Hawaii-búar grétu, afklæddust og upplýstu um framhjáhald þegar viðvörunin barst Þórgnýr Einar Albertsson skrifar 20. janúar 2018 07:00 Allt er nú með kyrrum kjörum í Honolulu en fyrir viku barst íbúum Hawaii tilkynning um að eldflaug væri í þann mund að skella á ríkinu. Nordicphotos/AFP Víða á veraldarvefnum hafa Hawaii-búar deilt reynslusögum sínum af þessum örlagaríka laugardegi þegar þeir fengu skilaboð um að eldflaug væri í þann mund að skella á eyjunum. 38 mínútur liðu þangað til mistökin voru leiðrétt. Blaðamenn hafa sagt frá viðbrögðum sínum, vefsíður deilt upplýsingum um breytt hegðunarmynstur viðskiptavina og 13.750 ummæli voru skrifuð við þráð á spjallborðssíðunni Reddit þar sem notendur voru spurðir hvað þeir hafi gert þegar þeir fengu skilaboðin og hvort þeir sjái eftir því. Viðbrögð fjölmargra voru ósköp eðlileg í þessum aðstæðum á meðan viðbrögð annarra voru undarlegri. Þá grínuðust netverjar á Reddit og sögðu að bestu sögurnar ættu eftir að koma upp á yfirborðið eftir nokkra áratugi. Það er þegar þeir eyjaskeggjar sem læstu sig inni í sprengjubyrgjum þora loks aftur að koma upp á yfirborðið og sjá að engin eldflaug skall á Hawaii.Grét úr sér augunAmanda Thompson sagði í samtali við CBS-fréttastofuna að hún og eiginmaður hennar hefðu hrúgað vatni og öðrum nauðsynjum í skáp undir stiga á heimilinu. Síðan hefðu þau klöngrast inn í skápinn með nýfætt barn sitt og annað tveggja ára. „Við gripum allt sem við gátum. Teppi, kodda, bleyjur, blautþurrkur, mat, vatnsflöskur. Ég hef aldrei grátið svona mikið,“ sagði Thompson og bætti við: „Við hringdum í foreldra hans og ég grét svo mikið að þau skildu ekki orð af því sem ég sagði.“Fékk hjartaáfall Honolulu Star greindi frá því að Sean Shields, karlmaður á sextugsaldri, hefði verið staddur á ströndinni á Oahu þegar skilaboðin bárust. Hann hafi fyrst hringt í tíu ára dóttur sína og fullorðinn son sinn til að kveðja. Síðan hafi hann farið að kasta upp í gríð og erg. Kærasta hans hafi þá ekið honum á heilsugæslu þar sem hann fékk hjartaáfall. Samkvæmt Star er maðurinn á batavegi.Fáir skoðuðu klám fyrst eftir að viðvörunin barst. Þegar ljóst varð að um misskilning værir að ræða jókst aðsóknin aftur til muna.Nordicphotos/GettyFærri horfðu á klám Klámsíðan Pornhub tók saman aðsóknartölur þess tíma sem leið frá því viðvörunin var send út og þar til hún var leiðrétt. Niðurstöðurnar voru þær að eyjaskeggjar höfðu mun minni áhuga á því að horfa á klám þegar þeir héldu að þeir væru að lifa síðustu mínútur ævi sinnar. Um 77 prósenta lækkun miðað við venjulegan laugardag var að ræða. „Þegar mistökin voru leiðrétt fór umferðin að jafnast út og Hawaii-búar gátu andað léttar. Þeir sem vildu anda einna léttast leituðu aftur til Pornhub og umferðin mældist helmingi meiri en venjulega korteri síðar,“ sagði í bloggfærslu síðunnar.Greindi frá framhjáhaldi Í stað þess að reyna að gera (það sem hann hélt að yrðu) síðustu stundir fjölskyldu sinnar góðar ákvað fjölskyldufaðir á Oahu að senda allri stórfjölskyldunni skilaboð þar sem hann greindi frá því að hann hefði haldið fram hjá eiginkonu sinni í tvö ár. Frá þessu greindi einn notenda Reddit sem fékk skilaboðin send. Fjölskyldufaðirinn sagðist vilja „gera hreint fyrir sínum dyrum“ áður en maðurinn með ljáinn kæmi að sækja hann.Yfirmaðurinn afklæddist Einn Reddit-notandi sagðist hafa verið einn af þeim fáu sem brugðust við af stillingu. Hann hafi verið á skrifstofu sinni og einfaldlega haldið áfram að vinna þar sem hann gæti ekki stöðvað eldflaug einn síns liðs og enginn tími gæfist til að komast í skjól.Skilaboðin sem send voru á eyjaskeggja.Nordicphotos/AFP„Aðra sögu er að segja af yfirmanni mínum. Hann afklæddist, gekk að borði forstjórans og fitlaði við sig beint fyrir framan forstjórann sem var þá að tala við eiginkonu sína í símann. Ég veit ekki hvort olli forstjóranum meiri óþægindum, hin væntanlega sprenging eða gjörðir yfirmanns míns,“ skrifaði notandinn og bætti því við að þegar