Alfreð nýtur sín í fjölskyldustemmningu hjá Augsburg Kolbeinn Tumi Daðason skrifar 13. september 2017 06:00 Alfreð Finnbogason fagnar einu þriggja marka sinna gegn Köln. Íslenski landsliðsmaðurinn hefur skorað fjögur mörk alls á tímabilinu. vísir/getty Alfreð Finnbogason er markahæsti leikmaður Bundesligunnar eftir þrjár umferðir með fjögur mörk. Ekki ónýtt í einni sterkustu deild í heimi en landsliðsmaðurinn skoraði þrennu í 3-0 sigri Augsburg á Köln um helgina, hrjáður af flensu. „Ég tók þessa flensu með mér frá Íslandi og út,“ segir Alfreð sem var örlítið farinn að finna fyrir einkennum daginn sem Ísland mætti Úkraínu í undankeppni HM þriðjudaginn 5. september. „Á fimmtudeginum æfði ég eiginlega ekkert og var bara mjög slappur,“ segir framherjinn sem fór á fund læknisins. „Ég fékk góðan skammt af vítamínum og lyfjum, allt innan leyfilegra marka, og gat æft með liðinu á föstudaginn,“ segir Alfreð. Leikurinn var daginn eftir en hann var mjög mikilvægur, leikur tveggja liða á botni deildarinnar. „Ég var ekkert hrikalega vel stemmdur fyrir leikinn,“ segir Alfreð sem skoraði með skalla og úr vítaspyrnu í fyrri hálfleik áður en hann fullkomnaði þrennuna undir lokin með marki úr þröngri stöðu af stuttu færi. Mikið hefur verið gert úr þeirri staðreynd að þrenna Alfreðs hafi verið „fullkomin þrenna“. Mark með vinstri fæti, hægri fæti og höfði. Sjálfur var hann ekkert að spá í þetta fyrr en honum var bent á það eftir leik. „Það eru margar útgáfur af þessu. Til dæmis svokölluð þýsk þrenna þegar einhver skorar þrjú mörk í einum hálfleik og enginn annar skorar í millitíðinni.“Alfreð skorar úr vítaspyrnu gegn Köln.vísir/gettyFyrsta markmið að halda sér uppi Með sigrinum komst Augsburg í fjögur stig í deildinni eftir þrjá leiki og skildi Köln eftir á botninum stigalaust. Augsburg var stigi frá fallsæti í lok leiktíðar í fyrra og þekkir fallbaráttuna vel. „Augsburg hefur oftar en ekki byrjað deildina illa. Nokkrum sinnum verið með mjög fá stig eftir sjö til átta leiki og með bakið upp við vegg. Þá er eins og einhvern veginn kvikni á þeim oft og tíðum.“ Hann bendir á að allir viti hvað góð byrjun geti gefið mikinn meðbyr. Það gefi þjálfaranum ró og allir geti einbeitt sér betur á æfingum, áhyggjulausir. Alfreð er á sínu þriðja tímabili með Augsburg í Bundesligunni en hann kom til liðsins frá Real Sociedad í febrúar í fyrra. Upphaflega að láni en var svo keyptur á 3,6 milljónir punda, andvirði, rúmlega hálfs milljarðs króna. Hann segir þýsku deildina yfirleitt spilast eins. Þrjú til fjögur lið stingi af en svo muni bara sjö til átta stigum á liðinu í fimmta sæti og því í fimmtánda. Komist lið á góðan skrið sé mögulegt að stefna hærra. Deildin sé þó afar sterk í ár en fornfrægir klúbbar á borð við Stuttgart og Hannover 96 eru aftur á meðal þeirra bestu á kostnað minni liða sem féllu. „Þetta eru stærri félög með meiri peninga á milli handanna og miklar væntingar. Það verður ekkert auðvelt að halda sér í deildinni, sem er alltaf fyrsta markmiðið hjá Augsburg.“Skrifar niður markmið og leiðina að þeim Það er ekki ónýtt að skoða lista yfir markahæstu menn í Bundesligunni eftir þrjár umferðir. Alfreð á toppnum með fjögur mörk og svo fylgja ekki minni spámenn en Robert Lewandowski hjá Bayern München og Timo Werner hjá Leipzig sem orðaður er við Real Madrid og Liverpool þessa dagana. „Þetta er náttúrulega mjög verðug samkeppni, framherjar í heimsklassa. En ég ætla fyrst og fremst að njóta þess á meðan maður er þarna uppi. Maður setur sér samt alltaf háleit markmið fyrir tímabilið,“ segir Alfreð og svalar forvitni blaðamanns með því að útskýra nánar. „Ég hef alltaf skrifað markmiðin niður hjá mér. Kannski ekki upp á hvern einasta dag en viðmiðunarpunkta, og hvernig maður ætlar að ná þeim. Það er miklu mikilvægara. Ekki bara skrifa niður til að skrifa niður. Það hefur virkað mjög vel fyrir mig og eitthvað sem ég ætla ekki að breyta.