VARhugaverð þróun í enska boltanum? Ingvi Þór Sæmundsson skrifar 29. janúar 2018 06:30 Craig Pawson dæmdi vítaspyrnu á West Brom í leiknum gegn Liverpool eftir að hafa skoðað atvikið á sjónvarpsskjá á hliðarlínunni. Þetta var í fyrsta sinn sem dómari í leik á Englandi styðst sjálfur við myndbandsupptöku. vísir/getty Það er óhætt að segja að myndbandsdómgæslan svokallaða (VAR) hafi verið í aðalhlutverki þegar West Brom vann Liverpool, 2-3, í 4. umferð ensku bikarkeppninnar á laugardagskvöldið. Þýska og ítalska úrvalsdeildin hafa tekið myndbandsdómgæsluna í gagnið og hún er einnig að ryðja sér rúms á Englandi. Leikurinn á Anfield var sjötti leikurinn milli enskra liða þar sem notast er við myndbandsdómgæslu og hún setti sinn svip á leikinn. Craig Pawson, dómari leiksins, notaðist í þrígang við myndbandsdómgæsluna í fyrri hálfleik. Í öllum tilfellum fékkst rétt niðurstaða en miklar tafir urðu á fyrri hálfleiknum vegna notkunar myndbandsdómgæslunnar. Leikurinn byrjaði mjög fjörlega og strax á 5. mínútu kom Roberto Firmino Liverpool yfir þegar hann vippaði laglega yfir Ben Foster í marki West Brom. Gestirnir tóku miðju og Jay Rodriguez jafnaði metin með góðu skoti. Skömmu síðar kom hann West Brom yfir með sínu öðru marki. Eftir um 20 mínútna leik skoraði Craig Dawson þriðja mark West Brom með skalla eftir hornspyrnu Chris Brunt. Markið var hins vegar dæmt af með hjálp myndbandsdómgæslunnar. Í endursýningu sást að Gareth Barry var rangstæður og hafði áhrif á Simon Mignolet, markvörð Liverpool. Skömmu síðar féll Mohamed Salah í vítateig West Brom eftir viðskipti við Jake Livermore. Eftir að hafa ráðfært sig við myndbandsdómarann Andre Marriner fór Pawson út á hliðarlínu og skoðaði atvikið á sjónvarpsskjá. Eftir mikla rekistefnu dæmdi hann loks vítaspyrnu á Livermore fyrir brot á Salah. Rétt tæpar fjórar mínútur liðu frá brotinu og þangað til vítaspyrnan var tekin. Firmino fór á punktinn en skaut í slá. Í uppbótartíma fyrri hálfleiks skoraði Joël Matip, varnarmaður Liverpool, sjálfsmark og kom West Brom í 1-3. Pawson dæmdi markið gilt eftir að hafa fengið staðfestingu á lögmæti þess hjá Marriner. Staðan var 1-3 eftir fyrri hálfleikinn sem tafðist um 10 mínútur, aðallega vegna notkunar myndbandstækninnar. Þrátt fyrir það var aðeins fjórum mínútum bætt við fyrri hálfleikinn. Seinni hálfleikurinn gekk hraðar fyrir sig. Leikmenn West Brom vörðust af krafti og sýndu góða frammistöðu. Salah minnkaði muninn í 2-3 12 mínútum fyrir leikslok en nær komst Liverpool ekki. Rauði herinn féll því úr leik í 4. umferð ensku bikarkeppninnar þriðja árið í röð. Þetta var jafnframt annað tap Liverpool í röð eftir sigurinn frækna á Manchester City fyrir tveimur vikum. Báðir tapleikirnir komu gegn tveimur neðstu liðum ensku úrvalsdeildarinnar, West Brom og Swansea City. Aðalumræðuefnið eftir leik var samt myndbandsdómgæslan og þau áhrif sem hún hafði á leikinn. Alan Pardew, knattspyrnustjóri West Brom, gaf myndbandsdómgæslunni ekki háa einkunn eftir leikinn. „Dómarinn talaði ekkert við okkur eins og í NFL þar sem er alveg skýrt hvenær myndbandsdómgæslunni er beitt. Við vissum ekki hvað var verið að skoða og af hverju leikurinn var stöðvaður,“ sagði Pardew sem þurfti að gera tvær breytingar á liði sínu í fyrri hálfleik. Hann rekur meiðslin sem viðkomandi leikmenn urðu fyrir til tafanna sem urðu á leiknum. „Það tók 4-5 mínútur að fá niðurstöðu í vítaspyrnumálið. Svo leikmenn fóru úr því að vera á fullu í kyrrstöðu. Eftir það meiddist leikmaður hjá mér aftan í læri.