Sjálfskipaður sendiherra Guðjón Baldursson skrifar 1. mars 2018 07:00 Opið bréf til Kára Stefánssonar. Ágæti kollega, Ég les stundum pistla þína í Fréttablaðinu. Stundum finnst mér að þú hafir nokkuð til þíns máls. Stundum ekki. Í opnu bréfi þínu til Alþingis Íslendinga hér í Fréttablaðinu 22. febrúar ferð þú mikinn, eins og þinn er háttur. Að þessu sinni sem sjálfskipaður sendiherra Gyðinga á Íslandi. Ekki ómálga barna sem enn í dag sem fyrrum mega þola limlestingar á degi hverjum, heldur fullorðinna Gyðinga sem líta svo á að þeir hafi fullan og óskoraðan rétt til þess að ráðskast með líf og limi barna sinna. Í upphafi bréfs þíns lætur þú þess getið að þú hafir verið prófessor við virtan bandarískan háskóla. Mér er ekki ljóst hvað þessar upplýsingar hafa með málflutning þinn að gera. Ég var um nokkurra ára skeið lektor við læknadeild Háskóla Íslands en hef aldrei verið að bera það á torg með oflæti og trumbuslætti. Að vísu er þetta lítill háskóli í litlu landi og því trúlega ekki eins merkileg vegtylla og sú sem þér hlotnaðist. En leyfist kettinum að líta á kónginn? Mér var líka í æsku innrætt að sýna hógværð og vera lítillátur en ekki dramblátur. Dramb, eða ef menn vilja frekar kalla það stórbokkaskap og stærilæti, er falli næst, segir máltækið. Sjálfhverfa eða sjálfsupphafning er nefnilega ekki talin til dygða, heldur er hún birtingarmynd „narcissism“ sem heitir eftir hinni sjálfumglöðu grísku hetju Narcissusi en hann gat ekki fengið nóg af því að stara á spegilmynd sjálfs sín í vatninu. Donald Trump og Davíð Oddsson eru dæmi um menn í þessum hópi. Þeir þreytast aldrei á að vegsama sjálfa sig og tilbiðja spegilmynd sína fullir lotningar. Ég hygg að það sé þér ekki til vegsauka að ganga í það lið. Þér sæmir miklu frekar að fylla flokk okkar hinna sem aðhyllumst höfuðdyggðirnar sjö: visku, hófstillingu, hugrekki, réttlæti, von, trú og kærleika. Sem drengur las ég töluvert af skrifum hans pabba þíns, Stefáns Jónssonar fréttamanns, eins og hann var jafnan nefndur á mínu heimili. Sá maður var hógvær og vel gerður en ekki oflátungur. Hann var virtur af leikum og lærðum og þurfti ekki að hreykja sér hátt. En samt komst hann þangað sem hann ætlaði sér á tréfætinum. Í pistlinum fyrrgreinda fullyrðir þú að Gyðingar séu „leifturgáfaðir og iðnir“. Þetta heitir á góðri íslensku að draga fólk í dilka eftir þjóðerni. Þetta háttalag minnir óneitanlega á áróður stjórnmálaafls í Þýskalandi á fjórða áratugnum. Áróður sem hafði það sem markmið að útrýma umbjóðendum þínum, Gyðingum. Ég bara spyr: Eru Gyðingar öðrum kynstofnum æðri? Eru þeir „Guðs útvalda þjóð“? Þessi dilkadráttur er ekki í samræmi við Mannréttindasáttmála SÞ og ekki einu sinni við stjórnarskrá BNA. En loksins kem ég mér að efninu: Íslendingar hafa aldrei umskorið sveinbörn. Ég læt mér í léttu rúmi liggja hvaða skoðun Gyðingar hafa á regluverki Íslendinga. Ef þeir vilja búa á Íslandi verða þeir hins vegar að semja sig að háttum okkar hvað þetta varðar. Það er nú bara þannig.Höfundur er læknir Viltu