Þurfti að læra að elska sjálfan sig aftur Hulda Hólmkelsdóttir skrifar 17. maí 2018 13:00 Logi Pedro Stefánsson gefur út sína fyrstu plötu sem sóló-listamaður. Platan hefur titilinn Litlir svartir strákar. Sara Björk Þorsteinsdóttir „Litlir svartir strákar er um litla svarta stráka. Bjart, mig og alla hina,” segir Logi Pedro Stefánsson um nýja plötu sína, en Bjartur er sonur Loga, Bjartur Esteban Pedro, sjö mánaða gamall. Platan Litlir svartir strákar kemur út á Spotify á miðnætti. Þetta er fyrsta plata Loga sem sóló-listamaður en hann hefur komið víða við með Retro Stefson, Sturla Atlas og Young Karin meðal annars. Plötuna samdi Logi á um sex mánaða tímabili frá nóvember til apríl. Platan er einlæg, draumkennd á köflum og á henni er bæði að finna Skítamóral og Króla.Ósigur í reiði „Fólk á það til að tappa ekki af tilfinningunum sínum og tjá þær, og þar af leiðandi springa. Og það er svo mikill ósigur í reiði og biturð,“ segir Logi. „Það er sárt að sjá barnið sitt lítið. Særindi knýja fram tilfinningar og víbrur, tilfinningar og víbrur skapa list...“ Lögin eru eðli málsins samkvæmt mörg hver mjög persónuleg og segir Logi að fólk hafi sínar skoðanir á um hvern og hverja textarnir eru. Sem dæmi má nefna lagið Dúfan mín sem kom út fyrr á þessu ári. Þar syngur Logi:„Þúsund litlar fiðlur til að grenja við, dúfan mín ég vild‘ég gæti hitt á þig“„Ég fæ oft að heyra sögur af því um hverja og hvað lögin eru, og það er alltaf skemmtilegt hvað fólk les mismunandi í textana. En engin ein túlkun er til. Þetta eru ekki frásagnir frá atburðum, en þetta eru frásagnir af víbrum og tilfinningum. Dúfan er ekki sú/sá sem þú heldur. Eða hvað?“ „Við höfum öll gengið í gegnum erfið ferðalög, erfið sambönd og erfið samskipti. Við höfum öll grátið og mörg gefist upp. Út í nóttina, út í bláinn. Og strákar eiga svo erfitt með að opna sig. Það er búið að móta okkur þannig. Og á hverju ári brotna heilu fjölskyldurnar af því að við getum ekki tappað af og talað.“Maison Pedro og innsigli þess eru úthugsuð.Logi PedroFerli sem klárast aldrei Logi segist hafa spurt sig að því hvernig maður byggi sig upp á nýtt, hvernig maður verði að góðu foreldri og hvernig maður geti elskað aðra ef maður elskar ekki sjálfan sig. „Ég þurfti að læra að elska sjálfan mig aftur. Leita til vina og fjölskyldu þegar mér líður illa og þegar að utanaðkomandi aðstæður þyrma yfir mig. Bara hætta að fela mig og húka einn með allar áhyggjur og þyngsli heimsins á öxlunum, opna mig. Leyfa mér að treysta aftur. Og þetta er ferli sem klárast aldrei,“ segir Logi. „Og ég upplifði og upplifi svo margt og margar tilfinningar. Ég vil elska aftur. Ég vil borða matinn hennar mömmu oftar. Ég vil leyfa Unnsteini að leiða mig, eins og hann hefur gert allt mitt líf. Ég vil sjá pabba og Stíg og Stefán Garðar meira.