á þessa flugvél en annars er bara hugmyndin að blörra yfir vélina og segja að flugvélin sé of flott fyrir þetta myndband – vera með svona passive aggressive leiðindi,“ segir rapparinn og plötusnúðurinn Ragga Holm sem gerði lagið Reppa heiminn ásamt Reykjavíkurdætrum. Myndbandið vakti mikla athygli en þá sérstaklega eftir að það var tekið út af YouTube og voru ýmsir með misjafnar kenningar um það – en eins og Ragga segir snerist málið um rússneska einkaþotu sem notuð var í myndbandinu. Ragga Holm ætti að vera mörgum kunn enda hefur hún verið plötusnúður lengi auk þess sem hún skemmtir hlustendum Áttunnar FM en þar er hún útvarpsmaður. Þau sem eru enn minnugri muna vafalaust eftir smellinum Það er komið sumar sem Ragga gerði ásamt Margréti og Emmsjé Gauta árið 2011. En hvernig kemur til að hún kemur aftur fram og gerir þetta lag með Reykjavíkurdætrum? „Þetta varð þannig til að ég og Katrín í Dætrunum vorum að vinna á sama vettvangi fyrir 2-3 árum þegar þær voru tiltölulega nýbyrjaðar með Reykjavíkurdætur. Ég var pínu leið að missa af partíinu, því ég vissi að það hafði verið rappkonukvöld á Ellefunni og þá var öllum boðið að koma að rappa og Reykjavíkurdætur stofnaðar út frá því. Ég var svo hógvær og svo mikið inn í mig að ég tók ekki þátt. Svo er ég að spjalla við Katrínu, hún er að fara að gefa út lag með Helga Björns og Sóleyju, og hún rappar fyrir mig – ég var alveg „það væri alveg ógeðslega gaman að gera lag með ykkur“ og hún segir „já, gerum það!“ Síðan náttúrulega líður bara ár og svo annað ár. En þá er kominn einhver rosalegur drifkraftur í mig og ég var aftur búin að ná svo vel saman við æskuvin minn, sem gerir feitustu bítana á Íslandi, og segi honum að ég sé enn með þetta verkefni með Reykjavíkurdætrum á heilanum og bið hann að senda mér einhvern geggjaðan bít sem ég svo sendi á þær – þær alveg kolféllu fyrir honum. Reyndar héldu þær fyrst að ég hefði gert hann og voru eitthvað að grennslast fyrir um hvernig þær gætu tryggt sér hann – ég sagði bara „þetta er einfaldur díll – þið bara gerið lag með mér yfir hann og hann er ykkar“. Þannig bara fórum við Katrín að hittast og skiptast á textum.“ Lagið var tekið upp af strákunum í BLCKPRTY – enda Þorbjörn úr því tvíeyki umræddur æskuvinur Röggu.Megum við eiga von á að heyra meira? „Já, það er allt á siglingu hjá mér. Eftir að við ákváðum að gera þetta lag fyrir páska þá einhvern veginn kviknaði þrá hjá mér að byrja að gera tónlist. Ég er búin að dídjeia síðan 2010 og hef því svolítið verið að lifa í gegnum tónlist annarra þannig að mér fannst tími til kominn að koma einhverju frá sjálfri mér. Ég er einmitt að fara í stúdíó núna í dag til að taka upp nýtt lag með listamanni sem verður að koma í ljós hver er – þetta er nefnilega svolítið epískt verkefni. Þeir sem fylgjast með þessum listamanni búast pottþétt ekki við að sjá hann í þessari senu,“ segir Ragga dularfull en segir þó að við getum átt von á að heyra lagið og sjá um hvaða listamann er að ræða mjög fljótlega enda vinni hún og samstarfsmenn hennar í BLCKPRTY mjög hratt og vel saman. „Við erum svo góð saman að ég hugsa að þetta verði bara ein taka. Við höfum svo mikla trú á því sem við erum að fara að gera – við erum alveg búin að stúdera þetta.“ Þeir sem vilja fylgjast með Röggu geta gert það bæði á Facebook-síðu hennar og á Snapchat þar sem hún er mjög virk undir notandanafninu rjholm.
Tónlist Mest lesið Kántrígoðsögnin Kris Kristoffersson látin Lífið Elti drauminn og flutti um borð í húsbíl Lífið Mamma byrjuð að undirbúa stúdentsveislu þegar fregn barst af falli Lífið Beverly Hills Cop-stjarnan John Ashton er látin Lífið „Það er galið að sjá fimm manna fjölskyldu sitja saman en öll í símanum“ Áskorun Gaf langömmu tattú í afmælisgjöf Lífið Eva flutt inn í verðlaunahús Kára Lífið Heldur ekki vatni yfir konunni sinni Lífið „Það er einhver sjarmi yfir París sem er ekki annarsstaðar“ Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira