48 dagar í HM: Skoraði síðasta gullmark HM og sneri sér svo að listdansi á skautum Tómas Þór Þórðarson skrifar 27. apríl 2018 10:00 Ilhan Mansiz fagnar þessu sögulega gullmarki. vísir/getty Gullmark og silfurmark voru hugtök sem ekki allir voru ánægðir með í fótboltanum, en gullmarkið var innleitt af FIFA árið 1993 og notað á HM 1998 í Frakklandi og á HM 2002 í Japan og Suður-Kóreu. Nokkur gullmörk voru skoruð á þessum tveimur heimsmeistaramótum en þau voru aldrei jafn afdrifarík og á Evrópumeistaramótinu þar sem úrslitaleikirnir árin 1996 og 2000 réðust á gullmarki. Fyrsta gullmarkið á HM skoraði franski varnarmaðurinn Laurent Blanc í 16 liða úrslitum HM 1998 á móti Paragvæ á leið Frakkanna að heimsmeistaratitlinum á heimavelli. Síðasta gullmarkið skoraði Tyrki nokkur að nafni Ilhan Mansiz á móti Senegal í átta liða úrslitum HM 2002 í Japan og Suður-Kóreu. Mansiz tók aðeins þátt á einu heimsmeistaramóti með Tyrklandi en hann gerði það á eftirminnilegan hátt með þessu marki, stoðsendingu í öðru sögulegu marki og eftirminnilegum tilþrifum þar sem að hann fíflaði einn besta bakvörð sögunnar upp úr skónum. Hann átti svo eftir að snúa sér að allt öðrum hlutum þegar að fótboltaferlinum lauk.Tyrkir fagna gullmarki Mansiz og sæti í undanúrslitum.vísir/gettyMarkahæstur og landsliðssæti Ilhan Mansiz fæddist ekki í Tyrklandi heldur Vestur-Þýskalandi árið 1975. Hann fékk sitt fyrsta tækifæri sem unglingur hjá Köln en fór þá „heim“ til Tyrklands og varð að alvöru fótboltamanni hjá Samsunspor undir lok síðasta áratugs síðustu aldar. Mansiz var nokkuð öflugur markaskorari og árið 2001 fékk hann stóra tækifærið þegar að Besiktas keypti hann frá Samsunspor. Hann spilaði í þrjú ár með þessu tyrkneska stórveldi og skoraði 36 mörk í 66 deildarleikjum. Þessi eldfljóti framherji varð markakóngur tyrknesku úrvalsdeildarinnar tímabilið 2001/2002. Þessi árangur hans skilaði honum landsliðssæti og plássi í HM-hópi Tyrklands árið 2002 en á þeim tíma var tyrkneska landsliðið afskaplega gott og líklegt til afreka á HM 2002 í Japan og Suður-Kóreu. Það stóð líka undir væntingum og náði í bronsið. Mansiz byrjaði alla leikina nema einn á HM á bekknum enda spilaði Tyrkland bara með einn framherja og á undan honum var Hakan Sukur. Einn besti leikmaður í sögu Tyrklands.Eftirminnilegt mót Tyrkir rétt skröltu upp úr C-riðlinum með fjögur stig, jafnmörg og Kosta Ríka en fóru áfram á betri markatölu. Þeir lögðu Japan, 1-0, í 16 liða úrslitum og mættu svo spútnikliði mótsins, Senegal, í átta liða úrslitum. Senegal var búið að öðlast heimsfrægð fyrir sigur á heimsmeisturum Frakklands í fyrstu umferð riðlakeppninnar. Senegal komst einmitt í átta liða úrslitin með sigur á Svíþjóð í 16 liða úrslitum en sigurmarkið var gullmark Henri Camara í framlengingu. Harður leikur liðanna endaði með markalausu jafntefli eftir 90 mínútur og þurfti að grípa til framlengingar. Hún entist ekki lengi því að Mansiz, sem kom inn á sem varamaður fyrir Hakan Sukur á 67. mínútu, skoraði sigurmarkið á fjórðu mínútu framlengingarinnar og liðið komið áfram. Þetta var síðasta gullmarkið í sögu HM þar sem að það var afnumið í karlafótbolta eftir keppnina en notað á einu HM til viðbótar hjá konunum. Silfurmarkið var prófað í nokkur ár eftir þetta en það lifði ekki nógu lengi til að vera notað á HM 2006 í Þýskalandi. Mansiz var ekki hættur að láta til sín taka því að hann átti þátt í HM-meti sem stendur enn þann dag í dag. Hann fékk nefnilega byrjunarliðssæti í leiknum um bronsið á móti Suður-Kóreu og lagði upp fyrsta markið fyrir Hakan Sukur eftir ellefu sekúndur sem er fljótasta mark í sögu HM. Í undanúrslitunum bauð Mansiz upp á rosaleg tilþrif þar sem að hann fíflaði Roberto Carlos upp úr skónum en það var bara smá kirsuber á annars gómsæta HM-köku Ilhan Mansiz árið 2002.