Facebook vill ekki ræða launamun kynjanna Þorbjörn Þórðarson skrifar 12. júní 2018 11:45 Sheryl Sandberg framkvæmdastjóri Facebook stýrir daglegum rekstri fyrirtækisins. Vísir/EPA Natasha Lamb, sem stýrir sjóði sem er hluthafi í Facebook, fær ekki áheyrn hjá stjórnendum fyrirtækisins því hún er ekki nógu „kurteis.“ Lamb lýsir raunum sínum í aðsendri grein í Financial Times. Sjóðurinn hennar, Arjuna Capital, hefur stýrt herferð til að setja þrýsting á 20 stærstu fyrirtækin í Bandaríkjunum til að taka á launamun kynjanna. Arjuna Capital er með 250 milljónir dollara í stýringu og er í samstarfi við mjög stóra fjárfesta í Facebook þar á meðal lífeyrissjóði í New York-fylki og Illinois. Önnur fyrirtæki vestanhafs hafa tekið athugasemdum sjóðsins alvarlega og hafa hitt Lamb á fundum til að ræða þessi vandamál tengd launamun kynjanna. Facebook hefur hins vegar virt Lamb að vettugi og er að hennar sögn fyrsta fyrirtækið sem það gerir. Starfsfólk Facebook hafi beðið þangað til daginn fyrir ársfund fyrirtækisins til að ræða við Lamb símleiðis. Lamb segir að hún hafi því á ársfundi Facebook nýtt tækifærið og lýst áhyggjum fjárfesta ekki aðeins af launamun kynjanna meðal starfsfólks Facebook heldur einnig getuleysi Facebook til að taka á falsfréttum, hatursáróðri sem blómstri á samfélagsmiðlinum og hvernig miðillinn hefur verið misnotaður til að hafa áhrif á úrslit kosninga. Lamb spurði á ársfundinum hvers vegna fyrirtækið hafi ekki svarað hluthöfum sínum. Mörg þúsund milljarðar af markaðsverðmæti Facebook þurrkuðust út í mars vegna frétta um að fyrirtækið Cambridge Analytica hefði misnotað persónupplýsingar 50 milljóna Bandaríkjamanna af Facebook. Lamb segir í grein sinni að stjórnendur Facebook, þeirra á meðal Mark Zuckerberg, hafi neitað að svara athugasemdum hennar á fundinum. Henni hafi hins vegar verið boðið að ræða einslega við Elliot Schrage sem er aðstoðarframkvæmdastjóri samskiptamála hjá Facebook. Schrage hafi tjáð Lamb að fyrirtækið neitaði að svara athugasemdum hennar því hún væri ekki nógu „kurteis.“ Facebook á sér nú þegar langa sögu um að virða að vettugi athugasemdir sjálfstæðra fjárfesta. Flókinn uppbygging hlutafjár í félaginu tryggir Marck Zuckerberg 53 prósent atkvæðisrétt í félaginu þrátt fyrir að hann eigi aðeins 14 prósenta hlut. Þetta er svipuð aðferðafræði og Google notar. Stofnendur hafa miklu meiri völd en hlutafjáreign þeirra segir til um. „Fjögur ár í röð hafa tveir þriðju hlutar sjálfstæðra fjárfesta greitt atkvæði með tillögu um að breyta samþykktum Facebook þannig að atkvæðisréttur í félaginu endurspegli hlutafjáreign með það fyrir augum að minnka völd Zuckerberg en hann hefur alltaf kveðið þessar tilraunir í kútinn. James McRitchie, hluthafi sem styður breytingar sem endurspegla atkvæðisrétt í samræmi við hlutafjáreign, sagði á ársfundinum að Facebook ætti á hættu á að breytast í fyrirtækjaeinræði (e. corporate dictatorship),“ skrifar Lamb. Hún segist hafa verið gáttuð á viðbrögðum Schrage sérstaklega í ljósi þess að framkvæmdastjóri Facebook, Sheryl Sandberg, hafi leitt hreyfingu til að valdefla konur með því að banna orðið "bossy". Hún segist ekki geta ímyndað sér aðstæður þar sem karlkyns stjórnandi hjá félagi hunsi karlkyns hluthafa með slíkri afsökun. Stjórnendur fyrirtækja láti margt flakka um fjárfesta eins og Bill Ackman og Carl Icahn, sem séu tilbúnir að vera með læti og rugga bátum en að þeir séu ekki nógu „kurteisir“ eða „indælir“ sé ekki eitt af þeim. Það sé staðreynd að Arjuna sjóðurinn sé lítill en lífeyrissjóður New York fylkis sé með 200 milljarða dollara í stýringu.Grein Natöshu Lamb í Financial Times. Mest lesið Átta sagt upp hjá Arion banka Viðskipti innlent „Myndi alveg segja að hjartað í mér hafi verið í buxunum“ Atvinnulíf Hagnaður félags Björns Braga dróst verulega saman Viðskipti innlent Icelandair hækkað um ríflega fjórðung Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Rúv tapað nærri hálfum milljarði á árinu Viðskipti innlent Spá verðbólgu undir fjórum prósentum á næsta ári Viðskipti innlent Ummæli seðlabankastjóra „skringileg“ Viðskipti innlent Icelandair fyrsta samstarfsflugfélag bandarísks risa Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Natasha Lamb, sem stýrir sjóði sem er hluthafi í Facebook, fær ekki áheyrn hjá stjórnendum fyrirtækisins því hún er ekki nógu „kurteis.