Sparistellið og kisi með í bústaðinn Sigríður Inga Sigurðardóttir skrifar 5. desember 2017 16:00 Kyrrð og friður einkennir jólin hjá Elsu Sif og fjölskyldu. „Við héldum jól í sumarbústað í fyrsta sinn árið 2009. Árið áður vorum við í útlöndum á þessum tíma og fannst æðislegt að vera ekki heima á jólunum. Tengdaforeldrar mínir eiga sumarbústað sem við höfum aðgang að og við ákváðum að prófa að dvelja í honum yfir jólin. Það heppnaðist svo vel að við höfum haldið því áfram,“ segir Elsa Sif Guðmundsdóttir brosandi en hún er kennari við Lindaskóla. „Það er dásamlegt að verja jólunum í Borgarfirðinum og njóta náttúrufegurðarinnar, sjá norðurljósin og slaka á.“ MYND/ERNIR „Það árið fórum við af stað í bústaðinn á Þorláksmessu og tókum allt með okkur, svo sem sparistellið, jólamatinn, jólaskrautið, allar jólagjafirnar, sparifötin og köttinn okkar. Þegar komið var upp í Borgarfjörð fórum við út í skóg og felldum grenitré sem síðan var fallega skreytt. Í hádeginu á aðfangadag fórum við í Baulu og fengum þær fregnir að hefð væri fyrir því að þar væri skötuveisla á Þorláksmessu, sem við höfðum misst af. Við vorum þá þegar búin að ákveða að endurtaka leikinn að ári og fannst því tilvalið að bæta skötuveislu inn í dagskrána, sem við og gerðum. Undanfarin ár höfum við farið í kringum 20. desember og ekki með alveg eins mikið og við gerðum í fyrstu.“ Taka jólatréð með í bæinn Jólamaturinn og jólagjafirnar eru að sjálfsögðu alltaf með í för og ávallt er farið út í skóg að höggva jólatré. „Sú hefð hefur skapast að við borðum grjónagraut í hádeginu, dúllum okkur svo aðeins, förum síðan í heita pottinn sem er jólabaðið, klæðum okkur í sparifötin og borðum jólamatinn en við erum alltaf með hreindýr í matinn. Eftir matinn fara allir í náttfötin og það er varla farið úr þeim fram að heimför. Daginn fyrir gamlársdag höldum við heim á ný og við tökum jólatréð með okkur,“ segir Elsa Sif og hlær þegar hún er spurð hvort það sé ekki mikil fyrirhöfn. „Nei, alls ekki. Það er lítið mál,“ segir hún. Jólin eru frítími fjölskyldunnar Á annan í jólum koma góðir gestir í heimsókn en annars einkennast jólin af rólegheitum. „Jólin eru okkar frítími. Birgir er tónlistarmaður og áður fyrr spilaði hann alltaf í messu á aðfangadag og jóladag en svo hætti hann því þannig að það varð möguleiki að fara að heiman. Ein jólin fórum við ekki í bústað sökum anna hjá honum í leikhúsinu. Það hefur líka komið fyrir að hann hafi skotist í bæinn að spila en við látum það ekki trufla okkur. Það er dásamlegt að verja jólunum í Borgarfirðinum og njóta náttúrufegurðarinnar, sjá norðurljósin og slaka á. Hjá okkur er ekki til neitt sem heitir jólastress,“ segir Elsa Sif. Jól Mest lesið Jólin voru erfiður tími þar til hún losnaði undan pressunni og fann jólagleðina á ný Jól Engin jólatráasala við Landakot þetta árið Jól Pallíettur og jólakokteilar í hádeginu hjá flugfreyjum Icelandair Jól Bjúgnakrækir kom til byggða í nótt Jól Jólamolar: Eiginmanninum ofbauð þegar hún vildi hafa tvö jólatré Jól Marengshringur og jólakonfekt Evu Laufeyjar úr Ísland í dag Jól Jóladagatal Vísis: Þegar goðsögn úr Police Academy fór í kattaslag við Pétur Jóhann Jól Bregður sér í allra kvikinda líki í aðdraganda jólanna Jól Jóladagatal Vísis: Það þarf fólk eins og Má Jól Jólin eru á leið inn í breytingaskeið Jól
