Lögreglan varar við fölsuðum evrum

Lögreglan á höfuðborgarsvæðinu minnir afgreiðslufólk á að vera á varðbergi þegar peningaseðlar eru annars vegar en nokkur fjársvikamál eru nú til rannsóknar hjá embættinu.

Segir lögreglan í tilkynningu á Facebook síðu sinni að um sé að ræða tilvik þar sem greitt var fyrir vörur með 50 evrum, en ekki var um raunverulega seðla að ræða.

 Á meðfylgjandi mynd með færslunni má sjá þrjá seðla úr fjársvikamálunum og einn fullgildan 50 evruseðil til samanburðar.