Ég held að EM verði mjög skemmtilegt Óskar Ófeigur Jónsson skrifar 31. október 2017 06:00 Hrafnhildur Lúthersdóttir heldur áfram að vinna til verðlauna í sundinu og bæta við farsælan feril. vísir/eyþór Sundkonan Hrafnhildur Lúthersdóttir synti sig inn á enn eitt stórmótið um helgina þegar hún náði lágmörkum í fjórum greinum á EM í Danmörku í desember. Hrafnhildur hefur unnið sér inn þátttökurétt í 50, 100 og 200 metra bringusundi auk 100 metra fjórsunds. Þetta var ein svona risakeppnishelgi fyrir bestu bringusundskonu Íslands sem tók vel á en sýndi um leið að hún á enn heima með þeim bestu í sundlauginni.Mjög gott miðað við æfingarnar „Árangurinn var mjög góður miðað við æfingarnar og hvar ég er stödd á tímabilinu. Það var skemmtilegt að ná lágmörkunum. Ég held að EM verði mjög skemmtilegt og sterkt mót í desember. Það verður gaman að fá að taka þátt,“ segir Hrafnhildur. Hrafnhildur flutti heim eftir Ólympíuleikana í Ríó og var farin að vinna með sundæfingunum en er nú aftur komin í skóla.Orðin nemi í HÍ „Ég er hætt að vinna hjá Iceland Travel en er byrjuð í lífeindafræði í HÍ og að þjálfa yngri sundkrakka fjórum sinnum í viku. Það geta verið erfiðir dagar en ég hef gaman af þessu og þetta gengur vel hingað til,“ segir Hrafnhildur. Hún hélt upp á 26 ára afmælið í haust og er ekkert að gefa eftir. „Ég er auðvitað orðin aðeins eldri svo að þetta er aðeins erfiðara en fyrir fimm árum,“ segir Hrafnhildur í léttum tón. „Ekki eins mikil orka kannski en ég hef alltaf jafn gaman af þessu og sérstaklega þegar það gengur vel eins og núna, þá er ekki annað hægt en að brosa og njóta,“ segir Hrafnhildur. Árið 2017 er ekki búið að vera eins og árin á undan. „Þetta ár hefur verið öðruvísi en á góðan hátt. Ég er að æfa eins og ég vil, hef gaman og það gengur greinilega alveg vel. Ég er ánægð með árangurinn í sumar og hingað til. Ég get allavega alls ekki kvartað. Ég er að æfa eitthvað öðruvísi en það er gaman og ég er í góðra vina hópi sem hjálpar mikið. Klaus þjálfari er náttúrlega líka mjög góður með að leyfa mér að gera það sem ég vil og við vinnum vel saman þannig að ef ég þarf að æfa öðruvísi, taka langa daga eða synda fyrr en venjulega, þá er hann alltaf til staðar og tilbúinn að hjálpa,“ segir Hrafnhildur en samstarf hennar og Klaus-Juergen Ohk gengur afar vel sem fyrr.Hrafnhildur keppir í fjórum greinum á EM í Danmörku í desember.vísir/stefánVonar að fleiri nái inn Hún vonast eftir því að fleiri íslenskum sundmönnum takist að vinna sér keppnisrétt á EM sem fer fram í Kaupmannahöfn 13. til 17. desember. „Núna taka við fleiri æfingar og Íslandsmeistaramótið er svo eftir þrjár vikur. Ég hlakka til og held að það verði mjög gaman, þá vona ég að ennþá fleiri nái inn á EM svo að við getum verið stórt og gott lið,“ segir Hrafnhildur. Hún var mjög nálægt Íslandsmetinu sínu í 50 metra bringusundi um helgina. „Ég myndi kannski segja það að ég væri að einbeita mér meira að sprettsundinu núna en ég hef nú alltaf verið ágætur sprettari. Ég var nú tíunda í heiminum í sumar í 50 bringu sem er góður árangur. Ég get alveg ennþá synt 200 bringu eins og ég sýndi núna um helgina en er einmitt kannski ekki að æfa eins mikið fyrir það eins og áður,“ segir Hrafnhildur. Hún hefur tekið upp á því að sýna öðrum hvernig maður nær heimsklassa árangri í bringusundi á sérstökum námskeiðum.Námskeiðið vakti mikla lukku „Ég er búin að halda eitt námskeið og það vakti mikla lukku og krakkarnir voru mjög ánægðir með það. Það var fullt hús og við vorum öll að læra saman. Svo er þetta líka góð leið fyrir krakkana í öðrum liðum til að ná saman og kynnast. Ég ætla að halda áfram með þetta og fer vonandi bráðum með þetta út á land líka til að hjálpa krökkum þar líka,“ segir Hrafnhildur að lokum. Sund Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn KR kærir og segir KSÍ mismuna félögum Íslenski boltinn „Gefur okkur bara meiri eld í það að taka stóra bikarinn“ Fótbolti Spánverji til Vestra þremur dögum eftir að glugginn lokaði Íslenski boltinn Gull, silfur og brúðkaup Handbolti Fleiri fréttir Cailtin Clark áritaði kornabarn „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Gull, silfur og brúðkaup Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Stórt tap í undanúrslitum gegn Dönum Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna Ólétt af Ólympíumeistara þegar hún stóð sjálf á verðlaunapallinum „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Get ekki lýst því hversu hrædd ég var“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Sjá meira