“ Jürgen Klopp, stjóri Liverpool, var jákvæðari í garð myndbandsdómgæslunnar og sagði að það væri eðlilegt ýmsir vankantar væru á framkvæmd hennar í byrjun. „Þetta mun breyta hlutunum. Er það skemmtilegt að West Brom fagni marki og einhver segi þeim svo að það standi ekki? En ég held að þetta sé það sem við viljum. Ef mark á að vera dæmt af á að dæma það af. Það er eðlilegt að þetta taki lengri tíma í upphafi,“ sagði Klopp. Þessi fyrstu kynni Englendinga af myndbandsdómgæslunni voru ekki góð. Eins og áður sagði fékkst rétt niðurstaða en tafirnar á leiknum urðu alltof miklar og allt flæði datt úr leiknum. Myndbandsdómgæslan er góðra gjalda verð en framkvæmdin á henni verður að vera miklu betri en á Anfield á laugardagskvöldið. Enski boltinn Mest lesið „Höfum orðið þess áskynja að það sé mikil ólga útaf leiknum“ Handbolti „Ég horfði á leikinn og sparkaði tebollanum í gólfið“ Enski boltinn „Ferli sem fer í gegnum yfirvöld en ekki íþróttahreyfinguna“ Handbolti „Vorum bara heppnir að landa þessu“ Körfubolti Lögreglan bannar áhorfendur á leikjum Íslands gegn Ísrael Handbolti „Sá það strax að boltinn myndi enda inni“ Fótbolti „Orkustigið var skrítið út af okkur“ Körfubolti Uppgjörið: Grindavík - Valur 90-86 | Einvígið í járnum eftir tæpan sigur Grindjána Körfubolti Uppgjörið: Keflavík - Tindastóll 93-96 | Stólarnir í góðri stöðu eftir dramatík Körfubolti Eitthvað sem læknar segja ekki við þig að ástæðulausu Fótbolti Fleiri fréttir „Ég horfði á leikinn og sparkaði tebollanum í gólfið“ Ekkert mark í grannaslagnum Chelsea tapaði stigum í markalausum Lundúnaslag Tottenham sendi Southampton niður í b-deildina Fyrsta deildartap Liverpool síðan í september „Ég er 100% pirraður“ Mikið breytt lið Villa vann mikilvægan sigur Ekki góður dagur fyrir Meistaradeildardrauma Brighton og Bournemouth Enskir fjölmiðlar segja Chelsea hafa brotið reglur UEFA Everton gerði grönnunum greiða með því að taka stig af Arsenal Amorim: Klikkun að halda að Man United geti unnið ensku úrvalsdeildina „Sorgardagur fyrir Manchester City“ Bruno bestur í mars Fordæma morðhótanir sem Tarkowski hafa borist De Bruyne yfirgefur City eftir tímabilið Húðflúr stuðningsmanns Newcastle gæti orðið algjörlega gagnslaust Haaland flúði Manchester borg Chelsea upp fyrir Man. City og Newcastle Afmæli barnanna og Liverpool-leikir það eina í dagatalinu Fyrsti svarti dómarinn í ensku úrvalsdeildinni lærir að ganga á ný Tímabilinu lokið hjá Gabriel Átti að fá rautt spjald en á í staðinn metið yfir að forðast það Skoraði fyrir látinn litla bróður sinn Stuðningsmenn Chelsea og Man. City þurfa að afhenda lögreglu vegabréf sín Arne Slot: Við vorum ekki heppnir, reglan er svona Tonali tryggði Newcastle dýrmætan sigur Man. City saknaði ekki Haaland í kvöld Mo Salah í myndatökum niður við höfnina í Liverpool Segir að það hafi ekki verið mistök að selja Elanga „Verður vonandi tilbúinn fyrir síðustu leiki tímabilsins“ Sjá meira
