Keyptu lóðir og vilja opna heilsulind á Kársnesi árið 2020 Haraldur Guðmundsson skrifar 29. nóvember 2017 08:15 Eyþór Guðjónsson er framkvæmdastjóri Nature Resort sem hefur keypt lóðir á Kársnesi. „Ætlunin er að búa til heilsuparadís fyrir alla höfuðborgarbúa,“ segir Eyþór Guðjónsson, eigandi Skemmtigarðsins í Grafarvogi, sem hefur ásamt Jakobi Sigurðssyni, fyrrverandi forstjóra Promens og VÍS, áform um baðstað, veitingahús, líkamsræktarstöð og aðra útivistartengda afþreyingu á 34 þúsund fermetra lóð vestast á athafnasvæði Kársness í Kópavogi. „Til lengri tíma mun verkefnið velta milljörðum en hins vegar ætlum við að taka eitt skref í einu og byggja upp af skynsemi og byrja á heilsulindinni, veitingastað, kaffihúsi, líkamsrækt og jógaaðstöðu og aðstöðu fyrir hjóla-, göngu- og aðra útivist,“ segir Eyþór aðspurður um heildarkostnað og bætir við að stefnt sé að opnun 2020.Jakob Sigurðsson er nú forstjóri breska félagsins Victrex plc.Einkahlutafélag Eyþórs og Jakobs, Nature Resort, keypti í ársbyrjun lóðirnar Vesturvör 42-48 af Kópavogsbæ. Þá kemur Gestur Þórisson, fyrrverandi framkvæmdastjóri viðskiptaþróunar Promens, einnig að verkefninu en hann og Jakob eru gamlir samstarfsmenn hjá plastframleiðslufyrirtækinu þar sem sá síðarnefndi var forstjóri á árunum 2011 til 2015. Í fundargerðum bæjarfélagsins hefur verið rætt um heilsulindarhótel en Eyþór segir ekki ákveðið hvort farið verði í slíka framkvæmd. „Við vorum að leita að lóð fyrir þetta og meðal annars í Gufunesi. Það gekk ekki eftir á þeim tíma en ætlunin er að búa til náttúruparadís fyrir alla höfuðborgarbúa og við höfum ekki ákveðið hvort við munum byggja hótel eða ekki. Við ætlum að byrja á heilsuparadís og sjá hvernig hún fer af stað áður en við tökum næstu skref. Hin eiginlega hönnun hefur ekki átt sér stað en hún byrjar eftir tvær vikur. Það er fyrst núna sem við getum ráðist í hana en það er bandarískt hönnunarfyrirtæki sem hefur sérhæft sig í verkefnum sem þessum sem kemur að hönnuninni og við erum á leiðinni út í byrjun desember,“ segir Eyþór. Bæjarráð Kópavogs samþykkti síðastliðinn fimmtudag tillögu um breytingu á deiliskipulagi landfyllingarinnar á Kársnesi. Eyþór segir þá félaga hafa horft til svæðisins í um tvö og hálft ár en hugmyndin um heilsulindina sé tíu ára gömul. „Á svona svæðum er alltaf verið að setja niður íbúðir og atvinnuhúsnæði en loksins kemur eitthvað sem gerir hverfið betra til að búa í. Fyrst átti að vera þarna stórskipahöfn og síðan skipasmíðastöð og það datt upp fyrir, en nú á að búa til paradís útivistar og heilsu,“ segir Eyþór og svarar aðspurður að engir aðrir fjárfestar séu komnir að borðinu enn sem komið er. „Við munum fá fjárfesta inn í þetta þegar rétti tíminn kemur og það er mikil spenna fyrir þessu. Þegar svæðið verður tilbúið verður það jafn mikil bæjarprýði og endurgerð hafnarinnar á Siglufirði sem er glæsileg í dag,“ segir Eyþór og vísar til uppbyggingar Róberts Guðfinnssonar athafnamanns á Siglufirði. Eyþór segir engin tengsl á milli fyrirhugaðrar uppbyggingar Nature Resort og áætlana Skúla Mogensen, forstjóra WOW air, um byggingu höfuðstöðva flugfélagsins og hótels á lóðinni við hliðina. Fréttablaðið fjallaði á mánudag um óánægju tveggja bæjarfulltrúa minnihlutans í Kópavogi varðandi áformin um deiliskipulagsbreytinguna. Gagnrýndu þeir að aðgengi almennings