Guðjón Pétur Lýðsson mun ekki yfirgefa herbúðir Vals eins og allt benti til í dag en þetta segir í tilkynningu frá Val í kvöld.
Guðjón Valur, sem var varamaður hjá Val gegn Fylki í þriðju umferð Pepsi-deildarinnar á sunnudag, vildi komast burt frá félaginu og nokkur lið vildu klófesta kappann.
KA og ÍBV gerðu tilboð í Guðjón sem voru samþykkt en einnig voru Breiðablik og KR sögð áhugasöm. Nú er það ljóst að hann verður áfram hjá Val eftir samtal milli hans og félagsins í kvöld.
„Eftir samtal félagsins og Guðjóns Péturs í kvöld hefur verið tekin endanleg ákvörðun um að leikmaðurinn verður ekki seldur frá Knattspyrnufélaginu Val,” segir í tilkynningu frá Val.
Valur er með fimm stig eftir þrjá leiki en liðið spilar við Stjörnuna á föstudag.
Guðjón Pétur áfram í Val
Tengdar fréttir
Ágúst Gylfa: Viljum Guðjón Pétur og erum að skoða fleiri möguleika
Blikar eru á fullu að reyna að landa leikmanni á lokadegi félagaskipta.
Guðjón Pétur vill yfirgefa Val
Guðjón Pétur Lýðsson hefur beðið um að yfirgefa herbúðir Íslandsmeistara Vals í Pepsi deild karla.