mistökin hafi verið leiðrétt hafi yfirmaðurinn skiljanlega verið rekinn. Máli sínu til stuðnings skannaði notandinn inn uppsagnarbréf hins rekna yfirmanns. Það var undirritað af forstjóranum og í því sagði að best væri fyrir yfirmanninn að finna trúlega útskýringu á því hvers vegna fjögur ár ferilskrár hans væru tóm. Því ef einhver myndi hringja í þennan fyrrverandi vinnustað myndi forstjórinn sjálfur segja frá ástæðu brottrekstursins.Oföndun og grátur Meredyth Gilmore sagði frá því á Twitter að hún hefði hlaupið með barn sitt að sprengjubyrgi í eigu hersins þegar viðvörunin barst. Þar var henni tjáð að byrgið væri yfirfullt og búið væri að læsa því. „Við sátum frammi á gangi með um fimmtíu öðrum mökum hermanna og börnum þeirra. Flestir grétu, ofönduðu og bjuggust við því að deyja,“ tísti Gilmore og gagnrýndi harðlega hversu langan tíma það tók yfirvöld að leiðrétta mistökin. Birtist í Fréttablaðinu Tengdar fréttir Ýtti á vitlausan takka og olli skelfingu á Hawaii Eldflaugaviðvörunin sem send var út til íbúa Hawaii í gær og olli skelfingu um tíma má rekja til þess að starfsmaður ýtti á vitlausan takka. 14. janúar 2018 09:00 Mest lesið „Þetta má aldrei gerast aftur“ Innlent Segir ákvörðun um kæru fyrir nauðgun tekna fyrir andlát flugmanns Innlent Sjö Rúmenar gefa ekkert uppi um tugmilljóna króna þýfi Innlent Hefur þrisvar komið að 13 ára syni sínum meðvitundarlausum Innlent Sextán ára dómur fyrir manndráp í Drangahrauni stendur Innlent Jón Gnarr skráður í Viðreisn og ætlar á Alþingi Innlent Pilturinn áfram bak við lás og slá Innlent Áfrýjaði engu nema ákvörðun um launin og málið fellt niður Innlent Rannsókn á byrlunar- og símamáli Páls skipstjóra úr sögunni Innlent Kristín Benediktsdóttir nýr umboðsmaður Alþingis Innlent Fleiri fréttir Ákærður fyrir mútuþægni og fjársvik Þingmaður sagði fólki frá Haítí að „drulla sér“ frá Bandaríkjunum Lögðu hald á síma borgarstjórans Sendir Patriot, svifsprengjur og skotfæri til Úkraínu Nákvæmasta kortið af Vetrarbrautinni til þessa Sýknaður eftir meira en 50 ár á dauðadeild Segir tortímingu eða uppgjöf Hezbollah einu lausnina Alríkisákærur gefnar út á hendur borgarstjóra New York Hótar að beita kjarnorkuvopnum gegn árás með hefðbundnum vopnum Vinna að þriggja vikna vopnahléi á milli Ísrael og Hezbollah Selenskí varar við „kjarnorku hörmung“ Loftárásum ætlað að undirbúa mögulega innrás „Virkið“ Vuhledar að falli komið Skutu skotflaug í Kyrrhafið í fyrsta sinn í rúm fjörutíu ár Manngerð hlýnun gerði flóðin í Evrópu tvöfalt líklegri en ella Unnu spellvirki á finnska þinghúsinu til að mótmæla móvinnslu Hútar vilja háþróaðar stýriflaugar frá Rússum Combs sakaður um enn eina kynferðisárásina Infowars á uppboð í nóvember upp í skuld við syrgjandi fjölskyldur Starfsmenn Boeing sagðir hafna tilboði um 30 prósent launahækkun Sakar Hezbollah um að leiða Líbanon „að hyldýpinu“ Sonur tilræðismannsins handtekinn vegna barnaníðsefnis Með þrjú flugmóðurskip á sjó í fyrsta sinn Enn einn leiðtogi Hezbollah felldur Þreföldun á endurnýjanlegri orkuframleiðslu innan seilingar Skutu viðvörunarskotum að norsku skipi í norskri lögsögu Demókratar uggandi yfir niðurstöðum skoðanakannana „Sterk Úkraína mun neyða Pútín að samningaborðinu“ Halda árásum áfram og beina sjónum að eldflaugastæðum Hezbollah Sviku út tugi milljóna með því að þykjast vera Brad Pitt Sjá meira
Víða á veraldarvefnum hafa Hawaii-búar deilt reynslusögum sínum af þessum örlagaríka laugardegi þegar þeir fengu skilaboð um að eldflaug væri í þann mund að skella á eyjunum. 