Það er óhætt að segja að myndbandsdómgæslan svokallaða (VAR) hafi verið í aðalhlutverki þegar West Brom vann Liverpool, 2-3, í 4. umferð ensku bikarkeppninnar á laugardagskvöldið. Þýska og ítalska úrvalsdeildin hafa tekið myndbandsdómgæsluna í gagnið og hún er einnig að ryðja sér rúms á Englandi. Leikurinn á Anfield var sjötti leikurinn milli enskra liða þar sem notast er við myndbandsdómgæslu og hún setti sinn svip á leikinn. Craig Pawson, dómari leiksins, notaðist í þrígang við myndbandsdómgæsluna í fyrri hálfleik. Í öllum tilfellum fékkst rétt niðurstaða en miklar tafir urðu á fyrri hálfleiknum vegna notkunar myndbandsdómgæslunnar. Leikurinn byrjaði mjög fjörlega og strax á 5. mínútu kom Roberto Firmino Liverpool yfir þegar hann vippaði laglega yfir Ben Foster í marki West Brom. Gestirnir tóku miðju og Jay Rodriguez jafnaði metin með góðu skoti. Skömmu síðar kom hann West Brom yfir með sínu öðru marki. Eftir um 20 mínútna leik skoraði Craig Dawson þriðja mark West Brom með skalla eftir hornspyrnu Chris Brunt. Markið var hins vegar dæmt af með hjálp myndbandsdómgæslunnar. Í endursýningu sást að Gareth Barry var rangstæður og hafði áhrif á Simon Mignolet, markvörð Liverpool. Skömmu síðar féll Mohamed Salah í vítateig West Brom eftir viðskipti við Jake Livermore. Eftir að hafa ráðfært sig við myndbandsdómarann Andre Marriner fór Pawson út á hliðarlínu og skoðaði atvikið á sjónvarpsskjá. Eftir mikla rekistefnu dæmdi hann loks vítaspyrnu á Livermore fyrir brot á Salah. Rétt tæpar fjórar mínútur liðu frá brotinu og þangað til vítaspyrnan var tekin. Firmino fór á punktinn en skaut í slá. Í uppbótartíma fyrri hálfleiks skoraði Joël Matip, varnarmaður Liverpool, sjálfsmark og kom West Brom í 1-3. Pawson dæmdi markið gilt eftir að hafa fengið staðfestingu á lögmæti þess hjá Marriner. Staðan var 1-3 eftir fyrri hálfleikinn sem tafðist um 10 mínútur, aðallega vegna notkunar myndbandstækninnar. Þrátt fyrir það var aðeins fjórum mínútum bætt við fyrri hálfleikinn. Seinni hálfleikurinn gekk hraðar fyrir sig. Leikmenn West Brom vörðust af krafti og sýndu góða frammistöðu. Salah minnkaði muninn í 2-3 12 mínútum fyrir leikslok en nær komst Liverpool ekki. Rauði herinn féll því úr leik í 4. umferð ensku bikarkeppninnar þriðja árið í röð. Þetta var jafnframt annað tap Liverpool í röð eftir sigurinn frækna á Manchester City fyrir tveimur vikum. Báðir tapleikirnir komu gegn tveimur neðstu liðum ensku úrvalsdeildarinnar, West Brom og Swansea City. Aðalumræðuefnið eftir leik var samt myndbandsdómgæslan og þau áhrif sem hún hafði á leikinn. Alan Pardew, knattspyrnustjóri West Brom, gaf myndbandsdómgæslunni ekki háa einkunn eftir leikinn. „Dómarinn talaði ekkert við okkur eins og í NFL þar sem er alveg skýrt hvenær myndbandsdómgæslunni er beitt. Við vissum ekki hvað var verið að skoða og af hverju leikurinn var stöðvaður,“ sagði Pardew sem þurfti að gera tvær breytingar á liði sínu í fyrri hálfleik. Hann rekur meiðslin sem viðkomandi leikmenn urðu fyrir til tafanna sem urðu á leiknum. „Það tók 4-5 mínútur að fá niðurstöðu í vítaspyrnumálið. Svo leikmenn fóru úr því að vera á fullu í kyrrstöðu. Eftir það meiddist leikmaður hjá mér aftan í læri.