Úr takkaskóm á skauta „Ætlarðu út í þjálfun?“ er spurning sem fótboltamenn fá gjarnan þegar að ferlinum lýkur. Ljóst er að svar Ilhan Mansiz var svo sannarlega nei. Hann hætti í fótbolta árið 2007 og þá tóku allt aðrir hlutir við. Hann samþykkti að taka þátt í tyrkneskum sjónvarpsþætti ásamt kærustunni sinni þar sem frægir lærðu listdans á skautum og kepptu sín á milli. Þetta fannst parinu svo gaman og þau voru það góð að turtildúfurnar gerðu tilraun til að komast á Vetrarólympíuleikana í Sochi árið 2014 og Evrópumeistaramótið sama ár. Það tókst því miður ekki. Mansiz er stórstjarna í heimalandinu og keppti meðal annars í Survivor en fótboltaferilinn nánast dó árið 2004 þegar að hann var aðeins 29 ára og Besiktas lét hann fara. Tyrkinn var sjóðheit söluvara eftir HM 2002 en þrátt fyrir hæfileikana var hann greindur með sjúkdóm sem kom í veg fyrir að hann gæti beitt sér almennilega inn á vellinum. Fótboltaferilinn var svo endanlega búinn þegar að keyrt var á hann sem gangandi vegfaranda og hann varð fyrir alvarlegum hnémeiðslum árið 2007. Ilhan Mansiz staldraði stutt við á toppnum og í sviðsljósinu en hans verður um aldir alda minnst sem mannsins sem skoraði síðasta gullmarkið á HM.Vísir telur niður fyrir HM í knattspyrnu sem hefst í Rússlandi þann 14. júní. Íþróttafréttamenn Vísis munu fylgja íslenska landsliðinu eftir hvert fótmál ytra.Ilhan Mansiz með kærustu sinni á skautum.vísir/getty HM 2018 í Rússlandi Tengdar fréttir 50 dagar í HM: Argentínumenn hafa áður fallið á prófinu í fyrsta leik Stórskrýtin rauð spjöld, skrautlegt mark og ein óvæntustu úrslitin í sögu HM. 25. apríl 2018 13:30 49 dagar í HM: Skoraði öll landsliðsmörkin á HM 1994 og er í hópi goðsagna Oleg Salenko er það eina jákvæða sem gestgjafar HM 2018 geta minnst í HM-sögunni. 26. apríl 2018 11:00 Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn KR kærir og segir KSÍ mismuna félögum Íslenski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Albert kynntur til leiks í Flórens Fótbolti Gull, silfur og brúðkaup Handbolti Fleiri fréttir „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein „Maður er bara stoltur af liðinu“ Sjá meira
Gullmark og silfurmark voru hugtök sem ekki allir voru ánægðir með í fótboltanum, en gullmarkið var innleitt af FIFA árið 1993 og notað á HM 1998 í Frakklandi og á HM 2002 í Japan og Suður-Kóreu. Nokkur gullmörk voru skoruð á þessum tveimur heimsmeistaramótum en þau voru aldrei jafn afdrifarík og á Evrópumeistaramótinu þar sem úrslitaleikirnir árin 1996 og 2000 réðust á gullmarki. Fyrsta gullmarkið á HM skoraði franski varnarmaðurinn Laurent Blanc í 16 liða úrslitum HM 1998 á móti Paragvæ á leið Frakkanna að heimsmeistaratitlinum á heimavelli. Síðasta gullmarkið skoraði Tyrki nokkur að nafni Ilhan Mansiz á móti Senegal í átta liða úrslitum HM 2002 í Japan og Suður-Kóreu. Mansiz tók aðeins þátt á einu heimsmeistaramóti með Tyrklandi en hann gerði það á eftirminnilegan hátt með þessu marki, stoðsendingu í öðru sögulegu