Flettu ofan af einu stærsta skattsvikamáli sögunnar Stefán Ó. Jónsson skrifar 19. október 2018 12:00 Meðal þeirra banka sem tóku þátt í gjörningunum var hinn breski Barclays. Getty/Gerry Yeowell Alþjóðlegur hópur blaðamanna telur sig hafa afhjúpað eitthvert stærsta skattsvikamál sem upp hefur komið í Evrópu. Um sé að ræða heljarinnar skattsvikafléttu sem þeir telja að standi enn yfir. Umfang málsins er gríðarlegt og tekur til fjölda Evrópulanda og margra af stærstu bönkum heims; eins og Barclays, Merrill Lynch, JP Morgan, Morgan Stanley, BNP Paribas, Banco Santander, Macquarie Bank og Deutsche Bank. Blaðamannahópurinn telur að með því að nýta sér gloppur í skatta- og hlutafélagalöggjöfum Evrópuríkja hafi ósvífnum kaupsýslumönnum tekist að hafa hið minnsta 7400 milljarða íslenskra króna, á gengi dagsins í dag, úr ríkiskössum Þýskalands, Danmerkur, Belgíu, Frakklands og Ítalíu. Aðferðir kaupsýslumannanna eru sagðar „gríðarlega flóknar“ og án „nokkurrar sýnilegrar ástæðu,“ annarrar en að þiggja skattaendurgreiðslur úr ríkissjóðum landanna - án þess þó að greiða nokkurn skatt til að byrja með.Á vef sem alþjóðlegi blaðamannahópurinn, sem samanstendur af fréttamönnum frá danska ríkisútvarpinu, Politiken, Le Monde, Reuters, Die Zeit, ARD og þrettán öðrum evrópskum miðlum, er fléttunni lýst með eftirfarandi hætti:Búið er að koma upp vef þar sem greint er frá niðurstöðum hópsins.SkjáskotÞátttakendurnir lánuðu hvorum öðrum hlutabréf í stórfyrirtækjum með það fyrir augum að telja skattayfirvöldum trú um að eigendur bréfanna væru tveir. Bankinn sem hélt utan um gjörninginn sendi nýja fjárfestinum svo „staðfestingu“ á því að búið væri að greiða skatta af arðgreiðslum vegna bréfanna - þrátt fyrir að alls ekki væri búið að því. Með þessa staðfestingu upp á arminn gat fjárfestirinn svo leitað til stjórnvalda og fengið endurgreiðslu á meintri skattgreiðslu. „Þetta er svolítið eins og foreldrar sem sækja um barnabætur fyrir tvö - eða fleiri - börn, þó svo að það sé aðeins eitt barn á heimilinu,“ segir í niðurlagi útskýringarinnar. Danska ríkisútvarpið áætlar að í svæsnustu tilfellum hafi fjárfestum tekist að fá sama skattinn endurgreiddan um tíu sinnum. Í öðrum tilfellum nýttu fjárfestarnir sér mun sem finna má í skattalöggjöfum milli ríkja og í enn öðrum var um hefðbundnari skattlagabrot að ræða; fjárfestar borguðu hreinlega ekki skattana sem þeim bar.Topparnir samþykktu Gögnin sem blaðamennirnir byggja umfjöllun sína á telja rúmlega 180 þúsund blaðsíður; tölvupóstar, minnisblöð úr bönkum, kvittanir, hlutabréfaútlistanir auk símtala og yfirheyrsla sem framkvæmdar voru af þýsku lögregunni frá 2012 fram til septembermánaðar árið 2018. Rannsóknin leiðir einnig í ljós að fyrrnefndir gjörningar hafi verið framkvæmdir frá árinu 2001 hið minnsta og standi líklega enn yfir í einhverjum ríkjum Evrópu, þrátt fyrir að stjórnvöld, til að mynda þau þýsku, hafi reynt að girða fyrir gloppurnar. Þá bera gögnin jafnframt með sér að gjörningarnir hafi alla jafna verið samþykktir af yfirstjórnum fyrrnefndra stórbanka. Hér að neðan má sjá áætlað kostnað sem eftirtaldir ríkissjóðir hafa þurft að bera vegna brotanna. Taflan er fengin af vef danska ríkisútvarpsins, er á dönsku og upphæðin er gefin upp í dönskum krónum. Gengi dönsku krónunnar er um 18 íslenskar krónur þegar þetta er skrifað. Nánar má fræðast um Cumex-brotin á vef hins þýska Correctiv, sem hélt utan um vinnu blaðamannanna.DR.DK Mest lesið „Enginn kvartað yfir því þegar ég hef skúrað“ Atvinnulíf Frestun sölu Íslandsbanka jákvæð fyrir markaðinn Viðskipti innlent Kormákur og Skjöldur flytja í Brynjuhúsið eftir algjöra yfirhalningu Viðskipti innlent Óljóst hvort breytingarnar bjargi rekstri Play Viðskipti innlent Play í frjálsu falli Viðskipti innlent Sölunni slegið á frest Viðskipti innlent Hagkaup hættir sölu á Sodastream í kjölfar mótmæla Viðskipti innlent Ekki trompast við fólk í vinnu eða á fundum Atvinnulíf „Síðan kemur í ljós að við erum í gjörólíkum störfum“ Atvinnulíf „Opinberi geirinn er að breytast og þar þarf mikinn fjölda verkefnastjóra“ Atvinnulíf Fleiri fréttir Bein útsending: Hver hlýtur hagfræðiverðlaun sænska seðlabankans? United Airlines hefur flug milli New York og Nuuk Viðskiptavinir gjaldþrota rafmyntakauphallar endurheimta milljarða Samþykktu allt að 45 prósent toll á kínverska rafbíla Samið um lok umfangsmikils verkfalls hafnarverkamanna Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Sjá meira
