Mikilvægt verkefni að byggja upp traust Birgir Olgeirsson skrifar 5. apríl 2018 16:54 Katrín Jakobsdóttir, forsætisráðherra. vísir/hanna Katrín Jakobsdóttir forsætisráðherra sagði að margt hefði áunnist á þeim áratug sem liðinn er frá efnahagshruninu árið 2008. Endurreisn efnahagslífsins hefði tekist en stjórnmálamönnum hefði ekki tekist að endurvinna traust almennings. Sagði Katrín að traust samfélagsins á stjórnmálum minna en fyrir áratug. Sagði hún það alvarlega stöðu þó að það þokist aðeins upp á við. Hún sagði það framtíðarverkefni stjórnmálamanna að endurvekja þetta traust. Þetta sagði Katrín í ávarpi sínu á ársfundi Seðlabanka Íslands sem fór fram í húsakynnum bankans í dag. Hún sagði mikilvægt fyrir stjórnmálamenn að líta til reynslu annarra landa og bæta talsamband stjórnmála og fjölmiðla. „Við getum gert betur þó margt hafi breyst,“ sagði Katrín.Margt breyst í þjóðarsálinni Hún sagði margt hafa breyst í þjóðarsálinni þegar hrunið átti sér stað en taldi mikilvægt að nú færi þjóðin að horfa fram á veg með því að vinna úr reynslunni og stefna upp á við. Sagði hún tækifærin rík og upp á stjórnmálamönnum og öðrum komið að samfélagið þróist áfram. Hún sagði stjórnarsáttmála ríkisstjórnarinnar sem nú situr kveða á um félagslegan, efnahagslegan og pólitískan stöðugleika sem sé nauðsynlegt að ná til að byggja upp traust í samfélaginu. Sagði hún margt þurfa að haldast í hendur þar, til að mynda peningastefnan, stefna ríkisstjórnarinnar og stefna almenna vinnumarkaðarins. Hún sagði mikilvægt að hið opinbera og almenni vinnumarkaðurinn sé í samtali svo hægt sé að tryggja að miðlægir kjarasamningar taki mið af efnahagsþróun. Allir bera ábyrgð í þessu að mati Katrínar þegar kemur að því að huga að þessu viðkvæma samspili milli þessara þriggja þátta.Samskiptaleysi skapar vantraust Hún sagði samskiptaleysi skapa vantraust en með hreinskiptnum samskiptum sé hægt að halda fram á veg. Einnig sé mikilvægt að aðilar þekki sín mörk og nefndi að stjórnmálamenn séu ekki kosnir til að ákveða kjör á markaði en geti skapað góða umgjörð um hann deilt gæðum. Því sé mikilvægt að allir þessir aðilar reyni að róa í sömu átt. Hún sagði mikilvægt að huga að því hvernig þjóðarkökunni er skipt því hún hefði svo sannarlega stækkað með öflugri ferðaþjónustu.Gos í Eyjafjallajökli aðalmarkaðsátakið Sagði hún ferðaþjónustuna hafa átt stóran þátt í góðu gengi í efnahagsmálum en Katrín sagðist enn muna eftir ríkisstjórnarfundi sem var haldinn í kjölfar eldgosins í Eyjafjallajökli árið 2010. Sagði hún að þar hefði niðurstaðan verið sú að ferðaþjónustan væri búin. Ákveðið var að fara í markaðsátak en Katrín sagðist eiginlega vera viss um í dag að gosið sjálft hefði verið aðalmarkaðsátakið. Hún sagði mikilvægt að leggja áherslu á uppbyggingu innviða við náttúruperlur Íslands því að náttúruvernd væri stærsta efnahagsmálið.Séríslenskt einkenni Hún sagðist hafa nýverið átt fund með fulltrúa Alþjóðagjaldeyrissjóðsins sem sagði augljóst að þeir sem eru í stjórnmálum á Íslandi í dag væru enn með hrunið í fersku minni því þegar talið bærist að björtum horfum fylgdi ávallt athugasemd frá íslenskum stjórnmálamönnum þess efnis að ýmislegt gæti farið illa. Katrín sagðist hafa reynt að útskýra fyrir fulltrúanum að um séríslenskt fyrirbæri væri að ræða og ætlaði sér að reyna að útskýra það með því að vísa í kvikmynd Hrafns Gunnlaugssonar Hrafninn flýgur. Hún áttaði sig þó fljótlega á að hún hefði misst athygli fulltrúans þegar hún nefndi heiti myndarinnar en sagði þó gestum ársfundar Seðlabankans hvað hún ætlaði sér að vísa í. Um var að ræða orð leikarans Helga Skúlasonar í myndinni þegar hann sagði: „Þetta logn, það veit ekki á gott.