“ Umræddur Stígur er bróðir Loga og Stefán Garðar er bróðursonur hans. Landsmenn þekkja flestir þriðja Stefánssoninn, Unnstein Manuel. Logi Pedro og sonur hans Bjartur Esteban Pedro.Vísir/EyþórFjölskylda skipar greinilega stóran sess í sköpun Loga þessi misserin. Hann er sem fyrr segir nýbakaður faðir en hann eignaðist sinn fyrsta son í október á síðasta ári. „Ég vildi finna hús. Hús fyrir mig og Bjart. Skilja eftir eitthvað sem að hann gæti átt og leitað í þegar ég verð ekki til staðar lengur. Stað sem hann kallar sitt heimili. Húsið okkar. Maison Pedro. Hús lista. Hús tilfinninga. Hús sem að ber skjöld og tákn sem að hafa merkingu. Angólsku antílópuna, hjartað sem vill elska, vogina og sæhestinn sem stendur af sér af allar undiröldur. Griðastað,“ segir Logi en á myndskreytingum sem fylgja plötunni má finna innsigli Maison Pedro þar sem antílópan, hjartað, vogin og sæhesturinn fá sitt pláss. „Tveir litlir svartir strákar gráta, og það er gott.“ Nú má streyma plötunni í heild sinni hér að neðan: Tengdar fréttir Föðurhlutverkið eins og endurforritun Logi Pedro Stefánsson rekur ásamt öðrum plötufyrirtækið Les Frères Stefson sem dælir út smellunum. Logi varð faðir fyrir ekki margt löngu og ræðir hvernig þetta tvennt fer saman. 17. febrúar 2018 11:00 Mest lesið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Í hnapphelduna með krókódílamanninum Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Hvað gerði Diddy? Mansal, ofbeldi og samsæriskenningar um Justin Bieber Lífið Umdeilt uppáhald arkitekts við Austurvöll Lífið „Siðlausi siðfræðingurinn“ hreyfir ekki við Stefáni Einari Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira
„Litlir svartir strákar er um litla svarta stráka. Bjart, mig og alla hina,” segir Logi Pedro Stefánsson um nýja plötu sína, en Bjartur er sonur Loga, Bjartur Esteban Pedro, sjö mánaða gamall. Platan Litlir svartir strákar kemur út á Spotify á miðnætti. Þetta er fyrsta plata Loga sem sóló-listamaður en hann hefur komið víða við með Retro Stefson, Sturla Atlas og Young Karin meðal annars. Plötuna samdi Logi á um sex mánaða tímabili frá nóvember til apríl. Platan er einlæg, draumkennd á köflum og á henni er bæði að finna Skítamóral og Króla.Ósigur í reiði „Fólk á það til að tappa ekki af tilfinningunum sínum og tjá þær, og þar af leiðandi springa. Og það er svo mikill ósigur í reiði og biturð,“ segir Logi. „Það er sárt að sjá barnið sitt lítið. Særindi knýja fram tilfinningar og víbrur, tilfinningar og víbrur skapa list...“ Lögin eru eðli málsins samkvæmt mörg hver mjög persónuleg og segir Logi að fólk hafi sínar skoðanir á um hvern og hverja textarnir eru. Sem dæmi má nefna lagið Dúfan mín sem kom út fyrr á þessu ári. Þar syngur Logi:„Þúsund litlar fiðlur til að grenja við, dúfan mín ég vild‘ég gæti hitt á þig“„Ég fæ oft að heyra sögur af því um hverja og hvað lögin eru, og það er alltaf skemmtilegt hvað fólk les mismunandi í textana. En engin ein túlkun er til. Þetta eru ekki frásagnir frá atburðum, en þetta eru frásagnir af víbrum og tilfinningum. Dúfan er ekki sú/sá sem þú heldur. Eða hvað?“ „Við höfum öll gengið í gegnum erfið ferðalög, erfið sambönd og erfið samskipti. Við höfum öll grátið og mörg gefist upp. Út í nóttina, út í bláinn. Og strákar eiga svo erfitt með að opna sig. Það er búið að móta okkur þannig. Og á hverju ári brotna heilu fjölskyldurnar af því að við getum ekki tappað af og talað.