Samninganefndir sjómanna og útvegsmanna hafa verið boðaðar á fund hjá ríkissáttasemjara klukkan 11 í dag og hefur þá verið fundað á hverjum degi alla vikuna. Deilendur segja að eitthvað hafi þokast í viðræðunum en þó sé enn langt í land. Fundir þessarar viku hafa fjallað um einstök atriði en heildarmyndin liggur enn ekki fyrir.
Mótmæla annan mánudaginn í röð
Sjómenn hafa verið í verkfalli frá því um miðjan desember, eftir að hafa fellt kjarasamning í tvígang. Þeir mótmæltu í húsakynnum ríkissáttasemjara á mánudag og ætla að gera það aftur komandi mánudag, nema í þetta sinn á Austurvelli.
Stofnuð hefur Facebook-síða þar sem sjómenn eru hvattir til þess að sýna samstöðu og mótmæla þeim hroka og virðingarleysi sem útvegsmenn hafi sýnt þeim,og segja þá hafa haldið uppi áróðri sem felist í því að fá fólkið í landinu upp á móti sjómönnum.
„Við mótmælum því einnig að útgerðin hefur með algjöru virðingarleysi sagt upp yfir 1000 manns úr landvinnslunni í stað þess að halda ráðningasambandi við starfsfólk sitt og fá greitt mótframlag úr atvinnuleysistryggingasjóði til að geta greitt fólki grunnlaunin eins og þeir hafa heimild til að gera,“ segir á síðunni.
Þá er fólk hvatt til að mæta í sjógöllum með trommur og skilti.
Sjómenn funda í dag og ætla að mótmæla á mánudag

Tengdar fréttir

Þorgerður Katrín: „Sé ekki fyrir mér að við setjum lög á sjómenn“
Nýr sjávarútvegs- og landbúnaðarráðherra segir það útilokað að sínu mati.

Sjómenn og útvegsmenn halda áfram viðræðum
Þriðji fundurinn á jafnmörgum dögum í dag.

Viðræður ganga hægt hjá sjómönnum
Deiluaðilar komu saman klukkan 11 í morgun.

Vilhjálmur: Kröfur sjómanna ekki að fara að setja íslenska útgerð á hausinn
Enn langt í land, segir formaður Verkalýðsfélags Akraness.

Greiða hálfan milljarð vegna verkfalls
Atvinnuleysistryggingasjóður áætlar að greiða hálfan milljarð króna í janúar vegna verkfalls sjómanna.