marki og eftirminnilegum tilþrifum þar sem að hann fíflaði einn besta bakvörð sögunnar upp úr skónum. Hann átti svo eftir að snúa sér að allt öðrum hlutum þegar að fótboltaferlinum lauk.Tyrkir fagna gullmarki Mansiz og sæti í undanúrslitum.vísir/gettyMarkahæstur og landsliðssæti Ilhan Mansiz fæddist ekki í Tyrklandi heldur Vestur-Þýskalandi árið 1975. Hann fékk sitt fyrsta tækifæri sem unglingur hjá Köln en fór þá „heim“ til Tyrklands og varð að alvöru fótboltamanni hjá Samsunspor undir lok síðasta áratugs síðustu aldar. Mansiz var nokkuð öflugur markaskorari og árið 2001 fékk hann stóra tækifærið þegar að Besiktas keypti hann frá Samsunspor. Hann spilaði í þrjú ár með þessu tyrkneska stórveldi og skoraði 36 mörk í 66 deildarleikjum. Þessi eldfljóti framherji varð markakóngur tyrknesku úrvalsdeildarinnar tímabilið 2001/2002. Þessi árangur hans skilaði honum landsliðssæti og plássi í HM-hópi Tyrklands árið 2002 en á þeim tíma var tyrkneska landsliðið afskaplega gott og líklegt til afreka á HM 2002 í Japan og Suður-Kóreu. Það stóð líka undir væntingum og náði í bronsið. Mansiz byrjaði alla leikina nema einn á HM á bekknum enda spilaði Tyrkland bara með einn framherja og á undan honum var Hakan Sukur. Einn besti leikmaður í sögu Tyrklands.Eftirminnilegt mót Tyrkir rétt skröltu upp úr C-riðlinum með fjögur stig, jafnmörg og Kosta Ríka en fóru áfram á betri markatölu. Þeir lögðu Japan, 1-0, í 16 liða úrslitum og mættu svo spútnikliði mótsins, Senegal, í átta liða úrslitum. Senegal var búið að öðlast heimsfrægð fyrir sigur á heimsmeisturum Frakklands í fyrstu umferð riðlakeppninnar. Senegal komst einmitt í átta liða úrslitin með sigur á Svíþjóð í 16 liða úrslitum en sigurmarkið var gullmark Henri Camara í framlengingu. Harður leikur liðanna endaði með markalausu jafntefli eftir 90 mínútur og þurfti að grípa til framlengingar. Hún entist ekki lengi því að Mansiz, sem kom inn á sem varamaður fyrir Hakan Sukur á 67. mínútu, skoraði sigurmarkið á fjórðu mínútu framlengingarinnar og liðið komið áfram. Þetta var síðasta gullmarkið í sögu HM þar sem að það var afnumið í karlafótbolta eftir keppnina en notað á einu HM til viðbótar hjá konunum. Silfurmarkið var prófað í nokkur ár eftir þetta en það lifði ekki nógu lengi til að vera notað á HM 2006 í Þýskalandi. Mansiz var ekki hættur að láta til sín taka því að hann átti þátt í HM-meti sem stendur enn þann dag í dag. Hann fékk nefnilega byrjunarliðssæti í leiknum um bronsið á móti Suður-Kóreu og lagði upp fyrsta markið fyrir Hakan Sukur eftir ellefu sekúndur sem er fljótasta mark í sögu HM. Í undanúrslitunum bauð Mansiz upp á rosaleg tilþrif þar sem að hann fíflaði Roberto Carlos upp úr skónum en það var bara smá kirsuber á annars gómsæta HM-köku Ilhan Mansiz árið 2002.Úr takkaskóm á skauta „Ætlarðu út í þjálfun?“ er spurning sem fótboltamenn fá gjarnan þegar að ferlinum lýkur. Ljóst er að svar Ilhan Mansiz var svo sannarlega nei. Hann hætti í fótbolta árið 2007 og þá tóku allt aðrir hlutir við. Hann samþykkti að taka þátt í tyrkneskum sjónvarpsþætti ásamt kærustunni sinni þar sem frægir lærðu listdans á skautum og kepptu sín á milli. Þetta fannst parinu svo gaman og þau voru það góð að turtildúfurnar gerðu tilraun til að komast á Vetrarólympíuleikana í Sochi árið 2014 og Evrópumeistaramótið sama ár. Það tókst því miður ekki. Mansiz er stórstjarna í heimalandinu og keppti