1 dagur í HM: Þegar danska dýnamítið var að fara vinna HM en lenti svo í spænska gamminum Óskar Ófeigur Jónsson skrifar 13. júní 2018 12:00 Preben Elkjær Larsen og Michael Laudrup fagna hér marki á HM í Mexíkó 1986. Vísir/Getty Fyrir 32 árum voru Danir í sömu stöðu og íslenska karlalandsliðið á HM í Rússlandi. Fyrsta heimsmeistarakeppni Dana var HM í Mexíkó 1986 og líkt og við Íslendingar þá hafði danska landsliðið slegið í gegn á Evrópumóti í Frakklandi tveimur árum fyrr. Í þá daga þegar engan Íslending dreymdi einu sinni um að sjá íslenska landsliðið keppa á HM þá voru mjög margir sem héldu með þessu stórskemmtilega landsliði Dana á gullaldarárum þess. Danir voru með léttleikandi lið sem skoraði mörk og skemmti litríkum stuðningsmönnum sínum. Heimsmeistarakeppnin í Mexíkó var mikið ævintýri fyrir dönsku þjóðina enda gekk frábærlega framan af móti eða allt þar til að liðið mætti sigurreift í sextán liða úrslitin.Preben Elkjær Larsen raðaði inn mörkum í byrjun HM.Vísir/GettyÞað er mjög merkilegt hvað margt er sameiginlegt með danska landsliðinu á níunda áratugnum og íslenska liðinu í dag. Líkt og hjá Íslandi þá komst danska liðið á fyrsta stórmótið á EM í Frakklandi eftir að hafa rétt misst af HM tveimur árum fyrr. Danir náðu frábærum árangri á EM 1984 og stuðningsmenn liðsins slógu í gegn. Tveimur árum síðar var komið að fyrsta heimsmeistaramóti dönsku þjóðarinnar. Danska landsliðið hafði valdið miklum vonbrigðum á sjöunda og áttunda áratugnum þrátt fyrir að eiga margra frambærilega leikmenn. Hver man ekki eftir liðinu sem vann Ísland 14-2 í Parken. Danska liðið komst reyndar í úrslitakeppni EM 1964 en það var eina stórmót Dana þegar liðið náði loksins að tryggja sig inn á EM í Frakklandi 1984. Upphafið af viðsnúningnum var eflaust þegar Þjóðverjinn Sepp Piontek var ráðinn þjálfara liðsins í júlí 1979 og kom með miklu meiri aga inn í liðið. Danska kæruleysið var ekki lengur allsráðandi.Michael LaudrupVísir/GettyDanska landsliðið var nálægt því að komast á HM 1982 á Spáni þar sem liðið vann meðal annars eftirminnilega 3-1 sigur á verðandi heimsmeisturum Ítala en það vantaði aðeins upp á og dönsku strákarnir sátu eftir í riðlinum. Danir komust hinsvegar á EM tveimur árum síðar þar sem þeir skildu Englendinga eftir í undankeppninni. Danska liðið fékk viðurnefnið danska dýnamítið eftir frábæra frammistöðu sína á EM 1984 þar sem liðið fór alla leið í undanúrslit þar sem liðið tapaði í vítakeppni á móti Spáni. Reynslunni ríkari þá mættu dönsku landsliðsmennirnir með bullandi sjálfstraust inn á HM í Mexíkó. Það hafði gengið vel hjá leikmönnunum með félagsliðum sínum á tímabilinu en í liðinu voru meðal annars leikmenn sem höfðu orðið enskir, ítalskir, vestur-þýskir, hollenskir og belgískir meistarar tímabilið 1985 til 1986.Vísir/GettyDönsku áhorfendurnir stálu ekki síður senunni eins og leikmennirnir því „Roligans“ eins og Danir fóru að kalla sig 1985 mættu til leiks með gleði og söngva að vopni sem var ferskur blær um áhorfendastúkur fótboltans sem á þessum árum glímdu oft við ólæti og slagsmál stuðningsmanna. Danir höfðu verið valdir bestu stuðningsmennirnir á EM 1984 og höfðu unnið hug og hjörtu heimsins með litríkri og skemmtilegri framkomu sinni. Liðið sjálft var