Tveir árekstrar á sama staðnum með stuttu millibili

Tveir árekstar urðu með stuttu millibili við gatnamót Kringlumýrarbrautar og Bústaðavegar nú í hádeginu.

Í báðum tilfellum var um tvo bíla að ræða sem skullu saman. Að sögn slökkviliðsmanns sem fréttastofa heyrði í þurfti að flytja einn úr hvorum árekstri á slysadeild .

Þó ekki sé margt vitað á þessari stundu um líðan þeirra á þessari stundu þá er gert ráð fyrir því að meiðsl þeirra séu smávægileg.

Einhverjar tafir urðu á umferð vegna óhappanna en ætti hún að vera komin aftur í samt horf.