“ Lamb lýsir raunum sínum í aðsendri grein í Financial Times. Sjóðurinn hennar, Arjuna Capital, hefur stýrt herferð til að setja þrýsting á 20 stærstu fyrirtækin í Bandaríkjunum til að taka á launamun kynjanna. Arjuna Capital er með 250 milljónir dollara í stýringu og er í samstarfi við mjög stóra fjárfesta í Facebook þar á meðal lífeyrissjóði í New York-fylki og Illinois. Önnur fyrirtæki vestanhafs hafa tekið athugasemdum sjóðsins alvarlega og hafa hitt Lamb á fundum til að ræða þessi vandamál tengd launamun kynjanna. Facebook hefur hins vegar virt Lamb að vettugi og er að hennar sögn fyrsta fyrirtækið sem það gerir. Starfsfólk Facebook hafi beðið þangað til daginn fyrir ársfund fyrirtækisins til að ræða við Lamb símleiðis. Lamb segir að hún hafi því á ársfundi Facebook nýtt tækifærið og lýst áhyggjum fjárfesta ekki aðeins af launamun kynjanna meðal starfsfólks Facebook heldur einnig getuleysi Facebook til að taka á falsfréttum, hatursáróðri sem blómstri á samfélagsmiðlinum og hvernig miðillinn hefur verið misnotaður til að hafa áhrif á úrslit kosninga. Lamb spurði á ársfundinum hvers vegna fyrirtækið hafi ekki svarað hluthöfum sínum. Mörg þúsund milljarðar af markaðsverðmæti Facebook þurrkuðust út í mars vegna frétta um að fyrirtækið Cambridge Analytica hefði misnotað persónupplýsingar 50 milljóna Bandaríkjamanna af Facebook. Lamb segir í grein sinni að stjórnendur Facebook, þeirra á meðal Mark Zuckerberg, hafi neitað að svara athugasemdum hennar á fundinum. Henni hafi hins vegar verið boðið að ræða einslega við Elliot Schrage sem er aðstoðarframkvæmdastjóri samskiptamála hjá Facebook. Schrage hafi tjáð Lamb að fyrirtækið neitaði að svara athugasemdum hennar því hún væri ekki nógu „kurteis.“ Facebook á sér nú þegar langa sögu um að virða að vettugi athugasemdir sjálfstæðra fjárfesta. Flókinn uppbygging hlutafjár í félaginu tryggir Marck Zuckerberg 53 prósent atkvæðisrétt í félaginu þrátt fyrir að hann eigi aðeins 14 prósenta hlut. Þetta er svipuð aðferðafræði og Google notar. Stofnendur hafa miklu meiri völd en hlutafjáreign þeirra segir til um. „Fjögur ár í röð hafa tveir þriðju hlutar sjálfstæðra fjárfesta greitt atkvæði með tillögu um að breyta samþykktum Facebook þannig að atkvæðisréttur í félaginu endurspegli hlutafjáreign með það fyrir augum að minnka völd Zuckerberg en hann hefur alltaf kveðið þessar tilraunir í kútinn. James McRitchie, hluthafi sem styður breytingar sem endurspegla atkvæðisrétt í samræmi við hlutafjáreign, sagði á ársfundinum að Facebook ætti á hættu á að breytast í fyrirtækjaeinræði (e. corporate dictatorship),“ skrifar Lamb. Hún segist hafa verið gáttuð á viðbrögðum Schrage sérstaklega í ljósi þess að framkvæmdastjóri Facebook, Sheryl Sandberg, hafi leitt hreyfingu til að valdefla konur með því að banna orðið "bossy". Hún segist ekki geta ímyndað sér aðstæður þar sem karlkyns stjórnandi hjá félagi hunsi karlkyns hluthafa með slíkri afsökun. Stjórnendur fyrirtækja láti margt flakka um fjárfesta eins og Bill Ackman og Carl Icahn, sem séu tilbúnir að vera með læti og rugga bátum en að þeir séu ekki nógu „kurteisir“ eða „indælir“ sé ekki eitt af þeim. Það sé staðreynd að Arjuna sjóðurinn sé lítill en lífeyrissjóður New York fylkis sé með 200 milljarða dollara í stýringu.Grein Natöshu Lamb í Financial Times.
Mest lesið Átta sagt upp hjá Arion banka Viðskipti innlent „Myndi alveg segja að hjartað í mér hafi verið í buxunum“ Atvinnulíf Hagnaður félags Björns Braga dróst verulega saman Viðskipti innlent Icelandair hækkað um ríflega fjórðung Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Rúv tapað nærri hálfum milljarði á árinu Viðskipti innlent Spá verðbólgu undir fjórum prósentum á næsta ári Viðskipti innlent Ummæli seðlabankastjóra „skringileg“ Viðskipti innlent Icelandair fyrsta samstarfsflugfélag bandarísks risa Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira