Nautgripabændur sem leiddu vopnuð umsátur lausir mála Kjartan Kjartansson skrifar 9. janúar 2018 11:28 Cliven Bundy vakti athygli þegar hann sagði að blökkumenn væru ef til vill hamingjusamara ef þeir væru ennþá þrælar í Bandaríkjunum. Vísir/AFP Fjölskylda búgarðseigenda frá Nevada slapp undan ákærum um líkamsárás, hótanir gegn alríkisstjórninni og vopnalagabrot þegar alríkisdómari vísaði þeim frá í gær. Dómsigur fjölskyldunnar er talinn vera vatn á myllu vopnaðra sveita hægriöfgamanna í Bandaríkjunum. Bundy-fjölskyldan frá Nevada varð alræmd þegar hún stóð í tvígang fyrir vopnuðum átökum við bandarísk alríkisyfirvöld um yfirráð yfir opinberu landi. Í fyrra skiptið neituðu Cliven Bundy, nautgripastórbóndi, og synir hans að greiða alríkisstjórninni fyrir notkun á vernduðu alríkislandi sem þeir höfðu beitt nautgripum sínum á um áratugaskeið. Þegar fulltrúar alríkisstjórnarinnar hugðust leggja hald á nautgripina söfnuðustu hundruð stuðningsmanna Bundy-fjölskyldunnar saman á búgarði hennar í Bunkerville í Nevada og komu í veg fyrir það árið 2014.Stöðvuðu fulltrúa alríkisstjórnarinnar gráir fyrir járnumUmsátursástand upphófst í kjölfarið en sumir stuðningsmanna fjölskyldunnar mættu gráir fyrir járnum. Hótuðu þeir að skjóta ef lögreglan hæfi aðgerðir gegn þeim. Bundy og synir hans Ammon og Ryan voru ákærðir fyrir líkamsárás, hótanir gegn alríkisstjórninni, vopnalagabrot og fyrir að hindra framgang réttvísinnar í tengslum við umsátrið. Á endanum þurftu fulltrúar alríkisstjórnarinnar frá að hverfa. Átökin voru talinn mikill sigur fyrir hreyfingu sem er andsnúin yfirráðum alríkisstjórnarinnar yfir landsvæðum í vesturhluta Bandaríkjanna. Bundy varð að hetju sumra hægrisinnaðra aðgerðasinna í Bandaríkjunum þó að glansinn hafi farið að hluta til af honum þegar upptökur skutu upp kollinum þar sem nautgripaeigandinn heyrðist tala um að bandarískir blökkumenn hefðu það ef til vill betra sem þrælar.Ammon Bundy var helsti leiðtogi hústökumannanna á náttúruverndarsvæðinu í Oregon í janúar 2016.Vísir/GettyUmsátur í Oregon endaði með mannfalliSynirnir tveir leiddu síðar vopnað umsátur á Malheur-náttúruverndarsvæðinu í Oregon-ríki sem þeir sölsuðu undir sig í janúar árið 2016 til að mótmæla fangelsun tveggja bænda sem höfðu kveikt í alríkislandi. Því lauk eftir nokkrar vikur með átökum við lögreglu sem leiddi til þess að einn forsprakka hópsins var skotinn til bana. Kviðdómur í Oregon hafði þegar sýknað Ammon og Ryan vegna umsátursins þar fyrir tveimur árum. Eftir stóðu þá ákærurnar vegna umsátursins á búgarðinum í Nevada tveimur árum áður. Dómari ógilti hins vegar réttarhöldin í því máli eftir að verjendur Bundy-fjölskyldunnar sökuðu saksóknara um að halda frá þeim upplýsingum.Lýsir sér sem pólitískum fangaÍ gær synjaði dómari í Las Vegas svo saksóknurunum um að leggja ákærurnar fram aftur vegna misferlis þeirra, að því er kemur fram í frétt The Guardian. Washington Post segir að tveir aðrir synir Cliven eigi enn yfir höfði sér ákærur vegna umsátursins í Bunkerville. Cliven Bundy, sem er 71 árs gamall, var í kjölfarið sleppt úr fangelsi þar sem hann hefur dúsað síðustu tvö árin. „Mér líður nokkuð vel. Ég er ekki vanur því að vera frjáls. Ég hef verið pólitískur fangi,“ sagði Bundy þegar hann kom úr fangelsinu. Náttúruverndar- og umhverfissinnar eru þó ekki sáttir við niðurstöðuna. Þeir telja að hún komi til með að efla þá sem standa upp í hárinu á alríkissyfirvöldum sem reyna að vernda opinbert land, að því er segir í frétt Washington Post. Sérfræðingar óttast jafnframt að niðurstaðan muni leiða til þess að fleiri hópar muni reyna sambærilegar aðgerðir og Bundy-fjölskyldan gegn alríkisstjórninni. Mest lesið Diljá Mist segir hræsni einkenna íslenska femínista Innlent Íslensk kona og fjölskylda hennar á