Alþjóðlegur hópur blaðamanna telur sig hafa afhjúpað eitthvert stærsta skattsvikamál sem upp hefur komið í Evrópu. Um sé að ræða heljarinnar skattsvikafléttu sem þeir telja að standi enn yfir. Umfang málsins er gríðarlegt og tekur til fjölda Evrópulanda og margra af stærstu bönkum heims; eins og Barclays, Merrill Lynch, JP Morgan, Morgan Stanley, BNP Paribas, Banco Santander, Macquarie Bank og Deutsche Bank. Blaðamannahópurinn telur að með því að nýta sér gloppur í skatta- og hlutafélagalöggjöfum Evrópuríkja hafi ósvífnum kaupsýslumönnum tekist að hafa hið minnsta 7400 milljarða íslenskra króna, á gengi dagsins í dag, úr ríkiskössum Þýskalands, Danmerkur, Belgíu, Frakklands og Ítalíu. Aðferðir kaupsýslumannanna eru sagðar „gríðarlega flóknar“ og án „nokkurrar sýnilegrar ástæðu,“ annarrar en að þiggja skattaendurgreiðslur úr ríkissjóðum landanna - án þess þó að greiða nokkurn skatt til að byrja með.Á vef sem alþjóðlegi blaðamannahópurinn, sem samanstendur af fréttamönnum frá danska ríkisútvarpinu, Politiken, Le Monde, Reuters, Die Zeit, ARD og þrettán öðrum evrópskum miðlum, er fléttunni lýst með eftirfarandi hætti:Búið er að koma upp vef þar sem greint er frá niðurstöðum hópsins.SkjáskotÞátttakendurnir lánuðu hvorum öðrum hlutabréf í stórfyrirtækjum með það fyrir augum að telja skattayfirvöldum trú um að eigendur bréfanna væru tveir. Bankinn sem hélt utan um gjörninginn sendi nýja fjárfestinum svo „staðfestingu“ á því að búið væri að greiða skatta af arðgreiðslum vegna bréfanna - þrátt fyrir að alls ekki væri búið að því. Með þessa staðfestingu upp á arminn gat fjárfestirinn svo leitað til stjórnvalda og fengið endurgreiðslu á meintri skattgreiðslu. „Þetta er svolítið eins og foreldrar sem sækja um barnabætur fyrir tvö - eða fleiri - börn, þó svo að það sé aðeins eitt barn á heimilinu,“ segir í niðurlagi útskýringarinnar. Danska ríkisútvarpið áætlar að í svæsnustu tilfellum hafi fjárfestum tekist að fá sama skattinn endurgreiddan um tíu sinnum. Í öðrum tilfellum nýttu fjárfestarnir sér mun sem finna má í skattalöggjöfum milli ríkja og í enn öðrum var um hefðbundnari skattlagabrot að ræða; fjárfestar borguðu hreinlega ekki skattana sem þeim bar.Topparnir samþykktu Gögnin sem blaðamennirnir byggja umfjöllun sína á telja rúmlega 180 þúsund blaðsíður; tölvupóstar, minnisblöð úr bönkum, kvittanir, hlutabréfaútlistanir auk símtala og yfirheyrsla sem framkvæmdar voru af þýsku lögregunni frá 2012 fram til septembermánaðar árið 2018. Rannsóknin leiðir einnig í ljós að fyrrnefndir gjörningar hafi verið framkvæmdir frá árinu 2001 hið minnsta og standi líklega enn yfir í einhverjum ríkjum Evrópu, þrátt fyrir að stjórnvöld, til að mynda þau þýsku, hafi reynt að girða fyrir gloppurnar. Þá bera gögnin jafnframt með sér að gjörningarnir hafi alla jafna verið samþykktir af yfirstjórnum fyrrnefndra stórbanka. Hér að neðan má sjá áætlað kostnað sem eftirtaldir ríkissjóðir hafa þurft að bera vegna brotanna. Taflan er fengin af vef danska ríkisútvarpsins, er á dönsku og upphæðin er gefin upp í dönskum krónum. Gengi dönsku krónunnar er um 18 íslenskar krónur þegar þetta er skrifað. Nánar má fræðast um Cumex-brotin á vef hins þýska Correctiv, sem hélt utan um vinnu blaðamannanna.DR.DK
Mest lesið „Enginn kvartað yfir því þegar ég hef skúrað“ Atvinnulíf Frestun sölu Íslandsbanka jákvæð fyrir markaðinn Viðskipti innlent Kormákur og Skjöldur flytja í Brynjuhúsið eftir algjöra yfirhalningu Viðskipti innlent Óljóst hvort breytingarnar bjargi rekstri Play Viðskipti innlent Play í frjálsu falli Viðskipti innlent Sölunni slegið á frest Viðskipti innlent Hagkaup hættir sölu á Sodastream í kjölfar mótmæla Viðskipti innlent Ekki trompast við fólk í vinnu eða á fundum Atvinnulíf „Síðan kemur í ljós að við erum í gjörólíkum störfum“ Atvinnulíf „Opinberi geirinn er að breytast og þar þarf mikinn fjölda verkefnastjóra“ Atvinnulíf Fleiri fréttir Bein útsending: Hver hlýtur hagfræðiverðlaun sænska seðlabankans? United Airlines hefur flug milli New York og Nuuk Viðskiptavinir gjaldþrota rafmyntakauphallar endurheimta milljarða Samþykktu allt að 45 prósent toll á kínverska rafbíla Samið um lok umfangsmikils verkfalls hafnarverkamanna Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Sjá meira