„Við bætum hvort annað upp“

Telma Tómasson skrifar 1. febrúar 2018 15:15

Mikil spenna er fyrir upphafi keppnistímabilsins í hestaíþróttum sem hefst í kvöld með keppni í fjórgangi í Meistaradeild Cintamani í Samskipahöllinni í Kópavogi.

Keppt er í átta greinum, liðin eru einnig átta og er hvert þeirra með fimm liðsmenn. Þrír þeirra keppa hverju sinni, en Meistaradeildin er bæði einstaklings – og liðakeppni.

Þórdís Erla Gunnarsdóttir, liðsstjóri Auðsholtshjáleigu/Horse Export, segist vera með flotta liðsheild. „Við höldum okkar striki og reynum að standa okkur sem best í hverri grein,“ segir Þórdís Erla.

„Við erum mjög metnaðarfull og tilbúin að leggja mikið á okkur til að standa okkur.“

Árið leggst vel í Þórdísi Erlu. „Ég held að Meistaradeild Cintamani komi sterk inn og svo er það Landsmótið. Ég er full tilhlökkunnar fyrir komandi verkefnum.“

Meistaradeildin er ein sterkasta keppni sem fram fer í hestaíþróttum í Íslandshestaheiminum og er ómissandi fyrir alla áhugamenn um hesta að fylgjast með.

Keppnin er sýnd í beinni útsendingu á Stöð 2 Sport og unnt er að tryggja sér áskrift á 365.is/bestasaetid. Einnig er unnt að fylgjast með á netinu á oz.com/meistaradeildin.

Hestar

Tengdar fréttir

„Þetta er sterkt lið og við ætlum að láta á okkur reyna“

Teitur Árnason fer fyrir liði Top Reiter í Meistaradeildinni, einni sterkustu keppni sem fram fer í hestaíþróttum í Íslandshestaheiminum og er ómissandi fyrir alla áhugamenn um hesta að fylgjast með.

30. janúar 2018 15:00

Verður spennandi að sjá hvaða stjörnur koma fram

Lífland er í fyrsta sinn með lið í Meistaradeildinni en knaparnir eru þó öllu vanir. Innanborðs eru mikið reyndir keppnisknapar, sem mæta bæði með reynda hesta og hugsanlega nýjar stjörnur. Keppnin framundan er þó óskrifað blað að vanda.

31. janúar 2018 15:00

„Við gefum ekkert eftir“

Hulda Gústafsdóttir, sem er í liði Hestvits/Árbakka/Sumarliðabæjar, segir það ekki koma að sök þó liðið hafi misst lykilmann á ögurstundu.

31. janúar 2018 15:45

Við ætlum að gera betur

"Við erum býsna sterk en gerum vonandi betur en síðast,“ segir Sigurður Sigurðarson, liðsstjóri fyrsta liðsins sem kynnt er til leiks í Meistaradeild Cintamani í hestaíþróttum, lið Oddhóls/Þjóðólfshaga, en það má skoða í meðfylgjandi myndskeiði.

29. janúar 2018 15:50

Ættum að geta barist á toppnum

"Ég held að við séum með rosalega jafnt og gott lið og við eigum að vera sterk í flestöllum greinum,“ segir Viðar Ingólfsson, liðsstjóri Hrímnis/Export hesta.

30. janúar 2018 17:00

Hestamennska tekst öll á loft

Sigurður Vignir Matthíasson, liðsstjóri Ganghesta/Margrétarhofs/Equitec, segir að mikil spenna liggi í loftinu fyrir því að Meistaradeild Cintamani í hestaíþróttum hefjist. "Það eru allir á fullu að æfa, enda er mikill áhugi á Meistaradeildinni,“ segir Sigurður.

29. janúar 2018 18:00