sjúkrahúsi eftir árás á Krít Innlent „Væri ekki að fara ef ekki væri fyrir góðvild fólks“ Innlent Munaði engu að ökumaður straujaði niður nítján hjólreiðamenn Innlent Dvaldi lengi í Engey áður en hún synti til baka í flasið á hvalaskoðunarskipi Innlent Stórhættulegur framúrakstur á Holtavörðuheiði Innlent Veitingamenn berjist í bökkum Innlent Eitraði fyrir sjálfri sér og ferðafélögum sínum með blásýru Erlent Metfjöldi sérsveitarmanna á Þjóðhátíð í sumar Innlent Sérsveit þurfti ekki að skerast í leikinn vegna ferðamanns á tjaldstæði Innlent Fleiri fréttir Biden leggur lokahönd á tillögur að breytingum á hæstarétti Bretar samþykkja sölu dýrafóðurs úr ræktaðri kjötvöru Eitraði fyrir sjálfri sér og ferðafélögum sínum með blásýru Stefna Starmers mörkuð í ræðu konungs Íranir hafna aðild að banatilræðinu Ekkert nema ást og aðdáun á landsþingi Repúblikana Valið á Vance fyrirboði einangrunarhyggju í utanríkismálum Tveir fundust skotnir til bana í brunnum bíl í Malmö Grunar að Íranir hafi skipulagt morð á Trump fyrir atburði vikunnar Vonar að árásin gegn Trump veki Bandaríkjamenn Hver er J.D. Vance? Pattstaða í Frakklandi Segja Musk hyggjast styrkja Trump um 45 milljónir dala á mánuði „Búið að leggja upp dauðafæri fyrir Donald Trump“ Kallaði Trump „Hitler Ameríku“ og studdi Never Trump-hreyfinguna J.D. Vance verður varaforsetaefni Trump Leyniskjalamáli Trump vísað frá dómi Fulltrúar Hamas og Fatah funda í Kína í næstu viku Hringurinn þrengist í leitinni að varaforsetaefni Lík Jay Slater fundið Kallas segir af sér vegna nýja starfsins Raðmorðingi játar að hafa myrt allt að 42 konur Katrínu tekið fagnandi á Wimbledon „Ég ætti að vera dauður“ Tæki 100 flutningabifreiðar 15 ár að flytja húsarústirnar á brott Ávarpaði þjóðina og hvatti menn til að „kæla“ orðræðuna Ástand hinna særðu sagt stöðugt Íslenskir ráðamenn verið skammaðir fyrir að senda Trump batakveðju Hinn látni slökkviliðsmaður sem fórnaði sér fyrir fjölskylduna Fundu sprengjur í bíl og á heimili árásarmannsins Sjá meira
Fjölskylda búgarðseigenda frá Nevada slapp undan ákærum um líkamsárás, hótanir gegn alríkisstjórninni og vopnalagabrot þegar alríkisdómari vísaði þeim frá í gær. Dómsigur fjölskyldunnar er talinn vera vatn á myllu vopnaðra sveita hægriöfgamanna í Bandaríkjunum. Bundy-fjölskyldan frá Nevada varð alræmd þegar hún stóð í tvígang fyrir vopnuðum átökum við bandarísk alríkisyfirvöld um yfirráð yfir opinberu landi. Í fyrra skiptið neituðu Cliven Bundy, nautgripastórbóndi, og synir hans að greiða alríkisstjórninni fyrir notkun á vernduðu alríkislandi sem þeir höfðu beitt nautgripum sínum á um áratugaskeið. Þegar fulltrúar alríkisstjórnarinnar hugðust leggja hald á nautgripina söfnuðustu hundruð stuðningsmanna Bundy-fjölskyldunnar saman á búgarði hennar í Bunkerville í Nevada og komu í veg fyrir það árið 2014.Stöðvuðu fulltrúa alríkisstjórnarinnar gráir fyrir járnumUmsátursástand upphófst í kjölfarið en sumir stuðningsmanna fjölskyldunnar mættu gráir fyrir járnum. Hótuðu þeir að skjóta ef lögreglan hæfi aðgerðir gegn þeim. Bundy og synir hans Ammon og Ryan voru ákærðir fyrir líkamsárás, hótanir gegn alríkisstjórninni, vopnalagabrot og fyrir að hindra framgang réttvísinnar í tengslum við umsátrið. Á endanum þurftu fulltrúar alríkisstjórnarinnar frá að hverfa. Átökin voru talinn mikill sigur fyrir hreyfingu sem er andsnúin yfirráðum alríkisstjórnarinnar yfir landsvæðum í vesturhluta Bandaríkjanna. Bundy varð að hetju sumra hægrisinnaðra aðgerðasinna í Bandaríkjunum þó að glansinn hafi farið að hluta til af honum þegar upptökur skutu upp kollinum þar sem nautgripaeigandinn heyrðist tala um að bandarískir blökkumenn hefðu það ef til vill betra sem þrælar.Ammon Bundy var helsti leiðtogi hústökumannanna á náttúruverndarsvæðinu í Oregon í