“ Jürgen Klopp, stjóri Liverpool, var jákvæðari í garð myndbandsdómgæslunnar og sagði að það væri eðlilegt ýmsir vankantar væru á framkvæmd hennar í byrjun. „Þetta mun breyta hlutunum. Er það skemmtilegt að West Brom fagni marki og einhver segi þeim svo að það standi ekki? En ég held að þetta sé það sem við viljum. Ef mark á að vera dæmt af á að dæma það af. Það er eðlilegt að þetta taki lengri tíma í upphafi,“ sagði Klopp. Þessi fyrstu kynni Englendinga af myndbandsdómgæslunni voru ekki góð. Eins og áður sagði fékkst rétt niðurstaða en tafirnar á leiknum urðu alltof miklar og allt flæði datt úr leiknum. Myndbandsdómgæslan er góðra gjalda verð en framkvæmdin á henni verður að vera miklu betri en á Anfield á laugardagskvöldið.
Enski boltinn Mest lesið „Höfum orðið þess áskynja að það sé mikil ólga útaf leiknum“ Handbolti „Ég horfði á leikinn og sparkaði tebollanum í gólfið“ Enski boltinn „Ferli sem fer í gegnum yfirvöld en ekki íþróttahreyfinguna“ Handbolti „Vorum bara heppnir að landa þessu“ Körfubolti Lögreglan bannar áhorfendur á leikjum Íslands gegn Ísrael Handbolti „Sá það strax að boltinn myndi enda inni“ Fótbolti „Orkustigið var skrítið út af okkur“ Körfubolti Uppgjörið: Grindavík - Valur 90-86 | Einvígið í járnum eftir tæpan sigur Grindjána Körfubolti Uppgjörið: Keflavík - Tindastóll 93-96 | Stólarnir í góðri stöðu eftir dramatík Körfubolti Eitthvað sem læknar segja ekki við þig að ástæðulausu Fótbolti Fleiri fréttir „Ég horfði á leikinn og sparkaði tebollanum í gólfið“ Ekkert mark í grannaslagnum Chelsea tapaði stigum í markalausum Lundúnaslag Tottenham sendi Southampton niður í b-deildina Fyrsta deildartap Liverpool síðan í september „Ég er 100% pirraður“ Mikið breytt lið Villa vann mikilvægan sigur Ekki góður dagur fyrir Meistaradeildardrauma Brighton og Bournemouth Enskir fjölmiðlar segja Chelsea hafa brotið reglur UEFA Everton gerði grönnunum greiða með því að taka stig af Arsenal Amorim: Klikkun að halda að Man United geti unnið ensku úrvalsdeildina „Sorgardagur fyrir Manchester City“ Bruno bestur í mars Fordæma morðhótanir sem Tarkowski hafa borist De Bruyne yfirgefur City eftir tímabilið Húðflúr stuðningsmanns Newcastle gæti orðið algjörlega gagnslaust Haaland flúði Manchester borg Chelsea upp fyrir Man. City og Newcastle Afmæli barnanna og Liverpool-leikir það eina í dagatalinu Fyrsti svarti dómarinn í ensku úrvalsdeildinni lærir að ganga á ný Tímabilinu lokið hjá Gabriel Átti að fá rautt spjald en á í staðinn metið yfir að forðast það Skoraði fyrir látinn litla bróður sinn Stuðningsmenn Chelsea og Man. City þurfa að afhenda lögreglu vegabréf sín Arne Slot: Við vorum ekki heppnir, reglan er svona Tonali tryggði Newcastle dýrmætan sigur Man. City saknaði ekki Haaland í kvöld Mo Salah í myndatökum niður við höfnina í Liverpool Segir að það hafi ekki verið mistök að selja Elanga „Verður vonandi tilbúinn fyrir síðustu leiki tímabilsins“ Sjá meira