“ Mest lesið Lögmaður eiginkonunnar fyrrverandi segir lögreglu ljúga Innlent Arftaki Nasrallah sagður drepinn í árás Ísraela Erlent Kynferðisleg svefnröskun hélt ekki vatni Innlent Vísar orðum Jóns um nýja Ölfusárbrú á bug Innlent Hér sést risaþotan taka á loft frá Keflavíkurflugvelli Innlent Féll af steini við Seljalandsfoss Innlent Vita um tvo Íslendinga í Líbanon Erlent Þrír í haldi í fíkniefnamáli Innlent Minnast Bryndísar Klöru með tónleikum: „Fallegt hvað allir stóðu saman“ Innlent Risaþota flaug í lágflugi yfir Reykjavík Innlent Fleiri fréttir Lögmaður eiginkonunnar fyrrverandi segir lögreglu ljúga Vísar orðum Jóns um nýja Ölfusárbrú á bug Þrír í haldi í fíkniefnamáli Hér sést risaþotan taka á loft frá Keflavíkurflugvelli Keyrt á tvo unga drengi Minnast Bryndísar Klöru með tónleikum: „Fallegt hvað allir stóðu saman“ Kynferðisleg svefnröskun hélt ekki vatni Féll af steini við Seljalandsfoss Heilsugæslan til rannsóknar og síðasta farþegaflug júmbóþotu Kaldasti september frá árinu 2005 Hefja frumkvæðisathugun á Heilsugæslunni Segir nákvæmlega ekkert að óttast við atkvæðagreiðsluna Ótrúverðugar skýringar í nauðgunarmáli Alelda bíll á Reykjanesbraut Leita tveggja vegna banaslyssins á Sæbraut Risaþota flaug í lágflugi yfir Reykjavík Áfram á bak við lás og slá vegna andláts hjónanna Umferðarljósin rafmagnslaus vegna rafmagnstruflana Þóra Jóhanna nýr yfirdýralæknir Stóra sánumálið: „Örugglega ýmislegt viðgengist sem myndi ekki viðgangast í öðrum klefum“ Sögðu upp fleiri samningum í kjölfar úrskurðarins Ánægð með að stjórnvöld viðurkenni mönnunarvandann Vaxtalækkun, nýr kjarasamningur og lokað á sjúkraskrár Rafmagnsleysi sums staðar fram á kvöld Herbergi fylltist af vatni upp að hurðarhúni Veikindi flugstjóra settu óvænt strik í flugáætlun Atlanta-þotu Kona tveggja flokka í Samtalinu Ekið á ungan dreng á hlaupahjóli Meiri stuðningur við Borgarlínu í Reykjavík en annars staðar Heilsugæslan lokar fyrir aðgengi Samgöngustofu að sjúkraskrám Sjá meira
Katrín Jakobsdóttir forsætisráðherra sagði að margt hefði áunnist á þeim áratug sem liðinn er frá efnahagshruninu árið 2008. Endurreisn efnahagslífsins hefði tekist en stjórnmálamönnum hefði ekki tekist að endurvinna traust almennings. Sagði Katrín að traust samfélagsins á stjórnmálum minna en fyrir áratug. Sagði hún það alvarlega stöðu þó að það þokist aðeins upp á við. Hún sagði það framtíðarverkefni stjórnmálamanna að endurvekja þetta traust. Þetta sagði Katrín í ávarpi sínu á ársfundi Seðlabanka Íslands sem fór fram í húsakynnum bankans í dag. Hún sagði mikilvægt fyrir stjórnmálamenn að líta til reynslu annarra landa og bæta talsamband stjórnmála og fjölmiðla. „Við getum gert betur þó margt hafi breyst,“ sagði Katrín.Margt breyst í þjóðarsálinni Hún sagði margt hafa breyst í þjóðarsálinni þegar hrunið átti sér stað en taldi mikilvægt að nú færi þjóðin að horfa fram á veg með því að vinna úr reynslunni og stefna upp á við. Sagði hún tækifærin rík og upp á stjórnmálamönnum og öðrum komið að samfélagið þróist áfram. Hún sagði stjórnarsáttmála ríkisstjórnarinnar sem nú situr kveða á um félagslegan, efnahagslegan og pólitískan stöðugleika sem sé nauðsynlegt að ná til að byggja upp traust í samfélaginu. Sagði hún margt þurfa að haldast í hendur þar, til að mynda peningastefnan, stefna ríkisstjórnarinnar og stefna almenna vinnumarkaðarins. Hún sagði mikilvægt að hið opinbera og almenni vinnumarkaðurinn sé í samtali svo hægt sé að tryggja að miðlægir kjarasamningar taki mið af efnahagsþróun. Allir bera ábyrgð í þessu að mati Katrínar þegar kemur að því að huga að þessu viðkvæma samspili milli þessara þriggja þátta.Samskiptaleysi skapar vantraust Hún sagði samskiptaleysi skapa vantraust en með hreinskiptnum samskiptum sé hægt að halda fram á veg. Einnig sé