janúar 2016.Vísir/GettyUmsátur í Oregon endaði með mannfalliSynirnir tveir leiddu síðar vopnað umsátur á Malheur-náttúruverndarsvæðinu í Oregon-ríki sem þeir sölsuðu undir sig í janúar árið 2016 til að mótmæla fangelsun tveggja bænda sem höfðu kveikt í alríkislandi. Því lauk eftir nokkrar vikur með átökum við lögreglu sem leiddi til þess að einn forsprakka hópsins var skotinn til bana. Kviðdómur í Oregon hafði þegar sýknað Ammon og Ryan vegna umsátursins þar fyrir tveimur árum. Eftir stóðu þá ákærurnar vegna umsátursins á búgarðinum í Nevada tveimur árum áður. Dómari ógilti hins vegar réttarhöldin í því máli eftir að verjendur Bundy-fjölskyldunnar sökuðu saksóknara um að halda frá þeim upplýsingum.Lýsir sér sem pólitískum fangaÍ gær synjaði dómari í Las Vegas svo saksóknurunum um að leggja ákærurnar fram aftur vegna misferlis þeirra, að því er kemur fram í frétt The Guardian. Washington Post segir að tveir aðrir synir Cliven eigi enn yfir höfði sér ákærur vegna umsátursins í Bunkerville. Cliven Bundy, sem er 71 árs gamall, var í kjölfarið sleppt úr fangelsi þar sem hann hefur dúsað síðustu tvö árin. „Mér líður nokkuð vel. Ég er ekki vanur því að vera frjáls. Ég hef verið pólitískur fangi,“ sagði Bundy þegar hann kom úr fangelsinu. Náttúruverndar- og umhverfissinnar eru þó ekki sáttir við niðurstöðuna. Þeir telja að hún komi til með að efla þá sem standa upp í hárinu á alríkissyfirvöldum sem reyna að vernda opinbert land, að því er segir í frétt Washington Post. Sérfræðingar óttast jafnframt að niðurstaðan muni leiða til þess að fleiri hópar muni reyna sambærilegar aðgerðir og Bundy-fjölskyldan gegn alríkisstjórninni.
Mest lesið Diljá Mist segir hræsni einkenna íslenska femínista Innlent Íslensk kona og fjölskylda hennar á sjúkrahúsi eftir árás á Krít Innlent „Væri ekki að fara ef ekki væri fyrir góðvild fólks“ Innlent Munaði engu að ökumaður straujaði niður nítján hjólreiðamenn Innlent Dvaldi lengi í Engey áður en hún synti til baka í flasið á hvalaskoðunarskipi Innlent Stórhættulegur framúrakstur á Holtavörðuheiði Innlent Veitingamenn berjist í bökkum Innlent Eitraði fyrir sjálfri sér og ferðafélögum sínum með blásýru Erlent Metfjöldi sérsveitarmanna á Þjóðhátíð í sumar Innlent Sérsveit þurfti ekki að skerast í leikinn vegna ferðamanns á tjaldstæði Innlent Fleiri fréttir Biden leggur lokahönd á tillögur að breytingum á hæstarétti Bretar samþykkja sölu dýrafóðurs úr ræktaðri kjötvöru Eitraði fyrir sjálfri sér og ferðafélögum sínum með blásýru Stefna Starmers mörkuð í ræðu konungs Íranir hafna aðild að banatilræðinu Ekkert nema ást og aðdáun á landsþingi Repúblikana Valið á Vance fyrirboði einangrunarhyggju í utanríkismálum Tveir fundust skotnir til bana í brunnum bíl í Malmö Grunar að Íranir hafi skipulagt morð á Trump fyrir atburði vikunnar Vonar að árásin gegn Trump veki Bandaríkjamenn Hver er J.D. Vance? Pattstaða í Frakklandi Segja Musk hyggjast styrkja Trump um 45 milljónir dala á mánuði „Búið að leggja upp dauðafæri fyrir Donald Trump“ Kallaði Trump „Hitler Ameríku“ og studdi Never Trump-hreyfinguna J.D. Vance verður varaforsetaefni Trump Leyniskjalamáli Trump vísað frá dómi Fulltrúar Hamas og Fatah funda í Kína í næstu viku Hringurinn þrengist í leitinni að varaforsetaefni Lík Jay Slater fundið Kallas segir af sér vegna nýja starfsins Raðmorðingi játar að hafa myrt allt að 42 konur Katrínu tekið fagnandi á Wimbledon „Ég ætti að vera dauður“ Tæki 100 flutningabifreiðar 15 ár að flytja húsarústirnar á brott Ávarpaði þjóðina og hvatti menn til að „kæla“ orðræðuna Ástand hinna særðu sagt stöðugt Íslenskir ráðamenn verið skammaðir fyrir að senda Trump batakveðju Hinn látni slökkviliðsmaður sem fórnaði sér fyrir fjölskylduna Fundu sprengjur í bíl og á heimili árásarmannsins Sjá meira