Snapchat gæti komið Heimilistónum í klípu Birgir Olgeirsson skrifar 23. febrúar 2018 11:00 Hljómsveitin Heimilistónar hefur vakið mikla athygli fyrir lagið sitt Kúst og fæjó í Söngvakeppni Sjónvarpsins í ár. RUV Mögulega þyrfti að breyta texta lagsins Kúst og fæjó komi til þess að það verði fyrir valinu sem framlag Íslendinga í söngvakeppni evrópskra sjónvarpsstöðva, Eurovision, í maí næstkomandi. Ástæðan er sú að í textanum er minnst á vörumerki sem er bannað samkvæmt reglum Eurovision. Kúst og fæjó er lag hljómsveitarinnar Heimilistóna sem er eitt af sex lögum sem keppa til úrslita í Söngvakeppni Sjónvarpsins í Laugardalshöll laugardaginn 3. mars næstkomandi. Texti lagsins segir frá konu sem á von á vinkonum sínum í saumaklúbb inn á heimili sitt og er í óða önn að þrífa og hafa til veitingar. Í laginu er minnst á vinkonurnar Hrafnhildi og Valgerði og óttast konan að þær eigi ekki lengur skap saman því síðast lentu þær í rifrildi og lokuð á hvora aðra á „Snapptjatti“.Þar er að sjálfsögðu átt við samskiptaforritið Snapchat sem hefur notið umtalsverðra vinsælda undanfarin ár.Í reglum Eurovison er skýrt bann við því að minnast á fyrirtæki, vörur, vörumerki eða þjónustu í textum laganna.Hótuðu að vísa San Marínó úr keppni Árið 2012 ákvað ríkisútvarpið í San Marínó að velja til þátttöku lagið Facebook Uh, Oh, Oh (A Satirical Song). Nokkrum dögum eftir að það var tilkynnt, eða 18. mars árið 2012, ályktaði EBU, samtök evrópskra ljósvakamiðla í almannaþágu, að lagið bryti gegn reglum Eurovision vegna tilvísunar í samfélagsmiðilinn Facebook í texta og heiti lagsins. Var ríkisútvarpi San Marínó gefinn kostur á að annað hvort skipta um lag eða breyta texta lagsins þannig að ekki yrði minnst á Facebook. Fékk San Marínó fimm daga til að verða við þessari tilskipun.Úr varð að San Marínó breytti textanum sem var nánast sá sami nema að ekki var minnst á Facebook og fékk lagið heitið The Social Network Song (OH OH – Uh – OH OH).Fara yfir málið ef til þess kemur Birna Ósk Hansdóttir, framleiðslustjóri RÚV, segir í samtali við Vísi að ef svo fer að Kúst og fæjó verður framlag Íslendinga í Eurovision þá verði farið yfir málið. Hún bendir á að allir textar Eurovision-framlaga eru sendir til EBU eftir forval í löndunum hefur farið fram. „Og ef Kúst og fæjó verður okkar framlag og við fáum athugasemd vegna þessa munum við sannarlega bregðast við því í takt við lög og reglur,“ segir Birna. Vert er að benda á að Snapchat-tilvísunin í Kúst og fæjó er langt um vægari en það sem átti sér stað í framlagi San Marínó um árið. Er tilvísunin til að mynda ekki í heiti lagsins og ætti að vera lítið mál að hnika textanum örlítið til ef það mun þurfa.Hótuðu að vísa Silvíu Nótt úr keppni En það er ekki aðeins bannað að minnast á fyrirtæki, vörur, vörumerki eða þjónustu í textum Eurovision-laga. Textinn má ekki ekki koma óorði á keppnina sjálfa, hann má ekki innihalda pólitískan áróður og þá er einnig bannað að blóta eða hafa uppi ósæmilegt orðfæri. Árið 2006 var Silvía Nótt, leikin af