líka frábært sem það sýndi i riðlakeppninni á HM í Mexíkó. Með framherjann Preben Elkjær Larsen og hinn magnaða Michael Laudrup í stuði þá áttu Skotland, Úrúgvæ og Vestur-Þýskaland engin svör.Vísir/GettyDanir unnu alla þrjá leiki sína í riðlakeppninni og markatalan var 9-1 eftir fyrstu þrjá leikina. Preben Elkjær Larsen skoraði þrennu á móti Úrúgvæ og var kominn með fjögur mörk í keppninni. Menn voru jafnvel farnir að sjá heimsmeistaratitil í hillingum þegar kom að leik Dana á móti Spáni í sextán liða úrslitunum. Leikurinn byrjaði líka vel þegar Jesper Olsen kom Dönum í 1-0 með marki úr vítaspyrnu en skelfileg mistök Olsen færðu Spánverjum jöfnunarmark á silfurfati. Markið skoraði Emilio Butragueno betur þekktur sem gammurinn vegna þess hversu vel hann nýtti sér mistök mótherjanna. Leikur danska liðsins hrundi síðan í seinni hálfleik. Butragueno skoraði þar þrjú mörk og því fjögur alls og fimmta markið skoraði síðan Andoni Goikoetxea. HM-ævintýri Dana endaði því snögglega og þeir voru á heimleið. Á EM tveimur árum seinna töpuðust allir þrír leikirnir og danska liðinu mistókst síðan að komast á HM á Ítalíu 1990. Það hafði sloknað á danska dýnamítinu.Vísir/GettyVísir/GettyVísir/GettyVísir/Getty HM 2018 í Rússlandi Mest lesið Bein útsending: Íslenska ofurfólkið keppir við þau bestu í heimi Sport Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Í beinni: ÍA - Víkingur | Víkingar ætla að halda toppsætinu Íslenski boltinn Þrjú mörk á sjö mínútum í sannfærandi sigri Spurs Enski boltinn Körfuboltakvöld um Kane: „Finnst hann ekki hafa gert neitt hrikalegt“ Körfubolti Segja loforð svikin á meðan karfan fær stærsta íþróttahús landsins Sport Fleiri fréttir Í beinni: Man. Utd. - Brentford | Hitnar enn frekar undir Ten Hag? Þrjú mörk á sjö mínútum í sannfærandi sigri Spurs Í beinni: ÍA - Víkingur | Víkingar ætla að halda toppsætinu Í beinni: FH - Valur | Valsmenn þurfa sigur í Evrópubaráttunni Í beinni: KA - Vestri | Vestramenn geta farið langt með að halda sér uppi Ísak reiddist dómaranum og lagði þá bara upp mark í staðinn Eigandinn þuklaði á fyrirliða kvennaliðsins Fannst Inter besti kosturinn: „Ekkert að því að búa í Mílanó“ Í leyfi eftir að hafa misst fjögurra mánaða afabarn „Ævintýri og lygar í boði sumra ykkar“ Fanney seld fyrir upphæð sem „ekki hefur sést“ og Tinna kemur í staðinn Jón Dagur út í hálfleik en upp um þrjú sæti Sara öflug og komst áfram í bikarnum Mainoo frá í nokkrar vikur Fanney sögð á leið til Svíþjóðar Nýir þjálfarar drepi alla sköpun Ræddu við tíu en fáir kannast við símtal Tvær breytingar á Bandaríkjahópnum Valdi ekki bestu fótboltakonu heims í landsliðið Messi: Hamingjan skiptir mig meira máli en að spila á HM 2026 Fótboltinn þurfi að njóta vafans hjá Val: „Er mjólkurkýr félagsins“ Vilja prófa að leyfa áfengi á kvennaleikjum í Englandi Börkur hló spurður um framboð: „Talandi um að fara úr öskunni í eldinn“ Sveindís og Amanda áttu strembið Meistaradeildarkvöld Ómar Björn áfram í Bestu deildinni Aðeins tvöfaldur espressó gegn Íslandi Myndasyrpa: Fyrsta skóflustungan tekin og Ásmundur á traktornum Pogba segir að danssagan sé lygi Færeyingar ráku þjálfara sinn Fyrsta skóflustungan tekin á Laugardalsvelli í dag Sjá meira