birta grein á Vísi? Sendu okkur póst. Senda grein Mest lesið Er rúmdýnan þín hægt og rólega að murka úr þér líftóruna? Gunnar Dan Wiium Skoðun Orðræða seðlabankastjóra veldur mér áhyggjum Ágúst Bjarni Garðarsson Skoðun Skynsemi Miðflokksins Ása Lind Finnbogadóttir Skoðun Er Miðflokkurinn fyrir ungt fólk? Anton Sveinn McKee Skoðun Opið bréf til fjölmiðla Magnús Guðmundsson Skoðun Svarar ekki kostnaði að bjarga sjálfum sér Kári Helgason Skoðun Kæra sig ekki um evruna Hjörtur J. Guðmundsson Skoðun Aftur til fortíðar Birta Karen Tryggvadóttir Skoðun Er padda í vaskinum? Vilborg Gunnarsdóttir Skoðun Það er verið að hafa okkur að fíflum. Davíð Bergmann Skoðun Skoðun Skoðun Um mennsku og samfélag Bolli Pétur Bollason skrifar Skoðun Er rúmdýnan þín hægt og rólega að murka úr þér líftóruna? Gunnar Dan Wiium skrifar Skoðun Sársaukafull vaxtarmörk Berglind Ósk Guðmundsdóttir skrifar Skoðun Skynsemi Miðflokksins Ása Lind Finnbogadóttir skrifar Skoðun Tölum íslensku Kolbrún Áslaugar Baldursdóttir skrifar Skoðun Er Miðflokkurinn fyrir ungt fólk? Anton Sveinn McKee skrifar Skoðun Svarar ekki kostnaði að bjarga sjálfum sér Kári Helgason skrifar Skoðun Um orkuskort, auðlindir og endurvinnslu Guðríður Eldey Arnardóttir skrifar Skoðun Er padda í vaskinum? Vilborg Gunnarsdóttir skrifar Skoðun Neikvæð samskipti barna og ungmenna á samfélagsmiðlunum Þórarinn Torfi Finnbogason skrifar Skoðun Rannsökum og ræðum menntakerfið Kolbrún Þ. Pálsdóttir skrifar Skoðun Kæra sig ekki um evruna Hjörtur J. Guðmundsson skrifar Skoðun Opið bréf til fjölmiðla Magnús Guðmundsson skrifar Skoðun Horfið á möguleikana í samfélagslegri ábyrgð Guðmundur Ingi Þóroddsson skrifar Skoðun Aftur til fortíðar Birta Karen Tryggvadóttir skrifar Skoðun Að kjarna orku þjóðar Ísak Einar Rúnarsson skrifar Skoðun Orðræða seðlabankastjóra veldur mér áhyggjum Ágúst Bjarni Garðarsson skrifar Skoðun Flogið á milli landa á endurnýjanlegri orku: Draumsýn eða Raunveruleiki? Gnýr Guðmundsson skrifar Skoðun Það er verið að hafa okkur að fíflum. Davíð Bergmann skrifar Skoðun Útboð á Fjarðarheiðargöngum Hildur Þórisdóttir skrifar Skoðun Hvert á að fara með íslenskt þjóðfélag? Reynir Böðvarsson skrifar Skoðun Svikin loforð gagnvart börnum? Hildur Rós Guðbjargardóttir skrifar Skoðun Að búa til steind getur haft skelfilegar afleiðingar! Elínrós Erlingsdóttir skrifar Skoðun Hvar eru sálfræðingarnir? Pétur Maack Þorsteinsson skrifar Skoðun Íslenska er ekki eina málið Lilja Magnúsdóttir skrifar Skoðun Hvar er grunnskólinn? Kristján Hrafn Guðmundsson skrifar Skoðun Er lýðræðislegt að senda vopn til Úkraínu? Hildur Þórðardóttir skrifar Skoðun Það á ekki að vera dekur að geta sótt sér sálfræðiþjónustu Ólafía Sigurjónsdóttir skrifar Skoðun Um bókun 35, EES samninginn, Evrópusambandið og Bretland Jón Frímann Jónsson skrifar Skoðun Húsnæði fyrir fólk, ekki fjárfesta Gísli Rafn Ólafsson skrifar Sjá meira