38 mínútur liðu þangað til mistökin voru leiðrétt. Blaðamenn hafa sagt frá viðbrögðum sínum, vefsíður deilt upplýsingum um breytt hegðunarmynstur viðskiptavina og 13.750 ummæli voru skrifuð við þráð á spjallborðssíðunni Reddit þar sem notendur voru spurðir hvað þeir hafi gert þegar þeir fengu skilaboðin og hvort þeir sjái eftir því. Viðbrögð fjölmargra voru ósköp eðlileg í þessum aðstæðum á meðan viðbrögð annarra voru undarlegri. Þá grínuðust netverjar á Reddit og sögðu að bestu sögurnar ættu eftir að koma upp á yfirborðið eftir nokkra áratugi. Það er þegar þeir eyjaskeggjar sem læstu sig inni í sprengjubyrgjum þora loks aftur að koma upp á yfirborðið og sjá að engin eldflaug skall á Hawaii.Grét úr sér augunAmanda Thompson sagði í samtali við CBS-fréttastofuna að hún og eiginmaður hennar hefðu hrúgað vatni og öðrum nauðsynjum í skáp undir stiga á heimilinu. Síðan hefðu þau klöngrast inn í skápinn með nýfætt barn sitt og annað tveggja ára. „Við gripum allt sem við gátum. Teppi, kodda, bleyjur, blautþurrkur, mat, vatnsflöskur. Ég hef aldrei grátið svona mikið,“ sagði Thompson og bætti við: „Við hringdum í foreldra hans og ég grét svo mikið að þau skildu ekki orð af því sem ég sagði.“Fékk hjartaáfall Honolulu Star greindi frá því að Sean Shields, karlmaður á sextugsaldri, hefði verið staddur á ströndinni á Oahu þegar skilaboðin bárust. Hann hafi fyrst hringt í tíu ára dóttur sína og fullorðinn son sinn til að kveðja. Síðan hafi hann farið að kasta upp í gríð og erg. Kærasta hans hafi þá ekið honum á heilsugæslu þar sem hann fékk hjartaáfall. Samkvæmt Star er maðurinn á batavegi.Fáir skoðuðu klám fyrst eftir að viðvörunin barst. Þegar ljóst varð að um misskilning værir að ræða jókst aðsóknin aftur til muna.Nordicphotos/GettyFærri horfðu á klám Klámsíðan Pornhub tók saman aðsóknartölur þess tíma sem leið frá því viðvörunin var send út og þar til hún var leiðrétt. Niðurstöðurnar voru þær að eyjaskeggjar höfðu mun minni áhuga á því að horfa á klám þegar þeir héldu að þeir væru að lifa síðustu mínútur ævi sinnar. Um 77 prósenta lækkun miðað við venjulegan laugardag var að ræða. „Þegar mistökin voru leiðrétt fór umferðin að jafnast út og Hawaii-búar gátu andað léttar. Þeir sem vildu anda einna léttast leituðu aftur til Pornhub og umferðin mældist helmingi meiri en venjulega korteri síðar,“ sagði í bloggfærslu síðunnar.Greindi frá framhjáhaldi Í stað þess að reyna að gera (það sem hann hélt að yrðu) síðustu stundir fjölskyldu sinnar góðar ákvað fjölskyldufaðir á Oahu að senda allri stórfjölskyldunni skilaboð þar sem hann greindi frá því að hann hefði haldið fram hjá eiginkonu sinni í tvö ár. Frá þessu greindi einn notenda Reddit sem fékk skilaboðin send. Fjölskyldufaðirinn sagðist vilja „gera hreint fyrir sínum dyrum“ áður en maðurinn með ljáinn kæmi að sækja hann.Yfirmaðurinn afklæddist Einn Reddit-notandi sagðist hafa verið einn af þeim fáu sem brugðust við af stillingu. Hann hafi verið á skrifstofu sinni og einfaldlega haldið áfram að vinna þar sem hann gæti ekki stöðvað eldflaug einn síns liðs og enginn tími gæfist til að komast í skjól.Skilaboðin sem send voru á eyjaskeggja.Nordicphotos/AFP„Aðra sögu er að segja af yfirmanni mínum. Hann afklæddist, gekk að borði forstjórans og fitlaði við sig beint fyrir framan forstjórann sem var þá að tala við eiginkonu sína í símann. Ég veit ekki hvort olli forstjóranum meiri óþægindum, hin væntanlega sprenging eða gjörðir yfirmanns míns,“ skrifaði notandinn og bætti því við að þegar mistökin hafi verið leiðrétt hafi yfirmaðurinn skiljanlega verið rekinn. Máli sínu til stuðnings skannaði notandinn inn uppsagnarbréf hins rekna yfirmanns. Það var undirritað af forstjóranum og í því sagði að best væri fyrir yfirmanninn að finna trúlega útskýringu á því hvers vegna fjögur ár ferilskrár hans væru tóm. Því ef einhver myndi hringja í þennan fyrrverandi vinnustað myndi forstjórinn sjálfur segja frá ástæðu brottrekstursins.Oföndun og grátur Meredyth Gilmore sagði frá því á Twitter að hún hefði hlaupið með barn sitt að sprengjubyrgi í eigu hersins þegar viðvörunin barst. Þar var henni tjáð að byrgið væri yfirfullt og búið væri að læsa því. „Við sátum frammi á gangi með um fimmtíu öðrum mökum hermanna og börnum þeirra. Flestir grétu, ofönduðu og bjuggust við því að deyja,“ tísti Gilmore og gagnrýndi harðlega hversu langan tíma það tók yfirvöld að leiðrétta mistökin.