Fyrir 32 árum voru Danir í sömu stöðu og íslenska karlalandsliðið á HM í Rússlandi. Fyrsta heimsmeistarakeppni Dana var HM í Mexíkó 1986 og líkt og við Íslendingar þá hafði danska landsliðið slegið í gegn á Evrópumóti í Frakklandi tveimur árum fyrr. Í þá daga þegar engan Íslending dreymdi einu sinni um að sjá íslenska landsliðið keppa á HM þá voru mjög margir sem héldu með þessu stórskemmtilega landsliði Dana á gullaldarárum þess. Danir voru með léttleikandi lið sem skoraði mörk og skemmti litríkum stuðningsmönnum sínum. Heimsmeistarakeppnin í Mexíkó var mikið ævintýri fyrir dönsku þjóðina enda gekk frábærlega framan af móti eða allt þar til að liðið mætti sigurreift í sextán liða úrslitin.Preben Elkjær Larsen raðaði inn mörkum í byrjun HM.Vísir/GettyÞað er mjög merkilegt hvað margt er sameiginlegt með danska landsliðinu á níunda áratugnum og íslenska liðinu í dag. Líkt og hjá Íslandi þá komst danska liðið á fyrsta stórmótið á EM í Frakklandi eftir að hafa rétt misst af HM tveimur árum fyrr. Danir náðu frábærum árangri á EM 1984 og stuðningsmenn liðsins slógu í gegn. Tveimur árum síðar var komið að fyrsta heimsmeistaramóti dönsku þjóðarinnar. Danska landsliðið hafði valdið miklum vonbrigðum á sjöunda og áttunda áratugnum þrátt fyrir að eiga margra frambærilega leikmenn. Hver man ekki eftir liðinu sem vann Ísland 14-2 í Parken. Danska liðið komst reyndar í úrslitakeppni EM 1964 en það var eina stórmót Dana þegar liðið náði loksins að tryggja sig inn á EM í Frakklandi 1984. Upphafið af viðsnúningnum var eflaust þegar Þjóðverjinn Sepp Piontek var ráðinn þjálfara liðsins í júlí 1979 og kom með miklu meiri aga inn í liðið. Danska kæruleysið var ekki lengur allsráðandi.Michael LaudrupVísir/GettyDanska landsliðið var nálægt því að komast á HM 1982 á Spáni þar sem liðið vann meðal annars eftirminnilega 3-1 sigur á verðandi heimsmeisturum Ítala en það vantaði aðeins upp á og dönsku strákarnir sátu eftir í riðlinum. Danir komust hinsvegar á EM tveimur árum síðar þar sem þeir skildu Englendinga eftir í undankeppninni. Danska liðið fékk viðurnefnið danska dýnamítið eftir frábæra frammistöðu sína á EM 1984 þar sem liðið fór alla leið í undanúrslit þar sem liðið tapaði í vítakeppni á móti Spáni. Reynslunni ríkari þá mættu dönsku landsliðsmennirnir með bullandi sjálfstraust inn á HM í Mexíkó. Það hafði gengið vel hjá leikmönnunum með félagsliðum sínum á tímabilinu en í liðinu voru meðal annars leikmenn sem höfðu orðið enskir, ítalskir, vestur-þýskir, hollenskir og belgískir meistarar tímabilið 1985 til 1986.Vísir/GettyDönsku áhorfendurnir stálu ekki síður senunni eins og leikmennirnir því „Roligans“ eins og Danir fóru að kalla sig 1985 mættu til leiks með gleði og söngva að vopni sem var ferskur blær um áhorfendastúkur fótboltans sem á þessum árum glímdu oft við ólæti og slagsmál stuðningsmanna. Danir höfðu verið valdir bestu stuðningsmennirnir á EM 1984 og höfðu unnið hug og hjörtu heimsins með litríkri og skemmtilegri framkomu sinni. Liðið sjálft var líka frábært sem það sýndi i riðlakeppninni á HM í Mexíkó. Með framherjann Preben Elkjær Larsen og hinn magnaða Michael Laudrup í stuði þá áttu Skotland, Úrúgvæ og Vestur-Þýskaland engin svör.Vísir/GettyDanir unnu alla þrjá leiki sína í riðlakeppninni og