Google hefur rekið 48 á tveimur árum vegna áreitni

Tæknirisinn Google hefur rekið 48 manns vegna ásakana um kynferðislegt áreiti á síðustu tveimur árum. Þar á meðal voru þrettán háttsettir stjórnendur. Í bréfi til starfsmanna fyrirtækisins sem birt var í dag sagði Sundar Pichai, forstjóri Google, að fyrirtækið tæki hörðum tökum á áreitni.

Pichai sendi frá sér bréfið í kjölfar fréttar New York Times um að Andy Rubin, sem bjó til Android-stýrikerfið sem er í hvað vinsælast í símum, fékk 90 milljónir dala þegar hann var látinn fara frá fyrirtækinu árið 2014 og er hann sagður hafa verið kvaddur eins og hetja. Þrátt fyrir að hann hefði verið sakaður um kynferðisbrot.



Starfsmaður Google sakaði Rubin um að hafa þvingað sig til munnmaka á hótelherbergi árið 2013. Heimildarmenn New York Times sögðu Google hafa rannsakað ásökunina og metið hana trúverðuga.

Pichai sagði það hafa verið erfitt að lesa fréttina og að forsvarsmönnum Google væri alvara um að stofna öruggt og fjölbreytt starfsumhverfi.

Google CEO Sundar Pichai just sent out an email regarding the huge NYT story on Andy Rubin.https://t.co/1m1bJDq5K3 pic.twitter.com/azxs7rneCw

— Ryan Mac (@RMac18) October 25, 2018