Birtist í Fréttablaðinu Tengdar fréttir Ýtti á vitlausan takka og olli skelfingu á Hawaii Eldflaugaviðvörunin sem send var út til íbúa Hawaii í gær og olli skelfingu um tíma má rekja til þess að starfsmaður ýtti á vitlausan takka. 14. janúar 2018 09:00 Mest lesið „Þetta má aldrei gerast aftur“ Innlent Segir ákvörðun um kæru fyrir nauðgun tekna fyrir andlát flugmanns Innlent Sjö Rúmenar gefa ekkert uppi um tugmilljóna króna þýfi Innlent Hefur þrisvar komið að 13 ára syni sínum meðvitundarlausum Innlent Sextán ára dómur fyrir manndráp í Drangahrauni stendur Innlent Jón Gnarr skráður í Viðreisn og ætlar á Alþingi Innlent Pilturinn áfram bak við lás og slá Innlent Áfrýjaði engu nema ákvörðun um launin og málið fellt niður Innlent Rannsókn á byrlunar- og símamáli Páls skipstjóra úr sögunni Innlent Kristín Benediktsdóttir nýr umboðsmaður Alþingis Innlent Fleiri fréttir Ákærður fyrir mútuþægni og fjársvik Þingmaður sagði fólki frá Haítí að „drulla sér“ frá Bandaríkjunum Lögðu hald á síma borgarstjórans Sendir Patriot, svifsprengjur og skotfæri til Úkraínu Nákvæmasta kortið af Vetrarbrautinni til þessa Sýknaður eftir meira en 50 ár á dauðadeild Segir tortímingu eða uppgjöf Hezbollah einu lausnina Alríkisákærur gefnar út á hendur borgarstjóra New York Hótar að beita kjarnorkuvopnum gegn árás með hefðbundnum vopnum Vinna að þriggja vikna vopnahléi á milli Ísrael og Hezbollah Selenskí varar við „kjarnorku hörmung“ Loftárásum ætlað að undirbúa mögulega innrás „Virkið“ Vuhledar að falli komið Skutu skotflaug í Kyrrhafið í fyrsta sinn í rúm fjörutíu ár Manngerð hlýnun gerði flóðin í Evrópu tvöfalt líklegri en ella Unnu spellvirki á finnska þinghúsinu til að mótmæla móvinnslu Hútar vilja háþróaðar stýriflaugar frá Rússum Combs sakaður um enn eina kynferðisárásina Infowars á uppboð í nóvember upp í skuld við syrgjandi fjölskyldur Starfsmenn Boeing sagðir hafna tilboði um 30 prósent launahækkun Sakar Hezbollah um að leiða Líbanon „að hyldýpinu“ Sonur tilræðismannsins handtekinn vegna barnaníðsefnis Með þrjú flugmóðurskip á sjó í fyrsta sinn Enn einn leiðtogi Hezbollah felldur Þreföldun á endurnýjanlegri orkuframleiðslu innan seilingar Skutu viðvörunarskotum að norsku skipi í norskri lögsögu Demókratar uggandi yfir niðurstöðum skoðanakannana „Sterk Úkraína mun neyða Pútín að samningaborðinu“ Halda árásum áfram og beina sjónum að eldflaugastæðum Hezbollah Sviku út tugi milljóna með því að þykjast vera Brad Pitt Sjá meira
Ýtti á vitlausan takka og olli skelfingu á Hawaii Eldflaugaviðvörunin sem send var út til íbúa Hawaii í gær og olli skelfingu um tíma má rekja til þess að starfsmaður ýtti á vitlausan takka. 14. janúar 2018 09:00