Ágústu Evu Erlendsdóttur, eftirminnilega fulltrúi Íslendinga í Eurovision í Grikklandi þar sem hún flutti lagið Congratulation. Í enskum texta lagsins kom fyrir línan „The vote is in, they say I win“ en í myndbandi lagsins heyrðist Silvía syngja: „The vote is in, I´ll fucking win“. Notaði hún einnig blótsyrðið „fucking“ á æfingum fyrir keppnina.EBU tók ekki vel í þetta og benti Ríkisútvarpi Íslands á að Silvía Nótt væri með þessu framferði að brjóta tvær reglur Eurovision. Annars vegar þá reglu að bannað væri að breyta texta lagsins eftir að loka útgáfu hans hafði verið skilað inn til EBU og hins vegar þá reglu sem snýr að banni við blótsyrðum. Var Ríkisútvarpinu hér á landi gerð grein fyrir því að ef Silvía Nótt myndi ekki endurskoða afstöðu sína þá yrði henni vísað úr keppni. Silvía Nótt hélt sér að hluta til á mottunni, notaði ekki orðið „Fucking“ á undankvöldi Eurovision en sagði þess í stað „I´ll freaking win“. Hún komst ekki áfram í úrslit. Eurovision Mest lesið Andrés og Margrét gengin í það heilaga Lífið Bankaforstjóri selur glæsihýsi í Laugardalnum Lífið Myndaveisla: Suðræn stemning í afmælisveislu Tres Locos Lífið „Ekki fylgja hverju einasta tískutrendi“ Tíska og hönnun „Þetta er enginn helvítis félagskvíði, það bara þolir mig enginn“ Áskorun Keypti lóð Gylfa og Alexöndru á 225 milljónir Lífið Frændsystkini á leið í lækninn: „Sá á fjölskyldugrúppunni að hann hafði líka komist inn“ Lífið Einstakt hönnunarhús í Hlíðunum með gufu, heitum potti og útisturtu Lífið Damon Younger og Ásdís hætt saman: „Það þarf enginn að efast um hvort ég elski hana“ Lífið Gústi B fann ástina hjá Hafdísi Sól Lífið Fleiri fréttir Andrés og Margrét gengin í það heilaga Bankaforstjóri selur glæsihýsi í Laugardalnum Myndaveisla: Suðræn stemning í afmælisveislu Tres Locos Allt í keng: Varð brátt í brók í vorveiðinni Keypti lóð Gylfa og Alexöndru á 225 milljónir Nostalgía og glænýr sumarsmellur Spænsk sumarveisla að hætti Maríu Gomez Sumarglaðningur Vigdísar og Ara Freys sparkaði sér í heiminn Dóttir Alfreðs og Fríðu komin með nafn Einstakt hönnunarhús í Hlíðunum með gufu, heitum potti og útisturtu Auðveldara að vera aðeins væmnari saman Ætla að fylla Borgarnes með mörgþúsund manns Fimmtán ómissandi hlutir í útileguna Helvítis kokkurinn: Eldbökuð pizzasamloka Damon Younger og Ásdís hætt saman: „Það þarf enginn að efast um hvort ég elski hana“ Frændsystkini á leið í lækninn: „Sá á fjölskyldugrúppunni að hann hafði líka komist inn“ Gústi B fann ástina hjá Hafdísi Sól Lækkuðu hitastigið fyrir leðurklædda kvikmyndaáhugamenn Íslendingur áberandi í bandarískri raunveruleikaseríu Undurfagurt og heillandi einbýli í Mosfellsbæ Jarðhitasýningin í Hellisheiðarvirkjun fékk óvænta heimsókn Vilt þú taka fjármálin þín í gegn? Gummi Emil grípur til sinna ráða eftir fangelsisdóm Pétur G. Markan og Margrét selja einbýli við eina fallegustu götu Hafnarfjarðar Aron Can og Gummi Emil í fullu fjöri með Mari Laufey ástfangin Sumarleg grillveisla að hætti Lindu Ben Féll kylliflatur fyrir einlægni Taylor Swift Allt frá flugferðum yfir í dót úr bílskúrnum í vinning Söngvari Crazy Town látinn Sjá meira