markatalan var 9-1 eftir fyrstu þrjá leikina. Preben Elkjær Larsen skoraði þrennu á móti Úrúgvæ og var kominn með fjögur mörk í keppninni. Menn voru jafnvel farnir að sjá heimsmeistaratitil í hillingum þegar kom að leik Dana á móti Spáni í sextán liða úrslitunum. Leikurinn byrjaði líka vel þegar Jesper Olsen kom Dönum í 1-0 með marki úr vítaspyrnu en skelfileg mistök Olsen færðu Spánverjum jöfnunarmark á silfurfati. Markið skoraði Emilio Butragueno betur þekktur sem gammurinn vegna þess hversu vel hann nýtti sér mistök mótherjanna. Leikur danska liðsins hrundi síðan í seinni hálfleik. Butragueno skoraði þar þrjú mörk og því fjögur alls og fimmta markið skoraði síðan Andoni Goikoetxea. HM-ævintýri Dana endaði því snögglega og þeir voru á heimleið. Á EM tveimur árum seinna töpuðust allir þrír leikirnir og danska liðinu mistókst síðan að komast á HM á Ítalíu 1990. Það hafði sloknað á danska dýnamítinu.Vísir/GettyVísir/GettyVísir/GettyVísir/Getty
HM 2018 í Rússlandi Mest lesið Bein útsending: Íslenska ofurfólkið keppir við þau bestu í heimi Sport Í leyfi eftir að hafa misst fjögurra mánaða afabarn Enski boltinn HM í bakgarðshlaupum: Mari hleypur með rifinn liðþófa | „Veit ekki hvað bíður mín“ Sport Íslensku stelpurnar Evrópumeistarar í fjórða sinn Sport Fannst Inter besti kosturinn: „Ekkert að því að búa í Mílanó“ Fótbolti Eigandinn þuklaði á fyrirliða kvennaliðsins Enski boltinn Í beinni: ÍA - Víkingur | Víkingar ætla að halda toppsætinu Íslenski boltinn Þrjú mörk á sjö mínútum í sannfærandi sigri Spurs Enski boltinn Körfuboltakvöld um Kane: „Finnst hann ekki hafa gert neitt hrikalegt“ Körfubolti Segja loforð svikin á meðan karfan fær stærsta íþróttahús landsins Sport Fleiri fréttir Í beinni: Man. Utd. - Brentford | Hitnar enn frekar undir Ten Hag? Þrjú mörk á sjö mínútum í sannfærandi sigri Spurs Í beinni: ÍA - Víkingur | Víkingar ætla að halda toppsætinu Í beinni: FH - Valur | Valsmenn þurfa sigur í Evrópubaráttunni Í beinni: KA - Vestri | Vestramenn geta farið langt með að halda sér uppi Ísak reiddist dómaranum og lagði þá bara upp mark í staðinn Eigandinn þuklaði á fyrirliða kvennaliðsins Fannst Inter besti kosturinn: „Ekkert að því að búa í Mílanó“ Í leyfi eftir að hafa misst fjögurra mánaða afabarn „Ævintýri og lygar í boði sumra ykkar“ Fanney seld fyrir upphæð sem „ekki hefur sést“ og Tinna kemur í staðinn Jón Dagur út í hálfleik en upp um þrjú sæti Sara öflug og komst áfram í bikarnum Mainoo frá í nokkrar vikur Fanney sögð á leið til Svíþjóðar Nýir þjálfarar drepi alla sköpun Ræddu við tíu en fáir kannast við símtal Tvær breytingar á Bandaríkjahópnum Valdi ekki bestu fótboltakonu heims í landsliðið Messi: Hamingjan skiptir mig meira máli en að spila á HM 2026 Fótboltinn þurfi að njóta vafans hjá Val: „Er mjólkurkýr félagsins“ Vilja prófa að leyfa áfengi á kvennaleikjum í Englandi Börkur hló spurður um framboð: „Talandi um að fara úr öskunni í eldinn“ Sveindís og Amanda áttu strembið Meistaradeildarkvöld Ómar Björn áfram í Bestu deildinni Aðeins tvöfaldur espressó gegn Íslandi Myndasyrpa: Fyrsta skóflustungan tekin og Ásmundur á traktornum Pogba segir að danssagan sé lygi Færeyingar ráku þjálfara sinn Fyrsta skóflustungan tekin á Laugardalsvelli í dag Sjá meira