Reiðir yfir konu í Battlefield V Samúel Karl Ólason skrifar 24. maí 2018 15:30 Konan umdeilda. Fjölmargir hafa brugðist reiðir við því að kona hafi birst í stiklu leiksins Battlefield V sem opinberuð var í gær en konuna má einnig finna veggspjaldi leiksins. Þá hefur einnig verið gagnrýnt að þeldökkur maður berjist í sömu sveit og áðurnefnd kona gegn þýskum nasistum á tímum seinni heimsstyrjaldarinnar. Gagnrýnendur hafa gripið til Twitter, Reddit og gert athugasemdir við myndbandið á Youtube. Gagnrýnin virðist að miklu leyti snúast að því að vera konunnar í leiknum angi af pólitískum réttrúnaði og skorti á sögulegri nákvæmni í nýjasta leik sænsku framleiðendanna Dice. Gagnrýnendur hafa notast við #NotMyBattlefield til að lýsa yfir vonbrigðum sínum og er það ekki í fyrsta sinn sem þetta kassamerki lítur dagsins ljós. Þegar Battlefield 1 leit dagsins ljós gripu margir til þess til að gagnrýna að þeldökkur maður væri á einu veggspjaldi leiksins. Sjá má stikluna hér að neðan.Þessi umræða er, svo það sé sagt hreint út, heimskuleg. Í fyrsta lagi er Battlefield V tölvuleikur og í fyrri leikjum seríunnar hafa framleiðendur þeirra aldrei lagt mikið upp úr því að leikirnir endurspegli söguna og fylgi reglum þess tíma sem leikurinn á að gerast til hins ýtrasta. Má þar sérstaklega nefna síðasta leik sem gerist í fyrri heimsstyrjöldinni. Þar tóku Dice sér mikið skáldaleyfi með vopn tímabilsins, farartæki og ýmis önnur atriði. Þá má benda á að konur tóku þátt í bardögum í seinni heimsstyrjöldinni, þó þær hafi ef til vill ekki verið gífurlega margar. Þar á meðal var rússneska leyniskyttan Lyudmila Pavlichenko sem sögð er hafa skotið minnst 309 nasista til bana í seinni heimsstyrjöldinni. Konur börðust einnig í frönsku andspyrnuhreyfingunni. Pólska konan Wanda Gertz barðist bæði í fyrri og seinni heimsstyrjöldinni. Þar að auki börðust fjölmargir þeldökkir menn í seinni heimsstyrjöldinni. Einnig má nefna leikinn Battlefield 2142, þar sem spilarar börðust í stærðarinnar vélmennum. Raunveruleiki hefur aldrei verið markmið Battlefield. Eins og einn af framleiðendum leiksins orðaði það á Twitter: „Við munum alltaf setja skemmtun ofar raunveruleika.“We will always put fun over authentic :) https://t.co/JGLfZh7CfO — Aleksander Grøndal (@Alekssg) May 24, 2018 Leikjavísir Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Fundu ástina á ný eftir skilnað Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið Sunneva og Tanja ræða lýtaaðgerðirnar sínar Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið
Fjölmargir hafa brugðist reiðir við því að kona hafi birst í stiklu leiksins Battlefield V sem opinberuð var í gær en konuna má einnig finna veggspjaldi leiksins. Þá hefur einnig verið gagnrýnt að þeldökkur maður berjist í sömu sveit og áðurnefnd kona gegn þýskum nasistum á tímum seinni heimsstyrjaldarinnar. Gagnrýnendur hafa gripið til Twitter, Reddit og gert athugasemdir við myndbandið á Youtube. Gagnrýnin virðist að miklu leyti snúast að því að vera konunnar í leiknum angi af pólitískum réttrúnaði og skorti á sögulegri nákvæmni í nýjasta leik sænsku framleiðendanna Dice. Gagnrýnendur hafa notast við #NotMyBattlefield til að lýsa yfir vonbrigðum sínum og er það ekki í fyrsta sinn sem þetta kassamerki lítur dagsins ljós. Þegar Battlefield 1 leit dagsins ljós gripu margir til þess til að gagnrýna að þeldökkur maður væri á einu veggspjaldi leiksins. Sjá má stikluna hér að neðan.Þessi umræða er, svo það sé sagt hreint út, heimskuleg. Í fyrsta lagi er Battlefield V tölvuleikur og í fyrri leikjum seríunnar hafa framleiðendur þeirra aldrei lagt mikið upp úr því að leikirnir endurspegli söguna og fylgi reglum þess tíma sem leikurinn á að gerast til hins ýtrasta. Má þar sérstaklega nefna síðasta leik sem gerist í fyrri heimsstyrjöldinni. Þar tóku Dice sér mikið skáldaleyfi með vopn tímabilsins, farartæki og ýmis önnur atriði. Þá má benda á að konur tóku þátt í bardögum í seinni heimsstyrjöldinni, þó þær hafi ef til vill ekki verið gífurlega margar. Þar á meðal var rússneska leyniskyttan Lyudmila Pavlichenko sem sögð er hafa skotið minnst 309 nasista til bana í seinni heimsstyrjöldinni. Konur börðust einnig í frönsku andspyrnuhreyfingunni. Pólska konan Wanda Gertz barðist bæði í fyrri og seinni heimsstyrjöldinni. Þar að auki börðust fjölmargir þeldökkir menn í seinni heimsstyrjöldinni. Einnig má nefna leikinn Battlefield 2142, þar sem spilarar börðust í stærðarinnar vélmennum. Raunveruleiki hefur aldrei verið markmið Battlefield. Eins og einn af framleiðendum leiksins orðaði það á Twitter: „Við munum alltaf setja skemmtun ofar raunveruleika.“We will always put fun over authentic :) https://t.co/JGLfZh7CfO — Aleksander Grøndal (@Alekssg) May 24, 2018
Leikjavísir Mest lesið „Þetta er enginn helvítis félagskvíði, það bara þolir mig enginn“ Áskorun Margverðlaunaður garður með sólskini allan daginn Lífið Fundu ástina á ný eftir skilnað Lífið Dóttir Snæfríðar og Högna komin með nafn Lífið Sjáðu myndirnar frá Ungfrú Ísland Lífið Búið spil Lífið Dró Antonio grunlausan með sér í Gamla bíó Lífið Sunneva og Tanja ræða lýtaaðgerðirnar sínar Lífið Svanhildur selur 500 fermetra höll í Akrahverfinu Lífið Sóldís Vala er Ungfrú Ísland Lífið