“ Tíminn flýgur og Alfreð, sem var í 21 árs liði Íslands sem fór í lokakeppni EM sumarið 2011, er orðinn 28 ára og þrautreyndur atvinnumaður. Kynslóðin sem hefur verið í lykilhlutverkum í uppgangi A-landsliðsins. Liðið er í kjörstöðu í undankeppni HM eftir Evrópuævintýrið í Frakklandi síðasta sumar.Sjá einnig:Myndasyrpa frá 4-1 slátrun Íslands á Þýskalandi í Kaplakrika „Svo fórum við í umspilið fyrir fjórum árum,“ segir Alfreð. Afrek sem hefur fallið í skuggann á frammstöðunni undanfarið og EM í fyrra. „Þetta er sturlað því fyrir fimm til sex árum var umræðan slæm og orðspor landsliðsins ekki hátt. Það voru margir sem töldu aldrei möguleika á að karlalandsliðið færi á stórmót. Við höfum svo sannarlega sýnt annað,“ segir Alfreð.Að neðan má sjá þrennu Alfreðs um liðna helgi.Alfreð í leiknum gegn Finnlandi.vísir/ernirAldrei heyrt jafnmikil læti Draumurinn um HM í Rússlandi á næsta ári er á lífi en Alfreð segir ljóst að Ísland þurfi fjögur stig úr leikjunum tveimur sem eftir eru í riðlinum til að hafna í öðru tveggja efstu sætanna. Fyrri leikurinn er úti gegn Tyrkjum 6. október og þremur dögum síðar kemur Kósóvó í heimsókn. Reikna má með miklum látum í Tyrklandi þar sem heimamenn geta skotist upp fyrir Ísland í riðlinum með sigri. „Það vita allir hversu mikilvægur leikur þetta er. Við gætum verið í 1. sæti eða 4. sæti eftir þann leik,“ segir Alfreð. Leikurinn verði mjög erfiður. Vissulega hafi Ísland unnið Tyrkina sannfærandi á heimavelli, þar sem Alfreð skoraði einmitt, en Tyrkir séu ekki sama landslið heima og úti. Alfreð segir liðið þó búa að 1-0 tapinu gegn Tyrkjum í lokaleiknum í undankeppninni fyrir EM 2016. Þá hafði Ísland þegar tryggt sæti sitt á EM en allt var undir hjá Tyrkjum. „Ég hef aldrei heyrt jafnmikil læti og þegar við spilum í Konya. Þetta var algjör geðveiki. Þeir eru mjög blóðheitir Tyrkirnir. Það bíður okkur fjandsamleg stemning í þessum leik,“ segir Alfreð. Þetta sé enn einn úrslitaleikurinn.Sjá einnig:Myndasyrpa frá fagnaðalátum Tyrkja í Konya Alfreð nýtur lífsins í Þýskalandi en hann er tiltölulega nýbakaður faðir og búinn að ná góðum tökum á tungumálinu. Það ætti ekki að koma neinum á óvart enda Alfreð tungumálamaður mikill. Hann segir þýskuna ekki 100 prósent en hann skilji flest og aðrir skilji hann. Maður njóti virðingar fyrir að kunna tungumálin á hverjum stað. Hann búi að hollenskunni og svo gangi honum eðlilega best að tala um fótbolta. Þá kann hann vel að meta föðurhlutverkið. „Þetta er mjög skemmtilegt og eitthvað það allra fallegasta í lífinu að taka á sig þessa ábyrgð.“ Þá kann hann vel að meta stemninguna í hópnum hjá Augsburg. „Mjög stór hluti liðsins er fjölskyldumenn. Það virðist vera þannig að nýir leikmenn verði fljótt feður hérna eða eignist annað barn.“ Þýski boltinn Mest lesið Albert sagður á óskalista Everton og Inter Fótbolti Brynjar Karl tekur slaginn og segist ætla að bjóða sig fram sem forseta ÍSÍ Körfubolti Veðbankar vestanhafs halda með mótherjum Lakers Körfubolti Sara Björk skoraði tvö í stórsigri Fótbolti Lena Margrét til Svíþjóðar Handbolti Leeds og Burnley skrefi nær ensku úrvalsdeildinni Enski boltinn Gummi Ben fór hamförum yfir endurkomu United Fótbolti Stjarnan og Vestri áfram eftir fjölda marka og mikla dramatík Íslenski boltinn Bellingham í efsta sæti listans en Ísak Bergmann er áttundi Fótbolti KR einum sigri frá því að komast upp í Bónus-deildina Körfubolti Fleiri fréttir Albert sagður á óskalista Everton og Inter Leeds og Burnley skrefi nær ensku úrvalsdeildinni Sara Björk skoraði tvö í stórsigri Stjarnan og Vestri áfram eftir fjölda marka og mikla dramatík Breiðablik ekki í vandræðum og mögnuð endurkoma Þróttar James missir af mikilvægum leikjum meðan Chelsea eltir fernuna „Því miður verðið þið að þola mig aðeins lengur“ Skagamenn og Selfyssingar í sextán liða úrslit Fjöldi stuðningsmanna Man. United fór of snemma af vellinum í gærkvöldi Bellingham í efsta sæti listans en Ísak Bergmann er áttundi Bestu mörkin: Helena hélt að Þóra hefði allt aðra skoðun á þessu Arne Slot: Samningarnir við Van Dijk og Salah sýna okkar metnað Ætlar að nota krakka í síðustu leikjum Man. United í ensku deildinni Ítalíudvölin tók á andlegu hliðina: „Vil finna gleðina aftur“ Gummi Ben fór hamförum yfir endurkomu United „Hér er allt mögulegt“ Van Dijk fær 68 milljónir á viku Uppgjörið: ÍBV - Víkingur 3-0 | Eyjamenn flugu áfram Leikhús draumanna stóð undir nafni í ótrúlegustu endurkomu síðari ára Solanke skaut Tottenham í undanúrslit Chelsea í undanúrslit þrátt fyrir tap Hálf úrvalsdeildin á eftir Delap Mosfellingar fundu markaskóna og Fylkismenn orðnir níu fyrir hálfleik Albert og félagar í undanúrslit Slæmur skellur á móti nágrönnunum Van de Ven: Tottenham vill vinna Evrópudeildina fyrir Postecoglou Sönderjyske vann Íslendingaslaginn Neymar fór grátandi af velli Sky Sports: Ancelotti hættir með Real Madrid eftir bikarúrslitaleikinn Tevez vill að Ronaldo og Messi spili saman í kveðjuleiknum hans Sjá meira
Alfreð Finnbogason er markahæsti leikmaður Bundesligunnar eftir þrjár umferðir með fjögur mörk. Ekki ónýtt í einni sterkustu deild í heimi en landsliðsmaðurinn skoraði þrennu í 3-0 sigri Augsburg á Köln um helgina, hrjáður af flensu. „Ég tók þessa flensu með mér frá Íslandi og út,“ segir Alfreð sem var örlítið farinn að finna fyrir einkennum daginn sem Ísland mætti Úkraínu í undankeppni HM þriðjudaginn 5. september. „Á fimmtudeginum æfði ég eiginlega ekkert og var bara mjög slappur,“ segir framherjinn sem fór á fund læknisins. „Ég fékk góðan skammt af vítamínum og lyfjum, allt innan leyfilegra marka, og gat æft með liðinu á föstudaginn,“ segir Alfreð. Leikurinn var daginn eftir en hann var mjög mikilvægur, leikur tveggja liða á botni deildarinnar. „Ég var ekkert hrikalega vel stemmdur fyrir leikinn,“ segir Alfreð sem skoraði með skalla og úr vítaspyrnu í fyrri hálfleik áður en hann fullkomnaði þrennuna undir lokin með marki úr þröngri stöðu af stuttu færi. Mikið hefur verið gert úr þeirri staðreynd að þrenna Alfreðs hafi verið „fullkomin þrenna“. Mark með vinstri fæti, hægri fæti og höfði. Sjálfur var hann ekkert að spá í þetta fyrr en honum var bent á það eftir leik. „Það eru margar útgáfur af þessu. Til dæmis svokölluð þýsk þrenna þegar einhver skorar þrjú mörk í einum hálfleik og enginn annar skorar í millitíðinni.“Alfreð skorar úr vítaspyrnu gegn Köln.vísir/gettyFyrsta markmið að halda sér uppi Með sigrinum komst Augsburg í fjögur stig í deildinni eftir þrjá leiki og skildi Köln eftir á botninum stigalaust. Augsburg var stigi frá fallsæti í lok leiktíðar í fyrra og þekkir fallbaráttuna vel. „Augsburg hefur oftar en ekki byrjað deildina illa. Nokkrum sinnum verið með mjög fá stig eftir sjö til átta leiki og með bakið upp við vegg. Þá er eins og einhvern veginn kvikni á þeim oft og tíðum.