að strandlengju Kársness verði skert á 155 metra leið þar sem baðlaugarnar verða. „Þegar salan á lóðinni fór í gegnum bæjarstjórn greiddu allir flokkar atkvæði með henni. Við erum að fara að búa til baðstað og erum bundin af sundlaugareglugerð. Þannig að við verðum að gera þetta samkvæmt lögum en þarna verður allt opið og allir geta fengið þarna margs konar þjónustu,“ segir Eyþór. Fréttin birtist fyrst í Markaðnum, fylgiriti Fréttablaðsins um viðskipti og fjármál. Tengdar fréttir Vilja að íbúar geti gengið alla strandlengjuna Tveir bæjarfulltrúar minnihlutans í Kópavogi gagnrýndu á fundi bæjarráðs á fimmtudag áform um breytingu deiliskipulags landfyllingarinnar á Kársnesi þar sem byggja á heilsulindarhótel. 27. nóvember 2017 06:00 Mest lesið Kínverskir ferðamenn aldrei fleiri: Beint flug hefjist von bráðar Viðskipti innlent Allt eða ekkert gellan sem er sjúk í Love is Blind Atvinnulíf Eldrauð Kauphöll: Bandaríkjamenn horfi fram á lakari lífskjör Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent Guðmundur í Brimi nýr formaður Viðskipti innlent Leiðtogar ESB íhuga háa sekt á X og Musk Viðskipti erlent Sættast við Fjármálaeftirlitið og greiða fimmtán milljóna sekt Viðskipti innlent Verðfall á Wall Street Viðskipti erlent Kristjana til ÍSÍ Viðskipti innlent Nánast allir telja útgerðirnar geta greitt hærri veiðigjöld Viðskipti innlent Fleiri fréttir Kínverskir ferðamenn aldrei fleiri: Beint flug hefjist von bráðar Eldrauð Kauphöll: Bandaríkjamenn horfi fram á lakari lífskjör Sættast við Fjármálaeftirlitið og greiða fimmtán milljóna sekt Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Sjá meira
„Ætlunin er að búa til heilsuparadís fyrir alla höfuðborgarbúa,“ segir Eyþór Guðjónsson, eigandi Skemmtigarðsins í Grafarvogi, sem hefur ásamt Jakobi Sigurðssyni, fyrrverandi forstjóra Promens og VÍS, áform um baðstað, veitingahús, líkamsræktarstöð og aðra útivistartengda afþreyingu á 34 þúsund fermetra lóð vestast á athafnasvæði Kársness í Kópavogi. „Til lengri tíma mun verkefnið velta milljörðum en hins vegar ætlum við að taka eitt skref í einu og byggja upp af skynsemi og byrja á heilsulindinni, veitingastað, kaffihúsi, líkamsrækt og jógaaðstöðu og aðstöðu fyrir hjóla-, göngu- og aðra útivist,“ segir Eyþór aðspurður um heildarkostnað og bætir við að stefnt sé að opnun 2020.Jakob Sigurðsson er nú forstjóri breska félagsins Victrex plc.Einkahlutafélag Eyþórs og Jakobs, Nature Resort, keypti í ársbyrjun lóðirnar Vesturvör 42-48 af Kópavogsbæ. Þá kemur Gestur Þórisson, fyrrverandi framkvæmdastjóri viðskiptaþróunar Promens, einnig að verkefninu en hann og Jakob eru gamlir samstarfsmenn hjá plastframleiðslufyrirtækinu þar sem sá síðarnefndi var forstjóri á árunum 2011 til 2015. Í fundargerðum bæjarfélagsins hefur verið rætt um heilsulindarhótel en Eyþór segir ekki ákveðið hvort farið verði í slíka framkvæmd. „Við vorum að leita að lóð fyrir þetta og meðal annars í Gufunesi. Það gekk ekki eftir á þeim tíma en ætlunin er að búa til náttúruparadís fyrir alla höfuðborgarbúa og við höfum ekki ákveðið hvort við munum byggja hótel eða ekki. Við ætlum að byrja á heilsuparadís og sjá hvernig hún fer af stað áður en við tökum næstu skref. Hin eiginlega hönnun hefur ekki átt sér stað en hún byrjar eftir tvær vikur. Það er fyrst núna sem við getum ráðist í hana en það er