meðal annars í Survivor en fótboltaferilinn nánast dó árið 2004 þegar að hann var aðeins 29 ára og Besiktas lét hann fara. Tyrkinn var sjóðheit söluvara eftir HM 2002 en þrátt fyrir hæfileikana var hann greindur með sjúkdóm sem kom í veg fyrir að hann gæti beitt sér almennilega inn á vellinum. Fótboltaferilinn var svo endanlega búinn þegar að keyrt var á hann sem gangandi vegfaranda og hann varð fyrir alvarlegum hnémeiðslum árið 2007. Ilhan Mansiz staldraði stutt við á toppnum og í sviðsljósinu en hans verður um aldir alda minnst sem mannsins sem skoraði síðasta gullmarkið á HM.Vísir telur niður fyrir HM í knattspyrnu sem hefst í Rússlandi þann 14. júní. Íþróttafréttamenn Vísis munu fylgja íslenska landsliðinu eftir hvert fótmál ytra.Ilhan Mansiz með kærustu sinni á skautum.vísir/getty
HM 2018 í Rússlandi Tengdar fréttir 50 dagar í HM: Argentínumenn hafa áður fallið á prófinu í fyrsta leik Stórskrýtin rauð spjöld, skrautlegt mark og ein óvæntustu úrslitin í sögu HM. 25. apríl 2018 13:30 49 dagar í HM: Skoraði öll landsliðsmörkin á HM 1994 og er í hópi goðsagna Oleg Salenko er það eina jákvæða sem gestgjafar HM 2018 geta minnst í HM-sögunni. 26. apríl 2018 11:00 Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn KR kærir og segir KSÍ mismuna félögum Íslenski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Albert kynntur til leiks í Flórens Fótbolti Gull, silfur og brúðkaup Handbolti Fleiri fréttir „Gefur okkur bara meiri eld í það að taka stóra bikarinn“ „Við erum bikarmeistarar þannig það skiptir ekki máli“ „Blikaleikir eru aldrei búnir fyrr en það er búið að flauta af“ „Það sjá allir hve mikilvægir varamenn eru“ Uppgjörið: Sanngjarnt þegar Valskonur tryggðu sér bikarinn Zirkzee hetjan í sínum fyrsta leik Frönsku landsliðsmennirnir tryggðu PSG sigur í fyrsta leiknum án Mbappe Spánverji til Vestra þremur dögum eftir að glugginn lokaði „Við þekkjum hvort annað algjörlega út og inn“ Albert kynntur til leiks í Flórens Schmeichel skammar Shaw fyrir að spila á EM „Mikill fengur fyrir okkur að fá hana inn“ Man. City dottið niður í ellefta sætið yfir mestu eyðsluna Sjáðu mörkin úr ótrúlegri endurkomu FH í Keflavík og öll hin úr Bestu deild kvenna „Þetta eru náttúrulega tvö bestu liðin og dagsformið skiptir máli“ Sjáðu mörkin úr stórleiknum á Hlíðarenda „Hann var ekki fallegur drengurinn“ Ísland aldrei ofar á heimslistanum „Þetta er aðeins meira en bara fótboltaleikur“ Ten Hag um kaupin á öllum þessum Ajax mönnum: Ekki bara mín ákvörðun Íslenska fánanum flaggað í Flórens til að fagna komu Alberts „Ef ég get verið í stuttbuxum og bol væri það frábært“ Fresta bikarúrslitaleik karla til 21. september Faðir Yamals stunginn eftir rifrildi við hóp manna: „Verð að vera rólegri“ „Var kominn með hausverk á hliðarlínunni“ Hafa eytt fjörutíu milljörðum í fyrrum lærisveina stjórans Hænuskrefi frá hálfum milljarði og gæfu fyrir íslenskan fótbolta Fertug Fríða er alls ekki hætt Ed Sheeran eignast hlut í ensku félagi en frábiður sér kvart og kvein „Maður er bara stoltur af liðinu“ Sjá meira
50 dagar í HM: Argentínumenn hafa áður fallið á prófinu í fyrsta leik Stórskrýtin rauð spjöld, skrautlegt mark og ein óvæntustu úrslitin í sögu HM. 25. apríl 2018 13:30
49 dagar í HM: Skoraði öll landsliðsmörkin á HM 1994 og er í hópi goðsagna Oleg Salenko er það eina jákvæða sem gestgjafar HM 2018 geta minnst í HM-sögunni. 26. apríl 2018 11:00