„Við héldum jól í sumarbústað í fyrsta sinn árið 2009. Árið áður vorum við í útlöndum á þessum tíma og fannst æðislegt að vera ekki heima á jólunum. Tengdaforeldrar mínir eiga sumarbústað sem við höfum aðgang að og við ákváðum að prófa að dvelja í honum yfir jólin. Það heppnaðist svo vel að við höfum haldið því áfram,“ segir Elsa Sif Guðmundsdóttir brosandi en hún er kennari við Lindaskóla. „Það er dásamlegt að verja jólunum í Borgarfirðinum og njóta náttúrufegurðarinnar, sjá norðurljósin og slaka á.“ MYND/ERNIR „Það árið fórum við af stað í bústaðinn á Þorláksmessu og tókum allt með okkur, svo sem sparistellið, jólamatinn, jólaskrautið, allar jólagjafirnar, sparifötin og köttinn okkar. Þegar komið var upp í Borgarfjörð fórum við út í skóg og felldum grenitré sem síðan var fallega skreytt. Í hádeginu á aðfangadag fórum við í Baulu og fengum þær fregnir að hefð væri fyrir því að þar væri skötuveisla á Þorláksmessu, sem við höfðum misst af. Við vorum þá þegar búin að ákveða að endurtaka leikinn að ári og fannst því tilvalið að bæta skötuveislu inn í dagskrána, sem við og gerðum. Undanfarin ár höfum við farið í kringum 20. desember og ekki með alveg eins mikið og við gerðum í fyrstu.“ Taka jólatréð með í bæinn Jólamaturinn og jólagjafirnar eru að sjálfsögðu alltaf með í för og ávallt er farið út í skóg að höggva jólatré. „Sú hefð hefur skapast að við borðum grjónagraut í hádeginu, dúllum okkur svo aðeins, förum síðan í heita pottinn sem er jólabaðið, klæðum okkur í sparifötin og borðum jólamatinn en við erum alltaf með hreindýr í matinn. Eftir matinn fara allir í náttfötin og það er varla farið úr þeim fram að heimför. Daginn fyrir gamlársdag höldum við heim á ný og við tökum jólatréð með okkur,“ segir Elsa Sif og hlær þegar hún er spurð hvort það sé ekki mikil fyrirhöfn. „Nei, alls ekki. Það er lítið mál,“ segir hún. Jólin eru frítími fjölskyldunnar Á annan í jólum koma góðir gestir í heimsókn en annars einkennast jólin af rólegheitum. „Jólin eru okkar frítími. Birgir er tónlistarmaður og áður fyrr spilaði hann alltaf í messu á aðfangadag og jóladag en svo hætti hann því þannig að það varð möguleiki að fara að heiman. Ein jólin fórum við ekki í bústað sökum anna hjá honum í leikhúsinu. Það hefur líka komið fyrir að hann hafi skotist í bæinn að spila en við látum það ekki trufla okkur. Það er dásamlegt að verja jólunum í Borgarfirðinum og njóta náttúrufegurðarinnar, sjá norðurljósin og slaka á. Hjá okkur er ekki til neitt sem heitir jólastress,“ segir Elsa Sif.
Jól Mest lesið Jólin voru erfiður tími þar til hún losnaði undan pressunni og fann jólagleðina á ný Jól Engin jólatráasala við Landakot þetta árið Jól Pallíettur og jólakokteilar í hádeginu hjá flugfreyjum Icelandair Jól Bjúgnakrækir kom til byggða í nótt Jól Jólamolar: Eiginmanninum ofbauð þegar hún vildi hafa tvö jólatré Jól Marengshringur og jólakonfekt Evu Laufeyjar úr Ísland í dag Jól Jóladagatal Vísis: Þegar goðsögn úr Police Academy fór í kattaslag við Pétur Jóhann Jól Bregður sér í allra kvikinda líki í aðdraganda jólanna Jól Jóladagatal Vísis: Það þarf fólk eins og Má Jól Jólin eru á leið inn í breytingaskeið Jól