Persónuvernd gefur fimm grunnskólum frest til 15. ágúst til að bregðast við þriggja ára gömlu áliti stofnunarinnar um skráningu persónuupplýsinga í Mentor, að öðrum kosti geti komið til þess að skráning persónuupplýsinga í kerfið verði stöðvuð.
Persónuvernd komst að þeirri niðurstöðu 2015 að skráning persónuupplýsinga í Mentor bryti í bága við lög um persónuvernd.
Athugun stofnunarinnar beindist að mjög víðtækri skráningu persónuupplýsinga meðal annars um andlegt og líkamlegt heilsufar nemenda, jafnvel klæðaburð og framkomu foreldra þeirra.
Kröfur stofnunarinnar um úrbætur lúta að því að koma skráningu í lögmætt horf og gerð verklagsreglna um samræmda skráningu sem kveði á um hvaða upplýsingar skuli skrá, hverjum skuli birta þær og hvernig eftirliti skuli háttað.
Hóta að stöðva skráningar í Mentor

Tengdar fréttir

Notkun rafræns kennsluhugbúnaðar áhyggjuefni því upplýsingar um börn gætu ratað úr landi
Upplýsingarnar geti verið sendar úr landi án vitundar forráðamanna segir forstjóri Persónuverndar.