Opið bréf til Kára Stefánssonar. Ágæti kollega, Ég les stundum pistla þína í Fréttablaðinu. Stundum finnst mér að þú hafir nokkuð til þíns máls. Stundum ekki. Í opnu bréfi þínu til Alþingis Íslendinga hér í Fréttablaðinu 22. febrúar ferð þú mikinn, eins og þinn er háttur. Að þessu sinni sem sjálfskipaður sendiherra Gyðinga á Íslandi. Ekki ómálga barna sem enn í dag sem fyrrum mega þola limlestingar á degi hverjum, heldur fullorðinna Gyðinga sem líta svo á að þeir hafi fullan og óskoraðan rétt til þess að ráðskast með líf og limi barna sinna. Í upphafi bréfs þíns lætur þú þess getið að þú hafir verið prófessor við virtan bandarískan háskóla. Mér er ekki ljóst hvað þessar upplýsingar hafa með málflutning þinn að gera. Ég var um nokkurra ára skeið lektor við læknadeild Háskóla Íslands en hef aldrei verið að bera það á torg með oflæti og trumbuslætti. Að vísu er þetta lítill háskóli í litlu landi og því trúlega ekki eins merkileg vegtylla og sú sem þér hlotnaðist. En leyfist kettinum að líta á kónginn? Mér var líka í æsku innrætt að sýna hógværð og vera lítillátur en ekki dramblátur. Dramb, eða ef menn vilja frekar kalla það stórbokkaskap og stærilæti, er falli næst, segir máltækið. Sjálfhverfa eða sjálfsupphafning er nefnilega ekki talin til dygða, heldur er hún birtingarmynd „narcissism“ sem heitir eftir hinni sjálfumglöðu grísku hetju Narcissusi en hann gat ekki fengið nóg af því að stara á spegilmynd sjálfs sín í vatninu. Donald Trump og Davíð Oddsson eru dæmi um menn í þessum hópi. Þeir þreytast aldrei á að vegsama sjálfa sig og tilbiðja spegilmynd sína fullir lotningar. Ég hygg að það sé þér ekki til vegsauka að ganga í það lið. Þér sæmir miklu frekar að fylla flokk okkar hinna sem aðhyllumst höfuðdyggðirnar sjö: visku, hófstillingu, hugrekki, réttlæti, von, trú og kærleika. Sem drengur las ég töluvert af skrifum hans pabba þíns, Stefáns Jónssonar fréttamanns, eins og hann var jafnan nefndur á mínu heimili. Sá maður var hógvær og vel gerður en ekki oflátungur. Hann var virtur af leikum og lærðum og þurfti ekki að hreykja sér hátt. En samt komst hann þangað sem hann ætlaði sér á tréfætinum. Í pistlinum fyrrgreinda fullyrðir þú að Gyðingar séu „leifturgáfaðir og iðnir“. Þetta heitir á góðri íslensku að draga fólk í dilka eftir þjóðerni. Þetta háttalag minnir óneitanlega á áróður stjórnmálaafls í Þýskalandi á fjórða áratugnum. Áróður sem hafði það sem markmið að útrýma umbjóðendum þínum, Gyðingum. Ég bara spyr: Eru Gyðingar öðrum kynstofnum æðri? Eru þeir „Guðs útvalda þjóð“? Þessi dilkadráttur er ekki í samræmi við Mannréttindasáttmála SÞ og ekki einu sinni við stjórnarskrá BNA. En loksins kem ég mér að efninu: Íslendingar hafa aldrei umskorið sveinbörn. Ég læt mér í léttu rúmi liggja hvaða skoðun Gyðingar hafa á regluverki Íslendinga. Ef þeir vilja búa á Íslandi verða þeir hins vegar að semja sig að háttum okkar hvað þetta varðar. Það er nú bara þannig.Höfundur er læknir
Skoðun Neikvæð samskipti barna og ungmenna á samfélagsmiðlunum Þórarinn Torfi Finnbogason skrifar
Skoðun Flogið á milli landa á endurnýjanlegri orku: Draumsýn eða Raunveruleiki? Gnýr Guðmundsson skrifar