Mögulega þyrfti að breyta texta lagsins Kúst og fæjó komi til þess að það verði fyrir valinu sem framlag Íslendinga í söngvakeppni evrópskra sjónvarpsstöðva, Eurovision, í maí næstkomandi. Ástæðan er sú að í textanum er minnst á vörumerki sem er bannað samkvæmt reglum Eurovision. Kúst og fæjó er lag hljómsveitarinnar Heimilistóna sem er eitt af sex lögum sem keppa til úrslita í Söngvakeppni Sjónvarpsins í Laugardalshöll laugardaginn 3. mars næstkomandi. Texti lagsins segir frá konu sem á von á vinkonum sínum í saumaklúbb inn á heimili sitt og er í óða önn að þrífa og hafa til veitingar. Í laginu er minnst á vinkonurnar Hrafnhildi og Valgerði og óttast konan að þær eigi ekki lengur skap saman því síðast lentu þær í rifrildi og lokuð á hvora aðra á „Snapptjatti“.Þar er að sjálfsögðu átt við samskiptaforritið Snapchat sem hefur notið umtalsverðra vinsælda undanfarin ár.Í reglum Eurovison er skýrt bann við því að minnast á fyrirtæki, vörur, vörumerki eða þjónustu í textum laganna.Hótuðu að vísa San Marínó úr keppni Árið 2012 ákvað ríkisútvarpið í San Marínó að velja til þátttöku lagið Facebook Uh, Oh, Oh (A Satirical Song). Nokkrum dögum eftir að það var tilkynnt, eða 18. mars árið 2012, ályktaði EBU, samtök evrópskra ljósvakamiðla í almannaþágu, að lagið bryti gegn reglum Eurovision vegna tilvísunar í samfélagsmiðilinn Facebook í texta og heiti lagsins. Var ríkisútvarpi San Marínó gefinn kostur á að annað hvort skipta um lag eða breyta texta lagsins þannig að ekki yrði minnst á Facebook. Fékk San Marínó fimm daga til að verða við þessari tilskipun.Úr varð að San Marínó breytti textanum sem var nánast sá sami nema að ekki var minnst á Facebook og fékk lagið heitið The Social Network Song (OH OH – Uh – OH OH).Fara yfir málið ef til þess kemur Birna Ósk Hansdóttir, framleiðslustjóri RÚV, segir í samtali við Vísi að ef svo fer að Kúst og fæjó verður framlag Íslendinga í Eurovision þá verði farið yfir málið. Hún bendir á að allir textar Eurovision-framlaga eru sendir til EBU eftir forval í löndunum hefur farið fram. „Og ef Kúst og fæjó verður okkar framlag og við fáum athugasemd vegna þessa munum við sannarlega bregðast við því í takt við lög og reglur,“ segir Birna. Vert er að benda á að Snapchat-tilvísunin í Kúst og fæjó er langt um vægari en það sem átti sér stað í framlagi San Marínó um árið. Er tilvísunin til að mynda ekki í heiti lagsins og ætti að vera lítið mál að hnika textanum örlítið til ef það mun þurfa.Hótuðu að vísa Silvíu Nótt úr keppni En það er ekki aðeins bannað að minnast á fyrirtæki, vörur, vörumerki eða þjónustu í textum Eurovision-laga. Textinn má ekki ekki koma óorði á keppnina sjálfa, hann má ekki innihalda pólitískan áróður og þá er einnig bannað að blóta eða hafa uppi ósæmilegt orðfæri. Árið 2006 var Silvía Nótt, leikin af Ágústu Evu Erlendsdóttur, eftirminnilega fulltrúi Íslendinga í Eurovision í Grikklandi þar sem hún flutti