mikilvægt að aðilar þekki sín mörk og nefndi að stjórnmálamenn séu ekki kosnir til að ákveða kjör á markaði en geti skapað góða umgjörð um hann deilt gæðum. Því sé mikilvægt að allir þessir aðilar reyni að róa í sömu átt. Hún sagði mikilvægt að huga að því hvernig þjóðarkökunni er skipt því hún hefði svo sannarlega stækkað með öflugri ferðaþjónustu.Gos í Eyjafjallajökli aðalmarkaðsátakið Sagði hún ferðaþjónustuna hafa átt stóran þátt í góðu gengi í efnahagsmálum en Katrín sagðist enn muna eftir ríkisstjórnarfundi sem var haldinn í kjölfar eldgosins í Eyjafjallajökli árið 2010. Sagði hún að þar hefði niðurstaðan verið sú að ferðaþjónustan væri búin. Ákveðið var að fara í markaðsátak en Katrín sagðist eiginlega vera viss um í dag að gosið sjálft hefði verið aðalmarkaðsátakið. Hún sagði mikilvægt að leggja áherslu á uppbyggingu innviða við náttúruperlur Íslands því að náttúruvernd væri stærsta efnahagsmálið.Séríslenskt einkenni Hún sagðist hafa nýverið átt fund með fulltrúa Alþjóðagjaldeyrissjóðsins sem sagði augljóst að þeir sem eru í stjórnmálum á Íslandi í dag væru enn með hrunið í fersku minni því þegar talið bærist að björtum horfum fylgdi ávallt athugasemd frá íslenskum stjórnmálamönnum þess efnis að ýmislegt gæti farið illa. Katrín sagðist hafa reynt að útskýra fyrir fulltrúanum að um séríslenskt fyrirbæri væri að ræða og ætlaði sér að reyna að útskýra það með því að vísa í kvikmynd Hrafns Gunnlaugssonar Hrafninn flýgur. Hún áttaði sig þó fljótlega á að hún hefði misst athygli fulltrúans þegar hún nefndi heiti myndarinnar en sagði þó gestum ársfundar Seðlabankans hvað hún ætlaði sér að vísa í. Um var að ræða orð leikarans Helga Skúlasonar í myndinni þegar hann sagði: „Þetta logn, það veit ekki á gott.“
Mest lesið Lögmaður eiginkonunnar fyrrverandi segir lögreglu ljúga Innlent Arftaki Nasrallah sagður drepinn í árás Ísraela Erlent Kynferðisleg svefnröskun hélt ekki vatni Innlent Vísar orðum Jóns um nýja Ölfusárbrú á bug Innlent Hér sést risaþotan taka á loft frá Keflavíkurflugvelli Innlent Féll af steini við Seljalandsfoss Innlent Vita um tvo Íslendinga í Líbanon Erlent Þrír í haldi í fíkniefnamáli Innlent Minnast Bryndísar Klöru með tónleikum: „Fallegt hvað allir stóðu saman“ Innlent Risaþota flaug í lágflugi yfir Reykjavík Innlent Fleiri fréttir Lögmaður eiginkonunnar fyrrverandi segir lögreglu ljúga Vísar orðum Jóns um nýja Ölfusárbrú á bug Þrír í haldi í fíkniefnamáli Hér sést risaþotan taka á loft frá Keflavíkurflugvelli Keyrt á tvo unga drengi Minnast Bryndísar Klöru með tónleikum: „Fallegt hvað allir stóðu saman“ Kynferðisleg svefnröskun hélt ekki vatni Féll af steini við Seljalandsfoss Heilsugæslan til rannsóknar og síðasta farþegaflug júmbóþotu Kaldasti september frá árinu 2005 Hefja frumkvæðisathugun á Heilsugæslunni Segir nákvæmlega ekkert að óttast við atkvæðagreiðsluna Ótrúverðugar skýringar í nauðgunarmáli Alelda bíll á Reykjanesbraut Leita tveggja vegna banaslyssins á Sæbraut Risaþota flaug í lágflugi yfir Reykjavík Áfram á bak við lás og slá vegna andláts hjónanna Umferðarljósin rafmagnslaus vegna rafmagnstruflana Þóra Jóhanna nýr yfirdýralæknir Stóra sánumálið: „Örugglega ýmislegt viðgengist sem myndi ekki viðgangast í öðrum klefum“ Sögðu upp fleiri samningum í kjölfar úrskurðarins Ánægð með að stjórnvöld viðurkenni mönnunarvandann Vaxtalækkun, nýr kjarasamningur og lokað á sjúkraskrár Rafmagnsleysi sums staðar fram á kvöld Herbergi fylltist af vatni upp að hurðarhúni Veikindi flugstjóra settu óvænt strik í flugáætlun Atlanta-þotu Kona tveggja flokka í Samtalinu Ekið á ungan dreng á hlaupahjóli Meiri stuðningur við Borgarlínu í Reykjavík en annars staðar Heilsugæslan lokar fyrir aðgengi Samgöngustofu að sjúkraskrám Sjá meira