Robert Mugabe, forseti Simbabve, sagði ekki af sér embætti er hann ávarpaði þjóð sína í sjónvarpsávarpi fyrir stundu. Fastlega hafði verið gert ráð fyrir að hann myndi nota sjónvarpsávarpið til að láta af embætti forseta.
Fyrr í dag var hann settur af sem formaður flokks síns, Zanu-PF. Fyrrverandi varaforseti Simbabve, Emmerson Mnangagwa, hefur verið skipaður nýr leiðtogi flokksins.
Mugabe rak Mnangagwa fyrir um tveimur vikum síðan og er ótrúleg atburðarás síðustu dag í Simbabve rakin til brottrekstrarins. Her landsins tók völdin í kjölfarið.
Mjög hefur verið þrýst á Mugabe, sem setir hefur á valdastól í hartnær 40 ár, að segja af sér. Í ávarpinu hét hann því að starfa áfram sem forseti. Hafði honum verið gefinn eins dags frestur til að segja af sér. Fresturinn rennur út á morgun.
Var því eins og áður segir, búist við að hann myndi segja af sér í kvöld. Það hefur hann þó ekki gert og virðist því flókin staða í Simbabve hafa flækst enn frekar.
Mugabe sagði ekki af sér þvert á væntingar
Tengdar fréttir
Funda um Mugabe í dag
Búist er við því að hershöfðingjar kalli Mugabe á fund sinn í dag og reyni að fá hann til að segja af sér.
Þúsundir mótmæla í Simbabve og krefjast afsagnar Mugabe
Mótmælendur krefjast afsagnar Mugabe, sem hefur gegnt embætti forseta í 37 ár.
Mugabe settur af sem leiðtogi flokksins
Fyrrverandi varaforseti Simbabve, Emmerson Mnangagwa, hefur verið skipaður nýr leiðtogi Zanu-PF.