lagið Congratulation. Í enskum texta lagsins kom fyrir línan „The vote is in, they say I win“ en í myndbandi lagsins heyrðist Silvía syngja: „The vote is in, I´ll fucking win“. Notaði hún einnig blótsyrðið „fucking“ á æfingum fyrir keppnina.EBU tók ekki vel í þetta og benti Ríkisútvarpi Íslands á að Silvía Nótt væri með þessu framferði að brjóta tvær reglur Eurovision. Annars vegar þá reglu að bannað væri að breyta texta lagsins eftir að loka útgáfu hans hafði verið skilað inn til EBU og hins vegar þá reglu sem snýr að banni við blótsyrðum. Var Ríkisútvarpinu hér á landi gerð grein fyrir því að ef Silvía Nótt myndi ekki endurskoða afstöðu sína þá yrði henni vísað úr keppni. Silvía Nótt hélt sér að hluta til á mottunni, notaði ekki orðið „Fucking“ á undankvöldi Eurovision en sagði þess í stað „I´ll freaking win“. Hún komst ekki áfram í úrslit.
Eurovision Mest lesið Andrés og Margrét gengin í það heilaga Lífið Bankaforstjóri selur glæsihýsi í Laugardalnum Lífið Myndaveisla: Suðræn stemning í afmælisveislu Tres Locos Lífið „Ekki fylgja hverju einasta tískutrendi“ Tíska og hönnun „Þetta er enginn helvítis félagskvíði, það bara þolir mig enginn“ Áskorun Keypti lóð Gylfa og Alexöndru á 225 milljónir Lífið Frændsystkini á leið í lækninn: „Sá á fjölskyldugrúppunni að hann hafði líka komist inn“ Lífið Einstakt hönnunarhús í Hlíðunum með gufu, heitum potti og útisturtu Lífið Damon Younger og Ásdís hætt saman: „Það þarf enginn að efast um hvort ég elski hana“ Lífið Gústi B fann ástina hjá Hafdísi Sól Lífið Fleiri fréttir Andrés og Margrét gengin í það heilaga Bankaforstjóri selur glæsihýsi í Laugardalnum Myndaveisla: Suðræn stemning í afmælisveislu Tres Locos Allt í keng: Varð brátt í brók í vorveiðinni Keypti lóð Gylfa og Alexöndru á 225 milljónir Nostalgía og glænýr sumarsmellur Spænsk sumarveisla að hætti Maríu Gomez Sumarglaðningur Vigdísar og Ara Freys sparkaði sér í heiminn Dóttir Alfreðs og Fríðu komin með nafn Einstakt hönnunarhús í Hlíðunum með gufu, heitum potti og útisturtu Auðveldara að vera aðeins væmnari saman Ætla að fylla Borgarnes með mörgþúsund manns Fimmtán ómissandi hlutir í útileguna Helvítis kokkurinn: Eldbökuð pizzasamloka Damon Younger og Ásdís hætt saman: „Það þarf enginn að efast um hvort ég elski hana“ Frændsystkini á leið í lækninn: „Sá á fjölskyldugrúppunni að hann hafði líka komist inn“ Gústi B fann ástina hjá Hafdísi Sól Lækkuðu hitastigið fyrir leðurklædda kvikmyndaáhugamenn Íslendingur áberandi í bandarískri raunveruleikaseríu Undurfagurt og heillandi einbýli í Mosfellsbæ Jarðhitasýningin í Hellisheiðarvirkjun fékk óvænta heimsókn Vilt þú taka fjármálin þín í gegn? Gummi Emil grípur til sinna ráða eftir fangelsisdóm Pétur G. Markan og Margrét selja einbýli við eina fallegustu götu Hafnarfjarðar Aron Can og Gummi Emil í fullu fjöri með Mari Laufey ástfangin Sumarleg grillveisla að hætti Lindu Ben Féll kylliflatur fyrir einlægni Taylor Swift Allt frá flugferðum yfir í dót úr bílskúrnum í vinning Söngvari Crazy Town látinn Sjá meira