Sundkonan Hrafnhildur Lúthersdóttir synti sig inn á enn eitt stórmótið um helgina þegar hún náði lágmörkum í fjórum greinum á EM í Danmörku í desember. Hrafnhildur hefur unnið sér inn þátttökurétt í 50, 100 og 200 metra bringusundi auk 100 metra fjórsunds. Þetta var ein svona risakeppnishelgi fyrir bestu bringusundskonu Íslands sem tók vel á en sýndi um leið að hún á enn heima með þeim bestu í sundlauginni.Mjög gott miðað við æfingarnar „Árangurinn var mjög góður miðað við æfingarnar og hvar ég er stödd á tímabilinu. Það var skemmtilegt að ná lágmörkunum. Ég held að EM verði mjög skemmtilegt og sterkt mót í desember. Það verður gaman að fá að taka þátt,“ segir Hrafnhildur. Hrafnhildur flutti heim eftir Ólympíuleikana í Ríó og var farin að vinna með sundæfingunum en er nú aftur komin í skóla.Orðin nemi í HÍ „Ég er hætt að vinna hjá Iceland Travel en er byrjuð í lífeindafræði í HÍ og að þjálfa yngri sundkrakka fjórum sinnum í viku. Það geta verið erfiðir dagar en ég hef gaman af þessu og þetta gengur vel hingað til,“ segir Hrafnhildur. Hún hélt upp á 26 ára afmælið í haust og er ekkert að gefa eftir. „Ég er auðvitað orðin aðeins eldri svo að þetta er aðeins erfiðara en fyrir fimm árum,“ segir Hrafnhildur í léttum tón. „Ekki eins mikil orka kannski en ég hef alltaf jafn gaman af þessu og sérstaklega þegar það gengur vel eins og núna, þá er ekki annað hægt en að brosa og njóta,“ segir Hrafnhildur. Árið 2017 er ekki búið að vera eins og árin á undan. „Þetta ár hefur verið öðruvísi en á góðan hátt. Ég er að æfa eins og ég vil, hef gaman og það gengur greinilega alveg vel. Ég er ánægð með árangurinn í sumar og hingað til. Ég get allavega alls ekki kvartað. Ég er að æfa eitthvað öðruvísi en það er gaman og ég er í góðra vina hópi sem hjálpar mikið. Klaus þjálfari er náttúrlega líka mjög góður með að leyfa mér að gera það sem ég vil og við vinnum vel saman þannig að ef ég þarf að æfa öðruvísi, taka langa daga eða synda fyrr en venjulega, þá er hann alltaf til staðar og tilbúinn að hjálpa,“ segir Hrafnhildur en samstarf hennar og Klaus-Juergen Ohk gengur afar vel sem fyrr.Hrafnhildur keppir í fjórum greinum á EM í Danmörku í desember.vísir/stefánVonar að fleiri nái inn Hún vonast eftir því að fleiri íslenskum sundmönnum takist að vinna sér keppnisrétt á EM sem fer fram í Kaupmannahöfn 13. til 17. desember. „Núna taka við fleiri æfingar og Íslandsmeistaramótið er svo eftir þrjár vikur. Ég hlakka til og held að það verði mjög gaman, þá vona ég að ennþá fleiri nái inn á EM svo að við getum verið stórt og gott lið,“ segir Hrafnhildur. Hún var mjög nálægt Íslandsmetinu sínu í 50 metra bringusundi um helgina. „Ég myndi kannski segja það að ég væri að einbeita mér meira að sprettsundinu núna en ég hef nú alltaf verið ágætur sprettari. Ég var nú tíunda í heiminum í sumar í 50 bringu sem er góður árangur. Ég get alveg ennþá synt 200 bringu eins og ég sýndi núna um helgina en er einmitt kannski ekki að æfa eins mikið fyrir það eins og áður,“ segir Hrafnhildur. Hún hefur tekið upp á því að sýna öðrum hvernig maður nær heimsklassa árangri í bringusundi á sérstökum námskeiðum.Námskeiðið vakti mikla lukku „Ég er búin að halda eitt námskeið og það vakti mikla lukku og krakkarnir voru mjög ánægðir með það. Það var fullt hús og við vorum öll að læra saman. Svo er þetta líka góð leið fyrir krakkana í öðrum liðum til að ná saman og kynnast. Ég ætla að halda áfram með þetta og fer vonandi bráðum með þetta út á land líka til að hjálpa krökkum þar líka,“ segir Hrafnhildur að lokum.
Sund Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn KR kærir og segir KSÍ mismuna félögum Íslenski boltinn „Gefur okkur bara meiri eld í það að taka stóra bikarinn“ Fótbolti Spánverji til Vestra þremur dögum eftir að glugginn lokaði Íslenski boltinn Gull, silfur og brúðkaup Handbolti Fleiri fréttir Cailtin Clark áritaði kornabarn „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Gull, silfur og brúðkaup Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Stórt tap í undanúrslitum gegn Dönum Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna Ólétt af Ólympíumeistara þegar hún stóð sjálf á verðlaunapallinum „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ „Get ekki lýst því hversu hrædd ég var“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Sjá meira