Segir Game of Thrones hefjast aftur 2019 Samúel Karl Ólason skrifar 8. desember 2017 10:21 Sophie Turner. Vísir/GEtty Leikkonan Sophie Turner, sem er hvað þekktust fyrir að leika Sönsu Stark í Game of Thrones, segir að áttunda og síðasta þáttaröð verði ekki sýnd fyrr en á árinu 2019. Þetta sagði Turner í viðtali við við Variety. Um er að ræða sex þætti og verður hver þeirra allt að einn og hálfur tími að lengd. Talsmaður HBO sagði þó við Polygon að fyrirtækið gæti ekki staðfest hvenær sýning þáttanna hefst, að svo stöddu. Fregnir hafa borist af því að tökur muni mögulega standa yfir til næsta sumars. Þáttum sem Game of Thrones fylgir mikil eftirvinnsla og kannski sérstaklega núna þegar drekunum og hinum dauðu er farið að bregða meira fyrir. Tökur munu fara fram hér á landi í febrúar. Búist er við því að þær muni taka nokkra daga en ekki er vitað hvar tökurnar fara fram. Það mun að einhverju leyti ráðast af snjó. Ljóst þykir að HBO hagnast á því að sýna þættina árið 2019. Eins og bent er á á vef Entertainment Weekly var sjöunda þáttaröð sýnd svo seint á árinu að hún er að keppa um Emmy verðlaun á næsta ári. Þá er HBO einnig að fara að sýna nýja þáttaröð Westworld á næsta ári og forsvarsmenn HBO vilja án efa ekki að þeir þættir séu í beinni samkeppni við Game of Thrones. Í áðurnefndu viðtali ræddi Turner einnig hvernig næsta þáttaröð verður fyrir Sönsu og þá með sérstöku tilliti til þess að hún og Arya Stark drápu (loksins) Petyr Baelish eða Littlefinger. „Þetta verður flókið fyrir hana, því við enda síðustu þáttaraðar fannst henni eins og hún hefði stillt öllu upp. Fjölskyldan hennar var komin aftur saman og þau stjórnuðu Norðrinu á ný. Þessa þáttaröð hefur ný ógn stungið upp kollinum og allt í einu er hún komin aftur í djúpu laugina og það án Littlefinger. Það verður prófraun fyrir hana að sjá hvort hún komist í gegnum þetta. Það verður erfitt fyrir hana án þess að hafa þennan kænskumeistara sér við hlið.“ Game of Thrones Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Svanhildur selur 500 fermetra höll í Akrahverfinu Lífið Syntu í hverri einustu laug landsins Lífið Fundu ástina á ný eftir skilnað Lífið Forsetagæinn hyggst hlaupa sitt lengsta hlaup til þessa Lífið Sunneva og Tanja ræða lýtaaðgerðirnar sínar Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira
Leikkonan Sophie Turner, sem er hvað þekktust fyrir að leika Sönsu Stark í Game of Thrones, segir að áttunda og síðasta þáttaröð verði ekki sýnd fyrr en á árinu 2019. Þetta sagði Turner í viðtali við við Variety. Um er að ræða sex þætti og verður hver þeirra allt að einn og hálfur tími að lengd. Talsmaður HBO sagði þó við Polygon að fyrirtækið gæti ekki staðfest hvenær sýning þáttanna hefst, að svo stöddu. Fregnir hafa borist af því að tökur muni mögulega standa yfir til næsta sumars. Þáttum sem Game of Thrones fylgir mikil eftirvinnsla og kannski sérstaklega núna þegar drekunum og hinum dauðu er farið að bregða meira fyrir. Tökur munu fara fram hér á landi í febrúar. Búist er við því að þær muni taka nokkra daga en ekki er vitað hvar tökurnar fara fram. Það mun að einhverju leyti ráðast af snjó. Ljóst þykir að HBO hagnast á því að sýna þættina árið 2019. Eins og bent er á á vef Entertainment Weekly var sjöunda þáttaröð sýnd svo seint á árinu að hún er að keppa um Emmy verðlaun á næsta ári. Þá er HBO einnig að fara að sýna nýja þáttaröð Westworld á næsta ári og forsvarsmenn HBO vilja án efa ekki að þeir þættir séu í beinni samkeppni við Game of Thrones. Í áðurnefndu viðtali ræddi Turner einnig hvernig næsta þáttaröð verður fyrir Sönsu og þá með sérstöku tilliti til þess að hún og Arya Stark drápu (loksins) Petyr Baelish eða Littlefinger. „Þetta verður flókið fyrir hana, því við enda síðustu þáttaraðar fannst henni eins og hún hefði stillt öllu upp. Fjölskyldan hennar var komin aftur saman og þau stjórnuðu Norðrinu á ný. Þessa þáttaröð hefur ný ógn stungið upp kollinum og allt í einu er hún komin aftur í djúpu laugina og það án Littlefinger. Það verður prófraun fyrir hana að sjá hvort hún komist í gegnum þetta. Það verður erfitt fyrir hana án þess að hafa þennan kænskumeistara sér við hlið.“
Game of Thrones Mest lesið Dró Antonio grunlausan með sér í Gamla bíó Lífið Sjáðu myndirnar frá Ungfrú Ísland Lífið Búið spil Lífið Dóttir Snæfríðar og Högna komin með nafn Lífið Margverðlaunaður garður með sólskini allan daginn Lífið Svanhildur selur 500 fermetra höll í Akrahverfinu Lífið Syntu í hverri einustu laug landsins Lífið Fundu ástina á ný eftir skilnað Lífið Forsetagæinn hyggst hlaupa sitt lengsta hlaup til þessa Lífið Sunneva og Tanja ræða lýtaaðgerðirnar sínar Lífið Fleiri fréttir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Fékk yfir sig olíugusu við tökur á sjónvarpsþáttum Robert Downey Jr snýr aftur í Marvel-heima Stikla úr ungstjörnumyndinni sem sló í gegn í Cannes „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Sjá meira