“ Hann bendir á að allir viti hvað góð byrjun geti gefið mikinn meðbyr. Það gefi þjálfaranum ró og allir geti einbeitt sér betur á æfingum, áhyggjulausir. Alfreð er á sínu þriðja tímabili með Augsburg í Bundesligunni en hann kom til liðsins frá Real Sociedad í febrúar í fyrra. Upphaflega að láni en var svo keyptur á 3,6 milljónir punda, andvirði, rúmlega hálfs milljarðs króna. Hann segir þýsku deildina yfirleitt spilast eins. Þrjú til fjögur lið stingi af en svo muni bara sjö til átta stigum á liðinu í fimmta sæti og því í fimmtánda. Komist lið á góðan skrið sé mögulegt að stefna hærra. Deildin sé þó afar sterk í ár en fornfrægir klúbbar á borð við Stuttgart og Hannover 96 eru aftur á meðal þeirra bestu á kostnað minni liða sem féllu. „Þetta eru stærri félög með meiri peninga á milli handanna og miklar væntingar. Það verður ekkert auðvelt að halda sér í deildinni, sem er alltaf fyrsta markmiðið hjá Augsburg.“Skrifar niður markmið og leiðina að þeim Það er ekki ónýtt að skoða lista yfir markahæstu menn í Bundesligunni eftir þrjár umferðir. Alfreð á toppnum með fjögur mörk og svo fylgja ekki minni spámenn en Robert Lewandowski hjá Bayern München og Timo Werner hjá Leipzig sem orðaður er við Real Madrid og Liverpool þessa dagana. „Þetta er náttúrulega mjög verðug samkeppni, framherjar í heimsklassa. En ég ætla fyrst og fremst að njóta þess á meðan maður er þarna uppi. Maður setur sér samt alltaf háleit markmið fyrir tímabilið,“ segir Alfreð og svalar forvitni blaðamanns með því að útskýra nánar. „Ég hef alltaf skrifað markmiðin niður hjá mér. Kannski ekki upp á hvern einasta dag en viðmiðunarpunkta, og hvernig maður ætlar að ná þeim. Það er miklu mikilvægara. Ekki bara skrifa niður til að skrifa niður. Það hefur virkað mjög vel fyrir mig og eitthvað sem ég ætla ekki að breyta.“ Tíminn flýgur og Alfreð, sem var í 21 árs liði Íslands sem fór í lokakeppni EM sumarið 2011, er orðinn 28 ára og þrautreyndur atvinnumaður. Kynslóðin sem hefur verið í lykilhlutverkum í uppgangi A-landsliðsins. Liðið er í kjörstöðu í undankeppni HM eftir Evrópuævintýrið í Frakklandi síðasta sumar.Sjá einnig:Myndasyrpa frá 4-1 slátrun Íslands á Þýskalandi í Kaplakrika „Svo fórum við í umspilið fyrir fjórum árum,“ segir Alfreð. Afrek sem hefur fallið í skuggann á frammstöðunni undanfarið og EM í fyrra. „Þetta er sturlað því fyrir fimm til sex árum var umræðan slæm og orðspor landsliðsins ekki hátt. Það voru margir sem töldu aldrei möguleika á að karlalandsliðið færi á stórmót. Við höfum svo sannarlega sýnt annað,“ segir Alfreð.Að neðan má sjá þrennu Alfreðs um liðna helgi.Alfreð í leiknum gegn Finnlandi.vísir/ernirAldrei heyrt jafnmikil læti Draumurinn um HM í Rússlandi á næsta ári er á lífi en Alfreð segir ljóst að Ísland þurfi fjögur stig úr leikjunum tveimur sem eftir eru í riðlinum til að hafna í öðru tveggja efstu sætanna. Fyrri leikurinn er úti gegn Tyrkjum 6. október og þremur dögum síðar kemur Kósóvó í heimsókn. Reikna má með miklum látum í Tyrklandi þar sem heimamenn geta skotist upp fyrir Ísland í riðlinum með sigri. „Það vita allir hversu mikilvægur leikur þetta er. Við gætum verið í 1. sæti eða 4. sæti eftir þann leik,“ segir Alfreð. Leikurinn verði mjög erfiður. Vissulega hafi Ísland unnið Tyrkina sannfærandi á heimavelli, þar