“Maison Pedro og innsigli þess eru úthugsuð.Logi PedroFerli sem klárast aldrei Logi segist hafa spurt sig að því hvernig maður byggi sig upp á nýtt, hvernig maður verði að góðu foreldri og hvernig maður geti elskað aðra ef maður elskar ekki sjálfan sig. „Ég þurfti að læra að elska sjálfan mig aftur. Leita til vina og fjölskyldu þegar mér líður illa og þegar að utanaðkomandi aðstæður þyrma yfir mig. Bara hætta að fela mig og húka einn með allar áhyggjur og þyngsli heimsins á öxlunum, opna mig. Leyfa mér að treysta aftur. Og þetta er ferli sem klárast aldrei,“ segir Logi. „Og ég upplifði og upplifi svo margt og margar tilfinningar. Ég vil elska aftur. Ég vil borða matinn hennar mömmu oftar. Ég vil leyfa Unnsteini að leiða mig, eins og hann hefur gert allt mitt líf. Ég vil sjá pabba og Stíg og Stefán Garðar meira.“ Umræddur Stígur er bróðir Loga og Stefán Garðar er bróðursonur hans. Landsmenn þekkja flestir þriðja Stefánssoninn, Unnstein Manuel. Logi Pedro og sonur hans Bjartur Esteban Pedro.Vísir/EyþórFjölskylda skipar greinilega stóran sess í sköpun Loga þessi misserin. Hann er sem fyrr segir nýbakaður faðir en hann eignaðist sinn fyrsta son í október á síðasta ári. „Ég vildi finna hús. Hús fyrir mig og Bjart. Skilja eftir eitthvað sem að hann gæti átt og leitað í þegar ég verð ekki til staðar lengur. Stað sem hann kallar sitt heimili. Húsið okkar. Maison Pedro. Hús lista. Hús tilfinninga. Hús sem að ber skjöld og tákn sem að hafa merkingu. Angólsku antílópuna, hjartað sem vill elska, vogina og sæhestinn sem stendur af sér af allar undiröldur. Griðastað,“ segir Logi en á myndskreytingum sem fylgja plötunni má finna innsigli Maison Pedro þar sem antílópan, hjartað, vogin og sæhesturinn fá sitt pláss. „Tveir litlir svartir strákar gráta, og það er gott.“ Nú má streyma plötunni í heild sinni hér að neðan:
Tengdar fréttir Föðurhlutverkið eins og endurforritun Logi Pedro Stefánsson rekur ásamt öðrum plötufyrirtækið Les Frères Stefson sem dælir út smellunum. Logi varð faðir fyrir ekki margt löngu og ræðir hvernig þetta tvennt fer saman. 17. febrúar 2018 11:00 Mest lesið Ætlar í blómabað á Balí með manninum sínum Lífið Íslensk börn skorti meiri aga Lífið Kolbrún ber laxerolíu á andlitið Lífið Í hnapphelduna með krókódílamanninum Lífið Fyndnustu dýralífsmyndir ársins Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Hvað gerði Diddy? Mansal, ofbeldi og samsæriskenningar um Justin Bieber Lífið Umdeilt uppáhald arkitekts við Austurvöll Lífið „Siðlausi siðfræðingurinn“ hreyfir ekki við Stefáni Einari Lífið Fleiri fréttir Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Ótrúlega slakandi raftónlistarhátíð í fimmtánda skiptið Segir Marr hafa stöðvað endurkomu The Smiths Fjörutíu blaðamönnum boðið en enginn mætti Stormaði út með látum en gafst svo upp á skrifstofustarfinu Dásamar Charlie XCX þrátt fyrir orðróminn Slíðra sverðin og boða endurkomu sveitarinnar Snorri valinn á lista 20 undir 30 hjá tímaritinu IQ Valin á lista efstu tuttugu hjá Norðurlöndunum Helgi Björns með splunkunýtt tónlistarmyndband Chappell Roan biður um frið: „Konur skulda ykkur ekki skít“ Aron Can með stóra tónleika erlendis Haustinu fagnað með tónleikum á Kaffi Flóru Nýdönsk og ADHD fá hvorar tvær milljónirnar Sjá meira
Föðurhlutverkið eins og endurforritun Logi Pedro Stefánsson rekur ásamt öðrum plötufyrirtækið Les Frères Stefson sem dælir út smellunum. Logi varð faðir fyrir ekki margt löngu og ræðir hvernig þetta tvennt fer saman. 17. febrúar 2018 11:00