bandarískt hönnunarfyrirtæki sem hefur sérhæft sig í verkefnum sem þessum sem kemur að hönnuninni og við erum á leiðinni út í byrjun desember,“ segir Eyþór. Bæjarráð Kópavogs samþykkti síðastliðinn fimmtudag tillögu um breytingu á deiliskipulagi landfyllingarinnar á Kársnesi. Eyþór segir þá félaga hafa horft til svæðisins í um tvö og hálft ár en hugmyndin um heilsulindina sé tíu ára gömul. „Á svona svæðum er alltaf verið að setja niður íbúðir og atvinnuhúsnæði en loksins kemur eitthvað sem gerir hverfið betra til að búa í. Fyrst átti að vera þarna stórskipahöfn og síðan skipasmíðastöð og það datt upp fyrir, en nú á að búa til paradís útivistar og heilsu,“ segir Eyþór og svarar aðspurður að engir aðrir fjárfestar séu komnir að borðinu enn sem komið er. „Við munum fá fjárfesta inn í þetta þegar rétti tíminn kemur og það er mikil spenna fyrir þessu. Þegar svæðið verður tilbúið verður það jafn mikil bæjarprýði og endurgerð hafnarinnar á Siglufirði sem er glæsileg í dag,“ segir Eyþór og vísar til uppbyggingar Róberts Guðfinnssonar athafnamanns á Siglufirði. Eyþór segir engin tengsl á milli fyrirhugaðrar uppbyggingar Nature Resort og áætlana Skúla Mogensen, forstjóra WOW air, um byggingu höfuðstöðva flugfélagsins og hótels á lóðinni við hliðina. Fréttablaðið fjallaði á mánudag um óánægju tveggja bæjarfulltrúa minnihlutans í Kópavogi varðandi áformin um deiliskipulagsbreytinguna. Gagnrýndu þeir að aðgengi almennings að strandlengju Kársness verði skert á 155 metra leið þar sem baðlaugarnar verða. „Þegar salan á lóðinni fór í gegnum bæjarstjórn greiddu allir flokkar atkvæði með henni. Við erum að fara að búa til baðstað og erum bundin af sundlaugareglugerð. Þannig að við verðum að gera þetta samkvæmt lögum en þarna verður allt opið og allir geta fengið þarna margs konar þjónustu,“ segir Eyþór. Fréttin birtist fyrst í Markaðnum, fylgiriti Fréttablaðsins um viðskipti og fjármál.
Tengdar fréttir Vilja að íbúar geti gengið alla strandlengjuna Tveir bæjarfulltrúar minnihlutans í Kópavogi gagnrýndu á fundi bæjarráðs á fimmtudag áform um breytingu deiliskipulags landfyllingarinnar á Kársnesi þar sem byggja á heilsulindarhótel. 27. nóvember 2017 06:00 Mest lesið Kínverskir ferðamenn aldrei fleiri: Beint flug hefjist von bráðar Viðskipti innlent Allt eða ekkert gellan sem er sjúk í Love is Blind Atvinnulíf Eldrauð Kauphöll: Bandaríkjamenn horfi fram á lakari lífskjör Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent Guðmundur í Brimi nýr formaður Viðskipti innlent Leiðtogar ESB íhuga háa sekt á X og Musk Viðskipti erlent Sættast við Fjármálaeftirlitið og greiða fimmtán milljóna sekt Viðskipti innlent Verðfall á Wall Street Viðskipti erlent Kristjana til ÍSÍ Viðskipti innlent Nánast allir telja útgerðirnar geta greitt hærri veiðigjöld Viðskipti innlent Fleiri fréttir Kínverskir ferðamenn aldrei fleiri: Beint flug hefjist von bráðar Eldrauð Kauphöll: Bandaríkjamenn horfi fram á lakari lífskjör Sættast við Fjármálaeftirlitið og greiða fimmtán milljóna sekt Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Sjá meira
Vilja að íbúar geti gengið alla strandlengjuna Tveir bæjarfulltrúar minnihlutans í Kópavogi gagnrýndu á fundi bæjarráðs á fimmtudag áform um breytingu deiliskipulags landfyllingarinnar á Kársnesi þar sem byggja á heilsulindarhótel. 27. nóvember 2017 06:00