sem Alfreð skoraði einmitt, en Tyrkir séu ekki sama landslið heima og úti. Alfreð segir liðið þó búa að 1-0 tapinu gegn Tyrkjum í lokaleiknum í undankeppninni fyrir EM 2016. Þá hafði Ísland þegar tryggt sæti sitt á EM en allt var undir hjá Tyrkjum. „Ég hef aldrei heyrt jafnmikil læti og þegar við spilum í Konya. Þetta var algjör geðveiki. Þeir eru mjög blóðheitir Tyrkirnir. Það bíður okkur fjandsamleg stemning í þessum leik,“ segir Alfreð. Þetta sé enn einn úrslitaleikurinn.Sjá einnig:Myndasyrpa frá fagnaðalátum Tyrkja í Konya Alfreð nýtur lífsins í Þýskalandi en hann er tiltölulega nýbakaður faðir og búinn að ná góðum tökum á tungumálinu. Það ætti ekki að koma neinum á óvart enda Alfreð tungumálamaður mikill. Hann segir þýskuna ekki 100 prósent en hann skilji flest og aðrir skilji hann. Maður njóti virðingar fyrir að kunna tungumálin á hverjum stað. Hann búi að hollenskunni og svo gangi honum eðlilega best að tala um fótbolta. Þá kann hann vel að meta föðurhlutverkið. „Þetta er mjög skemmtilegt og eitthvað það allra fallegasta í lífinu að taka á sig þessa ábyrgð.“ Þá kann hann vel að meta stemninguna í hópnum hjá Augsburg. „Mjög stór hluti liðsins er fjölskyldumenn. Það virðist vera þannig að nýir leikmenn verði fljótt feður hérna eða eignist annað barn.“
Þýski boltinn Mest lesið Albert sagður á óskalista Everton og Inter Fótbolti Brynjar Karl tekur slaginn og segist ætla að bjóða sig fram sem forseta ÍSÍ Körfubolti Veðbankar vestanhafs halda með mótherjum Lakers Körfubolti Sara Björk skoraði tvö í stórsigri Fótbolti Lena Margrét til Svíþjóðar Handbolti Leeds og Burnley skrefi nær ensku úrvalsdeildinni Enski boltinn Gummi Ben fór hamförum yfir endurkomu United Fótbolti Stjarnan og Vestri áfram eftir fjölda marka og mikla dramatík Íslenski boltinn Bellingham í efsta sæti listans en Ísak Bergmann er áttundi Fótbolti KR einum sigri frá því að komast upp í Bónus-deildina Körfubolti Fleiri fréttir Albert sagður á óskalista Everton og Inter Leeds og Burnley skrefi nær ensku úrvalsdeildinni Sara Björk skoraði tvö í stórsigri Stjarnan og Vestri áfram eftir fjölda marka og mikla dramatík Breiðablik ekki í vandræðum og mögnuð endurkoma Þróttar James missir af mikilvægum leikjum meðan Chelsea eltir fernuna „Því miður verðið þið að þola mig aðeins lengur“ Skagamenn og Selfyssingar í sextán liða úrslit Fjöldi stuðningsmanna Man. United fór of snemma af vellinum í gærkvöldi Bellingham í efsta sæti listans en Ísak Bergmann er áttundi Bestu mörkin: Helena hélt að Þóra hefði allt aðra skoðun á þessu Arne Slot: Samningarnir við Van Dijk og Salah sýna okkar metnað Ætlar að nota krakka í síðustu leikjum Man. United í ensku deildinni Ítalíudvölin tók á andlegu hliðina: „Vil finna gleðina aftur“ Gummi Ben fór hamförum yfir endurkomu United „Hér er allt mögulegt“ Van Dijk fær 68 milljónir á viku Uppgjörið: ÍBV - Víkingur 3-0 | Eyjamenn flugu áfram Leikhús draumanna stóð undir nafni í ótrúlegustu endurkomu síðari ára Solanke skaut Tottenham í undanúrslit Chelsea í undanúrslit þrátt fyrir tap Hálf úrvalsdeildin á eftir Delap Mosfellingar fundu markaskóna og Fylkismenn orðnir níu fyrir hálfleik Albert og félagar í undanúrslit Slæmur skellur á móti nágrönnunum Van de Ven: Tottenham vill vinna Evrópudeildina fyrir Postecoglou Sönderjyske vann Íslendingaslaginn Neymar fór grátandi af velli Sky Sports: Ancelotti hættir með Real Madrid eftir bikarúrslitaleikinn Tevez vill að Ronaldo og Messi spili saman í kveðjuleiknum hans Sjá meira