Konan sem féll við Gullfoss með alvarlega höfuðáverka

Þyrla Landhelgisgæslunnar var kölluð út að Gullfossi síðdegis í dag eftir að kona slasaðist við fall á göngustíg við fossinn.

Samkvæmt upplýsingum frá lögreglunni á Suðurlandi er ekki vitað um alvarleika meiðsla konunnar, en þyrlan er komin á staðinn og verður konan flutt til Reykjavíkur.

Uppfært 17:39 Lögreglan segir að konan sé erlendur ferðamaður. Hún hafi hlotið alvarlega höfuðáverka við fallið. Konan er sögð hafa fallið aftur fyrir sig þegar hún bakkaði fyrir myndatöku.